مشكلة المساحة في الوي يو

[Andrew X]

اهلا اعضاء تروقيمنق الكرام..

مثل ما الكل عارف هاردوير الوي يو المتخلف منزلين جهاز اعلى سعة فيه هو 32 جيجا فقط بينما الأجهزة المنافسة توصل السعة فيها حدود 500 جيجا..

لعبت ديمو فاتل فريم واعجبني وابغى احمل اللعبة بأي طريقة لكن مساحة الجهاز ماتساعد..

من اللي سمعته ممكن تركب فلاش بدل الهارد درايف على الوي يو هذا اللي ودي فيه لأن كثرة الأسلاك والأجهزة مشكلة..

انا صفر في الشمال في الأمور التقنية لدرجة ما أعرف الفرق بين الهارد درايف و الهارد دسك xD لذلك الموضوع هذا راح يكون مرجع مهم للي يشتكون من سعة الوي يو

وش افضل فلاش ولا هارد درايف ؟ وش افضل نوعية ممكن تركب على الوي يو سواء كان فلاش او هارد درايف و وش افضل من ناحية السعر ؟

شكرا مقدما..
دمتم بود.

 

[fatal framer]

انا مركب هاردسك خارجي اللي على الكهربا من نوع seagate
2 تيرا ويمكن تضبط معاه انواع ثانية بس لازم يشوفلك راعي المحل اي نوع يضبط معاه
seagate واحد من ارخص الانواع ماعرف عن السعر اخوي لاني من الكويت ان شاء الله باقي الاعضاء يفيدونك في هالموضوع
من ناحية الفلاشات عندك sandisk -a data -patriot
هذي ارخص الانواع اللي شفتها بس الدارج اكثر sandisk
مسالة انك تاخذ فلاش او هاردسك هالشي انت تحدده حسب السعة اللي انت تحتاجها
بس يمكن بتاخذلك فلاش لانه الهاردسك سعته كبيرة عموما

 

[The Last Lombax]

مثل ما الكل عارف هاردوير الوي يو المتخلف منزلين جهاز اعلى سعة فيه هو 32 جيجا

على قلة المساحة لكن على فكرة جهاز التخزين المستخدم هنا مش هارديسك اعتيادي ولكن ذاكرة فلاشية لضمان اداء افضل واسرع للالعاب

وش افضل فلاش ولا هارد درايف ؟

هارد درايف طبعا

وش افضل نوعية ممكن تركب على الوي يو سواء كان فلاش او هارد درايف

كشركة ما أظن فيه افضل من WD وينصح باستخدام هارديسك بمنفذ كهربائي لضمان استقراره مع الالعاب. عن السعر ما عندي فكرة للاسف.

 

[~SilverMoon~]

انا ايضا اعاني من نفس المشكلة مسحت أغلب العابي

 

[m7tram]

اهلا اعضاء تروقيمنق الكرام..

لعبت ديمو فاتل فريم واعجبني وابغى احمل اللعبة بأي طريقة لكن مساحة الجهاز ماتساعد..

.

استمتع لعبة رائعة ولا تلتفت للتقاييم و اراء المراجعين.

لعبة جميلة من الزمن الجميل.

 

[Andrew X]

seagate واحد من ارخص الانواع ماعرف عن السعر اخوي لاني من الكويت ان شاء الله باقي الاعضاء يفيدونك في هالموضوع
من ناحية الفلاشات عندك sandisk -a data -patriot
هذي ارخص الانواع اللي شفتها بس الدارج اكثر sandisk
مسالة انك تاخذ فلاش او هاردسك هالشي انت تحدده حسب السعة اللي انت تحتاجها
بس يمكن بتاخذلك فلاش لانه الهاردسك سعته كبيرة عموما

ودي والله بفلاش وفيه سعات معقولة لقيت واحد 150 ريال سعة 160 جيجا تقريبا في اكسترا لكن ياخوفي مايحتفظ بلألعاب او مايشتغل زين

كشركة ما أظن فيه افضل من WD وينصح باستخدام هارديسك بمنفذ كهربائي لضمان استقراره مع الالعاب. عن السعر ما عندي فكرة للاسف.

على بركة الله قررت اخذ هاردسك وباخذ بالحسبان النوع اللي ذكرته..كنت متخيل الهاردسك بحجم الراوتر xD

استمتع لعبة رائعة ولا تلتفت للتقاييم و اراء المراجعين.

لعبة جميلة من الزمن الجميل.

