نقاش أنمي ماراثون أعمال Key: في داخلك مجموعة من المشاعر تريد أن تقلبها ؟ إذن فادخل

[AM152]

محتوى مخفي: احم

لا تنسى يا صاحبي أن القصة في أساسها هي قصة فيجوال نوفل... في الفيجوال نوفل هناك مسارات متفرعة، أوكازاكي يبني مشاعر رومانسية تجاه كل فتاة في القصة في مسارها الخاص
في الأنمي لا يمكن أن يحصل ذلك، والعلاقة الرئيسية أو الحقيقية كما هو واضح هي العلاقة بين أوكازاكي وناجيسا
بالنسبة لإنكار أوكازاكي علاقة أو مشاعر بينه وبين ناجيسا فهذا أمر طبيعي... هو لم يكن مهيأ نفسياً حتى "يعترف" بذلك بعد... ولذلك فهمت حتى تلك اللحظة مجرد أصدقاء
العلاقات الرومانسية لدى اليابانيين صداع وفيها درجة كبيرة من التعقيد.. "الاعتراف" بالنسبة لهم حدث تاريخي.. وإنشاء العلاقة يتدرج على مراحل كثيرة... حضن اليد أيضاً حكاية XD
على العموم، أنا لا أريد أن أفسد عليك القصة لكن هذه الأمور ستُحسم والقصة ستسير في اتجاهات قد لا تتوقعها

بانتظار المزيد من انطباعاتك.

محتوى مخفي

شكرا على التوضيح

النقط اللى ذكرتها صحيحة فعلا بس يمكن اعتبار العمل إن العلاقة بين أوكازاكى و ناجيسا هى العلاقة الحقيقية فى البداية خلانى اتوقع إن العمل هيركز بشكل أساسى على تطور العلاقة دى و هايحسم العلاقات الثانية بشكل أسرع ، ده مش معناه إنى ماحبيتش العمل بشكله الحالى لإنى حبيت تطور باقى شخصيات العمل فى الحلقات الى فاتت خصوصا كوتومى

عموما بالرغم من بعض الملاحظات ، العمل كان جيد و حبيته و الأحداث جميلة حتى الآن

هاكمل متابعة إن شاء الله

 

[Springheart]

مشكور على الموضوع الرائع
CLANNAD
كثيرا ما كنت اسمع عن هذا الانمي وعن التاثير اللذي يرافقه لكن لم اعطه فرصة ابدا حتى ايام قليلا ماضية
بداية مع الحلقات الاولى اذهلني حقا الاخراج الموجود فيها عرفت وقتها اني وقفت على عمل نادر مميز
ومن ثم الكوميديا اللتي صراحة هي اللتي جعلتني ابكي من كثر ما اضحكتني ولكن لم اجد تلك المواقف اللتي كنت اتوقعها ان تاثر فيني
مثل ما توقعت منه على الاقل هذا في الموسم الأول اما الموسم فكان شيئا جميلا جدا لا يوصف كمية العواطف الموجودة فيها طريقة اتجاه القصة
والاخراج الاكثر من رائع حتما سيجبروك على البكاء تاثرا بها انه احد الاعمال اللتي لا استطيع ان اشاهد بتمتع بعده اي عمل اخر بسهولة .......

 

[AM152]

محتوى مخفي: Clannad الحلقة 23

كمية المشاعر فى الآرك كانت كبيرة سواء مشاعر ناجيسا و إحساسها بالذنب تجاه أهلها أو مشاعر أهلها تجاهها و حبهم ليها، كل ده بالإضافة لتطور علاقتها مع أوكازاكى اتقدموا بشكل رائع
مشهد ناجيسا على المسرح كان قمة الآرك و قدر يجمع كل المشاعر دى بطريقة ممتازة

فى نفس الوقت الآرك أخيرا ابتدا يربط بين الأحداث الحالية و موضوع العالم التانى و إن كان بشكل يزود الأسئلة عنه
بصراحة مشاهد العالم التانى كانت غريبة بالنسبة لى فى البداية و خدت وقت على مالاحظت إن التحريك فيها مختلف عن باقى العمل بس بعد كده حبيتها جدا
الآرت و التحريك من جهة و الأوست و أسلوب الكلام من جهة تانية أدوا المشاهد طابع مميز جدا و سابت إحساس مبهر

