hits counter

CoD 4 | الموضوع الرسمي

Dante

True Gamer
00ca825e08.png


المطور: Infinity Ward
الناشر : Activision
تاريخ اصدار اللعبة :
US: November 5, 2007 >>> باقي تقريباً شهر الا اسبوع
Europe: November 2, 2007
Australia: November 7, 2007

الاجهزة الصادرة عليها : Xbox360,PlayStation 3, PC


اللعبة ابتعدت عن الحرب بين المانيا وروسيا واتجهت للشرق الاوسط ,, حتى الحين مانعرف الحرب بين مين ومين بالضبط ولكن في الديمو الي صدر على الـpc كانت البداية فيه بخريطة العالم وبالتحديد الجزيرة العربية وبالتحديد الجهة الجنوبية من المملكة العربية السعودية ,, المتوقع ان تكون الوجهة المقصودة هي جدة ,, اللعبة في هذا الجزء اخذت بعض الطابع العربي وحطته فيها , مثل اللثمة بالشماغ على بعض الشخصيات وبصراحة جاية مضبوطة :smile: ,, كل الي اقوله بانتظار اللعبة


نقاط عن اللعبة :
1- الافضل بطور الملتي بلاير مع هيلو3 ,, من تجربتي للبيتا اعطي الـMP 10\10 .
2- أفضل لعبة تعطيك جو الحرب العالمية بشكل واقعي متقن .
3- اللعبة منظور شخص اول >> ماتوقع احد مايعرف بس للتذكير .
4- الـMP فيه نظام الـ Challenges وفيه برضوا Leaderboards وهذا راح يزيد الحماس للعبة


صور للعبة :



للمزيد
 
التعديل الأخير:

hussien-11

Senior Content Specialist
يعطيك العافية دانتي
جاري تحميل الديمو ..
عموما اللعبة بلا شك بتكون من المنافسين على الـGotY

 

Conqueror

True Gamer
the demo was not as good as i expected but it was good. My team mates could have used more AI

anyways i dont think i will be getting the full version, the game is against my idealogy :)

some thing that made me laugh is that whoever i was fighting were calling me khenzeer amrekee :p these Americans know themselves lol
 

MALDINI

True Gamer
اللي كنت اتمناه ان القصه تكون بعيده عننا .. لول الاحداث اللي تصير بالمنطقه نشوفها اثرت على كثير من الالعاب في الوقت هذا .. على العموم منيب حارم نفسي منها بالأخير هي لعبة .. واعتقد راح يكون افضل جزء لها هذا .. بس خل الــ 360 حقي يزين اول -___-

مشكور
***
 

BioMario

مصمم
لين الحين متردد في شرائها مع اني مجنون هذي السلسلة ..
شكراً اخوي ..
 

M 7 L

True Gamer
يعطيك العافية فعلاً اللعبة من العروض ومن كلام الشباب إلي جرّبوها حمااااس جداً وبانتظارها مع أني يوم من الأيام كنت أقول ما في أمل COD توصل لمستوى MOH لكن شوف كيف الزمن قلب الموازين بالكامل . . .

انا مقاطعها :).

السبب !!
 

Da S.O.S

True Gamer
هل طلع خبر جديد عن موضوع الآيات شباب؟
 

King Wario

True Gamer
CoD 4 > halo 3 ...

مع انه كان مجرد بيتا بس كان شي خرافي ...
 

Tomb raider

True Gamer
لين الحين متردد في شرائها مع اني مجنون هذي السلسلة ..
شكراً اخوي ..
لول لا تنسى ردك هذا
مع اني كنت متحمس للعبة جداً جداً ..
لكن خلاص مارح اشترية و خليها حقهم سبحان الله الطيور على اشكالها تقع ..
إلي اقدر اقولة ان انفينتي وورد فرق في قمة الحقارة الصراحة كرهته كرة موب طبيعي ..
في العاب FPS تمسح كول اوف ديوتي مسح طبعاً ..

