الموضوع الرسمي Castlevania: Lords of Shadows | من تطوير كوجيما!!

[Taz'dingo]

عموماً عشان نقطع سالفة كوجيما نهائياً: هي راس مالها مزحة, كوجيما شغلته في اللعبة مجرد اشراف فني وإداري للعبة. هو الي اقترح كونامي تنشر اللعبة وهو الي اقترح انها تتسمى كاسلفينيا وأظن كان له توجيهات في الماركتينج وغيرها من الاشياء البسيطة للفريق المطور. فريق كوجيما برودكشن ساهم بشكل بسيط في تطوير اللعبة. لكن في نهاية المطاف ان كانت اللعبة ممتازة أو سيئة, السبب يعود أولاً وأخيراً لفريق ميركوري ستيم لأن اللعبة لعبته وهو الي طورها من البداية للنهاية.

1+ انت تعجبني , شكرا على الموضوع

 

[Taz'dingo]

محتوى مخفي: Artwork

 

[Raziel]

قبل شوي قاعد أقرأ مراجعة 1UP اللي أثنى عليها دافيد كوكس وقال بالتويتر (دايماً محترفين :laugh:
استوعبت معلومة أكرهها جداً في جميع ألعاب الهاك-إن-سلاش ..

اللعبة تحتوي على تشابترز !!!
مليت وأنا أقول فكرة وضع تشابترز بمثل هالألعاب أوتديتد بقووة , لعدة أسباب أولاً يزيد من درجة خطيتها
ثانياً والأهم يقتل الحماس ومتعة الجيمبلاي خصوصاً إذا توقيته سيء زي (بايونيتا) مايمديك تستمتع بالأكشن
والاستكشاف والتنقل إلا وتفاجئ بتشابتر وعرض جديد !!

1UP مراجعتهم فيها كذا سبويلر خفيف تاكله وأنت تقرأ مثل عدد التشابترات ومدة أول 4 تشابترات ، وصف دقيق لبعض
المراحل ، بعض المطاليب لإنهاء تشابتر معين .. إلخ

أكثر شيئين لاحظت المراجعة امتدحته بشكل مسرف :
- الـpacing باللعبة لدرجة يقول أن الانتقال مابين الاسكشاف إلى المعارك ماراح تلاحظه من السرعة بتسلسل الأحداث .
- المظهر والأتموسفير , وصل الحال فيه لوصف مرحلة بتفاصيل ممكن تحرق على الواحد :sadwalk:

لكنه رجع وانتقد أشياء توقعتها على صياغة اللعبة بشكل تشابترز مثل أن الاستكشاف محدود ومحدد لدرجة أن باقي
أجزاء الليفل مجرد خلفيات مصبوغة خخخخـ .

بالإضافة إلى جانب البلاتفومر ماكان متقن وأبرز المشاكل تظهر مع التعلق بالحواف (صعب)
تقريباً نفس انتقاد GT بمراجعتهم , أيضاً القفز بين منصتين غير متقن وتصير حالات سقوط كثيرة
ولكن لحسن الحظ فيه auto-save باللعبة كثير ومتكرر وبيسوي لك ريسباون بموقع قريب للي مت فيه :laugh::

بالنهاية المراجع قال أن كاسلفينيا لورد أوف شادوز صحيح ماراح تكون أفضل من SotN كأفضل لعبة كاسلفينيا
ولكن بالتأكيد قضت على فكرة "مافي 3D كاسلفينيا كويسه" وأيضاً تأكيد على أن ميركوري ستيم في الطريق السليم .

 

[Chris Van Dam]

اللعبة وصلت الامارات من امس .

 

[G7Ga7]

مبروك شباب الامارات. على التوقيت كالعادة ما شاء الله على محلاتكم.

فيديو اونبوكسينق لنسخة اللمتد ادشن:
[video=youtube;l8C7GPr4lX0]http://www.youtube.com/watch?v=l8C7GPr4lX0[/video]

 

[nbnt]

أفضل موضوع رسمي من فتره طويله جداً :laugh::

فيديو اونبوكسينق لنسخة اللمتد ادشن:
[video=youtube;l8C7GPr4lX0]http://www.youtube.com/watch?v=l8C7GPr4lX0[/video]

غلاف اللمتد > غلاف النسخه العاديه ... لو حصّلت اللمتد بسعر معقول هنا يمكن أقضم

الى الآن ماقررت شراء اللعبه أول يوم او السحب عليها لفتره طويله, انتظر انطباعات الشباب مع تحليل وافي لنسختين الاكس والبلاي من ناحية الفريم ريت.