ناجيسا كانت رهيبة فى الحلقة الأخيرة

محتوى مخفي: Clannad الموسم الأول

بصراحة لما ابتديت اتابع العمل ماتوقعتش إنه يعجبنى خصوصا إن متابعتى للأعمال الدرامية قليلة و انطباعى عن الشخصيات كان سيئ فى البداية بس أحداث العمل شدتنى فعلا
العمل قدر يقدم مشاهد درامية جميلة و أحداث مؤثرة و حبيت الكوميديا اللى فيه ، بالإضافة لكده عنصر الخيال فى العمل و فكرة العالم الغريب إدوا العمل إحساس مميز و مختلف عن الأعمال المشابهة
العمل كان فيه بعض العيوب زى المبالغة فى بعض المشاهد أحيانا و البطء فى أوقات تانية بالإضافة إن العمل اهتم بالدراما على حساب المنطق و إن كانت دى مش مشكلة كبيرة
ماحبيتش الشخصيات فى البداية خصوصا كيو و كان فى بعض الكليشيهات المعروفة بس انطباعى اتغير نسبيا مع مرور الأحداث و إن كان ماتغيرش كثير بالنسبة لكيو
فى الآخر العمل كان تجربة جميلة و حبيته و متحمس للموسم الثانى

محتوى مخفي: أوفا تومويو

افتكرت إن الأوفا هاتقدم قصة جانبية و اتفاجئت من محتواها
الأوفا بتدينا فكرة إيه اللى كان هايحصل لو كان أوكازاكى خد مسار تومويو و بصراحة إدتنى إحساس غريب خصوصا بعد كل البناء للعلاقة بينه و بين ناجيسا
تومويو مش شخصية سيئة بس ماحبيتش المبالغة الكبيرة فى قدراتها من جميع النواحى
الأوفا فى حد ذاتها كانت جيدة باستثناء نقطة المبالغات بس مشاهدتها بعد الموسم مباشرة كانت غريبة
فى نفس الوقت الأوفا سابت أسئلة كثيرة عن إيه اللى كان هايحصل فى باقى المسارات

 

[Black Wolf]

^
الان ادخل مباشرة على الجزء الثاني ونصيحة مشددة لا تأجله لوقت لاحق

 

[AM152]

محتوى مخفي: Clannad After Story الحلقة الرابعة

سينوهارا من شخصياتى المفضلة فى العمل و كنت عاوز يبقى ليه دور أكبر بس شخصية صديق البطل عادة دورها بينحصر فى الComic Relief أو الدعم بس للأسف (حد فاكر تومودا ) ، عشان كده كانت مفاجأة جميلة إن فى آرك كامل للشخصية
للأسف بالرغم من إنى حبيت فكرة الآرك و تطور شخصية سينوهارا إلا إن كان فى نقط كثيرة ماحبيتهاش فى التنفيذ
ماحبيتش فكرة خروج سينوهارا مع ساناى ، الموضوع إدانى إحساس مش مريح أثناء المتابعة
المبالغات كانت موجودة فى العمل من البداية بس زادت بشكل كبير فى الآرك سواء مضايقات أوكازاكى و باقى المجموعة لسينوهارا أو تصرفات سينوهارا السلبية تجاه أخته أو حتى تصرفات أخته اللى كانت أكبر بكثير من سنها
مش هاعلق على جزئية مواجهة العصابة (فريق كرة القدم)
الحلقة الأخيرة من الآرك كانت فيها جزئيات جميلة خصوصا الطريقة اللى بينت بيها إن سينوهارا ليه فعلا أصحاب حقيقين بيهتموا بيه زى أوكازاكى أو ميازاوا فى الحلقة
فى الآخر نتيجة الآرك كانت جيدة بس كان ممكن يبقى أحسن

 

[Black Wolf]

^
هذا الارك من اكثر الاركات التي احبها شخصيا بالرغم من كل الملاحظات يلي قلتها ولكن ايجابياته ونقاط قوته اكبر وجعلته من المفضل عندي

الان الله يعينك على الاركين القادمين

 

[Royal Spark]

ما بننسى تومودا عمرو، ماحد يقدر ينسى تومودا

ياخي أنا من وين جايب اسم محمود.

 

[AM152]

الان الله يعينك على الاركين القادمين

<<<<<<

ما بننسى تومودا عمرو، ماحد يقدر ينسى تومودا

ياخي أنا من وين جايب اسم محمود.

 

[Royal Spark]

<<<<<<

ماعليك كنت أكلم نفسي و كتبت الكلام بالغلط.

