hits counter

الموضوع الرسمي للـNintendo Switch | كُل ما عشقناه من نينتندو في قالبٍ واحد!

dragon quest

True Gamer
أخيراً وصلت نسختي :hearteyes:

متوقع اطلع بتجربة مثل الهواتف، لكن بشاشة wide - screen

p_1399c67f70.jpg
 

Bo7mood89

True Gamer
يا جماعه عندي استفسار
الحين لو ببدل الميموري بواحد اكبر
لازم انقل الداتا كلها باستخدام كمبيوتر؟
ولا امسح اللي عالقديم من الجهاز و ارجع انزلهم من الشوب عالميموري الجديد؟
 

hussien-11

Senior Content Specialist
الحين لو ببدل الميموري بواحد اكبر
لازم انقل الداتا كلها باستخدام كمبيوتر؟

هذه هي الطريقة التي أستعملها عادة، سهلة جداً
انقل البيانات من الميموري الأولى إلى الكمبيوتر، ثم انسخها كما هي تماماً على الميموري الثانية.
 

Bo7mood89

True Gamer
هذه هي الطريقة التي أستعملها عادة، سهلة جداً
انقل البيانات من الميموري الأولى إلى الكمبيوتر، ثم انسخها كما هي تماماً على الميموري الثانية.
بس معقولة مافي حل من الجهاز نفسه؟ لان حالياً عندي ٦٤ و بحط ١٢٨ بس ما عندي كمبيوتر
 

hussien-11

Senior Content Specialist
بس معقولة مافي حل من الجهاز نفسه؟ لان حالياً عندي ٦٤ و بحط ١٢٨ بس ما عندي كمبيوتر

إلا أكيد فيه طريقة، سوي format للبطاقة القديمة، بعدين شيلها و حط الجديدة و حمّل كل شيء مرة ثانية.
 

White Soul

Moderator
مشرف
أمس كنت بالبحرين ولابس تيشرت زيلدا مرسوم عليه شعار الترايفورس، جاني طفل عمره ما يجي ١٠ سنين يقول لي اوه هذا تيشرت زيلدا! وجلس يأشر على كل triforce في التيشرت ويقول لي هذا الpower triforce حق ganon وهذا الcourage حق لينك وهذا الwisdom حق زيلدا

تفاجئت بصراحة، نادرا أشوف زيلدا فانز عرب، وطفل بعد؟ ما شاء الله على البحارنة يربوا أودلاهم صح p:
 

s3rorh

True Gamer
أمس كنت بالبحرين ولابس تيشرت زيلدا مرسوم عليه شعار الترايفورس، جاني طفل عمره ما يجي ١٠ سنين يقول لي اوه هذا تيشرت زيلدا! وجلس يأشر على كل triforce في التيشرت ويقول لي هذا الpower triforce حق ganon وهذا الcourage حق لينك وهذا الwisdom حق زيلدا

تفاجئت بصراحة، نادرا أشوف زيلدا فانز عرب، وطفل بعد؟ ما شاء الله على البحارنة يربوا أودلاهم صح p:

وأنا للحيني أسمي البطل "زيلدا" ...

طيب انت شنو سويت له /ردة فعلك !؟
 

ميهارو

Hardcore Gamer
عندي سؤالين محيرني بصراحه !!!!!
السؤال الاول .
ليش نينتندو ماتنقل هاذي اللعبتين من الوي يو الى السويتش؟
Super Mario 3D World لعبه الحلم
The Wonderful 101

هي نقلت هاذي الالعاب من الوي يو الى السويتش .....
Bayonetta
Super Smash Bros
Mario Kart 8
Donkey Kong Country: Tropical Freeze
Tokyo Mirage Sessions #FE
Captain Toad: Treasure Tracker
Pokken Tournament
New Super Mario Bros
Hyrule Warriors

السؤال الثاني .
ليش نينتدو ساحبه على هاذي الالعاب ؟؟؟؟؟؟
Mario Strikers Charged
Tatsunoko vs. Capcom: Ultimate All-Stars
Punch-Out!!
Wario Land: Shake It!

من اجمل الالعاب ، ليش مافي جزء جديد او ريماستر
حرام اللي تسويه نينتندو ، افضل شركه في تاريخ الالعاب ، العابها تخليك تبتسم وترتاح نفسيا ، لكن عندها العاب مدفونه ليش مهي راضيه ترجعها للحياه
 

Mikau

True Gamer
امازون مخفض ai the somnium files
النسخة العادية 44$
الليميتد 67$
انا الغيت نسخة ديث ستراندينج اللي سعرها مع الشحن ٢٢٠$ وحجزت الليميتد ٦٧$ وشحن مجاني داخل امريكا
حاس اني مبسوط عالقرار
 
