hits counter

Blackberry: اخباره، برامجه، وغيره.

persona

True Gamer
شتنصحوني برامج للبلاك بيري؟
 

Tomb raider

True Gamer
Delete ^_^

قبل لا تمسح قول له يشيلك من قائمة البرودكاست. إذا ما سمع أمسحه وعادي مافيها زعل.
محمد انا خلاص رجعت للآي فون ، لأني ما استعمل المسنجر وايد ، اهم الشي الاميل والبراوزنج بالنسبه لي ، وهالشي موجود في الآيفون !
 

pacino

True Gamer
سؤال بريء..
الحين apps على البلاك بيري مثل facebook وماسنجر لايف و الخرائط ما تشتغل الا لازم اشغل الخدمه؟ما يصير على الwifi ؟
اذا الجواب نعم...شيء سيء جدا جدا صراحه..تعودت ارفع صور عالفيس بووك من التلفون من خلال الوايرلس(علشان الحجم+$$)
 

Colorization

True Gamer
أعتقد يصير؟ أذكر كنت أستخدم بعض البرامج من دون خدمة البلاك بيري لأني ما اشتركت فيها على طول. اللي أعرفه، الأشياء اللي ما تشتغل من دون إشتراك: بي بي ام، بي بي مابز، بوش اي-ميل.
 

A7mad

Casual Gamer
سؤال بريء..
الحين apps على البلاك بيري مثل facebook وماسنجر لايف و الخرائط ما تشتغل الا لازم اشغل الخدمه؟ما يصير على الwifi ؟
اذا الجواب نعم...شيء سيء جدا جدا صراحه..تعودت ارفع صور عالفيس بووك من التلفون من خلال الوايرلس(علشان الحجم+$$)

الماسنجر ما اعتقد يشتغل، الفيس بوك يشتغل عادي، اما الخرائط مالت الجهاز ماتشتغل بس فيه بديل اللي هو جوجل مابز.
 

Golden_Sun

True Gamer
كل شي يشتغل على الواي فاي ماعدا برامج RIM (اللي هي BBM, MAPS, email)
مثلاً لو ايميلك Gmail تقدر تشغله من خلال برنامج جوجل، لكن من الجهاز نفسه بدون الخدمة ما يصير.

يعني باختصار، تويتر، فيسبوك، ام اس ان، وغيره من طرف ثالث شغال مع الواي فاي : )
 

عاشق 360

True Gamer
شباب شلون اعرب البلاك بيري " كيرف 8520 " ؟

للعلم اني اتصلت بالشركه وقالو لي يا اما تييبه او تعربه من الديسك توب منجر

تعديل : خلاص عرف :lebb: سويت تحديث وصارت اللغه عندي
 
التعديل الأخير:

Skull Town

Hardcore Gamer
شباب شريت بلاك بيري بولد الجديد 9700
بس عندي سؤالين
هل جهازي طبيعي ولا فيه خلل >.> لأن لمن اختار SMS and MMS الاقي كل الرسايل الي وصلتني مخلوطه في رساله وحده مثل الدردشه فهل هذا شي طبيعي او يمكن ايقافه؟
الشي الثاني لمن اختار Messages
تطلع لي رسايل كثيره مكتوب فيها
BlackBerry
تم تسجيل الجهاز المحمول بواسطة الشبكة الاسلكيه هل هذا شي طبيعي ؟ وهل يمكن ايقافه؟ >.<
الصراحه بديت اكره البلاك بيري بسبب هذا الشي ):
احد يساعدني ويطمني واكون له شاكر والله
 