 

[Golden_Sun]

لول.. قزرتوها على كوجيما، وايجراشي مسكين محد معَبرَه!
خلاص كاسلفينيا عليها لعنه مستحيل تكون لعبة ثري دي 'سنعه' ستظل للأبد محبوسه في الـ'تو دي'

 

[Jonas]

خلاص كاسلفينيا عليها لعنه مستحيل تكون لعبة ثري دي 'سنعه' ستظل للأبد محبوسه في الـ'تو دي'

المراجعات تقول العكس

 

[Snake-87]

بتنزل بيوم ميلادي---> يدور عذر .. هدية ؟ :whistle:

 

[Sea.roOock]

ماكنت معطي العبه حقها ابدااا ,, اول ماشفت العرض حق tgs تحمست العبه من النوع اللي مليان عروض سينمائيه وهذا هو الشي اللي يحببني بالاعاب
اول ماحصلها بشتريها العبه مبشره بالخير .

 

[TH3 PHENOMENA]

افضل موضوع رسمي :laugh:: .

نزل الديمو على الماركيت بليس الامريكي للمهتم ..

 

[Super Shadow]

افضل موضوع رسمي :laugh:: .

نزل الديمو على الماركيت بليس الامريكي للمهتم ..

جاري التنزيل ، حمد الله أنه نزل على وقته :laugh::

 

[G7Ga7]

نسخة البي اس 3 موجودة في الخبر. حالياً انتظر الفيدباك منكم عن نسخة الاكس بوكس وهل هي افضل من نسخة البي اس 3 عشان انتظر زيادة, أو اطلع اتوكل على الله واشتريها الآن.

 

[Mesharey]

نسخة البي اس 3 موجودة في الخبر. حالياً انتظر الفيدباك منكم عن نسخة الاكس بوكس وهل هي افضل من نسخة البي اس 3 عشان انتظر زيادة, أو اطلع اتوكل على الله واشتريها الآن.

على حسب IGN ان ..

The game runs more smoothly on the PlayStation 3.

النسختين فيهم الفريم ريت ينزل مرات لكن نسخة البلاي ستيشن أفضل ..
وإذا يهمك نسخة الاكس بوكس 2 DVDs ..

 

[Mute City]

زين الديمو وصل علشان نحكم بأنفسنا إننا نستحق نشتريه ولا ما نستحق نشتريها

 

[Brewmaster]

زين الديمو وصل علشان نحكم بأنفسنا إننا نستحق نشتريه ولا ما نستحق نشتريها

بدري له اسبوع

 

[Painkiller Q8]

شباب الكويت .. اللعبه موجوده في مجمع الرحااااااااااااااااااااب XBOX 360

برررررب

 

[Mute City]

بدري له اسبوع

لي أسبوع معزول عن العالم الخاجي في الايف

 

[hussien-11]

الشباب الي بيشتروا اللعبة أعطونا انطباعاتكم بوقت قريب ، خلينا نعرف اللعبة بتسوى و لا ما بتسوى الشراء في الوقت الحالي .

 

[Rare Games]

شباب نسخه الاكس بوكس فري ريجن ؟

جهازي اوروبي

 

[iCon]

خلصت اول شابترين في اللعبه.

ما استغرب من المواقع اللي اعطتها ٨ لاني ما اشوف انها تستاهل اكثر.
بحكم انها اول لعبة كاسيلفينا بالنسبه لي فما اقدر اقول لو انها محافظه على اجواء السلسله او لا.

+ جرافيكس ممتاز و مقاطع سينمائيه رهيبه.
+ سوندتراك مناسب جدا من اجواء اللعبه و خصوصا مع الزعماء.
+ نظام تطوير جيد لحركاتك و الاسلحه و السحر اللي معاك.
+ من امس و انا العب اللعبه و ما خلصت الا شابترين و اللعبه فيها اكثر من ١٢ شابتر فشكلها طويله جدا.
+ نظام القتال جيد و قريب نوعا ما من GoW
+ الزعماء ( على الاقل اول اثنين منهم ) بتعيش معاهم لحظات من SoTC.

- الكاميرا احيانا تصير مزعجه و ما تقدر تعرف تلعب بسببها ( ٩٠٪ من المرات اللي مت فيها كان بسببها و مرات ما تعرف وين المفروض انك تروح )
- قليل جدا ما تلقى مكان تاخذ منه Health.

اعذروني شباب على الاسلوب اللي كتبت فيه الانطباعات بس لاني مب متعود بالعاده اكتب انطباعات و دايما اختصر رائي في الالعاب على اساس انها جيده او لا

 

[Zero]

تسلم آيكون، لكن ليش ما تذكروا تفاصيل لما تكتبوا انطباعات؟ ترى تقول لنا اللعبة كذا وكذا بدون ما تذكر السبب ما نستفيد شيء.