الصراحة اي مسلم يعرف ان اللعبة هذي موسيئة للإسلام و ياخذها اقدر اقوله ما عنده دم ^_^ ..
بعد هذا الكلام المكتوب في اول ردي
.
 

hussien-11

Senior Content Specialist
مع انه اللعبة ما بشتريها ، و ما أتقبل فكرتها
لكن بكل صراحة
أحسن ديمو جربته بحياتي ، لعبة مذهلة جدا ، جدا جدا جدا !!
لول يوم ما تستخدم البازوكا ، انا صرت هيك : :gasp::gasp::gasp:
الفيزكس ، المؤثرات ، الإضاءة ، كل شي
و احلى شي نعومة الفريم ريت !
شي عظيم .
في العاب FPS تمسح كول اوف ديوتي مسح طبعاً ..
للأسف ، ما في
 

Emirates

True Gamer
لول يوم ما تستخدم البازوكا ، انا صرت هيك : :gasp::gasp::gasp:


نفس الاحساس اللي جاني لما استخدمت البازوكا

كول اوف ديوتي 4 من اروع ما شاهدت في عالم الفيرست بيرسن

ومشكور على الموضوع​
 

hussien-11

Senior Content Specialist
مو بس هيلو3 ، بكل صراحة و بعد الديمو الخرافي
CoD4 >>> كل ألعاب الـfps التانية !!
 

The Shark

True Gamer
اللعبة لولا الي فيها كان صارت أكثر لعبة مهتم بيها السنة .. خصوصا إن كل العروض و الاستعراضات تدل على إن اللعبة أسطورة ...
على العموم اللعبة راح تنزل في شهر نوفمبر فإذا قضيت من ماس ايفيكت و كين آند لينتش و اسسنز كريد اشوف وضع كول أوف ديوتي 4 اشتريها و لا لأ ...
 

Solay

Double Jumper
سوري ماراح اشتريها والكل يعرف السبب

عموما اللي يقول انها احلى من هالو3 أقول له يمكن من ناحية السينجل بلاير أما من ناحية الملتي

سلملي عليها بس...
 

Ginko

Banned
لول، هالو قاعده في قلوب البعض.

عموما اباخذها بس عشان السنغل بلاير.
 

Humam

True Gamer
سوري ماراح اشتريها والكل يعرف السبب

عموما اللي يقول انها احلى من هالو3 أقول له يمكن من ناحية السينجل بلاير أما من ناحية الملتي

سلملي عليها بس...

بالله دف لي النسخة الي عندك طالما خلصتها.
 

ASWD

True Gamer
ان شاء الله ينزل ديمو لنسخة الكونسلز قريب

ناطرها..باخذها مع انشارتد ان شاء الله
 

King Wario

True Gamer
سوري ماراح اشتريها والكل يعرف السبب

عموما اللي يقول انها احلى من هالو3 أقول له يمكن من ناحية السينجل بلاير أما من ناحية الملتي

سلملي عليها بس...

خخخخخخ يالحبيب احنا جربنا الملتي ما جربنا السنجل
 

squall leonhart

True Gamer
مو بس هيلو3 ، بكل صراحة و بعد الديمو الخرافي
CoD4 >>> كل ألعاب الـfps التانية !!
طيب انت جربت هيلو 3 اصلا و لا بس ترمي كلام يا حسين ؟

لول، هالو قاعده في قلوب البعض.

عموما اباخذها بس عشان السنغل بلاير.

من حد المشكله اي واحد يجرب هيلو 3 و لو لمدة 10 دقيايق بيعرف انها افضل ملتي على الاطلاق .. جهد جبار جدا الي عملته بانجي ما خلت اي ناحية الا ركزت عليها و طورتها و اهم شي الاشياء الصغيره Small things that matter ..

