سؤال مساعدة PlayStation 3 80GB

[sloome]

السلام عليكم

شخباركم اخواني؟؟

اخواني انا قررت اشتري جهاز PlayStation 3 80GB مستعمل من موقع امازون وسعره 675 ريال
وما ادري وش تنصحوني فيه اشتريه والا لا
ولو ما عليكم امر ابغا اعرف وش هي مشاكله الي ممكن تطلع لي بعدين من نفس الجهاز
وابغا رأيكم بالسعر
وانا ترا ما اشتريته ال عشان الاون لاين وعشان سعره بعد مرررة اعجبني
والي قد طلب من برا بلاي ستيشن يقول لي كيف جاء مضبوط والا في خرابات؟
والي يعرف PlayStation 3 80GB يقول لي عنه كل شي
اسف على الاطالة بس ابغا استفيد لأني ابغا اشتري بلاي ستيشن 3 وانا عندي اكس بوكس وما اعرف شي عن البلاي ستيشن 3
وابا اعرف وش الاحسن PlayStation 3 80GB او PlayStation 3 40GB System

 

[Nintendo]

ما انصحك ابدا تسويها، لاسمح الله إذا اي شئ صار للجهاز ماراح تقدر تصلحه هنا لانه بدون ضمان وهاذي الاجهزة خرباتها كثيره جدا

 

[No Longer Human]

إذا ناوي على مستعمل فخذ من مدينتك أضمنلك ,,
أو خذلك سليم جديد لك وللزمن .

 

[sloome]

إذا ناوي على مستعمل فخذ من مدينتك أضمنلك ,,
أو خذلك سليم جديد لك وللزمن .

انا عندي اكس بوكس اصلا
وانا ابغا البلاي ستيشن بسبب سعره الرخيص من هناك والاكس بوكس السليم يبغا لي اخذ واحد مستعمل لو تلقا لي مستعمل وسعره رخيص شوي اكون شاارك لك

 

[sloome]

ما انصحك ابدا تسويها، لاسمح الله إذا اي شئ صار للجهاز ماراح تقدر تصلحه هنا لانه بدون ضمان وهاذي الاجهزة خرباتها كثيره جدا

هذا الشي الوحيد الي انا خايف منه لو اشتري من برا لأن بعض الاجهزة تجي مضرووبة وبعضها تجي مكسرة حسبي الله عليهم
بس غلاء الاسعار هنا هي الي تخليك تشتري من برررا

 

[gall]

تبيها مني عمر المستعمل مايدوم خذلك جديد وريح بالك

 

[Master Assassin]

ما انصحك تاخد جهاز فات اصلا سواء من هنا أو من برا لان الجهاز اصلا في مشاكل وخراباته كثيره وممكن بعد فتره يعطيك لمبه صفره بدون اي مقدمات وخصوصا لو كان مستعمل والأجهزة اللي من.بره ما عليها ضمان وهذه بحد زاتها مخاطره
عموماً كل المشاكل والعيوب اللي بالبليستيشن 3 انحلت انشاء الله بشكل نهائي بالسليم فممكن تدور على جهاز حتى لو كان مستعمل من هنا افضلك
أو نصيحة خوذلك واحد جديد

 

[sloome]

والله انا غكر واخطت بنصيحة اخوي No Longer Human وقررت اشتري السليم وجديد بعد ان شاء الله بس وين احسن محل في الرياض وابغا الرخيص

 

[gall]

عندك شركة الباحة للتجارة سعر ال80جيجا ب 1150 وهو ارخص شي بالسوق وذا موقعهم http://albaha.com/products.php?product=Playstation-3-

 

[Master Assassin]

روح سوق البطحا بتلاقي اكثر من محل عنده 160 جيجا وبسعر خرافي بعد
ممكن 1060 او 1150 على ما افتكر
روح المحلات واتفاصل معهم بالسعر وانشاء الله بتاخذ اقل سعر.

 

[sloome]

طيب بالنسبة للسليم 250 جيجا ابغا اعرف عنه اشياء يعني مو معقول ادخل على اي محل واقول له ابغا سليم 250 جيجا واخذه وانا ما اعرف عن هالاكس بوكس ولا شي
يعني مثلا انا ابغا اعرف هل في هالاكس بوكس PAL & NTSC ؟؟
او يشغل كل شي؟
ابغا اعرف عنه يعني معلومات واشياء مثل كذا

انا عارف اني ازعجتكم بس وش اسوي انا كنت اكس بوكس الابيض 360 وما اعرف شي ثاني عنه
الي عنده خبرة بهالاشياء يعطيني خبر

 

[sloome]

اسف على الازعااج

بس انا قررت اشتري البلاي ستيشن 3
ابغا تعطوني نصائح وش اشتري احسن نوع وشو
انا سمعت ان احسن النوع الصغير
طيب كيف اذا رحت اشتري اقول له ابغا بلاي ستيشن 3 الصغير؟؟
وابغا اعرف وش احسن سعه + فيه امريكي وصناعات ثانية وش الاحسن؟؟
وابغا طريقة عمل البلاي ستيشن وكل شي متعلق فييه

تكفوون افيدووني ولا تبخلون علي الله يعطيكم العاافية

 

[SAUD~F-16]

^
انا جربت الكبير 80 جيجا وله زمااان عندي وشغال تمام والصغير ما يفرق عنه بشيئ غير الشكل والسعة...اما بالنسبة لأحسن سعة هذا الشي يرجع لك, اذا انت تحمل العاب كثير
خذلك 160 او320GB (السعر يفرق) , وبالنسبة للصناعة برضو ما يفرق كله نفس الشيئ امريكي ولا اروبي ومافي ريجون لوكد زي الأكس بوكس.

بالنسبة لسؤالك عن طريقة عمل PS3, صعب اجوبك ياليت لو تخصص السؤال شوي
واذا عندك اسئلة اخرى انا بالخدمة.

 

[sloome]

^
انا جربت الكبير 80 جيجا وله زمااان عندي وشغال تمام والصغير ما يفرق عنه بشيئ غير الشكل والسعة...اما بالنسبة لأحسن سعة هذا الشي يرجع لك, اذا انت تحمل العاب كثير
خذلك 160 او320GB (السعر يفرق) , وبالنسبة للصناعة برضو ما يفرق كله نفس الشيئ امريكي ولا اروبي ومافي ريجون لوكد زي الأكس بوكس.

بالنسبة لسؤالك عن طريقة عمل PS3, صعب اجوبك ياليت لو تخصص السؤال شوي
واذا عندك اسئلة اخرى انا بالخدمة.

الف الف شكر لك اخوي
وانا بأذن الله راح اشتري البلاي ستيشن 160 جيجا الصغير بس وش احسن مكان يبيعها ووش احسن سعر؟

 

[sloome]

اخواني هذا اخر سؤال قبل ما اشتري السوني
وش الفرق بين المهكر والي مهوب مهكر ووش الاحسن بينهم
اتمنى الررد السريع تكفون اول واحد يشوف ردي هذا على طول يرد ورااي لأني قربت اشتريه تكفون الي يعرف لا يبخل علي

 

[link2012]

المهكر تلعب بالعاب منسوخة والعادي تشتري العاب اصلية والصراحه ماجربت المهكر بس غالبا خرباته كثيره ومو كل الالعاب تشتغل علية

 

[sloome]

طيب فيه فرق بين سعر اشرطة المهكر وسعر اشرطة العاادي؟؟؟
اتمنى الرد السريع تراني ما شريته للحين استناكم تردون علي