الموضوع الرسمي Assassin's Creed Unity + Rogue | إصنع التاريخ

[ASWD]

الباتش الثالث بينزل باجر وراح يصلح اكثر من 300 مشكلة !!!!!!!!!!!!!!!!!!

كيف نزلو هاللعبة ما ادري.هذ عار كبيير بحق شركة كانت محط اعجاب وتقدير فالجيل الماضي واللي قبله يوبي اثبتت انها العبن بمراااااحل من الكترونيك واكتفيجن وشكلها ذا كرو بتحذو حذو يونتي بعد قرار يوبي بمنع المراجعات لما بعد صدور اللعبة بخمسة ايام!!

شكلي ما بفكر اخذها اللا بعد الباتش الرابع اللي بدو يشتغلون عليه

http://www.computerandvideogames.co...-update-3-brings-over-300-fixes-on-wednesday/

 

[Raulioo]

وشكلها ذا كرو بتحذو حذو يونتي بعد قرار يوبي بمنع المراجعات لما بعد صدور اللعبة بخمسة ايام!!​

يوبي شالت الامبراجو عن ذا كريو، لكن بالمقابل ما بيعطون للمراجعين نسخ من اللعبة الا بعد صدورها الرسمي :joy:

 

[Ahmad-001]

[TWEET]537586300367282178[/TWEET]

الحين خلاص بنقطع عن الألعاب لمدة غير معروفه و السبب الظروف الشخصية ...
شكرا لصاحب الموضوع و على الأعضاء على مساعدتهم و اعطاء النصائح :kissing_heart:
الى اللقاء :v:

النهاية نقدر نقول كان بالأمكان احس مما كان، لكن شخصية ارنو نفسها احسهم يجهزونه للجزء القادم، حاول تلعب روق وتشوف النهايه راح تفهم قصدي عدل، النهايه هناك وارتباطها بيونيتي وشخصيات الجزء الثالث راح تخليك تحط اطنان من الأحتمالات للجزء القادم!

انا بس خايف يخربونها لأن هذي عوايد يوبي سوفت، اتمنى فريق روق هو الي يشتغل على القصة

 

[juma]

نسخة البي سي

تحديث 1.3 متوفر و الحجم 1800mb , يصلح 300 مشكلة فاللعبه و احتمال كبير ان معظم مشاكل اللعبه بتختفي

 

[crazy_apple]

مستانس اليوم لأرجع اكمل يونيتي .. وقفت اخر مرة وسط boss fight ؟ كان مشي حاله .. المهم رجعت .. ظغطت زر واحد .. يشتغل مقطع سنمائي طويل و .. بعدها على طول ....... الcredits :joy: هههه حظي خايس.
المهم الشريط وبكل صراحة كان تحفة ! .. البداية كانت حلوة والقصة والشخصيات >> اللين شوي قدام .. وهبوووووووووط قوي للأسف :thumbsdown: خسارة لان جد كنت مستمتع. البنت الليس وكل مرة كانو يفتحو موضوع الرومانس .. هي تحب أرنو, ويوبي تبي توريك هذا الشي بتكنولجيا المشاعر اللي مستانسين فيها شكلهم @@ ..سماجة :thumbsdown: . لكن عادي عادي المهم اللعبة .. واللعبة حلوة. يوم أخذت الهدن بليد وكيذا أول طعنات >>> هذي اساسن كريد السامجة اللي شكلي طفشت منها :thumbsdown: لكن شوي قدام واللعبة حرفياً تغيرت .. صارت سبلنتر سيل ! ومهمات .... والإغتيالات ( والله روعة ! .. وفيه واحدة بذات وبكل قوة كانت لذكرة !! )

محتوى مخفي: ....

سرقت مفتاح .. رحت بحرر المساجين من قفصهم .. لا .. بالأخير انا اللي دخلت القفص .. ما فهمت شي. يجي الحارس ويسحبك للإعدام ... أوكيه @@ وأشوف التارجت واقف عند المشنقة !!! يا الله! واركض له و .. الباقي معروف.

ايوا هذي مهمات الإغتيال اللي أبغى أشوف مثلها :clap: ( والله المرحلة جوها ذكرني بالجزء الأول )

اللعبة صعبة .. أهني هالجزء لأني والله ما أذكر متى أخر جزء ( ولا واحد :stuck_out_tongue_wi ) اجبرني أني استعمل الSmoke للهرب .. وبهالكثرة @@ - أو السلاح السام اللي يخيلهم يقتلو بعض.. صرت أعبيه على طول! (كنت أضحك على قاذف السهام ذا. خلوني أرمي سكاكين طيب.. لكن حلاته وسط الكوفر... أهاه .. أوكيه الحين فهمت وضعه k_hand: ) - أو أني استعمل الCrowed !! هههه والله جد. فيه مرحلة كنت وسط حفلة وأول مرة استانس بهالحركة بأم السلسلة كانت هنا ! ( مرحلة الحفلة والألعاب النارية .. مدري جلتش ؟ لكن البرنسيسة ذي تشوفني على طول @@ حاولت وحاولت اللين ظبطتهاk_hand: ) والزحمة وأعداد الناس كملتها - برضو قاعد أحاول وبكل قوة اني ما انشاف .. لأنه فعلاً الكومبات صاير متعب ويقتلك ! - اعداد الحراس مجنون ( طعنت بشكل مو صاحي لول ) .. اللعبة فعلاً تحسها يبيلها كوااااب. وايش كمان جنني .. مدينة باريس والتوجه الفني البطل والبطل والبطل .. أخذ حقه خلاص. جد اللعبة متعوب عليه هنا... و الخ الخ الخ الخ.

