hits counter

مشاركة الأخوان !!

king zell

Network Director
Administrator
بغض النظر عن طريقة سرد الموضوع بعلق على موضوع المشاركة بشكل عام


في أشياء شخصية بحد ذاتها.. مثل الكمبيوتر.. ما سموه Personal Computer من عبث.. و حتى الجوال كلهم استخدامهم شخصي بشكل كبير.. و رغم إني ما راح أتيحهم للمشاركة لكن بسمح باستخدامهم في حالات خاصة ضرورية

أما أجهزة ألعاب الفيديو.. صحيح إني مش مرغم إني أشاركهم.. لكني أسوي هالشي من نفسي و بقناعة تامة.. عندي أجهزة الألعاب مثل التلفزيون و الفيديو في البيت.. هي أجهزة اجتماعية و فرصة لإجتماع العائلة.. و أنا أعرف متعة الألعاب بشكل كبير و كثير أهتم أعرف أخواني ايش ودهم فيه و أحاول أجيب لهم الألعاب اللي يحبونها

أحيان كثيرة أفكر في بالي في كيف الآباء ما يفهمون ألعاب الفيديو و أحس إني كوني الأخ الأكبر في عائلتي هو من حظ أخواني الصغار و شي ما قدرت أحصله و أنا صغير..

طبعا أكيد مشاركة هالألعاب مش مفتوحة بشكل كامل.. دائما سيطرتي عالأمور موجودة و أتحكم في نوع الألعاب اللي يمسكونه أخواني و وقت لعبهم بشكل موزون
 

Andrew X

سابقاً Life
مايحلي اللعب الا بمشاركة اخوانك لك و (باختصار) <tgman>
 

Sparkster

Casual Gamer
( عايشت ) مواقف خلتني ما أسمح لأخواني الصغار أنهم يلعبون بألعابي. أصحابي و أقربائي اللي بعمري فقط أسمح لهم يلعبون معي إذا كنت مجتمع معاهم بالويكند مثلاً. الصغار يبقون صغار ماعندهم مسؤولية و مافيني أجلس أراقبهم.
 

s3rorh

True Gamer
السلام عليكم ورحمة الله وبركاتة

ابشركم , وأخيرا المطر نزل :cryy: ألحين الواحد يقدر يروح البر وما يشيل هم الغبار المزعج وتصوروا من أول ما قعدت من النوم الساعة 11 الصبح تقريباً لغاية الأن * 9:35* , والمطر شغال :cooool:
يالله نحمدك ونشكرك على هذى النعمة


مو هذا موضوعنا , موضوعنا يتمحور و يفتر حول عدم مشاركة الاخرين بجهازك !!
يعني لاحظت في وايد شباب برا المنتدى واهني يقول لك : ودي اجرب هالجهاز ,, وودي اشتريه بالعطلة بس ما عندي فلوس , وودي ....إلخ


بس بعدين اكتشف بأنه أخوه ألي ساكن وياه بنفس البيت وياكل وياه و يسولف وياه وألي مقابل وجهه 24 ساعه لغايه ما زهق منه ,,يكون عنده الجهاز ألي وده اخوه المسكين يشتريه ..

يعني من جد ماني عارف ليش الواحد ما يخلي اخوه يلعب بجهازه !!
والله يا أنه الأجهزة ألي شريتها و ألي راح أشتريها ,, ما استمتع فيها إلا لما ألعب بالجهاز ويا اخواني ,, يعني اخوانك بيسوون لك جو خاص , أحسن من أنك تلعب بروحك
ولدرجة اخواني بدأو يقولون لي
( يا اخي الكبير , متى تشتري لنا جهاز نكست جين لكي نشاركك باللعب !! )


فا ماني عارف ليش هذه الظاهره منتشره ,, لا أدري *على وزن ماذا اسوي؟*


ملاحظة :
- الموضوع كان المفروض ينزل من أمس .. بس ما قدرت اكمله كله ... فا كملته اليوم وها هو أمامكم
فا ما عليش على بعض الأحداث القديمه P:
- قعدت ربع ساعه افكر بعنوان للموضوع زي العالم ما لقيت :angry:


Retweet
 

s3rorh

True Gamer

@abdullah-kh كيفني بالرتويتات ؟::fdoly::

--


لا فعلاً .. كنت كا @No Longer Human ايام شبابي من حيث المواضيع ::laugh::


و طحت عليه .. و حسيت ما زال يمديني اسوي رتويت للموضوع و اشوف ردود جيل اليوم من الأعضاء



عن نفسي و بخصوص الموضوع .. و رأيي فيه من بعد ١٤ سنه تقريباً




و شواربي بحلقهم عكس .. اذا ثاني مرة شاركت أييييي شييييي .. مع أحد .. من تجربه ١٤ سنه .. مو أي كلام .. @Colorization انا اسف لاني ما اقتنعت بكلامك وقتها


و شكراً
 

Eye

السوسة
@abdullah-kh كيفني بالرتويتات ؟::fdoly::

--


لا فعلاً .. كنت كا @No Longer Human ايام شبابي من حيث المواضيع ::laugh::


و طحت عليه .. و حسيت ما زال يمديني اسوي رتويت للموضوع و اشوف ردود جيل اليوم من الأعضاء



عن نفسي و بخصوص الموضوع .. و رأيي فيه من بعد ١٤ سنه تقريباً




و شواربي بحلقهم عكس .. اذا ثاني مرة شاركت أييييي شييييي .. مع أحد .. من تجربه ١٤ سنه .. مو أي كلام .. @Colorization انا اسف لاني ما اقتنعت بكلامك وقتها