 

[AM152]

^

الان الله يعينك على الاركين القادمين

كلامك حمسنى إن أشوف الآركين بسرعة و أظن إنى فهمت قصدك

Clannad After Story

محتوى مخفي: الحلقة 6

لما الفلاشباك بدأ ابتديت أشك فى الموضوع خصوصا بسبب التشابه المقصود بين لون الشعر و العينين بس سير الأحداث خلانى أغير رأيى و افتكرت إن القصة هتبقى زى قصة فوكو لغاية لما أخيرا الحقيقة بانت
بصراحة حبيت الآرك فى البداية، ميساى شخصية رائعة و حواراتها كانت جميلة فى الآرك
الآرك كان هيبقى جميل و مؤثر فعلا لو كان وضع شيما زى فوكو بس النهاية غيرت كل حاجة
للأسف ماعنديش تعليق مناسب على النهاية بس أظن إن الفكرة وصلت

محتوى مخفي: الحلقة 8

الصورة دى بتعبر عن إحساسى بالنسبة لحاجات كثيرة فى الآرك
بصراحة كان عندى صعوبة إنى اتعامل مع الآرك بشكل جدى ، بالرغم من وجود مشاهد جيدة و درامية فيه إلا إنه كان مش منطقى بشكل كبير
فكرة إن ماحدش يعرف شكل كازوتو بالرغم من إنه دخل فى مواجهات كثيرة مع المجموعات الثانية كانت مش منطقية و الأغرب تعامل يوكينى مع المجموعتين بكل سهولة الرغم من التناقض الواضح بين الشخصيات دا غير موضوع زيارتهم ليها فى المدرسة
فى نقطة تانية و هى إن يوكينى خبت موضوع موت أخوها عشان توقف المواجهات بس لما ده مانجحش مابقاش فى داعى إنها تخبى بعد كده بالعكس خصوصا إن فكرة رجوع أخوها بقت هى السبب فى المواجهة
الآرك هيبقى جيد لو اعتبرته غير جدى خصوصا إن المشاهد الكوميدية كانت رهيبة فيه زى اللى حصل لمجموعة كازوتو قبل المواجهة أو مشاهد سينوهارا بصفة عامة

فى النهاية اللى لفت نظرى فعلا فى الحلقات دى كانت أحداث العالم الثانى
الرط بين العالمين ابتدى يزيد مع موضوع الأمنيات فى الآركين و التطورات فى العالم التانى مثيرة للإهتمام فعلا

 

[hussien-11]

الآن أنا متحمس فعلاً أشوف انطباعاتك عن الحلقات القادمة، بما انك انتهيت من الحلقات التي لا أحبها بشكل شخصي في الأنمي.

 

[Black Wolf]

من الان ابغى انطباعات تفصيلة ودبر حالك

 

[AM152]

الآن أنا متحمس فعلاً أشوف انطباعاتك عن الحلقات القادمة، بما انك انتهيت من الحلقات التي لا أحبها بشكل شخصي في الأنمي.

من الان ابغى انطباعات تفصيلة ودبر حالك

بصراحة كنت ابتديت اقلق من مستوى الموسم الثانى خصوصا بعد كل اللى سمعته عنه بس واضح إن الجد هيبتدى من الآرك الجاى
هاحط الانطباعات فى أقرب وقت إن شاء الله

 

[AM152]

Clannad After Story

محتوى مخفي: الحلقات 9- 12

جو العمل اتغير بشكل كبير من بداية الحلقة التاسعة و من بعد ماكان بيركز على العلاقات بين أوكازاكى و باقى الشخصيات و الحياة اليومية فى المدرسة مع وجود جانب خيالى، العمل خد اتجاه واقعى بيركز على الصعوبات اللى بتواجه أوكازاكى فى بداية حياته العملية و المشاعر اللى بيحس بيها فى ظل ظروفه الصعبة
اللى لفت انتباهى فى الحلقات كان الإخراج ، الإخراج بصفة عامة من مميزات العمل بس فى الحلقات دى قدر يعبر بشكل ممتاز عن الضغوط اللى كان بيمر بيها أوكازاكى و الأحاسيس اللى بيمر بيها أى شخص بيبتدى مرحلة جديدة من حياته