وش صار على موضوع البلاك بيري والسعودية ؟؟
 

A7mad

Casual Gamer
شباب شريت بلاك بيري بولد الجديد 9700
بس عندي سؤالين
هل جهازي طبيعي ولا فيه خلل >.> لأن لمن اختار SMS and MMS الاقي كل الرسايل الي وصلتني مخلوطه في رساله وحده مثل الدردشه فهل هذا شي طبيعي او يمكن ايقافه؟
الشي الثاني لمن اختار Messages
تطلع لي رسايل كثيره مكتوب فيها
BlackBerry
تم تسجيل الجهاز المحمول بواسطة الشبكة الاسلكيه هل هذا شي طبيعي ؟ وهل يمكن ايقافه؟ >.<
الصراحه بديت اكره البلاك بيري بسبب هذا الشي ):
احد يساعدني ويطمني واكون له شاكر والله

فيه خيار في البي بي ام عن طريقه تقدر توقف ظهور الدردشات في الرسائل. مو متذكر اسمه بالضبط.

والرسائل ايضاً امر طبيعي علشان يأكدونلك انه تم التفعيل، بتوقف بروحها.
 

squall leonhart

True Gamer
بديت افكر بال BB

اقنعوني فيه يا جماعه ^_^
 

Colorization

True Gamer
بديت افكر بال BB

اقنعوني فيه يا جماعه ^_^

تبيه حق شنو بالضبط؟

- حق الإيميلات العملية ممتاز (الإيميلات اللي فيها صور كثيرة تعاملها مزعج مع الجهاز، لكن الإيميلات "الطبيعية" من الشركات والبنوك والدوام...الخ مافيها مشاكل.)
- حق تويتر و فيسبوك والمسنجر ممتاز
- الBBM حلو لكن نصيحة من كل قلبي، لا تضيف أي واحد. آنا أستخدمه كوسيلة سريعة للتواصل مع ربعي لكن في ناس مستخدمينه بشكل مزعج جدا جدا جدا جدا جدا جدا. بتشوف بنفسك

مهما كانت إحتياجاتك، لا تشتري شي غير Bold 2 أو 9700 (نفس الجهاز بس المسمى يختلف). كل جهاز ثاني فيه عيوب واضحة، هذا يجمع مميزات كل الأجهزة بجهاز واحد (حجم الكيرف، كيبورد البولد، كاميرا الكيرف، ٣-جي، وهكذا).

إذا كنت شخص يستلم SMS وإيميلات كثيرة بتحب الجهاز بسرعة لأنه الكيبورد بعد ما تتعود عليه مستحيل تكرهه. أجهزة البلاك بيري مهي أفضل أجهزة بالسوق من ناحية المواصفات ولكن الكيبورد (والـsocial apps بالنسبة لي) تخليه شي جميل جدا. الشي الوحيد اللي خلاني ما أشتري آيفون هو الكيبودر. الكيبورد الفيزيكال غير.
 

squall leonhart

True Gamer
انا احتياجاتي تتركز على :
- الاتصال
- المسجات ( بس مو بشكل كبير دا يعني مستحيل اكثر من 10 باليوم .. فترات كثيره اجلس اسبوع و لا اكثر ما ارسل ولا مسج)
- كاميرا محترمة ,
سهولة الوصول و الاستخدام . احب الجولات الي فيها اختصارات و الي تقدر توصل فيها لكل شي بغطة رز
- احتمالية الهاتف .. الشي الي خلاني ابعد عن الافون هو اني متأكد انه ما رح يكمل معاي شهر الا و هو مكسور .. انا ارمي جوالي بكل مكان ..
- البطارية اكره اني اشحن جوالي كل يوم ( الايفون .. الايميت .. )


خذ ببالك اني مستخدم قديم للبوكت بي سي فعان كذا الايفون ما بهرني ابدا لان كل الي يسوه الان كنت اسوية قبل 5 سنوات مع جهازي الايميت مع اختلاف القدرات طبعا ..


ايش رايك الان تعتقد ان الجهاز مناسب لاحتياجاتي و لا اهون ؟
 

Colorization

True Gamer
- الإتصال

مثل أي تلفون، البلاك بيري يسوي هالشي من دون أي مشاكل مذكورة. السيرفس يعتمد على الشركة، لكني أستخدم Zain ودايماً فُل.

