الموضوع الرسمي ٍSleeping Dogs | حرامي السيارات الآسيوي

[Rain]

شباب في احد ختم اللعبة ..؟
كيف الريبلاي فاليو فيهاا ..؟
لانه حاليا هذا اللي ادوره بالالعاب :\

 

[Rookie]

ايما ستون مؤدية صوت في اللعبة.

+1


فلتذهب التقاييم والمراجعات إلى الجحيم، هذا سبب أكثر من كافي لشراء اللعبة :laugh::

 

[Assassin'o]

تعرفت على بنت امريكيه ورحت معاها نادي الكونغ فو .. وبس ماعاد شفتها ابد :/ وانا كنت متخيل انها بتصير حبيبتعه ومعاه طول اللعبه !

موجود إسمها أرماندا بالموبايل، بس يمكن مايطلع لك إلا بفترة من الفترات مش أي وقت. أنا طلعت معاها و صورتها (&)

 

[emperor-UAE]

قاعد ألعب اللعبه على راحتي بين المهام الرئيسيه و الفرعيه
و مستمتع جدا

 

[Naserano]

^
لوووول بكذا أقنعته خلاص؟:laugh::

صدقني عبدالرحمن مقتنع باللعبة حالياً، وأكاد اجزم إنه في المحل بعد :whistle:

ما علينا، الشباب اللي ختموها\وصلوا نصفها، كيف مستوى القصة؟ اغلب المراجعات اثنت عليها بس أنا ابغى اسمعها منكم.

 

[Assassin'o]

سرد القصة ممتاز، القصة نفسها حتى الأن جيدة و شوي مثيرة للأهتمام، الشخصيات نوعاً ما سطحية و مافيها شي مميز.

 

[Painkiller Q8]

موجود إسمها أرماندا بالموبايل، بس يمكن مايطلع لك إلا بفترة من الفترات مش أي وقت. أنا طلعت معاها و صورتها (&)

ههههه .. يعطيك العافيه , توني انصلت عليها وقالت حياك معاي زايره حديقه او شيء من هذا القبيل

 

[Unknown]

القصه ممتازه الاحداث كل مالها تتطور مع الوقت والحماس يرتفع
من زمان ما استمتعت بلعبه زي كذا .. اللعبه افضل من الاوفرريتد gta

 

[خالد العجمي xXx]

توني خلصت اللعبه

الانطباعات...

+ مهمات متنوعه وقليل التكرار فيه

+ البيئه حلوه و كذلك تصميم المدينه

+ نظام القتال عميق و ممتاز

+ القصه حلوه و ملحميه وفيه نوع من الحماس

----------

- قيادة السيارات مو ذاك الزود مثل Saints Row

هذي السلبيه الوحيده الي اشوفه

التقييم...

8.5/10

 

[Painkiller Q8]

القصه ممتازه الاحداث كل مالها تتطور مع الوقت والحماس يرتفع
من زمان ما استمتعت بلعبه زي كذا .. اللعبه افضل من الاوفرريتد gta

ماودي ندخل في نقاش احنا في غنى عنه , بس GTA مو أوفرريتد ابد واللعبه فارضه نفسها بقوتها على عالم الجيمز وتاخذ GOTY بإجماع الاعبين والمواقع والمجلات والعالم كله يشهد لها بقوتها .. مايحتاج ان احد يشكك في قوتها

اذا قلت اوفرريتد تأكد انه مجرد رأي شخصي لايشكل حتى 0.99999999% من رأي الاغلبيه !

Sleeping Dogs لعبه حلو وانا من عشاق الSandbox Games وحاليا العبها ومستمتع فيها "تحليل" ... بس لمن تقولي انها افضل من GTA اقولك لا .. اللعبه حلوه لاكن ماتقرب على مستوى GTA طبعا بشكل عام مو اني اخذ ايجابياتها واقارنها بسلبيات GTA ! لان لو جبت ايجابيات GTA وقارنتها في Sleeping Dogs اللعبه راح تطلع قبيحه

 

[يمكازي]

في اي تعري في اللعبة شباب؟

 

[خالد العجمي xXx]

في اي تعري في اللعبة شباب؟

لا مافيه ولكن الكلام كله يبدا بالF

 

[CODE-X]

بعكس اللي قاعد اقراه هنا ، السواقة في اللعبة الرهيبة !! و مسلية مثل ما هي مفروض تكون مش مثل الخربطة البايخة اللي في gta او غبية و بسيطة بقوة مثل سانت رو ! و ما ادري حسيتها نوعاً كا نيد فور سبيد ، و ممكن الواحد يقضي ساعة تنزه *aka هجولة :tongue:* بالسيارة @@
واحد يروح عند مكان تقدر تنط منه و يرجع ورا و يدعس للمكان و يجلس ضاغط A و يقعد يدقدق بوري و يشوف شكله كيف :laugh::

