دام ان اكبر عقبة في بناء جهاز بي سي تجاوزتها مع تواجد بطاقة 2080 ، فنصيحة لك go all out ، اول نصيحة لك تاخذ معالج ثمانية أنوية ، أفضل خيارين بالسوق هم i9 9900K و Ryzen 7 3700X ، الخيار الثاني هو الأفضل برايي من ناحية القيمة مقابل السعر ، خصوصاً ان يجي معاه مبرد في الكرتون يوفرلك تبريد جيد و راحة بال ، اللوحة الأم انصحك بـ X570 حاول تاخذ بورد ممتاز من ناحية الأداء و يريحك بتفاصيل بسيطة مثل الواي فاي و غيره بالمختصر دلع نفسك ، لذلك انصحك في بورد
Gigabyte Aorus X570 Elite WiFi ، بورد رائع جداً و بجودة عالية ، VRMs ممتازين و البيوز سهل الاستخدام و داخله WiFi جاهز ، اذا ما يهمك WiFi و ناوي تشبك البي سي حقك بالراوتر مباشرةً عن طريق كيبل ايثرنت فخذ الـ Elite العادي اللي بدون WiFi.
الرام بما ان المعالج Ryzen فانصحك تاخذه بسرعة عالية ، DDR4 3600Mhz CL16 هو أفضل خيار و راح تستفيد من المعالج بشكل اكبر ، معالجات Ryzen تحب الرام السريع ، بالنسبة للتخزين فأنصحك بدرايف NVMe SSD سعته 500 جيجا كبووت درايف للويندوز و برامجه و اذا حبيت تقدر تحط فيه العابك المفضلة او ألعاب العالم المفتوح الكبيرة كذلك ، وسيطة التخزين الثانية انصح بميكانيكال هاردرايف تقليدي سعة 2 تيرابايت راح يفيدك خصوصاً ان الألعاب احجامها مع مرور الوقت تزيد ، RDR2 و MW الجديدة من متطلباتهم وجود 150 جيجا ، جيرز 5 نفس الشي فانصح بهاردرايف حجمه كبير ، 2 تيرابايت يكفون لكن لك الحرية اكيد مستقبلاً انك تضيف زيادة ، بالنسبة للـ PSU فاللي انت وضعته ممتاز جداً ، دايم خذ باور سبلاي تقييمه ذهبي و جودته عالية بمعنى داخله Japanese Capacitors .. الخ و اللي انت اخترته ممتاز جداً.
على العموم انا سويت لك تجميعة القي نظرة عليها و بالنهاية الأمر يرجع لك لكن انا أعطيتك القواعد الارشادية اللي انصحك تمشي عليها في بناء تجميعة بجودة عالية و مريحة ، ناقصك بس تاخذ كيس محترم و اهم شي التبريد فيه يكون ممتاز لا تاخذ كيس فقط كشكل او تصاميم ، التبريد مهم خذ لك كيس يدخل اكبر كمية هواء ممكنة و فيه فلاتر للغبار ، أنصحك في
هالمقالة تلخصك افضل الكيسات من ناحية التبريد و مستوى الضجيج .. الخ.
https://pcpartpicker.com/list/jXHhq3
بالنسبة للشاشة فالأمر يرجع لك ، لكن اذا عندك RTX 2080 فأنصح انك تدخل على 1440p144hz ، لكن اذا تبي تجربة فريدة نعم الالتراوايد خيال لكن حط في بالك ان مو كل الألعاب تدعم دقة الوضوح هذي خصوصاً العناوين اليابانية بمعنى لازم تدور على حلول حتى تشغلها ، أنا عندي شاشة التراوايد و مستمتع آخر استمتاع فيها و بالفعل تجربة ينفرد فيها البي سي دوناً عن الكونسول ، الألعاب فجأة تتحول الى شي ثاني كلياً ، عدا عن الدعم الضعيف ، شاشات الالتراوايد سعرها مرتفع جداً ، بالنهاية الأمر يرجع لك اذا تبي فريمات عالية جداً 1080p اكيد هو الخيار المنطقي ، اذا تبي السويت سبوت 1440p144hz هو الخيار الأفضل ، لكن اذا تبي تجربة فريدة لكن مكلفة جداً الألتراوايد أكيد و لو ان في شاشات سعرها طيب و في متناول اليد لكن اكيد انصحك تبحث عن شاشات التراوايد بسرعات تردد عالية و هذولي هم اللي أسعارهم مرتفعة.