- المسجات

من SMS إلى إيميلات إلى برامج مسنجر، عال العال. أكثر شي يعجبني، إن فيه أيقونة إسمها Messages، هذي تدمج الـSMS والإيميلات ونوافذ المسنجر في أيقونة وحدة؛ بس تضغطها بتوريك آخر المسجات ومحادثات المسنجر المفتوحة وهكذا. جداً عملية. يعني بشاشة الـHome بدل ما أحط أيقونة الـSMS وأيقونة الإيميل وأيقونة برنامج المسنجر، أبدلهم بـMessages.

- كاميرا محترمة

كاميرا الجهاز 3.2 ميجابكسل مع أوتو-فوكوس ونظام تصوير عن قرب (ماكرو) مع فلاش. الكاميرا برأيي عادية. هذي صورة قديمة رفعتها للتو من الجهاز:

http://unseencolors.com/upload/IMG00025-20100313-2146.jpg

- سهولة الوصول والإستخدام

الجهاز سهل بكل شي. شاشة الـHome تقدر تحط فيها 6 أيقونات لبرامجك المفضلة، و من فوق على اليسار فيه أيقونة للصوت، تغير منها الـprofiles والنغمات على السريع. تقدر تحوّل الجهاز إلى هزاز بمجرد ضغطك (لمدة ثانية) على Q. فيه إختصارات جميلة أخرى لكني ما أكتشفتها؛ بالإمكان تلقاها بالإنترنت.

- البطارية

آنا أشغّل 3G وأستخدم Twitter/Facebook/BBM بشكل متواصل؛ الجهاز ما ينزل من يدي وايد. بطبيعتي دايماً أشحنه لما أنام بسبب إنه دوامي طويل (12 ساعة)، ولكن لو كان إستخدامك عادي ومش ثقيل وتطفي الـ3G تقدر تحصل على ساعات أكثر بسهولة من التلفون. البطارية ممتازة برأيي وحسب إستخدامي.

أكثر شي راح يعجبك من الجهاز هو الـMedia، قسم يجمع الصور والفيديوهات والأغاني اللي عندك (وفيه قسم خاص إسمه Ring Tones، يعني ما راح يدمج لك الأغاني ملوتك مع النغمات). قسم الصور عملي وسريع وممتع بالتصفح، وقسم الأغاني مثل الآيبود بالضبط: تصنيف حسب المغني أو حسب الألبوم، بلاي-ليستات، وهكذا. يعني لو كنت تستخدم iPod بشكل متواصل، ممكن الجهاز يصير mini iPod وتخليه حق الطلعات الخفيفة ويصير تحط فيه أشيائك المفضلة وهكذا. شخصياً ما أسوي هالشي وعندي iPod خاص للسيارة، لكن أعرف كم شخص يستخدم الجهاز كـmedia player وأشوفهم مرتاحين معاه.
 

Eario

Hardcore Gamer
كان عندي بولد ماكمل معاي شهر و خذيت اي فون بعدها، بطاريته سيئه جدا جدا جدا .. ما اادري لو تغيرت بالبولد الجديد او لا.

لكن الحق يقال الجهاز عملي بشكل كبير، و اذا ماكنت تهتم بقوه التطبيقات و ما الا ذلك توكل على الله و خذه

الكيبورد خيالي ماشفت نفسه رااااائع للتكست.
 

BLACK KN1GHT

Hardcore Gamer
نزل WhatsApp رسميا للبلاك بيري ,,,
 

Averroes

True Gamer
البحرين تحظر خدمة الـ BBM

قررت مملكة البحرين اتخاذ إجراءات قانونية ضد مستخدمي خدمة الدردشة المرتبطة بهواتف بلاك بيري المحمولة التي يتم خلالها تبادل الأخبار المحلية.

ونقلت وكالة أنباء البحرين (بانا) عن الوكيل المساعد للمطبوعات والنشر بوزارة الثقافة والإعلام البحرينية عبد الله عبد الرحمن يتيم قوله إن هذا القرار يرجع إلى 'ما تحدثه تلك الأخبار من بلبلة وإرباك للرأي العام'.