عاجبني توجه السلسلة الأن ( سبلنتر سيل + ac ) وجد .. فعلاً يعني متحمس للجزء الجاي @@

[video=youtube;WD0zx5mp0-0]http://www.youtube.com/watch?v=WD0zx5mp0-0[/video]

[video=youtube;wMTj06im99A]http://www.youtube.com/watch?v=wMTj06im99A[/video]

( فيديوهات من اسبوع قبل التحديثات)

 

[Reload]

بعيدا عن المشاكل التقنية اسوء جزء لعبته للسلسلة

-مملة
-نظام تجارة فاشل
-قصة بدايتها جيدة فقط
-اجواء فرنسا سيئة
-مكررة في المهمات

 

[Century Wizard]

خذتها مستعملة..


هذا الجزء المفروض بكون جاي مباشرة بعد رفليشنز
يوبي سوفت قادرة انها تسوي اساسنز كريد رهيبة زي الجزء الثاني وبرذرهود، مدري ليه غثّتنا بالتاريخ الأمريكي والقراصنة
رجعتهم لأوروبا افضل شي سووه، الجمال موجود فيها بكل زاوية
الفن المعماري في باريس تحفة، المشي في الشوارع وتأمل التفاصيل ممتع

حالياً واصل سيكونس4، سويت مهمة اغتيال ووقفت..
ندمت اني مشيت فيها بسرعة، تمنيت لو قضيت وقت اكبر في السيكونسز الأولى قبل تحول آرنو لأساسن

محتوى مخفي: ..

اللعب بآرنو الطفل ممتع، حجمه الصغير مقارنة بغرف القصر الضخمة والناس اللي حوله خلاني احس اني طفل فعلاً، هذا غير برائته ولعبه مع إيليز xD

أيضاً لما كبر وصار عايش حياة الرفاهية ويدخل القصور اللي كل غرفة فيها اقعد ساعة اتأمل جمالها!
كل شي كان جميل ومبهر لين وصلت لحفلة الرقص...

http://im77.**********/T6Fdfo.jpg



وااو.. شي مذهل بمعنى الكلمة ! ديكورات القصر الفخمة، رسومات السقف، الإضاءة، الناس الهاي كلاس، الموسيقى، و... إيليز ::::

اتمنى القصة تكون تسوى وماتطلع كلام فارغ في النهاية، لأني شايف ناس يشكون منها
اللي محمسني لها هو ايش اللي رح يحصل بين آرنو وإيليز..

بس في شي مزعجني اللي هو اللغة، انا قاعد العب بالفرنسي وحاس ان الحوارات ميّتة ومافي تفاعل من الشخصيات
يعني ماني شايف تغير في نبرة الكلام مثلاُ وكأن مؤدي الصوت قاعد يقرا من ورقة.. مدري هل التمثيل سيء او لأن اللغة مو مألوفة بالنسبة لي

 

[Life-Saver]

خلصت السيكونس السابع ومستمتع جدا باللعبة ..

أعجبني:

- الجرافيكس تحفة .. ألعب على نسخة البي سي على أعلى إعدادات .. تسر الناظرين
- المهمات جميلة وفيها تنويع .. تحتار تبدأ من وين من كثر المهمات
- نظام القتال متوازن أكثر من الأجزاء السابقة
- الكو أوب جميل .. وإذا ما عندك حد تلعب معاه تقدر تلعب مهمات الكو أوب لوحدك .. أصعب بس تقدر تخلصها مع التخطيط الجيد
- يوجد لها برنامج موبايل يظهر لك مهمات وصناديق إضافية
- البيئة واقعية بشكل لا يصدق .. مرة طلعت من كومة قش وحدة حرمة خافت وزوجها تم يهديها ويربت على كتفها

لم يعجبني:
- على الرغم من إتقان البيئة .. نسوا تفصيل مهم .. شوارع المدينة لا يوجد بها أطفال !
- الأصوات ضعيفة .. يجب رفع الصوت حتى تسمع المحادثات
- لا يوجد مهمات بحرية

 

[ASWD]

اوه اترفع موضوع ام 300 بق.عموما باجر بينزل الباتش رقم 4 المعجزة اللي بتحل غالبية مشاكل اللعبة على كلام يوبي

تخيل بس انك تشتريها بعد نزول هالباتش واول ما تشغلها تنصدم بحجم ابديتات اكبر من اللعبة نفسها وش بيكون الشعور :joy::joy:

 

[ASWD]