  • Like
Reactions: Ria

Mikau

True Gamer
أمس كنت بالبحرين ولابس تيشرت زيلدا مرسوم عليه شعار الترايفورس، جاني طفل عمره ما يجي ١٠ سنين يقول لي اوه هذا تيشرت زيلدا! وجلس يأشر على كل triforce في التيشرت ويقول لي هذا الpower triforce حق ganon وهذا الcourage حق لينك وهذا الwisdom حق زيلدا

تفاجئت بصراحة، نادرا أشوف زيلدا فانز عرب، وطفل بعد؟ ما شاء الله على البحارنة يربوا أودلاهم صح p:
خطأ شائع الاحظة كثير
بحارنه
مصارية
سعاوده
كوايته
خلايجة
الخ
طريقة الجمع هذي فيها تقليل نوعا ما والاغلب يجيبها من دون قصد طبعا
 

Bo7mood89

True Gamer
خطأ شائع الاحظة كثير
بحارنه
مصارية
سعاوده
كوايته
خلايجة
الخ
طريقة الجمع هذي فيها تقليل نوعا ما والاغلب يجيبها من دون قصد طبعا
عندنا بالكويت اللي اصوله بحرينية ينقال له بحراني
و العوائل بحارنة
لكن الباقي اتفق معاك( سعاوده كوايتة مصاروة) فيها تقليل
لكن بحارنة عادي
 

White Soul

Moderator
مشرف
وأنا للحيني أسمي البطل "زيلدا" ...

طيب انت شنو سويت له /ردة فعلك !؟


خطأ شائع الاحظة كثير
بحارنه
مصارية
سعاوده
كوايته
خلايجة
الخ
طريقة الجمع هذي فيها تقليل نوعا ما والاغلب يجيبها من دون قصد طبعا

نفس ما قال بوحمود احنا نستعمل البحارنة للي أصولهم بحرينية، لأن معروف بالبحرين كثرة التجنيس عندهم فعلشان نفرق نستعمل بحرينيين للي عندهم جنسية بحرينية وبحارنة للي أصولهم بحرينية.

عاد مصارية وكوايتة وخلايجة أول مرة أسمع إن أحد يستعمل هالتسميات @@ لكن سعاودة كأني فعلا سمعتها كم مرة
 

hussien-11

Senior Content Specialist
المبيعات على المتجر الرقمي الأمريكي - الأحد 3 نوفمبر

1- Luigi's Mansion 3
2- Untitled Goose Game
3- Revenge Strike
4- Pokemon Sword
5- Pokemon Shield
6- Revenge of the Bird King
7- Mad Age
8- Minecraft
9- Zelda Link's Awakening
10- ACA NeoGeo Metal Slug

من الألعاب الصادرة مؤخراً:

A Hat in Time في المركز 12
The Witcher 3 في المركز 19
Castle Crashers في المركز 24
SkullGirls 2nd Encore في المركز 30
 
  • Like
Reactions: Ria

Bo7mood89

True Gamer
المبيعات على المتجر الرقمي الأمريكي - الأحد 3 نوفمبر

1- Luigi's Mansion 3
2- Untitled Goose Game
3- Revenge Strike
4- Pokemon Sword
5- Pokemon Shield
6- Revenge of the Bird King
7- Mad Age
8- Minecraft
9- Zelda Link's Awakening
10- ACA NeoGeo Metal Slug

من الألعاب الصادرة مؤخراً:

A Hat in Time في المركز 12
The Witcher 3 في المركز 19
Castle Crashers في المركز 24
SkullGirls 2nd Encore في المركز 30
تغير رهيب بالمراكز !
من فترة قصيرة جدا يمكن يوم او يومين كانت هات ان تايم بالرابع اظن و ويتشر اظن بالسابع و بوكيمون ما كانت بالتوب ١٠
الحين كل شي تغير
و ما زالت الوزة صامدة !!
 

Unknown

Fake Gamer
لي حدود شهرين من شاري الجهاز .. الجهاز ياكل فلوس من الاكسسوارات .. شنطة/ذاكره/يد البرو/قرابر/ستكر شاشه/غطاء لدوك ::confused::
عن الالعاب للاسف 97% من الي بالستور غير قابله للعب! وعلى اقل من مهلي العب ماريو ادوسي وزيلدا نفس البريه مابيهم ينتهون لول
لأن حرفيا مافيه شي اقدر العبه بعدها بالجهاز .. افكر بزينوبليد لكن اتذكر صور الميم لأم صدر اقول Nope ::sweat:: .. العين على لويجيز مانشن
 

SHAMSSON

True Gamer
لي حدود شهرين من شاري الجهاز .. الجهاز ياكل فلوس من الاكسسوارات .. شنطة/ذاكره/يد البرو/قرابر/ستكر شاشه/غطاء لدوك ::confused::
عن الالعاب للاسف 97% من الي بالستور غير قابله للعب! وعلى اقل من مهلي العب ماريو ادوسي وزيلدا نفس البريه مابيهم ينتهون لول
لأن حرفيا مافيه شي اقدر العبه بعدها بالجهاز .. افكر بزينوبليد لكن اتذكر صور الميم لأم صدر اقول Nope ::sweat:: .. العين على لويجيز مانشن

Astral chain
Fire emblem

اعتقد هذلين ممكن يعجبونك ؟
 

hussien-11

Senior Content Specialist
ليش نينتندو ماتنقل هاذي اللعبتين من الوي يو الى السويتش؟

ما أعتقد أن 3D World مُمكن تنتقل للجهاز قبل صدور أوديسي 2

هي غالباً ستأتي، مسألة وقت فقط.
 