وقال عبد الرحمن يتيم 'عبر أجهزة الهواتف النقالة وبعض الصحف البحرينية خلال الأيام القليلة الماضية، تم تناقل أخبار عن حوادث ومواضيع متفرقة ومتنوعة في مملكة البحرين، وبالنظر لما تحدثه تلك الأخبار من بلبلة وإرباك للرأي العام خاصة وان مصدرها أفراد وجهات تقوم بممارسة مثل هذه الأنشطة، دون الحصول على ترخيص رسمي لها من قبل وزارة الثقافة والإعلام، وعليه فإن الجهات المسؤولة بالوزارة قامت باستدعاء الأفراد والجهات التي تمارس مثل هذه الأنشطة الغير مرخص لها، وسوف يتم اتخاذ الإجراءات القانونية والقضائية بحق المخالفين بالقوانين والأنظمة المعمول بها'.

وقد ارتفع عدد مستخدمي هواتف بلاك بيري بشكل كبير في الأشهر القليلة الماضية بسبب انتشار برنامج الرسائل في الهاتف الذي استخدمته مجموعات الدردشة لنشر معلومات عن وحدات مراقبة السرعة التي تقيمها شرطة المرور والأخبار العاجلة التي يشاهدونها تحدث والأخبار السياسية وإقامة الشبكات التجارية. وتستخدم صحيفة محلية واحدة على الأقل وجمعية سياسية الخدمة لبث الأخبار بدون مقابل.

http://alaan.cc/pagedetails.asp?nid=50058&cid=46
 

Kaze

Hardcore Gamer
^
ما اشوف شيء يدل على حظر الخدمة في الخبر ؟
الخبر مجرد ان الوزارة راح تتخذ الإجرائات القانونية ضد الاشخاص الي يسيئون استخدام الخدمة ضد خدمات الدولة أو الترهيب و الخ.

و هذا إن دلّ ! ... دلّ على ان الدولة راح تراقب الاجهزة إلي تخالف القوانين :) ... ياااا سلام P:
 

Wild Fox

True Gamer
عندي كم سؤال دلخ !
الحين فكرت اشتري بلاك بيري لسبب واحد هو المسنجر ... محتاج Accesses للماسنجر 24 ساعه في الشهور الجايه.
فكرت في موديل كيرف 8520
في موديلات جديده راح تنزل في القريب العاجل ؟
الفرق بين الباد و الكوره ؟
ايش فايده الــ3G بالزبط ؟
لو كنت بعيد عن الجهاز و جاني مسج على ياهو مسنجر مثلا ... يعطيك تنبيه بصوت عالي؟
و اعذروني تراني نوب في التلفونات و اخر تلفون اخدته معاي من 4 سنوات تقريبا !
 

Wild Fox

True Gamer
شباب معقوله الاسئله صعبه لهدرجه؟! :what:
 

عاشق 360

True Gamer
عندي كم سؤال دلخ !
الحين فكرت اشتري بلاك بيري لسبب واحد هو المسنجر ... محتاج Accesses للماسنجر 24 ساعه في الشهور الجايه.
فكرت في موديل كيرف 8520
في موديلات جديده راح تنزل في القريب العاجل ؟
الفرق بين الباد و الكوره ؟
ايش فايده الــ3G بالزبط ؟
لو كنت بعيد عن الجهاز و جاني مسج على ياهو مسنجر مثلا ... يعطيك تنبيه بصوت عالي؟
و اعذروني تراني نوب في التلفونات و اخر تلفون اخدته معاي من 4 سنوات تقريبا !

