محد عنده ويندوز فون 8 هنا؟

[FARES_]

السلام عليكم


مستغرب مافي موضوع رسمي للجهاز.. رغم انه نزل بالسوق من اسابيع و معقوله محد شراه للحين؟
مع العلم انه صار فيه عربي رسمي.. اشهرهم الlumia 920 والhtc x8 ..

رحت من جم يوم اماكن مختلفه للالكتورنيات.. وكانت اسعارهم الhtc ب150 دينار بينما النوكيا ب190 دينار لمن يهمه الأمر
والستور ماله وضعه ممتاز.. صحيح ماهو مقارن بآبستور ولا الأندرويد لكن كمحتوى اساسي من برامج تكفي
( هو الناس وش تبي غير تويتر وفيس بوك وانستغرام ولا؟! ).. المهم ما علينا

انا هدفي بالموضوع اني حاب اخذ رأي الي عندهم الوندوز فون 8 وكيف وضعهم معاه مرتاحين؟ واي جهاز عندك... ريفيو ولو مختصر ..
بما اني سبق وجربت الأيفون 4 وكذلك سلسله الجلكسي واخرها الجلكسي أس 3 فحبيت اجرب شي جديد

اتمنى تفيدوني.. لأني مازلت محتار بخصوص النظام وكذلك اي هاتف اختار من فئه الوندوز 8

هذي معلومات لقطتها من مصادر عامه للي ما يعرف شي عن الجهازين للحين
الHTC X8 انحف واخف من اللوميا
خرايط نوكيا تشتغل من غير اتصال نت
تتميز كامره اللوميا بالGIF كذلك التصوير الليلي بمساعده تقنيه الPureview
الأثنين نفس البروسور سناب دراغن
كذلك الأثنين شاشاتهم من نوع غوريلا غلاس .. ولي يفيد للي تلفوناتهم كل شوي تطيح ايدهم : P

وبس ..

 

[Ray Gun]

انا امتلك النوكيا لوميا 920

+ شاشة الجهاز كبيره و مميزه .. اقل عرضه للخدش .. تقدر تتحكم فيها و انت لابس قفازات
+ مظهر الجهاز جدا رائع و جذاب
+ النظام سلسل و سريع .. ماوجهت مشاكل تعليق او تهنيق الى الان
+ كاميرا الجهاز خارقه جدا و العزل فيها خرااااااافي
+ تقنية السينما قراف ممتعه جدا .. تقدر تصور اشياء و تنزلها ف النت على شكل Gif او صور متحركه
+ يمديك تشبك لآيف بالاكس بوكس و تشوف الفريندز و تسولف معهم تكست مسج
+ يمديك تتحكم ب جهاز الاكس بوكس عن طريق جهازك ،، زي الريموت تقريبا

- التصفح سيئ للغايه ... فيه مشاكل بالمحاذات مع اللغه العربية
- ماله مكتبة برامج ضخمه .. تحس جهازك فاضي و بتنقصك برامج كثير
- بعض البرامج تعمل بشكل افضل على الاندرويد و ال ios

نزلت موضوع في احد المنتديات صور للجهاز + مقارانه مع بعض الاجهزه في الحجم

محتوى مخفي: 1

محتوى مخفي: 2

محتوى مخفي: 3

محتوى مخفي: 4

محتوى مخفي: 5

محتوى مخفي: 6

 

[~L.O.R.D~]

انا ناوي ان شاء الله على HTX 8X
مسكته مريحة وممتازة جدا
لكن خايف من موضوع محاذاة الأحرف العربية...كيف يعني ؟
واذا غيرت الخط ؟

 

[Rain]

اللوميا 920 دخل مزاجي ومرة اعجبني وسعره مقبول.. بس بما انه مكتبة برامجه قليلة فأظن باصبر شويات ..