الحلقة 9
الحلقة قدمت بشكل رائع حالة الحيرة و الضغوط اللى على أوكازاكى فى الوقت اللى باقى الشخصيات ابتدت تفكر فيه فى المستقبل و الطريق اللى هتاخده بعد التخرج ، الوضع كان اصعب بكثير بالنسبة لأوكازاكى بسبب ظروفه الشخصية من جهة و مرض ناجيسا اللى أثر عليه بشكل كبير من جهة تانية و الحلقة قدمت ده بشكل رائع من خلال تصويرها لباقى الشخصيات و الطلبة و هما مشغولين بدراستهم و تخطيطهم للمستقبل فى الوقت اللى ابتدى يحس فيه إنه لوحده و مش قادر ياخد قرار ، السنة الأخيرة اللى قضاها أوكازاكى فى المدرسة كانت أجمل فترة فى حياته و فكرة إنها هانتهى و إنه ماعندوش فكرة هايعمل إيه فى المستقبل كانت فكرة صعبة لدرجة إنه فكرة يعيد السنة عشان يبقى مع ناجيسا بس و ده اللى عبر عنه فى المشهد الرائع فى نهاية الحلقة بس ناجيسا قدرت فى الآخر إنها تقنعه إنه لازم يتقدم فى حياته

الحلقة 10
مشهد الفلاشباك لوداع أوكازاكى لأصحابه كان رهيب بالرغم من قصره ، المسألة مش مجرد وداع بسيط ، انت بتودع مرحلة كاملة من حياتك و بتسيب عالم و ناس انت اتعودت عليهم وحبيتهم عشان تبدأ حياة مختلفة مع ناس مختلفة و مشهد البداية قدر يوصل الإحساس ده بشكل ممتاز ،الحلقة ركزت على الصعوبات الى أوكازاكى ابتدى يواجهها عشان يستقل بحياته من جهة و حالة الوحدة المؤلمة اللى ناجيسا بتمر بيها من جهة تانية و كانت مؤثرة فعلا
فى نفس الوقت ابتديت أحس إن الأحداث فى العالم التانى هاتنتهى نهاية حزينة

الحلقة 11
الحلقة كانت أخف من اللى قبلها بشكل واضح ، أوكازاكى ابتدى يتحسن و يتعود على حياته الجديدة فى الوقت اللى علاقته ابتدت تتقدم مع ناجيسا ،المشاهد الكوميدية فى الحلقة كانت رائعة

الحقيقة متابعة الحلقات دى كانت عملية صعبة و ده مش عشان المستوى كان سيئ بالعكس ، تقديم الحلقات لمشاعر الشخصيات و ظروفهم كان قوى و واقعى و يمكن ده اللى خلى متابعتها متعبة لإنها عبرت بشكل ممتاز عن فترة صعبة فى حياة أى شخص و رجعت ذكريات كثيرة ، الحلقات اللى زى دى من ضمن الأسباب الى بتخلينى أقلل من الأعمال الدرامية

الحلقة 12
النصف الأول من الحلقة كان فلاشباك لماضى يوشينو ، الفلاشباك اتقدم بطريقة جميلة فعلا و إن كنت حسيت إن السبب اللى خلى يوشينو ينحرف عن طريقه مش مقنع أو كافى عشان يبرر اللى حصله بس فى النهاية كل شخص ليه طريقة تفكيره و الحاجات المهمة بالنسبة له ، النصف الثانى من الحلقة كان مختلف ، لتانى مرة والد أوكازاكى يخرب حياة ابنه و ابتسامته فى مواجهة ابنه بعد كل اللى عمله حرقت دمى فعلا بس وجود ناجيسا معاه هو اللى ساعده إنه يخرج من الحالة اللى كان فيها و فى الآخر الحلقة هتنتهى بنهاية جميلة بموافقة ناجيسا عى زواجهم
الحلقة كان فيها جزئيات حزينة بس كانت جميلة فى نفس الوقت و حبيتها

 

[Tohi]

^
انت خلاص قربت من الحلقات اللي اعتبرهم الأفضل في السلسلة، استمتع

 

[AM152]

بعد فترة توقف بسبب ظروف كثيرة رجعت أكمل المتابعه

Clannad After Story

محتوى مخفي: الحلقات 13-14-15

متابعة الآرك كانت تجربة غريبة و جديدة بالنسبة لى ، جو العمل اتغير بشكل كبير جدا لدرجة إن حسيت إنى بتابع عمل مختلف بس الإتجاه الى خدته الأحداث كان هو المهم فعلا ، معظم الأعمال الرومانسية بتركز دايما على فترة المدرسة و جزئية الإعتراف بالحب بشكل كبير و مبالغ فيه أحيانا لدرجة إنك ممكن تتابع مواسم كاملة من العمل لمجرد الوصول للحظة دى مع إن الإعتراف بالحب مجرد البداية و أول خطوة من طريق طويل
الأعمال اللى بتركز على تطور العلاقة بعد النقطة دى قليلة و الأعمال اللى بتركز على الحياة بعد الزواج أقل بكثير و ده اللى العمل قدمه بشكل جميل و رائع حتى الآن