بجاوبك على الي اعرفه بحكم اني مااملك واحد "اخواني وخواتي كلهم عندهم لوول وانواع الازعاج "


ما اعرف اذا كان فيه موديل جديد بينزل بس الي اعرفه انه اوردي من شهرين نازل موديل " مو متأكد "
الباد اسهل من الكوره حسب تجربتي السريعه له الباد تقريبا مثل ماوس اللابتوب يعني سهل عكس الكوره
ال 3 جي لأتصال الانترنت
لو حاك مسج التلفون يعطيك تنبيه " ماعرف عن الياهو مسنجر " بس مسنجر الهوتميل + البلاك بيري مسنجر اثنيناتهم يعطونك انذار وتقدر انت بنفسك تضبطه " انذار ولا هزاز ... الخ حسب رغبتك "
 

Colorization

True Gamer
عندي كم سؤال دلخ !
الحين فكرت اشتري بلاك بيري لسبب واحد هو المسنجر ... محتاج Accesses للماسنجر 24 ساعه في الشهور الجايه.
فكرت في موديل كيرف 8520
في موديلات جديده راح تنزل في القريب العاجل ؟
الفرق بين الباد و الكوره ؟
ايش فايده الــ3G بالزبط ؟
لو كنت بعيد عن الجهاز و جاني مسج على ياهو مسنجر مثلا ... يعطيك تنبيه بصوت عالي؟
و اعذروني تراني نوب في التلفونات و اخر تلفون اخدته معاي من 4 سنوات تقريبا !

- ما أنصحك تاخذ شي غير Bold2 أو 9700 لأنه يعتبر أفضل جهاز بلاك بيري بالسوق حالياً ويجمع ما بين إيجابيات Bold و Curve (كل واحد منهم كان فيه عيوب مضحكة والحين تصلحت). ما عندي فكرة عن موديلات جديدة، لكن تقدر تاخذ بولد2 وانت متطمن.

- جربتهم اثنينهم، التراك باد وايد أحسن من الكرة لأنه أدق وما يخترب عكس الكرة اللي اختربت عندي وعند رفيجي.

- الـ3G يتيح لتلفونك تحميل كمية أكبر من البيانات، مثلاً لو كنت تحمل ملف فيديو أو ملف موسيقى عادي يوصل 60 كيلو بايت بينما بأجهزة الـ2G (كل أجهزة الكيرف) نادر جداً يعدي 10. صدقني، انت تبي 3G. انا كنت أقول مش مهم وتحسفت لما شريت الكيرف. خيرة إنه اخترب لول.

- الـnotifications تقدر تضبطها على كيفك، والبولد2 عدلها بشكل رائع. تقدر تخلي الجهاز (غير تنبيه الصوت) يهز هزة خفيفة، أو متوسطة، أو قوية، وكل هزة تقدر تحدد عدد مراتها. مثلاً، الإيميل يعطيني تنبيه صوتي مع هزة وحدة. البلاك بيري مسنجر يعطيني تنبيه صوتي (مختلف طبعاً) مع هزة. تويتر يعطيني هزتين خفيفتين. وهكذا. شي رائع وبتعرف المسج اللي وصل لك بمجرد ما تحس بالهزة لما يكون الجهاز بمخباتك (ولو كان بعيد الصوت عالي وتقدر تضبطه أكيد).
 

Mazinxci

Hardcore Gamer
شباب جوالي مايدخل ال Facebook , Twitter
يكتب Data sevice is not availabe ..
 

Dr MaD

True Gamer
صارتلي مشكله في جهازي Bold 9000
دخلت على موقع في المتصفح وعلق الجهاز .. طلعت البطارية وشغلت الجهاز

بس راحت اللغة العربية :S .. صارت ماعاد تطلعلي أبد !
كيف أرجعها ؟ .. هل في حل ؟ أبديت ؟ .. ما أبي أرجع اعدادات المصنع :( أشياء كثير بتضيع علي
 

squall leonhart

True Gamer
شباب كيف انزل app للجهاز .. شفت كم اب عجبني في الاب ورلد .. بس للاسف يقولون السعوديه مهي مدعومة في الاب ورلد ..

الحل ؟؟
 
أعلى