Yashiro

True Gamer
ما أعتقد أن 3D World مُمكن تنتقل للجهاز قبل صدور أوديسي 2

هي غالباً ستأتي، مسألة وقت فقط.
في أمل ينقلوا أجزاء زيلدا القديمة مثل ويند ويكر و ماريو جالكسي 1 و 2 ؟
 

hussien-11

Senior Content Specialist
في أمل ينقلوا أجزاء زيلدا القديمة مثل ويند ويكر و ماريو جالكسي 1 و 2 ؟

كل شيء جائز، و لكن أنا أستبعد ذلك، ننتندو ليست من الشركات التي تحاول توفير كل مكتبة إصداراتها على جهاز واحد، و إنما تؤمن أكثر بتوفير ألعاب خاصة لكل جهاز تُحافظ على قيمته (و لو أن هذا بدأ يتغير مؤخراً و بدأت الشركة تعتمد أكثر على تدوير ألعاب من أجيال سابقة لملء فجوات الإصدار).
 

Aia

Jester
لي حدود شهرين من شاري الجهاز .. الجهاز ياكل فلوس من الاكسسوارات .. شنطة/ذاكره/يد البرو/قرابر/ستكر شاشه/غطاء لدوك ::confused::
عن الالعاب للاسف 97% من الي بالستور غير قابله للعب! وعلى اقل من مهلي العب ماريو ادوسي وزيلدا نفس البريه مابيهم ينتهون لول
لأن حرفيا مافيه شي اقدر العبه بعدها بالجهاز .. افكر بزينوبليد لكن اتذكر صور الميم لأم صدر اقول Nope ::sweat:: .. العين على لويجيز مانشن
يب، الاكسسوارات غاليه وشركات الطرف الثالث فيها طمع بعد.
بالنسبة لزينوبليد، ابتعد عنها، غير الـ fan service الشنيع الي فيها.. عندها اكبر واكثر عدد من الـ rpg/anime tropes.
عندك astral chain او بوكيمون بعد اسبوعين.
 

Bo7mood89

True Gamer
يا شباب اللي لقى حل زين حق سالفة تشغيل سماعات بلوتوث عالسويتش يقول لنا الطريقة
يفضل لو غير سالفة القطعة اللي تركب مكان الشحن
سمعت عن قصطة تتركب بمنفذ السماعات نفسه
اذا احد جربها يقولنا
 

Bo7mood89

True Gamer
حصلت هالقطعة لكن مو متأكد من فاعليتها

 

ميهارو

Hardcore Gamer
ما أعتقد أن 3D World مُمكن تنتقل للجهاز قبل صدور أوديسي 2

هي غالباً ستأتي، مسألة وقت فقط.
كلامك منطقي...
طيب حسين لعبه Mario Strikers Charged
تتوقع راح يصدر جزء جديد منها ؟؟
 

hussien-11

Senior Content Specialist
كلامك منطقي...
طيب حسين لعبه Mario Strikers Charged
تتوقع راح يصدر جزء جديد منها ؟؟

هي من نفس مطوري Luigi's Mansion 3

خلينا نشوف ايش بيكون مشروعهم التالي الآن.
 

hussien-11

Senior Content Specialist
هناك أشياء لا يتم رصدها على قائمة الأكثر مبيعاً في المتجر، مثل الحُزم أو الإصدارات المجانية

هذه قائمة بأكثر الأشياء تحميلاً على متجر الجهاز بصورة عامة، بما يتضمن الحُزم و الألعاب المجانية:

1- Luigi's Mansion 3
2- Asphalt 9 Legends
3- Youtube
4- Fortnite
5- Super Kirby Clash
6- Tetris 99
7- Preventive Strike
8- Untitled Goose Game
9- Hulu
10- Pokemon Sword
 

Bo7mood89

True Gamer
شباب اللي جرب ماريو سونيك اولمبيكس يعطينا رايه
قاعد اشوفه آراء متضاربة فيها و تقييمها العام ما يبشر بالخير
 

لُقمَان

True Gamer
الفاوتشر الامريكي مارجع ؟؟
+
حرفيا على كل حماسي لالعاب السويتش والهايب عليهم ، الظاهر ماراح اشري داي ون الا بوكيمون شيلد ! الهايب يموت فجأة مع قرب الإصدار (&)
بس مع زحمة المتجر الفوضوية ، وش فيه كنوز دفينة ؟ وسبلاتون 2 للحين عايشة تستاهل أخذها ولا لا ؟
 
أعلى