 

[ALONE]

بأذن الله راح اشتري اللوميا 920

يمكن بعد 5 -6 شهور

بعد ماينزل سعره وتزيد العاب وتطبيقات الوندوز فون 8

 

[JOKER MASK]

اوك ما كان عندي شخصيا ولكن جربته مع واحد من اخوياي الجهاز HTC 8X

- اعادة تشغيل من نفسه :/
- تحميل العاب يطول يعني البرنامج ثنين ميجا كمثال يجلس اكثر من 10 دقايق تحميل ليش ؟
- قله برامج

+ برامج اكثرها مجاني
+ العاب اكس بوكس اركيد موجودة فيه
+ تطبيق سمارت جلاس

اخ فارس شف فيفا عندكم عندنا اتصالات تبيع HTC 8X 1999 ريال

 

[used2Bcat]

سجل هنا واحد لومي أبيض ومستانس معه. الجوال أو النظام بشكل عام ممتاز لكن تنقصه بعض العيوب السوفتيرية البسيطة.

========

- تحميل العاب يطول يعني البرنامج ثنين ميجا كمثال يجلس اكثر من 10 دقايق تحميل ليش ؟​

جهاز خويك فيه مشكلة. كونفرمد. صحيح أحياناً لما تظغط تثبيت للبرنامج في الماركتبليس يتأخر بـ"جاري التنزيل" بس مو لهذه الدرجة !

 

[JOKER MASK]

سجل هنا واحد لومي أبيض ومستانس معه. الجوال أو النظام بشكل عام ممتاز لكن تنقصه بعض العيوب السوفتيرية البسيطة.

========



جهاز خويك فيه مشكلة. كونفرمد. صحيح أحياناً لما تظغط تثبيت للبرنامج في الماركتبليس يتأخر بـ"جاري التنزيل" بس مو لهذه الدرجة !

اخوي علي هو مثال فقط لا اكثر بس هو كان يشتكي منها على كلامه انها تاخر في تحميل

 

[used2Bcat]

^
طيب أسف إني فهمتك غلط لأن ردك كان يدل على إنه مراجعة بسيطة للنظام فـ شدتني هذه النقطة بالذات لأني أشوفها مبالغة بصراحة! كان يمديك تقول تتأخر كثير بس "2ميغا=10دقايق" شيء غير منطقي.
لا تحسب إني بس حاب أسوي نفسي و كذا لا بس حبيت أعلق على هذه النقطة لأن الخوف يجونك أشخاص يقرون ردك ويعتبرها Fact على كل أجهزة الـWP8 وهو بتوقعي إما مشكلة بجهاز خويك أو مثل ما قلت انت إنها للتمثيل فقط مو واقع حي.
لأن اللي صاير معي بالشكل التالي : ادخل ماركت بليس > ادور تطبيقات ولا ألعاب > أحصل واحد و اظغط تثبيت > يتأخر شوي بسالفة "جاري التنزيل" > بعدها ينتقل للواجهة الرئيسية مع بار التحميل و يحمل بشكل طبيعي.

====

نجي لإنطباعاتي مع الـWP8 أو الـLumia920 :

+الـMetro و الـLive Tiles أفضل واجهة شفتها في حياتي شكلاً و عملياً.
+طريقة عرض البرامج بتطبيق واجهة الـMetro تحس إنك تملك جهاز بنظام ذو تجربة فريدة. "تطبيق Facebook+WallBase+Metrogram+MetroTube+Nokia Trailers وغيره"
+إظافات Nokia الممتازة : الـSmartshoot,Cinemagraph و من البرامج الثانية مثل Nokia Trailers,Nokia Drive+ وغيره.
+خامة الجهاز ومسكتة فخمة جداً صحيح ثقيل بشكل ملحوظ لكن ثقله معطيه فخامة صراحة.
+كاميرا الجهاز رهيبة بقوة من ناحية تصوير و العزل فعلاً مثل ما قال Ray Gun جبار. "لما تحط الوضع Auto تعطيك أحياناً نتائج سيئة لكن نوكيا عدلت اغلب هذه المشاكل بتحديث Portico"
+الـXbox و الـSmartglass.
+الـXbox Music و طريقة الإشتراك الرهيبة حقت الـPass. "للأسف لازم فيزا امريكية"
+الخرائط حلوة ورائعة و أفضل مافيها إنها Offline فعلياً و أغلب الـPOI بالعربي حتى أسامي الحواري يجيبها بالعربي لما شفتها اندهشت!:laugh::
+التكامل مع الـWindows8 و كيف تحس إنك تمتلك نظام واحد