و شكراً

ترا بعلم عليك الاهل :)
 

جون سيلفر

True Gamer
ماشالله اخوي صعرورة استفدت من الـ14 سنة وتغيرت قناعة وحدة هذا أمر يبشر بالخير
وبعدين سرد الموضوع يوحي بانك كنت كاتب مميز ماشالله ألف ماشالله عليك
 

aboooood

True Gamer
و شواربي بحلقهم عكس .. اذا ثاني مرة شاركت أييييي شييييي .. مع أحد .. من تجربه ١٤ سنه .. مو أي كلام .. @Colorization انا اسف لاني ما اقتنعت بكلامك وقتها
بعد 14 سنة اقتنعت ممتاز صراحة "ان تصل متاخرا خير من ان لا تصل "

بس شجاعة منك بعد كل هذه السنوات الاعتراف بالخطأ والاعتذار انت قائد ممتاز يا صديقي
 

s3rorh

True Gamer
ماشالله اخوي صعرورة استفدت من الـ14 سنة وتغيرت قناعة وحدة هذا أمر يبشر بالخير

صعرورة الإرادة .. صعرورة المساواة .. صعرورة العدل .. صعرورة التغيير

جيب واحد تطبيل


وبعدين سرد الموضوع يوحي بانك كنت كاتب مميز ماشالله ألف ماشالله عليك

لا والله، كنت فاضي بزيادة


ولكن هالشي ما يمنع مرات .. بكل كم شهر .. تحصلني أفصل و اخذ راحتي بإحدى الردود و اكتب كثيييييير .. بس هذا كله اذا سمح الوضع
 

سيفروس سنيب

بروفيسور فنون الظلام
ياسلام عالتوقيت أنا مالي يومين أشكي !!

أخواني ربي يحرسهم !
فلوس وعلى قلبهم
انجليزي ونت ماناقصهم خبرة
عمر! ماهم صغار كل واحد أشحط مني

ليش ياخذون جهازي؟؟
ولما اشتريت الجديد يرجعون لي القديم وياخذون الجديد؟؟

كل هالحقد عشاني المفضل عند الوالد والوالدة

#_قصة_يوسف_عليه_السلام

بعيد عن المزاح
أفدى أخواني بالي يبون لدرجة مانستأذن بعض
وكني مؤخراً رغبتهم في اللعب والترفيه
بعد حياة الخشب الي كانوا منتهجينها الحمدلله ...
 

Unknown

Fake Gamer
مشاركه مع الاخوان؟ .. ماعرفها ولا هي بقاموسي .. كل واحد واجهزته
 

لُقمَان

True Gamer
ياسلام عالتوقيت أنا مالي يومين أشكي !!

أخواني ربي يحرسهم !
فلوس وعلى قلبهم
انجليزي ونت ماناقصهم خبرة
عمر! ماهم صغار كل واحد أشحط مني

ليش ياخذون جهازي؟؟
ولما اشتريت الجديد يرجعون لي القديم وياخذون الجديد؟؟

كل هالحقد عشاني المفضل عند الوالد والوالدة

#_قصة_يوسف_عليه_السلام

بعيد عن المزاح
أفدى أخواني بالي يبون لدرجة مانستأذن بعض
وكني مؤخراً رغبتهم في اللعب والترفيه
بعد حياة الخشب الي كانوا منتهجينها الحمدلله ...

نفس الحالة هنا ولكن مع أخواتي الصغار وأبناء أخي/خواتي ...

حقيقة أخر شيء أستسلمت للأمر الواقع، وسويت لهم حساب على الـPS4 و السويتش، وعلمتهم طريقة يدخلون عليه عشان مايخربون تخزينتي/ ألعابي xD
 

سيفروس سنيب

بروفيسور فنون الظلام
نفس الحالة هنا ولكن مع أخواتي الصغار وأبناء أخي/خواتي ...

حقيقة أخر شيء أستسلمت للأمر الواقع، وسويت لهم حساب على الـPS4 و السويتش، وعلمتهم طريقة يدخلون عليه عشان مايخربون تخزينتي/ ألعابي xD

عشان ما أدعي الملائكية

السيارة عندي خط أحمر ولا يمكن أعطي مفتاحي أخواني
ولو توقيف ! سبحان الله أحسها شي خاص جداً

يشوفوني نفسية على هالسالفة
 

لُقمَان

True Gamer
عشان ما أدعي الملائكية

السيارة عندي خط أحمر ولا يمكن أعطي مفتاحي أخواني
ولو توقيف ! سبحان الله أحسها شي خاص جداً

يشوفوني نفسية على هالسالفة
لا أنا حتى السيارة عادي، حتى يأخذون المفتاح من الثوب وأنا نايم وما أدري xD
 

Eye

السوسة
انا على الطرف الاخر من الطاولة .. انا اللي اخذ اشياءهم واكل عليهم الحلويات والاشياء ::whistle::

مع اني اللي عندي افضل ولكن اللي عند الغير طعمه غير
 

Sultan/X

Banned
شفت الصفحة الاولى وكل من فيها أخذته الحياة بعيد عن هنا ألا أنت مخلص ومحب للمنتدي عقبال ميه سنة قدام ياصعرورة. اوك ميه واجد خلها عشر سنين.
 

s3rorh

True Gamer
شفت الصفحة الاولى وكل من فيها أخذته الحياة بعيد عن هنا ألا أنت مخلص ومحب للمنتدي عقبال ميه سنة قدام ياصعرورة. اوك ميه واجد خلها عشر سنين.

:'(
 
أعلى