TrueMovie
Hardcore Gamer
1 تيرا ب 1400 ريال وانت الصادق ! وياقلب لاتحزن
والحل مع نظام الاستخدام العادل في الانترنت تبع شركات الاتصالات ؟
- بادئ الموضوع W.W.W
- تاريخ البدء
The Last Lombax
In a new adventure~
fatal framer
True Gamer
هههههههههه ملوكية صارت ملوخية
احنا في الكويت بس فيفا اللي اهي stc سياسة الاستخدام العادل بس زين واوريدو لا مافيها
ومع هذا تختلف السرعة من منطقة لمنطقة بس انا اتوقع يمكن السبب الفايبر المناطق القديمة على الكيبلات القديمة بس المناطق اليديدة يحطون فيها الفايبر
عموما انا اتوقع النت عندكم بالسعودية اسرع من عندنا حتى مرة شفت عبدالله لما قاس سرعة النت عنده ماشاء الله
اغلب الايام سرعة التحميل تتراوح من 15 الى 20
احنا في الكويت بس فيفا اللي اهي stc سياسة الاستخدام العادل بس زين واوريدو لا مافيها
ومع هذا تختلف السرعة من منطقة لمنطقة بس انا اتوقع يمكن السبب الفايبر المناطق القديمة على الكيبلات القديمة بس المناطق اليديدة يحطون فيها الفايبر
عموما انا اتوقع النت عندكم بالسعودية اسرع من عندنا حتى مرة شفت عبدالله لما قاس سرعة النت عنده ماشاء الله
اغلب الايام سرعة التحميل تتراوح من 15 الى 20
Raulioo
Tarnished
أوكي ما كنت داري ان في قصص معاناة بهالشكل..لأني غالبا لما اشوف سعودي يعمل سبيد تيست ويحط نتائجه تكون 5mb وفوق بالراحةيمكن النت عندكم ببلاش ! ولما تقول احمدو ربكم ع النعمه اسمع هالقصه !
تخيل انك تدفع مبلغ وقدره 700 ريال كل 3 شهور ع الدي اس ال الي انت مشترك عندهم ع اساس السرعة 10 ميقا ! ثم يجون بكل وقاحه بعد الدفع والتركيب يقولون كبينة الحارة ماتدعم الا 4 ميقا مالك الا هي ! ويوصلك من الـ 4 ميقا سرعه مابين الـ 2-3 ميقا غير التقطيع !
وتروح تدور حل بديل وتشترك عندهم بباقة فور جي بـ 400 ريال كل 3 شهور .. ويقولون لك الباقة تحميل مفتوح وسرعات غير محدودة !! وتكتشف بعد التركيب ان السرعه 8 ميقا بس عشان الابراج منضغطه ع كلامهم ! والابجح من كذا لما تحمل 2 قيقا باليوم الي هي تعتبر شيء سخيف جداً بزمننا الحالي !! تنزل السرعه لـ 190 كيلو بايت !! وتتصل عليهم ويقولون لا ماعندنا استخدام عادل ويجحدونك بكل وقاحه !
يعني تدفع 1100 كل 3 شهور ع هالشركة ع الفاضي ع خدمات سيئة وكذب واحتيال !! فـ نحمد الله ع ايش بالضبط ؟ ع اننا ننسرق !؟ دافعين فلوس ودم قلبنا للانترنت ماجانا ببلاش ياليته ببلاش
وانا ماهمني المبلغ والله ! همني ليش الكذب ليش الاعلانات المظلله هذي ايش الفوضى بالبلد
يكتبون في لوحات الاعلانات " انترنت بلا حدود .. انترنت تحميل مفتوح .. انترنت بسرعات فوق الـ 20 ميقا " وتتفاجا لما تشغله بنص هالكلام كذب !
ويقولون لك " اشترك معنا الباقة 10 ميقا !! الكبينة تدعم ماعليك تفضل اشترك بس !! " وفي النهاية لما تركب وكلش تلقى هالكلام كله كذب !!
المشكلة تخيل حملات بتويتر وصلت الترند والناس كلها تدري عن الاستخدام العادل
شركة بجحه ووقحه واعيد واقول " ان كان خصمك القاضي فـ من تقاضي "
للاسف رجعنا لزمن ايام الدايل اب والانترنت ابو 512 كيلو بايت وشكاوي الشعب ع سوء الخدمات رجع الموال كله من جديد
عموما نحن عندنا شركتين اتصالات فقط، وحدة منهم هدفها صدمه عملائها ومش خدمة عملائها، والثانية التغطية تبعها زين لو توصل لنص مسقط من الاساس حتى نعرف نحكم عليها :/
حاليا مشترك بالـ ADSL مع الاولى..ميزتها الوحيدة انها Unlimited لكن من جهة أخرى قاعد ادفع 250 ريال شهريا (5مب) واحصل سرعة اشتراك الـ 200 ريال(2مب)، والسبب على حد قولهم ان الكابينة عليها ضغط..مرة رفعت بلاغ حتى يرسلون فني وبعد فترة من الاتصال كنت اعاني جدا مع النت لين ما اتصلت فيهم ولما ردوا علي واتأكد الفني تبعهم من الموضوع قاللي -وهو مذهول- ان في حد من طرفهم خفض وثبت السرعة عندي لـ 1 mb ..وراح رجعها هو مثل ما كانت قبل..يعاقبوني على اني مهتم بالحصول على السرعة الكاملة ولا وش القصة ما ادري!
اما شركة الاتصالات الثانية فما عندهم غير 3جي و 4جي..قلت اجرب واشوف كيف تغطيتهم عند بيتي..بعد ما طلعت البيت بالخريطة عندهم ظهر خط احمر شديدة القتمة عليه..يعني حتى نص مب ما بحصل @@
مليت من الحياة البائسة ذي..الفايبر اظن قبل 2017 المفروض ما افكر فيه..وحاليا معلقين كذا