-أطراف الجهاز شوي تغث وتحس مسكتها مو مريحة.
-مكتبة البرامج تحتاج زيادة شويتين مثل instagram-flipboard-subwaysurfer وغيره من التطبيقات المشهورة بالأنظمة الأخرى.
-كذا شيء بسيط في النظام يعدلونه. مثل؟ نظام الصوت يخلونه منفصل يعني مثلاً التطبيقات لها اعدادت للصوت مستقلة عن الأغاني! وأيضاً اعدادات الصوت للمكالمات مستقلة عن أصوات الكيبورد سواءاً العادي أو حق الأرقام لما تتصل! شيء ثاني؟ تصغير الكيبورد شوي! مو معقولة احياناً الكيبورد يأخذ نص الشاشة! عموماً تعتبر عيوب لكنها مو عيوب قاتلة تجبرك تبعد عن الجهاز.

اذا فيه شيء زيادة بأرجع أكتبه إن شاء الله

 

[Rain]

أظن طبيعي بيكون للجهاز مكتبة برامج قليلة كون نظام التشغيل جديد ..

 

[Taz'dingo]

+التكامل مع الـWindows8 و كيف تحس إنك تمتلك نظام واحد

ممكن تعطينا فكرة عن النقطة ذي !؟ بتكون شيء رهيب لو مثل ما توقعت

 

[used2Bcat]

^
+نفس الواجهة Metro فلما تستخدم الويندزفون8 أو الويندز8 تحس إنهم نظام واحد خصوصاً لو توحد الـLockscreen أو لون المربعات
+بعض البرامج تسوي sync ما بين النظامين. مثل؟ الأسماء!التقويم!الصور!البريد!SkyDrive! وغيره من برامج مايكروسوفت الرسمية.
+تبعاً للنقطة الثانية بس بعض برامج طرف ثالث مثل؟Rowi لما تستخدمه بالويندزفون8 و توصل لتويته معينه تجي للتطبيق نفسه في الويندز8 تشغله تحصله يوقف عند التويتة اللي وقفت عندها بالويندزفون8.
+تكامل الأوفيس الجبار لازم ينذكر كنقطة إيجابية بلحالها.
+لما تستخدم الـXbox أو الـSmartglass على النظامين شعور رهيب مع إختلاف الحجم .
+بعض اللابتوبات الجديدة فيها NFC فـ فيه حركة حلوة معها بس لما تصفق جوالك باللابتوب راح يشبكون مع بعض بالبلوتوث ويمديك تسوي اي شيء أو إذا بغيت ترسل صورة ولا اغنية ولا شيء من جوالك إلى الكمبيوتر أو العكس نفس الشيء "ادري قديمة مع الأندرويد لكن الإختلاف هنا إنها مع نظام كمبيوتر".
+للمطورين اللي يبغى يطور أي برنامج للويندزفون8 ويبغى ينقله للويندز8 أو العكس بس يغير 15% من كود برمجة التطبيق. ليش؟لأن النظامين يستخدمون نفس النواة.

 

[خالد العجمي xXx]

أنا ماخذ لومي 920 احمر الجهاز روعه مثل ما قالوا الشباب بس ينقصها برامج و لﻷلعاب زينه

سوال شباب اذا بغيت اشتري برامج من غير الفيزا كيف؟؟

 

[JOKER MASK]

لا مو مشكله اخوي علي وانا الي اعتذر لك ولباقي الشباب لاني كتبت على عجاله

خلني اضيفه اضافه لنظام لاحظتها ونسيت ذكرها

+ تطبيق البرامج المشتركة كمثال " whatsapp " هنا تطبيقه با WP8 مميز ورهيب ويتمشى مع شكل النظام

عندي سؤال هل هناك فرق ملحوظ بين HTC 8X و الوميا 920 ؟

 

[used2Bcat]

^
فعلاً تطبيق الـWhatsapp أشوفه تصميمه الأفضل بين الأنظمة ولما قريت الإنطباعات السلبية اللي جاته على وقت صدور أجهزة الـWP8 والمبالغات اللي تصير توقعت إنه سيء جداً لدرجة مايمديك تستخدمه إطلاقاً!
لكني حصلته فعلاً يتفوق على نسخ الأنظمة الأخرى بشيئين : 1-التصميم والتكامل مع النظام. 2-السرعة! يب السرعة وخفة البرنامج حاقة ماحصلتش من منا يغتث مع اللودينق والتأخير عند كمثال إذا بغيت تشوف الهيستوري حق المحادثة؟وغيره من فتح البرنامج وتصفحه وكذا.