اللعبة فعلا اعجبتني ومثل منت شايف قررت اشتري هاردسك فقط من اجل فاتل فريم

 

[fatal framer]

على بركة الله قررت اخذ هاردسك وباخذ بالحسبان النوع اللي ذكرته..كنت متخيل الهاردسك بحجم الراوتر xD

انت وحظك انا كان معاي wd واخترب بس حط في بالك انه اغلى من النوع اللي ذكرته

 

[Rare Games]

هارديسك بدون كهربا افضل مع واير Usb Y افضل حل (واير بفتحتين usb ) قبل كنت استخدم بواير واحد كان كله مشاكل ويعلق معاي بعد استخدمت الواير كل المشاكل راحت ويشتغل وياي تمام التمام

 

[Andrew X]

انت وحظك انا كان معاي wd واخترب بس حط في بالك انه اغلى من النوع اللي ذكرته

لذلك انا فاتح الموضوع ابغى الأعضاء يذكرون افضل تجاربهم مع الهاردسك ووش الأفضل

هارديسك بدون كهربا افضل مع واير Usb Y افضل حل (واير بفتحتين usb ) قبل كنت استخدم بواير واحد كان كله مشاكل ويعلق معاي بعد استخدمت الواير كل المشاكل راحت ويشتغل وياي تمام التمام

حيرتوني والله هاردسك بكهرباء او بدون :/ ارسوا على بر

 

[fatal framer]

اخوي انا عندي seagate بكهرباء وtoshiba usb
وللحين زينين معاي
انت اللي تحدد اللي تبيه يا فلاش او هاردسك

 

[R.A]

لذلك انا فاتح الموضوع ابغى الأعضاء يذكرون افضل تجاربهم مع الهاردسك ووش الأفضل



حيرتوني والله هاردسك بكهرباء او بدون :/ ارسوا على بر

ركب هارديسك احسن ليك و لازم اتيب هل سلك

انا مركب لي هارديسك 250GB و الحمدالله شغال 100%

 

[Rare Games]

ركب هارديسك احسن ليك و لازم اتيب هل سلك

انا مركب لي هارديسك 250GB و الحمدالله شغال 100%

هذا الواير الي اقصده مع هارديسك بدون كهربا افضل 100% لكن لا تاخذ هارديسك بدون هالواير

 

[fatal framer]

هذا الواير الي اقصده مع هارديسك بدون كهربا افضل 100% لكن لا تاخذ هارديسك بدون هالواير

شالفرق وشسم الواير ؟

 

[Rare Games]

شالفرق وشسم الواير ؟

فرق كبير جدا قبل ما استخدمه كانت الالعاب تطفي فجأة ويعلق كثير وياي في حالة هارديسك بدون كهربا بعد ما استخدمت الواير كل شي تمام وماعاد يطفي او يعلق شغال وياي ممتاز

اسم الواير اعتقد Usb Y

 

[Raulioo]

امتعضت من هذا بيوم من الايام هنا وتم اعتباري متعصب وحاقد على الشركه .. @@
عموما جربت هاردسك خارجي بدون كهرباء والوضع مش مريح ابدا وياما خسرت العاب وتخزينات للاسف

 

[Rare Games]

امتعضت من هذا بيوم من الايام هنا وتم اعتباري متعصب وحاقد على الشركه .. @@
عموما جربت هاردسك خارجي بدون كهرباء والوضع مش مريح ابدا وياما خسرت العاب وتخزينات للاسف

جربت تستخدم Usb Y نفس الواير الي حط صورته العضو kauro راح يفرق وياك كثير لما تستخدم الهارديسك بواير واحد فقط

 

[ASWD]

انصحك بالسيجيت مرتاح من منتجهم بعد قرابة ٥ تجارب معها.الويسترن ديجيتال ما توفقت مع منتجاتهم ابدا.وتقدر تستخدم هارد ديسك خارجي بدون كهرب بس مثل ما ذكرو الشباب لازم كيبل usb y

أسعار الهارد ديسكات نزلت كثييير مو مثل اول.انت يكفيك ابو ٥٠٠ جيجا لليو بس لو انت ناوي تمشي مع الديجيتال وتبغى تكون مرتاح اكثر خذ ١ تيرا لو لقيته بسعر حلو* بالعادة بين ٢٧٠-٣٠٠ ريال*

شوف هالوصلة بتفيدك
http://kotaku.com/the-best-external-hard-drives-for-your-wii-u-1616444509

 

[hussien-11]

امتعضت من هذا بيوم من الايام هنا وتم اعتباري متعصب وحاقد على الشركه .. @@
عموما جربت هاردسك خارجي بدون كهرباء والوضع مش مريح ابدا وياما خسرت العاب وتخزينات للاسف

مساحة البلاي4 مع حجم ألعابه امتلأت عندي قبل الوي يو.

