Flipping Death، مغامرة بين الموت و الحياة

[Lunar Poet]

كنت بحط رايي عن اللعبة في موضوع السويتش، لكن قررت احطه في موضوع منفصل بما ان فيه نقاش حالياً عن المكان الصحيح لمثل هالانطباعات.

اسم اللعبة: Flipping Death
الأجهزة: PS4, Switch, Xbox One, PC
موعد الاصدار: August 9 (متوفرة الآن)​

قبل اسبوعين تقريباً كنت أدور على لعبة جديدة ألعبها على السويتش، و حصلت لعبة Featured في الاي شوب ما سمعت عنها من قبل اسمها Flipping Death.

سويت بحث بسيط و لقيت ان اللعبة متوفرة على جميع الاجهزة، و بمراجعات ممتازة (٨٣ على ميتاكريتك).
اللعبة هي لعبة أدفنشر (بوينت اند كليك في بعض القواميس، لكن هالوصف غير دقيق هنا لأن اللعبة مصممة لتحكم الكنترولر) صدرت مؤخراً لجميع أجهزة الكونسول. اللعبة تحكي قصة فتاة (Penny) تعرضت لحادث مؤسف أدى إلى وفاتها، و في عالم الأموات تقابل الموت نفسه و اللي بسبب غلطة يعتقد إنها جاية تاخذ مكانه مؤقتاً بما انه طالع إجازة.
أثناء تقمصها لشخصية الموت، تكتشف بيني إنها اكتسبت قدرات خارقة مثل قراءة الأفكار و التحكم بأجساد الأحياء. هالقدرات هي محور القيمبلاي و الألغاز في اللعبة.

اللعبة كوميدية و التمثيل الصوتي فيها ممتاز جداً، و مليانة ألغاز مضحكة مثل ما هو متوقع من أغلب ألعاب الأدفنشر. أنصح بها كخيار للي يبي لعبة أدفنشر جيدة للكونسولز خاصة لأنها مبنية على تحكم الكنترولرز بما إن أغلب ألعاب الجنرا مبنية للـPC في الأساس و تستخدم تحكم الماوس أو البوينت أند كليك.

​

 

[Aia]

يعطيك العافيه يوسف، الموضوع مختفي بين كثرة المواضيع بس بيساعد كثير لو تحط تاق "الموضوع الرسمي".
أحب الألعاب اللي كذا تذكرني بـTrine كثير، بكم سعرها؟

 

[Lunar Poet]

يعطيك العافيه يوسف، الموضوع مختفي بين كثرة المواضيع بس بيساعد كثير لو تحط تاق "الموضوع الرسمي".
أحب الألعاب اللي كذا تذكرني بـTrine كثير، بكم سعرها؟

الله يعافيك. سعرها 20 دولار.
اللعبة ما تشبه Trine، هي أشبه لمونكي آيلاند و ألعاب تل تيل.

بالنسبة لتاق الموضوع الرسمي، فكرت في هالشي لكن ما حطيته لأن في راسي فكرة ان الألعاب اللي تحصل مواضيع رسمية هي الألعاب الكبيرة و اللي محتاجة موضوع رسمي لنقاشها. Flipping Death هي مجرد لعبة صغيرة استمتعت بها و حبيت أشارك انطباعي عنها عشان لو فيه شخصين أو ثلاثة مهتمين ممكن ألفت نظرهم لها (و هو النوع من الانطباعات اللي في العادة نكتبه في موضوع السويتش)، لكن صراحة ما أتوقع فيه كثير كلام ممكن نتناقش فيه عنها أكثر من اللي آلريدي قلته في الموضوع، لذلك تجنبت إني أخلي الموضوع "رسمي". ممكن فكرتي غلط؟ أحسن نتناقش في الموضوع.

خلصت اللعبة قبل شوي على فكرة. تقريباً خذت 5-6 ساعات للقصة الرئيسية. اللعبة فيها مهمات جانبية للي يبي منها قيمة أكثر.

 

[abdullah-kh]

الله يعافيك. سعرها 20 دولار.
اللعبة ما تشبه Trine، هي أشبه لمونكي آيلاند و ألعاب تل تيل.

بالنسبة لتاق الموضوع الرسمي، فكرت في هالشي لكن ما حطيته لأن في راسي فكرة ان الألعاب اللي تحصل مواضيع رسمية هي الألعاب الكبيرة و اللي محتاجة موضوع رسمي لنقاشها. Flipping Death هي مجرد لعبة صغيرة استمتعت بها و حبيت أشارك انطباعي عنها عشان لو فيه شخصين أو ثلاثة مهتمين ممكن ألفت نظرهم لها (و هو النوع من الانطباعات اللي في العادة نكتبه في موضوع السويتش)، لكن صراحة ما أتوقع فيه كثير كلام ممكن نتناقش فيه عنها أكثر من اللي آلريدي قلته في الموضوع، لذلك تجنبت إني أخلي الموضوع "رسمي". ممكن فكرتي غلط؟ أحسن نتناقش في الموضوع.

خلصت اللعبة قبل شوي على فكرة. تقريباً خذت 5-6 ساعات.

بهذه الحالة استخدم تاج "متأخر عن الحفلة" لأنه أبعد من الموضوع الرسمي وأقرب إلى الرأي.

 

[Lunar Poet]

بهذه الحالة استخدم تاج "متأخر عن الحفلة" لأنه أبعد من الموضوع الرسمي وأقرب إلى الرأي.

لكني مب متأخر عن الحفلة. اللعبة لا تزال جديدة (نزلت الشهر الماضي).

 

[abdullah-kh]

لكني مب متأخر عن الحفلة. اللعبة لا تزال جديدة (نزلت الشهر الماضي).

هو مش مقصود فيه القدمية فقط، بل إذا واحد يبغى يعطي رأي موجه للعبة لا موجود بالموضوع الرسمي (إذا كان فيه) أو يبغى يفصل برأيه الخاص ليكون مميز ولافت أكثر.

 

[Tia]

لذلك تجنبت إني أخلي الموضوع "رسمي". ممكن فكرتي غلط؟

أنا أفتح مواضيع رسمية لـ ألعاب صغيرة على قولتك و بمستوى مجهودك الذي تشكر عليه في هذا الموضوع و أشوف موضوع رسمي للألعاب حتى لو ما لاقى اقبال وقت ما ينطرح الا منك و من أثنين غيرك يكون لك و للزمن يمكن بعد كم سنة تشوف كم واحد يلعبها و يشارك إنطباعه في موضوعك المخصص للعبة هذي. أنا بأمانة حاط عيني عليها من فترة و أقنعتني اخذها ان شاء الله و حاب يكون هذا موضوع رسمي اشارك فيه لما العبها بالإنطباعات.

و بما انك اولريدي واضع معلومات الإصدار و كلام يعرف عن اللعبة يصلح لموضوع رسمي.^^

القرار راجع لك في الأول و الأخير طبعاً و بشارك بإنطباعاتي هنا في كلا الحالتين.

 

[mario0o]

تسلم عالانطباعات
من الالعاب اللي كنت متحمسلها من اول ما تم الكشف عنها للسويتش.
من زحمه الالعاب عندي حاطنها في الويش ليست
اذا خلصت الالعاب اللي عندي او شفت عليها تخفيض باخذها ان شالله

 

[leader_e]

متردد اخذها ولا لا تجربتي مع الجزء الأول جدا سيئة .. لكن انطباعاتك تحمس