تعديل: أوكي مو مشكلة :xd:

 

[emperor-UAE]

شباب نسخه الاكس بوكس فري ريجن ؟

جهازي اوروبي

على حد علمي نعم اللعبه ريجن فري

 

[Khalid]

قبل شوي قاعد أقرأ مراجعة 1UP اللي أثنى عليها دافيد كوكس وقال بالتويتر (دايماً محترفين :laugh:
استوعبت معلومة أكرهها جداً في جميع ألعاب الهاك-إن-سلاش ..

اللعبة تحتوي على تشابترز !!!
مليت وأنا أقول فكرة وضع تشابترز بمثل هالألعاب أوتديتد بقووة , لعدة أسباب أولاً يزيد من درجة خطيتها
ثانياً والأهم يقتل الحماس ومتعة الجيمبلاي خصوصاً إذا توقيته سيء زي (بايونيتا) مايمديك تستمتع بالأكشن
والاستكشاف والتنقل إلا وتفاجئ بتشابتر وعرض جديد !!

1UP مراجعتهم فيها كذا سبويلر خفيف تاكله وأنت تقرأ مثل عدد التشابترات ومدة أول 4 تشابترات ، وصف دقيق لبعض
المراحل ، بعض المطاليب لإنهاء تشابتر معين .. إلخ

أكثر شيئين لاحظت المراجعة امتدحته بشكل مسرف :
- الـpacing باللعبة لدرجة يقول أن الانتقال مابين الاسكشاف إلى المعارك ماراح تلاحظه من السرعة بتسلسل الأحداث .
- المظهر والأتموسفير , وصل الحال فيه لوصف مرحلة بتفاصيل ممكن تحرق على الواحد :sadwalk:

لكنه رجع وانتقد أشياء توقعتها على صياغة اللعبة بشكل تشابترز مثل أن الاستكشاف محدود ومحدد لدرجة أن باقي
أجزاء الليفل مجرد خلفيات مصبوغة خخخخـ .

بالإضافة إلى جانب البلاتفومر ماكان متقن وأبرز المشاكل تظهر مع التعلق بالحواف (صعب)
تقريباً نفس انتقاد GT بمراجعتهم , أيضاً القفز بين منصتين غير متقن وتصير حالات سقوط كثيرة
ولكن لحسن الحظ فيه auto-save باللعبة كثير ومتكرر وبيسوي لك ريسباون بموقع قريب للي مت فيه :laugh::

بالنهاية المراجع قال أن كاسلفينيا لورد أوف شادوز صحيح ماراح تكون أفضل من SotN كأفضل لعبة كاسلفينيا
ولكن بالتأكيد قضت على فكرة "مافي 3D كاسلفينيا كويسه" وأيضاً تأكيد على أن ميركوري ستيم في الطريق السليم .

نفس العيوب و الأيجابيات اللي لاحظتها .. فعلاً فكرة تقسيم اللعبه الى تشابترات فكرة سيئه و للأسف الأستكشاف محدود جداً و المشكله انه كل تشابتر يحطون جنبه كم نسبة الإستكشاف اهوا فيه استكشاف اصلاً ؟ لأنه فيه بعض الأماكن خطيه و على سالفة القفز بين منصتين مزعج .. المهم لا تتوقعون شي حورافي من اللعبه لأنها لحد الآن جيده لا اكثر ( مخلص شابتر و نص من اللعبه ) .. اشتروا ديد رايزينج 2 بس يا الظالمين ، لول :razz::

 

[Super Shadow]

على حسب IGN ان ..
النسختين فيهم الفريم ريت ينزل مرات لكن نسخة البلاي ستيشن أفضل ..
وإذا يهمك نسخة الاكس بوكس 2 DVDs ..

محد جرب يسوي انستول للعبة على الهارد؟

في فرق ولا؟

 

[Painkiller Q8]

لول .. سويت صوره في الفيس بوك .. لمجرد الدردشه مع ربع الفيس بوك ... وطال الحوار والمناقشات الساخنه حول موضوع :

الصوره تتكلم

 

[Painkiller Q8]

.. اشتروا ديد رايزينج 2 بس يا الظالمين ، لول :razz::

أهم شي !!!!!!! :yuck::

 

[Mesharey]

Play as Solid Snake in Castlevania: Lords of Shadow

خلص اللعبة وبتقدر تلعب بسنيك (شكل الوجه بس اعتقد) .. من تطوير كوجيما !! :laugh::

 

[Painkiller Q8]

^
حركه سخيفه جدا ... مثل حركات Lost Planet 2 لما حطو شخصيات في الاونلاين !! اكره هذي الافكار !!

 

[Painkiller Q8]

لووووول .. شباب امس تهاوشت مع IGN بكبرهم في الفيس بوك ... لانهم عصبوا من الشعار الي انا صممته !!

طبعا انا سويته لاني زعلان عليهم من التقييمات الاخيره في سنه 2009-2010 .. يرفعون العاب عاديه ويكسرون في العاب قويه . مثال هذي اللعبه