عموماً بنفس الوقت لا يخلو من بعض المشاكل اللي اتمنى يعدلونها : احياناً يعطيك تنبيهات خاطئة! مرات يمديك ترسل صور Screenshoots و مرات لا! ميزة البحث وسط المحادثة! وكذا شيء.

=====

بالنسبة للفروقات اللي بين الجهازين مدري صراحة وش أقول اللي راح يفرق معك حجم الشاشة-بعض البرامج مثل Nokia Drive+ لصالح اللوميا 920 -ميزة السينماغراف مع اني اتوقع بعد فترة راح نشوف تطبيقات لها بالماركت-ميزة الكاميرا الأمامية الواسعة لصالح الـ8X-مدري اذا فيه أشياء اكثر ولا لا.

شخصياً أشوف الأفضل إنك تأخذ اللوميا920,ليش؟لأن الجهاز من Nokia واللي هي نجاحها معتمد كلياً على الويندزفون فـ راح تشتغل عليه أكيد بشغل أفضل من HTC و يمكن راح نشوف تطبيقات حصرية عليه بالمستقبل مثل ما شفنا من قبل مع أجهزة اللوميا السابقة.

بإختصار تبي جهاز ويندزفون جديد؟لوميا920. عندك 8X وتشوف هل يستاهل التغيير للـLumia920؟لا!

 

[used2Bcat]

على فكرة نزل تحديث لـSkype و عدل كذا شيء و نزل مميزات بسيطة

A complete list of changes are below:

• Updated chat keyboard with improved autocomplete/autocorrect is now available.
• Buddies from Windows Live Messenger are labeled in the People list.
• Added option to enable toast notifications for Windows Live Messenger buddies.
• People Hub integration temporarily disabled.

In addition we have fixed a number of issues from the previous release:
​

Category ​	Description ​
Reliablility ​	Significantly improved the reliability of presence and chat and call notifications when the app is closed. ​
Calling ​	Improved call reliability. ​
Chat ​	In some cases, chat messages would appear in incorrect order. Chat messages will now appear in correct order, by timestamp. ​
Localization ​	Corrected links to some webpages. ​

 

[FARES_]

مشكورين ^^" طيب الحين هل فيه youtube downloader مجاني؟

 

[Ray Gun]

^

يب اسمه pro tube

 

[Mesharey]

قاعد افكر احول له من فترة .. جهازي SII ومرتاح معاه، أبي شي جديد كليا بعده فنسبة كبيرة اخذ وندوز موبايل، موضوع في وقته (&)

 

[Taz'dingo]

^
+نفس الواجهة Metro فلما تستخدم الويندزفون8 أو الويندز8 تحس إنهم نظام واحد خصوصاً لو توحد الـLockscreen أو لون المربعات
+بعض البرامج تسوي sync ما بين النظامين. مثل؟ الأسماء!التقويم!الصور!البريد!SkyDrive! وغيره من برامج مايكروسوفت الرسمية.
+تبعاً للنقطة الثانية بس بعض برامج طرف ثالث مثل؟Rowi لما تستخدمه بالويندزفون8 و توصل لتويته معينه تجي للتطبيق نفسه في الويندز8 تشغله تحصله يوقف عند التويتة اللي وقفت عندها بالويندزفون8.
+تكامل الأوفيس الجبار لازم ينذكر كنقطة إيجابية بلحالها.
+لما تستخدم الـXbox أو الـSmartglass على النظامين شعور رهيب مع إختلاف الحجم .
+بعض اللابتوبات الجديدة فيها NFC فـ فيه حركة حلوة معها بس لما تصفق جوالك باللابتوب راح يشبكون مع بعض بالبلوتوث ويمديك تسوي اي شيء أو إذا بغيت ترسل صورة ولا اغنية ولا شيء من جوالك إلى الكمبيوتر أو العكس نفس الشيء "ادري قديمة مع الأندرويد لكن الإختلاف هنا إنها مع نظام كمبيوتر".
+للمطورين اللي يبغى يطور أي برنامج للويندزفون8 ويبغى ينقله للويندز8 أو العكس بس يغير 15% من كود برمجة التطبيق. ليش؟لأن النظامين يستخدمون نفس النواة.