حبيت الطريقة اللى العمل تعامل بيها مع فكرة تحمل المسئولية و مواجهة الصعوبات اللى الشخص هايقابلها فى حياته بس النقطة المهمة فى الحلقات دى كانت جزئية التغيير و الذكريات
العمل تعامل مع النقطة دى أكثر من مرة زى ما حصل فى آرك تومويو بس كانت واضحة بشكل كبير فى الآرك ده ، فكرة إن الأماكن اللى ارتبطت بذكرياتك و اللى قضيت فيها أجمل أوقات عمرك تختفى فكرة صعبة فعلا و بتدى احساس كأن الجزء ده من حياتك مابقاش موجود بس التغيير و التطور حاجة حتمية و اختفاء الأماكن دى مسألة وقت ، اللى بيخلى المسألة دى أصعب هو إحساسك إن الأوقات دى مش هترجع تانى و إنك مش هاتقدر تعمل ذكريات جديدة
أوكازاكى بالرغم من سعادته مع ناجيسا إلا إنه كان فى حالة خوف مستمرة من إنه يفقدها فى أى وقت بسبب ضعفها من جهة و ظروفهم الصعبة من جهة تانية و اختفاء الأماكن اللى قضى فيها أجمل أوقاته معاها كانت حاجة مرعبة لأن ده كان مشابه لإختفائها هى من حياته بالنسبة له و هنا بتيجى أهمية سؤال ناجيسا على مدار العمل ، هل لو المدينة اتغيرت هاتفضل تحبها ؟
أظن إن المعنى من السؤال ده مش المدينة نفسها ، المعنى إن حتى لو اتعرضت للخسارة و الألم هل هاتقدر تتقدم فى حياتك؟ ، هل هاتقدر تكون ذكريات جديدة فى أماكن جديدة ؟
النقطة دى كانت مهمة و حسيت إن العمل مركز عليها بصفة عامة

فى مشاهد معينة فى الحلقات كان جميلة جدا و حبيتها زى:
الحلقة 13
المشهد لما ناجيسا ماقدرتش تحضر حفل التخرج كان محزن فعلا و توقعت إن الحلقة هاتبقى حزينة بس حصلت المفاجأة بتجميع شخصيات العمل و عمل حفلة تخرج خاصة لناجيسا
حفلة التخرج كانت جميلة جدا و كلام ناجيسا كان مؤثر بعد كل المجهود اللى عملته و الصعوبات اللى واجهتها عشان تتخرج
الحلقة 14
المشاهد الكوميدية كانت رهيبة فى الحلقة خصوصا مشهد البداية
المشاهد بين أواكازاكى و ناجيسا كانت رائعة
الحلقة 15
حلقة جميلة و مليانة مشاعر خصوصا قرب النهاية

محتوى مخفي: الحلقة 16

النصف الأول كان جميل و فيه عودة لجو العمل الخفيف فى بدايته مع تلميحات كثيرة بالنسبة للعالم التانى
ده للأسف كان من الأسباب الى خلت تأثير النصف التانى أصعب
بصراحة وصف المشاعر و اللى حصل فى الجزء ده صعب جدا بالنسبة لى بس اللى اقدر أقوله إن العمل ابدع فعلا فى التعبير عن الحالة و المشاعر اللى الشخصيات كانوا فيها
الإحساس إنك فى وضع صعب مش قادر تخرج منه ، إن الوقت مابيعديش و إن الوضع مستمر من غير نهاية كل ده مع عجزك إنك تعمل أى حاجة
كم الإرهاق الواضح عى ناجيسا و الطريقة اللى وعيها ابتدى ينسحب بيه و هى بتتكلم مع إحساس اليأس عند أوكازاكى و محاولاته إنه يكلمها
الطريقة الى الآرت اتغير بها من مشهد للتانى خصوصا المشاهد بالأبيض و الأسود كل ده لغاية لما نوصل للنهاية
للأسف ماعنديش الوصف المناسب للمشاعر فى النصف الثانى ده بس هاكتفى بأنى أقول أنه كان رهيب و مؤلم فعلا

 

[AM152]

و أخيرا انتهيت من متابعة العمل
Clannad After Story

محتوى مخفي: الحلقات 17-22

الآرك كان رحلة جميلة و مبهرة من المشاعر و العواطف و كان قمة العمل و أجمل حاجة فيه
ماتوقعتش بعد الآرك اللى فات إنى الاقى مشاهد مؤثرة بنفس القوة بس المفاجأة إن الآرك ده كان أقوى بكثير من الآرك اللى قبله و كان مؤثر من البداية للنهاية
الآرك قدم مجموعة من أروع المشاهد اللى شفتها مؤخرا و الإخراج كان ممتاز و بالرغم من وجود بعض الملاحظات إلا إنها مأثرتش على مستوى الآرك الرائع