 

[Dark Master]

مساحة البلاي4 مع حجم ألعابه امتلأت عندي قبل الوي يو.

من جد نفس الشي هنا XD
لو كنت مستخدم فيزيكال ماحتحتاج الكثير من المساحة
ولو انه كان افضل لو حطو مساحة اكبر طبعا بس عموما تقدر تركب هارد خارجي بسلك y

 

[FAROOS]

مساحة البلاي4 مع حجم ألعابه امتلأت عندي قبل الوي يو.

+1
المشكلة إنه تقريبا كل العاب الـ ps4 تاخذ مساحه كبيره لتثبيت حتى لو كانت فيزكل + أحجام التحديثات الإستهبالي , على عكس الوي يو اللي غالبا ما تحتاج مساحته إلا إذا حملت لعبة ديجتل .

 

[Raulioo]

لول طبيعي البس4 فيه العاب بلس مجانية، جهاز ملتميديا كامل، العاب ريتايل واندي كثيره مالها حصر..هل لعبة او 2 عبت المساحة كلها معكم؟ بالوي يو لو عندك فقط بايونيتا وميترويد بتاكل المساحة تماما واكثر..هذا اذا ما كنت من المنكوبين بنسخة البيسك طبعا..

 

[Andrew X]

+1
المشكلة إنه تقريبا كل العاب الـ ps4 تاخذ مساحه كبيره لتثبيت حتى لو كانت فيزكل + أحجام التحديثات الإستهبالي , على عكس الوي يو اللي غالبا ما تحتاج مساحته إلا إذا حملت لعبة ديجتل .

فيه العاب احجامها استهبالي على قولتك مثل سماش 17 جيجا وفاتل فريم 14 جيجا نظرا لمساحة الوي يو..وفيه العاب احجامها معقولة مثل لعبة وي بارتي يو 4000 ميجا وشوي تقريبا..مثل ماذكر راؤول لعبتين ب الكثير ويمتلي الجهاز .

 

[FAROOS]

لول طبيعي البس4 فيه العاب بلس مجانية، جهاز ملتميديا كامل، العاب ريتايل واندي كثيره مالها حصر..هل لعبة او 2 عبت المساحة كلها معكم؟ بالوي يو لو عندك فقط بايونيتا وميترويد بتاكل المساحة تماما واكثر..هذا اذا ما كنت من المنكوبين بنسخة البيسك طبعا..

مقصدي الوي يو تقدر تعيش على مساحته إذا كانت العابك كلها فيزكل , على عكس الـps4 اللي حتى العاب الفيزكل تأخذ أحجام ضخمة من الجهاز وتضطر مع الوقت إما أنك تحذف أو تسوي أبجريد للهارد درايف .

 

[leader_e]

نينتندو من اول يوم أصدرت فيه الجهاز أعلنت انه اللي يرغب بتخزين اعلى يشتري هاردديسك وهذا الشيء موجود في موقعهم من اول يوم صدر الوي يو فيه،، ف مش عارف الدراما اللي حاصلة في هذا الموضوع ،، من المفترض الشخص قبل ما يشتري الجهاز يعمل حسابه انه العابه تكون فيزيكال او انه يشتري الجهاز ومعاه هاردديسك زي ما سويت أنا لكن مش يشتري نسخة ال ٨ جيجا ويجي يشتكي انه الجهاز متخلف ومافيه مساحة!!!

 

[leader_e]

ردا على استفسار صاحب الموضوع ،، موقع نينتندو الرسمي يقترح الهارد ديسك اللي يشتغل مع الكهرباء فمن الأفضل انك تسمع اقتراحهم وهذا أنا اللي سويته لقيت هاردديسك ٢ تيرا WD مع كهرباء ب ٢٥٠ ريال عرض من جوير

 

[Andrew X]

نينتندو من اول يوم أصدرت فيه الجهاز أعلنت انه اللي يرغب بتخزين اعلى يشتري هاردديسك وهذا الشيء موجود في موقعهم من اول يوم صدر الوي يو فيه،، ف مش عارف الدراما اللي حاصلة في هذا الموضوع ،، من المفترض الشخص قبل ما يشتري الجهاز يعمل حسابه انه العابه تكون فيزيكال او انه يشتري الجهاز ومعاه هاردديسك زي ما سويت أنا لكن مش يشتري نسخة ال ٨ جيجا ويجي يشتكي انه الجهاز متخلف ومافيه مساحة!!!