الله يعطيك العافية , للآمانة توقعت شيء اكثر من كذا لكني متأكد بنشوف حركات حلوة قريب , ان شاء الله جهازي القادم بيكون لوميا خصوصاً إني ودي اغير عن الاندرويد شوي , بس السؤال هنا : هل بنشوف لوميا جديد اخف وانحف من 920 !؟ اتوقع عشان كذا ماني مستعجل ,,

 

[used2Bcat]

^
الله يعافيك. و بالنسبة لسؤالك يب إحتمال نشوف في إشاعات طلعت أمس إن نوكيا تعمل على لوميا920 أخف و أنحف ومصنوع من ألومنيوم!
تباً للشركات هذه مدري كيف تفكر اللحين جهاز فلاق شيب وتروحون تسوون نسخة محسنة منه؟:, عموماً حتى لو يبقى اللوميا920 رهيب وفخم و البولي كاربونيت خامتي المفضلة 3>.

 

[ryo hazuki]

ا
- تحميل العاب يطول يعني البرنامج ثنين ميجا كمثال يجلس اكثر من 10 دقايق تحميل ليش ؟

بالعكس انا معاي لوميا 920 و 8x و تحميل التطبيقات بسيط و التثبيت اسرع من الاندرويد و الايفون بصراحة , ممكن تلفونك فية مشكله او اتصالك بالنت او محتاج تحديث


انا كملت مع الايفون ممكن 4 سنين و مليت جدا , كل ما اشتري ايفون جديد ما احسن اني شريت تلفون لانه كله نفس الشي

مع الويندوز فون بصراحة ارتحت للجهاز , نظام ذكي جدا و سهل و بسيط و مختلف , التصوير يقارن بكاميرات الاحترافية للوميا

النظام الوحيد الي يخليك تحمل البودكاستات و يرتبلك اياها بطريقة ذكية جدا و يتفوق بفرق شاسع عن نظام ال ios في البودكاستس و طريقة العمل

تطبيقات التحميل من اليوتيوب من اروع مايكون مثل تطبيق ال metrotube المجاني الي هوه احسن من اي تطبيق رسمي لليوتيوب على اي موبايل بكلام النقاد و من تجربتي

ال people hup تطبيق رائع مدمج مع الجهاز يدمج لك جميع التنبيهات و اخر الاخبار من حسابك في فيسبوك و تويتر و ايميلك و يغنيك عن استخدام التطبيقات المنفصلة لتويتر او فيس بوك

الوتس اب اشوفة عملي و مريح

احسن نظام للكتابة , الموبايل يفهم طريقة كتابتك و مع الاستخدام تطلعلك كلمات الي انته ممكن تكتبها و مع الوقت الموبايل راح يتاقلم مع طريقتك في الكتابة و مابتحتاج تطبع كلامك مستقبلا كل ماعليك هوه الاختيار من الكلمات الي تطلعلك ممكن انا ما اعرف اشرح الطريقة شوفو الفيديو

[video=youtube;qM7IdBWtQ6I]http://www.youtube.com/watch?v=qM7IdBWtQ6I[/video]

الخرائط في اللوميا باختصار , هيه افظل خرائط ممكن تحصل عليها , مايحتاج يكون عندك اتصال 3g او واي فاي , نظام ملاحة صوتي لفة بلفة و بأمكانك تختار اي لغة , مثلا انته في اليابان و تريد تروح السينما كل ماعليك انك تحول الصوت للياباني و تخلي الموبايل بنفسة يتفاهم مع صاحب التكسي , او سواء كان السائق هندي او من اي دولة كل ماعليك انك فقط تغير الصوت , طبعا بامكانك تحمل الخرائط مسبقا و تحمل الاصوات مسبقا عشان توفر عليك تكاليف الانترنت