الباتش المعجزة نزل حجمه مو كبير بس 6.7 جيجا لووووووووووووووول :joy::joy::joy:

الحين بالله عليك انا افكر اخذها كيف ومتى بلعبها اذا كنت ملزوم انزل باتشات حجمها تقريبا مثل حجم اللعبة!!..مهزلة

 

[Vergil X]

انسدت نفسي بعد ما شفت حجم الباتش و هذا غير اللي قبله

 

[Raulioo]

الباتش المعجزة نزل حجمه مو كبير بس 6.7 جيجا لووووووووووووووول :joy::joy::joy:

الحين بالله عليك انا افكر اخذها كيف ومتى بلعبها اذا كنت ملزوم انزل باتشات حجمها تقريبا مثل حجم اللعبة!!..مهزلة

احمد ربك..حجم الباتش للاكس ون بـ 40 جب ..أكبر من هارديسك الوي يو نسخة الديليكس كله@@

 

[Ahmad-001]

الباتش جامع للباتشات القديمه، يعني باكج!

اليوم انشاءلله العبها واشوف الباتش شنو صلح

مافيه احد عنده خبر عن dead kings DLC ?

 

[MAX9009]

ان شاء الله على هالحجم يكون تعديل لكل شي لاني لي فتره تارك اللعبه

 

[zVortex]

[TWEET]545225083049246720[/TWEET]
الخلاصة بعد ما شفت ذا كرو وفاركراي 4 (المقالب) غسلت يدي من هالشركة نهائياََ.

 

[Vergil X]

فار كراي 4 مقلب ؟ ليش ؟

 

[zVortex]

فار كراي 4 مقلب ؟ ليش ؟

جزء تجاري بحت مقارنة بالثالث ويثبث أن الثالث كان مجرد ضربة حظ.

 

[Storm is here]

احمد ربك..حجم الباتش للاكس ون بـ 40 جب ..أكبر من هارديسك الوي يو نسخة الديليكس كله@@

ههههههه يعني الواحد يروح يشتريها فيزكل عشان يفتك من التحميل ,يطلع في وجهه 40 جيجا باتش
نتي العظيم يحمل 2 قيقا في يومين:neutral_face:

 

[Century Wizard]

الباتش المعجزة نزل حجمه مو كبير بس 6.7 جيجا لووووووووووووووول :joy::joy::joy:

الحين بالله عليك انا افكر اخذها كيف ومتى بلعبها اذا كنت ملزوم انزل باتشات حجمها تقريبا مثل حجم اللعبة!!..مهزلة

ان شاء الله انه يكون شامل، لأني آلريدي محمل الباتشات اللي قبله

و إذا مو شامل نحمل 6 جيجا ليش لأ.. لعيون إيليز

 

[Raheem]

جزء تجاري بحت مقارنة بالثالث ويثبث أن الثالث كان مجرد ضربة حظ.

هههههههههه فار كراي 4 لعبة تجارية وفاشلة :neutral_face:
اللي مايعرف الصقر يشويه، فار كراي ظلموها لمن مارشحوها للعبة السنة لعبة ضخمة!

 

[zVortex]

هههههههههه فار كراي 4 لعبة تجارية وفاشلة :neutral_face:
اللي مايعرف الصقر يشويه، فار كراي ظلموها لمن مارشحوها للعبة السنة لعبة ضخمة!

يب, أنا مخلص اللعبة ومراجعتي لها بالموضوع الرسمي.. اللعبة جيدة لكنها مقلب بالنسبة للستاندرز اللي حطتها فاركراي3 للسلسلة

وما في داعي لكل هالاستهزاء. كل واحد له رأيه والبعض مش مع الخيل يا شقرا :raised_hands:

 

[Raheem]

يب, أنا مخلص اللعبة ومراجعتي لها بالموضوع الرسمي.. اللعبة جيدة لكنها مقلب بالنسبة للستاندرز اللي حطتها فاركراي3 للسلسلة

وما في داعي لكل هالاستهزاء. كل واحد له رأيه والبعض مش مع الخيل يا شقرا :raised_hands:

ما ابغى اكثر كلام عشان مايخرب الموضوع، ماشفت اي داونقريد عن فار كراي 3 في اللعبة بالعكس لاحظت انو في افكار جديدة في اللعبة وعالم ضخم وحيّ في النهاية هذا رايك عن اللعبة والناس اذواق.

 

[Ahmad-001]

طبعا نسيت اذكر شغله بخصوص يونيتي

لاحد يلعبها بدون مايحط اللغه على الفرنسي، حاجه خرافية! ماتوقعت اللعبه بتصير أجمل!

من العيوب الرئيسيه بالنسبه لي كان غياب الاكسنت الفرنسي

 

[baddar]

واو اللعبة مبهرة بصريا على PC أجمل شي شفته هذي السنة و بصراحة و لا مرة وقفت أخذ سكرين شوت لأي لعبة إلا بـ Unity و خصوصا بعد استخدام الـ SweetFX الفرق كبير جدا اللعبة تغيرت بشكل واضح جدا
قبل

بعد