مشكلة بالميت 10 برو

[fatal framer]

عندي مشكلة بالميت 10 برو اذا مشغل اغنية سواء من اليوتيوب او مخزنها بتلفوني وحطيته بالمخباة الاغنية توقف او تعيد شوي المقطع بس اذا كنت حاطه بكيس مثلا لا عادي

ماعرف ليش صاير حساس لهالدرجة فبغيت رايكم

احد منكم استعمل التلفون ولاحظ هالشغلة في حل نفع معاها؟

اشتري تلفون ثاني او mp3 player ؟

 

[Eye]

اول مرة تصير لك؟

اعتقد فيه خيار يقلل الحساسية للمس في الاعدادات.. ناسي والله كيف

وترا كل الجوالات كذا .. انا السامسونج مزهقي لنفس السبب تبعك فافضل حل انك تشتري سماعة فيها كنترول وتشغل الميوزك وتقصر وتطول بدون ما تطلع الجوال

 

[fatal framer]

اول مرة تصير لك؟

اعتقد فيه خيار يقلل الحساسية للمس في الاعدادات.. ناسي والله كيف

وترا كل الجوالات كذا .. انا السامسونج مزهقي لنفس السبب تبعك فافضل حل انك تشتري سماعة فيها كنترول وتشغل الميوزك وتقصر وتطول بدون ما تطلع الجوال

لا من اول ماشريت التلفون بس اكتشفت هالشغلة بعد فترة لانه كان اكثر استعمالي للسماعات بالدوام وقليل ما اطلع

اذا عرفت بموضوع الاعدادات خبرني يمكن تضبط معاي

انا من استعملت airpods كرهت السماعات اللي لها واير غير الصوت احلى واقوى

 

[Kambsha]

بلا شك المشكلة في الإعدادات، ماعندي الميت 10 برو لذلك ما اقدر افيدك.

ابحث في قوقل أو العب في الاعدادات وبتلقى الحل ان شاء الله.

 

[Zorro]

عندي مشكلة بالميت 10 برو اذا مشغل اغنية سواء من اليوتيوب او مخزنها بتلفوني وحطيته بالمخباة الاغنية توقف او تعيد شوي المقطع بس اذا كنت حاطه بكيس مثلا لا عادي

ماعرف ليش صاير حساس لهالدرجة فبغيت رايكم

احد منكم استعمل التلفون ولاحظ هالشغلة في حل نفع معاها؟

اشتري تلفون ثاني او mp3 player ؟

ممممم
ماعندي نفس جوالك لكن مريت بمشكلتك بطريقة ما
اللي سويته طفيت اعدادات المستشعر الخاص بتشغيل الشاشة اذا مر شيء قدامه(هذه امامية و غالبا قريب من الكاميرا)
فصرت اشغل الصوت و اطفي الشاشة يدويا من زر الباور ، بحيث ان الشاشة ماتستجيب لأي لمس إلا عن طريق زر الباور ..

ما ادري اذا وصلت لك الفكرة او لا !؟