ياسلام والله..مش الكل يتابع موقع نينتندو ولو لاحظت اغلب من ينصح بجهاز الوي يو في النت مايجيبون طاري الهاردسك..

عموما انا جهازي 32 جيجا وكنت حاط في بالي فعلا اني اشتري الألعاب فيزيكال لكن بعد ماكتشفت اني اقدر اشتري من الستور الكندي بالفيزا السعودية وفرق الأسعار 10-20 ريال بينه وبين الأمريكي " فاتل فريم ب187 ريال في الستور الأمريكي والكندي ب200 ريال " + تأخر العاب الوي يو وارتفاع اسعارها وندرتها قررت احول ل Digital

اغلب اللي في الموضوع ذكروا هاردسك بدون كهرباء واللي استنتجته انت وحضك يأما يشتغل معك زين او لا سواء بكهرباء او بدون.

 

[White Soul]

اغلب اللي في الموضوع ذكروا هاردسك بدون كهرباء واللي استنتجه انت وحضك يأما يشتغل معك زين او لا سواء بكهرباء او بدون.

لا، واقعا ممكن هاردسك بدون سلك كهرباء يشتغل معاك لكن في هالحالة "انت وحضك" على تعبيرك.
لكن إذا استعملت هاردسك بكهرباء أو بusb y cable فالمفروض يشتغل معاك، أنا مجرب الخيار الثاني وصار لي 3 سنوات، للحين ما صارت لي أي مشكلة.

 

[Saudi Fighter]

لول طبيعي البس4 فيه العاب بلس مجانية، جهاز ملتميديا كامل، العاب ريتايل واندي كثيره مالها حصر..هل لعبة او 2 عبت المساحة كلها معكم؟ بالوي يو لو عندك فقط بايونيتا وميترويد بتاكل المساحة تماما واكثر..هذا اذا ما كنت من المنكوبين بنسخة البيسك طبعا..

فعلا كلامك صحيح انا من الناس الي عندهم نسخة البيسك وفعلا مزعجة مشكلة المساحة فعلا عيب جهاز نازل ب2005 مثل الاكس بوكس 360 متطور وعنده هارديسك افضل من جهاز جيل حالي مثل الwii u

 

[Andrew X]

فعلا كلامك صحيح انا من الناس الي عندهم نسخة البيسك وفعلا مزعجة مشكلة المساحة فعلا عيب جهاز نازل ب2005 مثل الاكس بوكس 360 متطور وعنده هارديسك افضل من جهاز جيل حالي مثل الwii u

بما انه عندك البيسك ضروري تشتري هاردسك واتمنى الموضوع افادك مثل ما افادني..على انه الوي يو على اخر عمره لكن فيه كم لعبة حاطها في بالي وباخذها ان شاءالله و ما اتوقع ان عندك شي تشتريه على الجهاز حاليا فلا تتذمر من الجهاز اذا انت منت مهتم فيه.

 

[leader_e]

ياسلام والله..مش الكل يتابع موقع نينتندو ولو لاحظت اغلب من ينصح بجهاز الوي يو في النت مايجيبون طاري الهاردسك..

عموما انا جهازي 32 جيجا وكنت حاط في بالي فعلا اني اشتري الألعاب فيزيكال لكن بعد ماكتشفت اني اقدر اشتري من الستور الكندي بالفيزا السعودية وفرق الأسعار 10-20 ريال بينه وبين الأمريكي " فاتل فريم ب187 ريال في الستور الأمريكي والكندي ب200 ريال " + تأخر العاب الوي يو وارتفاع اسعارها وندرتها قررت احول ل Digital

اغلب اللي في الموضوع ذكروا هاردسك بدون كهرباء واللي استنتجته انت وحضك يأما يشتغل معك زين او لا سواء بكهرباء او بدون.

.
المعذرة منك اذا كان أسلوبي أزعجك بس أنا عندي عادة قبل ما اشتري اي جهاز أسوي بحث عشان اعرف عيوبه ومميزاته، بخصوص الهاردديسك اللي بكهرباء فهو مضمون لانه زي ما قلت لك مذكور في موقع نينتندو الرسمي اما الحل الثاني فأنت وحظك لان هذا الحل جربوه عموم اللاعبين فضبط مع بعضهم ومع بعض الناس ما ضبط
بالنسبة لحالتك الوي يو في نهايته فهل عندك العاب كثيرة حاب تأخذها تبرر شراءك لهاردديسك جديد، أنا لقيت عرض على هاردديسك بكهرباء ب ٢٥٠ ريال وهذا الكلام قبل اكثر من ٣ سنوات فأكيد اسعارها نزلت الان
تحياتي لك وبالتوفيق