الآرك بيبتدى بعد خمس سنين من وفاة ناجيسا و بيوضح إيه اللى حصل لأوكازاكى بعدها
بصراحة ماتوقعتش الطريقة اللى تعامل بيها أوكازاكى مع أوشيو و عدم اهتمامه بيها فى البداية و كنت فاكر إن العكس هو اللى هيحصل خصوصا بعد تضحية ناجيسا عشان أوشيو
أوكازاكى كرر أخطاء والده إن ماكانش أسوء لأن والده على الأقل اهتم بتربيته و ماسابوش ، تصرف أوكازاكى ممكن يكون سببه إحساسه إن مقابلته لناجيسا كانت غلط من البداية و إنه كان السبب فى اللى حصلها بس أوشيو بقت موجودة فعلا و عدم اهتمامه بيها كانت حاجة غريبة بالنسبة لى
للسبب ده ساناى قررت إن تصلح الوضع و تلاقى طريقة تخلى أوكازاكى يقضى وقت مع أوشيو
من هنا كانت بداية الرحلة ، المشاهد اللى أوكازاكى ابتدى يتعرف فيها على أوشيو و محاولته إنه يتعامل معاها كانت جميلة جدا
بالإضافة لكده تقديم أوشيو كان روعة و بالرغم من حواراتها القليلة إلا إنى حبيتها جدا
فى الآخر أوكازاكى هيعرف قصة والده و هايكتشف حجم الغلطة اللى عملها بالنسبة لأوشيو و اللى هيفاجئه فعلا هو حب أوشيو ليه بالرغم من كل ده
ده اللى هيوصل لواحد من أجمل المشاهد فى العمل و فى عالم الأنمى بصفة عامة
للأمانة حسيت إن التغيير المفاجئ فى النظرة لشخصية الأب كان مش منطقى خصوصا بعد الطريقة اللى ظهر بيها على مدار العمل ، الأب ضحى بحاجات كثيرة عشان يربى أوكازاكى و تصرفاته ممكن فهمها بس فى نفس الوقت الغلطات اللى عملها مش صغيرة أو بسيطة و المسألة كان ممكن معالجتها بشكل مختلف عشان تبقى مقنعة أكثر بس فى الآخر النقطة نقطة مش مشكلة كبيرة بالنسبة لأحداث الآرك
الأحداث بعد كده كانت جميلة و ممتعة فعلا و المفاجأة هى رجوع فوكو بعد كل ده
فوكو أضافت جو ممتع للعمل و كانت رهيبة ، الغريب إنى ماحبيتش فوكو أثناء الآرك الخاص بيها و حسيت إنها مزعجة بس حبيت ظهورها بعد كده فى الآركات الثانية
للأسف بعد الأحداث دى اتضحت حقيقة مرض أوشيو
ماظنش إنى محتاج أعلق على كم المشاعر الرهيب فى آخر حلقتين ، مشاهد أوشيو كانت متعبة للأعصاب و مشهد وفاتها لوحده لا يوصف
نهاية الحلقة 21 كانت مدمرة و مؤلمة فعلا
العمل لو كان انتهى بالشكل ده كان هايبقى أكثر حاجة محزنة شفتها بس فى الآخر بتتضح حقيقة العالم الثانى و بتتحقق أمنية أوكازاكى أخيرا بعد كل المعاناة اللى مر بيها عشان ينتهى فى الآخر بمفاجأة حقيقية و نهاية سعيدة
فى بعض النقط فى النهاية مافهمتهاش بشكل كامل بس بعد ماخلصت العمل هابتدى أشوف باقى الردود و آخد فكرة أكبر عن الأحداث

 

[AM152]

محتوى مخفي: Clannad After Story

على عكس الموسم الأول اللى حافظ على جو و أسلوب ثابت على مدار الحلقات ، الموسم الثانى كان مقسوم ل 3 أجزاء
الجزء الأول لغاية الحلقة الثامنة كان مجموعة آركات حافظت على نفس نظام و جو الموسم الأول
الآركات قدمت مجموعة أفكار جميلة بس للأسف ماحيبتش طريقة تنفيذها (نهاية الآرك الثانى لوحدها كانت مشكلة حقيقية )