نوكيا trailers يدلك على اقرب دور السينما لك , مع جميع المعلومات عن دار العرض , تلفون السينما او موقعهم الرسمي او الطريق اليها





الخلاصة : اروع نظام موبايل موجود حاليا و يتفوق على ال ios في الخصائص و يوفر لك توافق كامل مع كمبيوترك الويندوز 8 , xbox live مدمج عشان تلعب مع اصدقائك بسهوله , لكن طبعا هوه اقل نظام يمكلك تطبيقات لكن اغلب التطبيقات المهمة موجودة مع العاب حصرية و المستقبل قادم بالكثير لهذا النظام التحفة بصراحة


تعديل : اتمنى تضيفوني عشان بعظ العاب الايف تطلب لعب جماعي

 

[Dr MaD]

ودخلنا نجرب ويندوز فون !
أخذت htc 8X هاللون العجيب

 

[ryo hazuki]

مبروك دوكتور ماد و تتهنا فية

 

[H2O]

عندي استفسار بخصوص نوكيا لوميا ياليت احد يفيدني فيه ..

هل الفرق بين lumia 820 و الـ lumia 920 .. هو حجم الشاشة والبطارية تنفك في ال820 , بس ؟!! المعالج والرزليوشن نفسهم ؟

ابشتري الجوال لأمي .. شفت شاشته جداً ممتازة و واضحة وشكله بسيط لإنه كله مربعات ..

ال820 اشوفه إنه حجمه معقول + سعره ممتاز + يمديك تغيير الكفر لإنه ملون أما 920 مايمديك تغييره ..

 

[خالد العجمي xXx]

^
اذا ل الوالدة الله يحفظه ويطول في عمره اخذ 820 لا نه أصغر واخف

وافضل له اذا ما عندهأ خلفيه عند البرامج والشغلات الثانيه

 

[Ray Gun]

ابراهيم لا تاخذ لها وندوزفون
خذ لها ايفون او اندرويد ،، الوندز فون لسى بدري عليه .. مافي برامج جهازي يقرقع فاضي مافيه شي

 

[~L.O.R.D~]

^
وهل تتوقع والدته رح تهتم بالبرامج ؟
الجوال فيه واتس أب والكثير من البرامح الضرورية...لذا أعتقد انه يكفي لحاجات الـ Basic

انا أخذت 8X ومستمتع بع جدا
حاليا أحاول ان اكتشف فيه المزيد
اللي زعجني فيه ان الخرائط مافيها توجيه صوتي
ولا يحتوي على Gyroscope

 

[Ray Gun]

اكيد راح تهتم ..
الوالده الله يحفظها معها ايفون و مهتمه في برامج كثير و العاب كثير ماهي بموجودة ف الوندوز فون ..
انا مااقول الجهاز مو كويس .. بالعكس الجهاز و النظام ماعليهم غبار لكن فارغ مافيه برامج
غير كذا انو البرامج الاساسية تعمل بشكل افضل ف الانظمه الاخرى ،، الواتس اب ، تويتر سيئه في الوندوز فون مقارنتاََ بالانظمه الاخرى

 

[~L.O.R.D~]

اكيد راح تهتم ..
الوالده الله يحفظها معها ايفون و مهتمه في برامج كثير و العاب كثير ماهي بموجودة ف الوندوز فون ..
انا مااقول الجهاز مو كويس .. بالعكس الجهاز و النظام ماعليهم غبار لكن فارغ مافيه برامج
غير كذا انو البرامج الاساسية تعمل بشكل افضل ف الانظمه الاخرى ،، الواتس اب ، تويتر سيئه في الوندوز فون مقارنتاََ بالانظمه الاخرى

المشكلة مو هنا
والدتك الله يحفظها تختلف عن والدته هو
يعني يوجد فروقات في الإهتمامات
جالس أتخيل خالتي جالسة تتابع تويتر :laugh::