hits counter

Beyond Good & Evil HD - عوده الفن

بادئ الموضوع #1


الناشر : يوبي سوفت.
النوع : أكشن أدفنتشر.
الاجهزه : الأكس بوكس أركيد / بلاي ستيشن نيتورك.
تاريخ الصدور : متوفره الأن على الاركيد , في وقت آخر لهذه السنه عالبلاي ستيشن نيتورك.
السعر:800 بوينت/ 10 دولار.



تعود معنا جيد من بعد غياب 8 سنين ولكن هذه المره بجوده عاليه الوضوح لتتناسب مع التكنلوجيا الحاليه.

ستلعب دور جيد وستقوم بوظيفه المراسل لكشف خطط ومؤامرات الحكومه التي في مظهرها الخارجي تحمي وتدافع عن سكان أهل المنطقه وهم أبعد وصف عن ذالك, والأمر كله بيدك لتنقذ الكوكب والسكان من هذا التهديد.







شريتها من يومين وقاعد أدلع نفسي فيها وللي يعرفني يعرف إني أعشق هاللعبه, وحاليا قاعد أمشي على أقل من مهلي وأجمع كل شي وأتمتع بسحر العالم والأرت والأتموسفير, وحاليا انا في البدايه ولكن ما هان على قلبي اني العبها بروحي وحبيت أشارك الروعه معاكم خصوصاً ان في أشخاص ماجربوها نهائياً فنصيحه كل النصح اذا كنت تحب العاب الاكشن ادفنتشر فلا تفوت على نفسك واحده من أروع تجارب الجيل الفائت وراح نكون معاك في كل الخطوات لو كان عندك اي سؤال مع ان اللعبه بسيطه وتوضح نفسها بنفسها ومايحتاج لها اي شيئ غير انك تلعبها وتتمتع.

وللناس الي عشقوها وحبوها ارجعوا تمتعوا فيها واشتروها وخلونا ندعم يوبي سوفت وأسم بيوند علشان نشوف الثاني ويتشجعون أكثر وأكثر, وسامحوني على الموضوع الخفيف لكن ماحبيت ان لعبه نفس بيوند مع اعاده اصدارها بمتطالبات هالجيل تفوت من دون موضوع ولعب جماعي :).

 
#2
خصوصاً ان في أشخاص ماجربوها نهائياً فنصيحه كل النصح اذا كنت تحب العاب الاكشن ادفنتشر فلا تفوت على نفسك واحده من أروع تجارب الجيل الفائت وراح نكون معاك في كل الخطوات لو كان عندك اي سؤال مع ان اللعبه بسيطه وتوضح نفسها بنفسها ومايحتاج لها اي شيئ غير انك تلعبها وتتمتع.
[/B]
من جد هي كانت لعبة ubisoft الوحيده الي ما لعبتها , شريتها من يوم و مستمتع فيها
الاتموسفير مو طبيعي
 
#3
أنا من اللي خلصوها 100% أول ما صدرت على أجهزة الجيل الماضي، ومن الألعاب القليلة اللي استمتعت بشكل كبير في جمع الأشياء فيها خاصة إنها وعلى عكس بعض الألعاب الثانية
تعطيك رادار يحدد لك المنطقة اللي موجود فيها الشيء والعثور عليه أمر عائد إليك.
إن شاء الله ناوي عليها لم تصدر على باقي الأجهزة، وسعر يعتبر سرقة الصراحة. :nerd:
 
#5
تعرف ايش القهر لما تدخل اكاونتك و تلقى 790 نقطة فقط و اللعبة ب 800 -____-

مع كذا نزلت الديمو و صراحة فاق توقعاتي اللعبة طالعة بشكل جميل جدا جدا .. الشي الغريب اكتشفت اني ناسي اغلب التفاصيل لما لعبتها اول مره على الاكس بوكس الاول .. يعني تقريبا لما العبها بتكون تجربه شبه جديده عليا ..

صراحة لعبة بذا المستوى الراقي و ب 800 نقطة فقط لازم لازم تبيع .. و اتمنى ان الجزء الثاني ينزل بنفس الصيغه حتى لو كان داونلود فقط .. ما نبغى تخريب يوبي سوفت المعهود لالعابها في الجيل الحالي و الاكشنه الغبيه الي شفناها في العرض المسرب ..
 
#6
فاتتني اللعبة على وقتها. ما ادري ما عمري حسيتها شيء مهم. لكن اذكر فترة دخلت الانترنت وطلع موضوع عنها, وكان فيه مدح خرافي لها. من ساعتها حطيتها في راداري كوحدة من الألعاب الي ناوي ألعبها ان شاء الله. لا عاد و بـ800 نقطة, من جد صفقة لا تفوّت.
 

Nin_Fan

Hardcore Gamer
#7
فاتتني اللعبة على وقتها. ما ادري ما عمري حسيتها شيء مهم. لكن اذكر فترة دخلت الانترنت وطلع موضوع عنها, وكان فيه مدح خرافي لها. من ساعتها حطيتها في راداري كوحدة من الألعاب الي ناوي ألعبها ان شاء الله. لا عاد و بـ800 نقطة, من جد صفقة لا تفوّت.
لعب نسخة PS2 و أنهيتها


shauni

استغرب إذا قرأت مديح للعبة ، لعبة عادية ..المهم لا تتأثر بالمدح وتتوقع الكثير من اللعبة.
 
التعديل الأخير:
#8
لعبت الديمو , اللعبة باين عليها رهييييييييبة , ان شاء الله آخذها على الويك اند
 
بادئ الموضوع #9
لعب نسخة PS2 و أنهيتها


shauni

استغرب إذا قرأت مديح للعبة ، لعبة عادية ..المهم لا تتأثر بالمدح وتتوقع الكثير من اللعبة.
لو تلاحظ ان ناس قليله لعبت اللعبه وماعجبتهم وكل الي لعبوها حبوها وعشقوها , وخذ مثال الردود وردك كلهم يمدحونها الا انت تعتبرها عاديه , الناس اذواق :).
 