الجزء الثانى ركز على العلاقة بين أوكازاكى و ناجيسا لغاية زواجهم و انجاب أوشيو
الحلقات قدمت جو واقعى و مختلف عن باقى العمل و تطور شخصية أوكازاكى و ناجيسا فيهم كان رائع بس للأمانة ماقدرش أقول إنى حبيت جو الحلقات خصوصا فى البداية (9-11) لأن بالرغم من إنها كانت جيدة و فيها مشاهد جميلة فعلا إلا إن جوها كان كئيب بالنسبة لى و ده اللى خلى متابعتها صعبة فى بعض الأوقات بس الحلقات من 13 ل 16 كانوا أحسن بكثير

الجزء الثالث ركز على العلاقة بين أوكازاكى و أوشيو و كان باختصار شديد تحفة

الحلقة 23 كانت رائعة و استعادة جميلة للذكريات و الحلقة 24 كانت ريكاب ، هأجل متابعة أوفا كيو لوقت تانى

فى النهاية العمل بموسميه كان ممتاز و حبيته جدا
حتى و إن كانت فى بعض المبالغات و النقط الغير منطقية أحيانا إلا إن كم المشاعر الجميلة اللى فيه تعوض أى حاجة و تخليه يستحق المتابعة فعلا

 

[hussien-11]

عمرو مبروك إنهائك للعمل، الأنمي هذا من النوع الذي يكبر بداخلك أكثر مع الوقت، الصورة الجميلة لديك تجاهه ستزداد جمالاً ومشاعراً عندما تنظر إليها في المستقبل : )
العمل بكل أمانة ليس مثالياً ويحتوي على بعض جوانب الضعف القصصية، لكن كمية المشاعر والعاطفة الصادقة التي يحملها أكبر بكثير من ذلك.

محتوى مخفي: الأب

نقطة وحيدة أختلف معك بها هي نقطة الأب ما حصل للأب لم يكن أمراً غير منطقي أو انقلاب في العلاقة، الأمر أعمق من ذلك يا صديقي. ما حصل أنك ببساطة كُنت ترى الأب من زاوية واحدة، الزاوية التي يرى بها أوكازاكي عيوب والده
ما يحصل لاحقاً بكل بساطة هو تغيير في المنظور، أو الperspective الشخصي لأوكازاكي ( هذه دلالة أخرى على نضجه ونموه مع الأحداث )
أوكازاكي ذاق مصاعب الحياة وعرف أن الحياة ليست أبيض أو أسود دائماً، وأن الظروف أحياناً تكون أقوى من الشخص... أو تنعكس سلباً على حياته
في نهاية المطاف، والد أوكازاكي رغم ضعفه وعدم نجاحه في حياته، إلا أن اجتهاده في تربية أوكازاكي يفوق أوكازاكي نفسه الذي أهمل أوشيو...
وإهمال أوكازاكي لأوشيو يبدو غريباً كفكرة أو مفهوم بالنسبة لنا كمجتمعات عربية، لكنني رأيتُ أكثر من شخصية في الأنميات تقوم بهذا التصرف، فمفهوم الabandoned child يبدو أنه موجود في واقع حياتهم بشكل ما ( خاصة عند انفصال الأب والأم ).

 

[Orange]

محتوى مخفي: Clannad After Story

على عكس الموسم الأول اللى حافظ على جو و أسلوب ثابت على مدار الحلقات ، الموسم الثانى كان مقسوم ل 3 أجزاء
الجزء الأول لغاية الحلقة الثامنة كان مجموعة آركات حافظت على نفس نظام و جو الموسم الأول
الآركات قدمت مجموعة أفكار جميلة بس للأسف ماحيبتش طريقة تنفيذها (نهاية الآرك الثانى لوحدها كانت مشكلة حقيقية )

الجزء الثانى ركز على العلاقة بين أوكازاكى و ناجيسا لغاية زواجهم و انجاب أوشيو
الحلقات قدمت جو واقعى و مختلف عن باقى العمل و تطور شخصية أوكازاكى و ناجيسا فيهم كان رائع بس للأمانة ماقدرش أقول إنى حبيت جو الحلقات خصوصا فى البداية (9-11) لأن بالرغم من إنها كانت جيدة و فيها مشاهد جميلة فعلا إلا إن جوها كان كئيب بالنسبة لى و ده اللى خلى متابعتها صعبة فى بعض الأوقات بس الحلقات من 13 ل 16 كانوا أحسن بكثير

الجزء الثالث ركز على العلاقة بين أوكازاكى و أوشيو و كان باختصار شديد تحفة

الحلقة 23 كانت رائعة و استعادة جميلة للذكريات و الحلقة 24 كانت ريكاب ، هأجل متابعة أوفا كيو لوقت تانى

