Zixmar
True Gamer
هالسنة نزلت نينتندو لعبتين من اعظم الالعاب اللي لعبتهم بحياتي، وصادف انهم اثنينهم عوالم مفتوحة والعاب استكشافية درجة اولى. زيلدا نفس البرية وسوبر ماريو اوديسي هم الالعاب اللي رجعوا فعليا شعور الانبهار لي كـ لاعب. مااذكر متى اخر مرة مسكت لعبة وقضيت فيها هالكمية من الساعات من غير ملل وكلل.
زيلدا نفس البرية لعبة لو تقعد تلف فيها بتلقى امور كثيرة تستكشفها وتثير فضولك ومع ميكانيكس اللعبة تحس ان مافي شي مستحيل تقريبا. اللعبة ضخمة ومليئة بالمهام الممتعة وروح الاستكشاف فيها يحسسك بشعور ان "لينك" هو فعلا انت وشعور المغامرة فيها لايوصف.
سوبر ماريو اوديسي لعبة استكشافية بلاتفورمر، ونفس زيلدا من هالناحية اللعبة تغصبك تستكشفها من روعتها وكل شي يثير فضولك من عوالمها الجميلة والخفايا الموجودة، لعبة صنعت لي ابتسامة من اول الرحلة لغاية النهاية.
اللعبتين اخذوا تقاييم عالية جدا من المواقع والمراجعيين وحطموا ارقام قياسية عموما.
شخصيا انا معجب جدا بهالتوجه، احس نينتندو ضبطت كثير عوالم الالعاب المفتوحة الاستكشافية بعد هاللعبتين اللي يحمسونك ويحثونك على الاستكشاف.
هل ودكم تشوفون الاجزاء الجاية من ماريو وزيلدا على نفس هالمنوال؟ ولا تفضلون الخطية مع هالسلسلتين؟ وهل في سلاسل لنينتندو ودكم تشوفونهم بضخامة ماريو اوديسي وزيلدا نفس البرية؟
زيلدا نفس البرية لعبة لو تقعد تلف فيها بتلقى امور كثيرة تستكشفها وتثير فضولك ومع ميكانيكس اللعبة تحس ان مافي شي مستحيل تقريبا. اللعبة ضخمة ومليئة بالمهام الممتعة وروح الاستكشاف فيها يحسسك بشعور ان "لينك" هو فعلا انت وشعور المغامرة فيها لايوصف.
سوبر ماريو اوديسي لعبة استكشافية بلاتفورمر، ونفس زيلدا من هالناحية اللعبة تغصبك تستكشفها من روعتها وكل شي يثير فضولك من عوالمها الجميلة والخفايا الموجودة، لعبة صنعت لي ابتسامة من اول الرحلة لغاية النهاية.
اللعبتين اخذوا تقاييم عالية جدا من المواقع والمراجعيين وحطموا ارقام قياسية عموما.
شخصيا انا معجب جدا بهالتوجه، احس نينتندو ضبطت كثير عوالم الالعاب المفتوحة الاستكشافية بعد هاللعبتين اللي يحمسونك ويحثونك على الاستكشاف.
هل ودكم تشوفون الاجزاء الجاية من ماريو وزيلدا على نفس هالمنوال؟ ولا تفضلون الخطية مع هالسلسلتين؟ وهل في سلاسل لنينتندو ودكم تشوفونهم بضخامة ماريو اوديسي وزيلدا نفس البرية؟