#11
لعبت التريل : اللعبة عطتني فلاش باك لألعاب الـps2 وذكرتني بنوعية العاب ماصرنا نشوفها بهالجيل .. اللعبة حلوة .. بس غير مناسبة بهالوقت نهائياً ! لو أنها نازله بوقت خمول وفضاوة تقدر تروق عليها كان أخذتها .. بس للأسف الأولوية لغيرها .
 
#13
اللعبة هذي ررررررررهيبة بمعنى الكلمه لعبتها على الpc زمان واتمنى ارجع اعيد التجربه بإذن الله قريب .. محترم ايش افضل منطقه باللعبه عندك عن نفسي
المنطقه اللي زي المصنع وفيها شوية تجسس من جد روعه :crying:
 
التعديل الأخير:
#15
لاحظت تشابه كبير بينها وبين لعبة Ratchet & Clank
اسلوب اللعب وتصميم الوحوش والمراحل جداً متشابه وكأن Insomniac هي اللي سوت اللعبة
منتظرها على الـ PSN ^^
 
#16
انتظر اللعبة على البسن. اذكر لعبتها لكن ماخلصتها ايام البلاي2. اللعبة ممتازة واتوقع انها تكون رائعة على الـ HD بعد ;)
 
بادئ الموضوع #17
اللعبة هذي ررررررررهيبة بمعنى الكلمه لعبتها على الpc زمان واتمنى ارجع اعيد التجربه بإذن الله قريب .. محترم ايش افضل منطقه باللعبه عندك عن نفسي
المنطقه اللي زي المصنع وفيها شوية تجسس من جد روعه :crying:
ماذكر الاماكن الثانيه صراحه للحين قاعد العب واتذكر لكن المكان الي تكلمت عنه توني خلصته وممتاز ,
لكن هم على ذاكرتي ان القمر كانت خوش منطقه.
 

Solay

Double Jumper
#18
شباب علقت بنهاية الدنجن الثاني
بعد ماهزمت الزعيم وجيت ابطلع من الدنجن قالوا لي لازم القى فيوز عشان افتح البوابه,وين القاه!؟
حست الدنيا كلها وعصرت مخي عصر احاول اتذكر كيف اعديها عجزت.
 
بادئ الموضوع #19
شباب علقت بنهاية الدنجن الثاني
بعد ماهزمت الزعيم وجيت ابطلع من الدنجن قالوا لي لازم القى فيوز عشان افتح البوابه,وين القاه!؟
حست الدنيا كلها وعصرت مخي عصر احاول اتذكر كيف اعديها عجزت.
آخر باب عاليسار بالمكان الي يقولون لك لازم فيوز راح تحصل مكان كله أسلاك كهربا واخر شي في مروحه فيها كهربا , ارميها بالسيدي علشان تتحرك وتنقل الكهربا للزر الي عند الباب ويفتح.
 

Solay

Double Jumper
#20
مافهمتني محترم..

هاذي المرة الأولى اللي يطلب منها فيوز بس انا الحين هزمت الزعيم الثاني وبيج خطفوه وخلصوا,يعني انا خلصت الدنجن بس قبل لااطلع من الدنجن يقول لي لازم فيوز ورحت للغرفه حقت المروحة وصار مافيها كهرباء أصلا.
 
بادئ الموضوع #21
مافهمتني محترم..

هاذي المرة الأولى اللي يطلب منها فيوز بس انا الحين هزمت الزعيم الثاني وبيج خطفوه وخلصوا,يعني انا خلصت الدنجن بس قبل لااطلع من الدنجن يقول لي لازم فيوز ورحت للغرفه حقت المروحة وصار مافيها كهرباء أصلا.
شفت المكان الي خذيت فيه فيوز أول مره ؟ نفسه نفسه راح تحصل الفيوز الثاني بنفس المكان انتبه عدل وراح تشوفه.
 
#24
فاتتني اللعبة على وقتها. ما ادري ما عمري حسيتها شيء مهم. لكن اذكر فترة دخلت الانترنت وطلع موضوع عنها, وكان فيه مدح خرافي لها. من ساعتها حطيتها في راداري كوحدة من الألعاب الي ناوي ألعبها ان شاء الله. لا عاد و بـ800 نقطة, من جد صفقة لا تفوّت.
محظوظ !!
أظن انك بتكتب مقالة اذا لعبتها لانها رهيبة
 
بادئ الموضوع #25


يالله شدو حيلكم يوبي سوفت ونبي نشوف الجزء الثاني, آخر فتره كله يقولون انهم شغالين عليها ويبون يطلعونها بأفضل حله.. لكني خايف انه يطلع مجرد كلام :(.
 
#26
صراحه اجمل لعبه العبها هذي السنه
وقائمة الأشيفمنت/ التروفيز تستانس وانت تجيبهم
لا تفوتون العبه
 
#27
مبروك محترم .. يالله شد حيلك باقي نسخة البسن لول

كنت راح ابدأ بـ Shadow Hearts Covenant لكن هونت وبدأت بـ Beyond Good & Evil , واكتشفت أني كنت ظالمها قبل .. أوكي ميكانيكية لعب ممتعة وسلسلة .. الانفايرومنت ديزاين برأيي هي نقطة القوة في اللعبة وسبب كافي يجبرك تحب اللعبة , حوارات جيدة , ما أقدر أحكم على القصة للحين

اللي متردد نصيحة لا يطوفها .. تحفة من تحف الجيل الماضي .