انهيت اللعبة قبل قليل ومتحسف لاني كنت ابغا اهدي اللعب وما احرق فيها و اخلصها لكن ماقدرت اقاوم صراحة
افضل جزء بالسلسلة بدون كثر كلام و حذكر اهم عنصر فيها وهو الكومبات ، القصة و التويستات وباقي الاشياء اترك لك متعة استكشافها ولكن من واحد لعب كل اجزاء DMC هاذي اقواهم فالقصة
- تنوع اللعب ، اللعبة فيها تنوع حلو بالشخصيات فتلاقي مرحلة تلعب بنيرو اللي بعدها V شوية نيرو بعدين دانتي في مراحل يخيرك بينهم مما يخليك ترجع تلعب المهمة مرة ثانية وثالثة عشان تعرف اش صار مع باقي الشخصيات وهذا شي حلو و يطول من عمر اللعبة
- الكومبات ، لكل شخصية عالم لحاله من الكومبوز و الحركات الرايقة و اسلوب اللعب مختلف تماماً بين كل واحد والثاني
نيرو : تقدر تسحب اي وحش او تروح له بال Devil breaker ، عنده 8 انواع منها كل وحدة لها ابيلتيز ولكل وحدة اسلوب لحاله و اتسونو ذكي انه خلاها تتكسر ، عشان يجبرك تجرب وتنوع فلعبك وتستخدم ال8 كلها وما تعلق على ال " Punch line " لاني عارف انه كلكم حبيتوها
هذا اهم ما يميز نيرو اما السيف و الماجنوم نفس الرابع ولكن بتحسينات و حركات جديدة
V : اذا احد سألني شخص ايت افضل شخصية عندي فحيكون هو بكل تأكيد
اسلوبه جديد وكذا يعطيك شعور غريب على لعبة اكشن فتلاقي الوحش تجيه رعود من جهة و shadow ينخر فيه من تحت و nightmare جالس يلكم فيه و انت بعيد تستنى بار حياته يخلص عشان تطعنه
دانتي
: اكثر واحد ستايلش فيهم ، و اكثر واحد عنده اسلحة فيهم ، اذا نظامك اقتل امشي فدانتي حيتعبك وحيكون اصعبهم ، لكن دانتي يقلك "اتفنن " لمن تمكس بين الاستايلز مع الكومبوز حتعرف ليش دانتي سبيشل ، خاصة للجداد عالسلسلة
السلبيات : هي سلبية وحدة مالقيت غيرها ، وهي تشابه تصميم المراحل ، يعني لو اقلك فاكر ميشن 15 مثلاً حتفتكر البوس ممكن لكن المرحلة لا وهاذي تأقلمت معاها مع الوقت
فيه امور كثير ماتكلمت عنها زي انيميشن الوجوه و الجرافكس الجبار و الاداء الصوتي للشخصيات والحوارات ووو..إلخ
فالنهاية اقدر اقول ان كابكوم قدمت لنا عمل يليق بإنتظار 10 سنوات