COD 4 رح اخذها انشاء الله اذا ما كنت مشغول بالدراسه لما تنزل او أجلها لين اقرب اجازه ..
 

Ammar_R

True Gamer
من حد المشكله اي واحد يجرب هيلو 3 و لو لمدة 10 دقيايق بيعرف انها افضل ملتي على الاطلاق .. جهد جبار جدا الي عملته بانجي ما خلت اي ناحية الا ركزت عليها و طورتها و اهم شي الاشياء الصغيره Small things that matter ..
كلام سلييييييييييييييييييييييييييييم ...
أنا كمثال .. آخر شي كنت أتوقعه إني اقعد طوال وقتي العب فيها .. من قبل رمضان أنا مخطط إنو في العيد دا بلعب
1- جاك اند داكستر1
2- prey
3- كندمند

إلا الان مابدأت في ولا وحدة منهم !
دوبي قال بجرب ارجع لكاونتر سترايك على البيسي .. ه اقرب من اللي ضدي واضغط رز الماوس اليمين ابغاه يسوي melee attack :yuck: ...

خخخخخخ يالحبيب احنا جربنا الملتي ما جربنا السنجل
كإنكم فهمتوا الرجال غلط .. أظن قصدو يقول إنو الملتي بلاير حق هيلو 3 هوا الأفضل بلا منازع ...
 

Khalid-S

Executive Member
كل واحد وله ذوقه ورايه .. انا لعبت هيلو والمولتي بشكل مو بسيط مع الشباب ... ولعبت الديمو حق كول اوف دوتي .. وفرق كبييييييير في المتعه .. هيلو ما حسيت فيها فن لدرجه جيده .. هي فيها فن واحتراف بس عامل "الصدف" مو بسيط فيها ..

غير اني اشوفه "مطور" من مولتي Halo 2 .. اضافات اسلحة .. مرات .. مود جديد .. تسجيل ... يعني enhancement. لدرجه ان حتى الفانز ما يبون يلعبون الا المراحل القديمة لكن HD .. -ـــ-

اما CoD 4 تختلف كليا عن مولتي CoD 2, CoD 3 ...

لاهي قاعده على قلوبنا ولا شي ... لكن شي يقهر لمن تشوف العاب جميلة تصدر .. و"مولتي هيلو" ماخذ الجو كله منها ... تيم فورترس ما اخذت حقها ابدا من الناس ... ونفس الشي كول اوف دوتي ما بتاخذ والالعاب الي بتصدر.
 

Xeno

True Gamer
كل واحد وله ذوقه ورايه .. انا لعبت هيلو والمولتي بشكل مو بسيط مع الشباب ... ولعبت الديمو حق كول اوف دوتي .. وفرق كبييييييير في المتعه .. هيلو ما حسيت فيها فن لدرجه جيده .. هي فيها فن واحتراف بس عامل "الصدف" مو بسيط فيها ..
شدعوة ماريو كارت... الصدفة تصير إذا اثنين تجمعوا عليك فديث ماتش, وحتى هذي ممكن الخروج منها.
لاهي قاعده على قلوبنا ولا شي ... لكن شي يقهر لمن تشوف العاب جميلة تصدر .. و"مولتي هيلو" ماخذ الجو كله منها ... تيم فورترس ما اخذت حقها ابدا من الناس ... ونفس الشي كول اوف دوتي ما بتاخذ والالعاب الي بتصدر.
الزين يفرض نفسه.

حتى اللي دخل هيلو 3 فالموضوع مش الفانز, لكن الزين شيسوي. :kiss:
 

hussien-11

Senior Content Specialist
طيب انت جربت هيلو 3 اصلا و لا بس ترمي كلام يا حسين ؟

خخخ جربتها ، بس انت يا ترى هل جربت CoD4 ؟ تراها ( من الديمو ) شي خرافي ياخي ، خرافي ! ، لول ، بكرا بتصدر و بتشوفوا .
 
أعلى