فى النهاية العمل بموسميه كان ممتاز و حبيته جدا
حتى و إن كانت فى بعض المبالغات و النقط الغير منطقية أحيانا إلا إن كم المشاعر الجميلة اللى فيه تعوض أى حاجة و تخليه يستحق المتابعة فعلا

محتوى مخفي: سوبلر مميت \ اجمل مشهد في كلاند

مشهد لما الأب يغني لبنته اغنيه الدانقو في هاللحظة انا هذا المشهد صعب أنساه وله معزه خاصه فيني + مشهد لما في القطار يبكي قطع قلبي ، حسيته يبكي بحرقه و حسره جداً مؤلم المشهد

مبروك انتهائك من هذه الرائعه التي ستبقى في داخلك طويلاً

 

[AM152]

^^
شكرا على ردودكم ، العمل كان تجربة جميلة و لا تنسى فعلا و كمية المشاعر اللى فيه أكبر من أى جوانب ضعف

محتوى مخفي: الأب

نقطة وحيدة أختلف معك بها هي نقطة الأب ما حصل للأب لم يكن أمراً غير منطقي أو انقلاب في العلاقة، الأمر أعمق من ذلك يا صديقي. ما حصل أنك ببساطة كُنت ترى الأب من زاوية واحدة، الزاوية التي يرى بها أوكازاكي عيوب والده
ما يحصل لاحقاً بكل بساطة هو تغيير في المنظور، أو الperspective الشخصي لأوكازاكي ( هذه دلالة أخرى على نضجه ونموه مع الأحداث )
أوكازاكي ذاق مصاعب الحياة وعرف أن الحياة ليست أبيض أو أسود دائماً، وأن الظروف أحياناً تكون أقوى من الشخص... أو تنعكس سلباً على حياته
في نهاية المطاف، والد أوكازاكي رغم ضعفه وعدم نجاحه في حياته، إلا أن اجتهاده في تربية أوكازاكي يفوق أوكازاكي نفسه الذي أهمل أوشيو...
وإهمال أوكازاكي لأوشيو يبدو غريباً كفكرة أو مفهوم بالنسبة لنا كمجتمعات عربية، لكنني رأيتُ أكثر من شخصية في الأنميات تقوم بهذا التصرف، فمفهوم الabandoned child يبدو أنه موجود في واقع حياتهم بشكل ما ( خاصة عند انفصال الأب والأم ).

محتوى مخفي

ردك مقنع كالعادة
متفق معاك فى أكثر من نقطة ، والد أوكازاكى اجتهد فى تربيته فعلا على عكس اللى عمله أوكازاكى بعد كده مع أوشيو و ظروفه كانت أصعب من ظروف أوكازاكى لأنه كان لوحده تماما بس يمكن عشان كرهت شخصيته على مدار العمل كان صعب نسبيا إنى اتقبل التغيير فى المنظور

محتوى مخفي: سوبلر مميت \ اجمل مشهد في كلاند

مشهد لما الأب يغني لبنته اغنيه الدانقو في هاللحظة انا هذا المشهد صعب أنساه وله معزه خاصه فيني + مشهد لما في القطار يبكي قطع قلبي ، حسيته يبكي بحرقه و حسره جداً مؤلم المشهد

محتوى مخفي

مشهد القطار كان من أكثر المشاهد المؤلمة فى العمل فعلا

 

[إبراهيم 906]

قاعد اطالع air
ليس سيء وليس واو بس ما قاعد اشوف قصة تمشي او احداث مشوقة مجرد يوميات عادية
الشخصيات لايوجد فيها ما يجذب وتكاد تكون نسخة من غيرها
حاسس فيه لخبطة في السرد يعطونك نقطة ثم يتركونها من باب التشويق لكنك تحس انهم سحبوا عليها تماما

محتوى مخفي: حرق

مثلا البطلة وسبب حبها للديناصورات ولزمتها اللفظية غاو سحبوا عليها ولا شرحوها كأن الكاتب تورط بها ما فيه شيء يدل انه بيرجع لها ، انا ما جزم بهذا لكن ممكن يرجع بس لازم يخليها على بالك ما حب ان الكاتب يخليك تنسى الشيء ثم هوب يفاجئك به هذا الاسلوب لايروق لي
فيه صدف مضحكة بالموضوع مثلا في عيد ميلاد البطلة يحصل البطل على كيكة عيد ميلاد من احد المارة وواو على المفاجأة الفجائية التي تفاجأنا منها ايضا فيه مثال آخر لكن مايحضرني الان