 

[Hawkman]

بديت باللعبة أمس .. وصلت تقريبا 40% من خط القصة , إلى الأن مستمع و ما أشوف أي سلبية باللعبة ( لا تخافون مستمع بالسواقة ما أشوف فيها أي مشكلة ) :rockon:

 

[BlackBird]

بديت فاللعبة أمس ولعب أول 3 أو 4 مهمات
اللعبة حلوة وما توقعت انها كذا ... الكومبات سيستم فاللعبة بطل!
والقيادة مو معوقة لهذيك الدرجة مقبولة بعض الشيء

 

[dro]

غلاف اللعبة الياباني ~

 

[Painkiller Q8]

أنهيت اللعبه اليوم

اللعبه عجبتني بشكل عام وكانت فعلا بالمستوى الي كنت متوقعه وابيه .. تجربه حلوه واندمجت فيها 5 أيام على 20 ساعه .. وبصراحه القصه حلوه وحبيت الشخصيه واتمنى اشوف جزء ثاني من اللعبه !

+ القصه حلوه وخفيفه على القلب
+ التحكم في التصويب ممتع وماودك تخلص من معارك الرمايه
+ الكومبات رائع جدا وفيه دقه وسرعه واحتراف
+ أجواء هونغ كونغ مضبوطه جدا مثل ما شفتها بالضبط يوم زرتها في 2011
+ المهمات متنوعه وكثيره لدرجه انك تختم اللعبه وانت راضي عن كميه الاشياء الي سويتها

- تحكم السيارات كان ممكن يكون افضل من الوضع الحالي

بشكل عام اللعبه تستحق التجربه وعشاق الSandbox Games ضروري يلعبونها

8.5/10

 

[Sir Guts]

بما اني من محبين العاب الـSandBox .. تم الإقتناااااء:

الحييييين ببتدي فيها:rockon:

 

[Sir Guts]

اللعبة جميييييلة! لعبت ساعة و نص تقريبا و كل شي تمام

احلى شي عاجبني استخدام البيئة في القتال و تقدر تاكل و تقوّي الضربات

متحمس ارجع البحرين و اكملها

 

[nbnt]

[video=youtube;mDdgKAf6f6U]https://www.youtube.com/watch?v=mDdgKAf6f6U[/video]

...

 

[Suzuki Yu]

^^^
هههههههه لسه توي شايفها .... رهيب اللي سوا الفيديو

 

[Wild Fox]

شينمو ... سيجا حسي في الفانز

 

[Unknown]

لحووول مالي خلق ضيقة صدر

 

[Argandir]

سوحقا للي سوا الفيديو...عور لي قلبي و الدنيا عيد...

 

[swilh]

اللعبة حلوة الصراحة خاصة في نظام القتال شي رهيب الي لعب باتمان راح يتعود عليه بسرعة
ولقطات السلومُشين حلوة.

 

[T u R k I]

جرّبت الديمو، لَم تُعجبني

الكومبات ماعجبني ولا حتى الشوتينج! ممكن المشكلة ان مافيه غير سلاح واحد بالديمو .. بعدين ايش هذا ليه مافيه قيادة في الديمو! على الاقل مساحة محدودة من المدينة :\

 

[Krat0s]

موجود الديمو باي ستور؟

 

[Painkiller Q8]

تم تحليل أبو اللعبه بعد ^^

1000/1000 Achievements .. استغرقت مني 30 ساعه من المتعه !

 

[T u R k I]

موجود الديمو باي ستور؟

انا حمّلته من الامريكي.

 

[Assassin'o]

جرّبت الديمو، لَم تُعجبني

الكومبات ماعجبني ولا حتى الشوتينج! ممكن المشكلة ان مافيه غير سلاح واحد بالديمو .. بعدين ايش هذا ليه مافيه قيادة في الديمو! على الاقل مساحة محدودة من المدينة :\

القيادة نفسها حقت تروكرايم و ساينس راو، مافي فروقات ملحوظة.

الشوتينج (بعد ما رجعت لها من خلصت ماكس بين 3) ماينطاق! الأسلحة النارية تنعّد على أصابع اليد الواحدة بالمناسبة، مع اليدوية تقدر تقول على الثنتين إذا إستثنينا الشنطات و المظلات إلي يحملوها المشاة و يرمونها بالطريق، تقدر تشيلهم وتقاتل بهم