hits counter

الموضوع الرسمي لـ Dead Cells | التحفة الجديدة لمطوري الأندي

Solay

Double Jumper
بادئ الموضوع #1


موعد الإصدار : 7 AUGUST

المنصات: السويتش والبلاي 4 والاكس ون والبي سي، بالنسبه للبي سي فاللعبه لها سنه تقريبا نازله عليه كلعبة ايرلي اكسس.





طيب وش هي Dead Cells؟

اللعبة مزيج رائع بين اسلوب ألعاب ميترويدفينيا وبين ألعاب الروج-لايت. بحيث انه لو مت باللعبه بتحتاج تعيد الرن من جديد لكن الفرق هنا انك ما راح تفقد كل شي وتبدأ من الصفر زي اغلب الالعاب من هالنوع، لا هنا خلال لعبك بتكتسب قدرات جديدة كعادة العاب الميتريويدفينياز زي الوول جمب كمثال او زيادة الهيلث، القدرات هاذي من يوم تكتسبها خلاص بتستمر معك طول اللعبه مهما مت وبتصنع فارق كبير لانها بتخليك تروح لأماكن ما كنت تقدر تروح لها بالرنات السابقة، نفس الكلام للأسلحة والادوات صح انك لو مت بتبدأ من الصفر وبدون اسلحتك بس الاسلحة والادوات باللعبه تفتحها وتلفلها بعملة اللعبه والاسلحة اللي تفتحها بتصير بعدين تطلع لك ببداية الرن او انك تلقاها موزعه بعالم اللعبه او عند البائعين واذا لفلت سلاح معين وخليته اقوى بتصير بعدين تلقاه بقوته الجديده. فحرفيا ما فيه رن باللعبه بتحس انه ما كان له داعي، وصعب جدا انك تشوف نفسك وصلت المرحلة اللي تعيد فيها نفس الشي بدون فائدة لأنك جالس تطور من نفسك الى ان يكون عندك القدره انك تتقدم اكثر وتنهي اللعبه.





شوية نقاط عن اللعبه:

- اللعبه تحفه فنيه ودرس لكيف تتفنن بالبكسل ارت وتصنع منه شي ابداعي.
- الموسيقى باللعبه رهيبة ومن النوع اللي يشجعك على انك تعيد بدون ملل. *ابحط مقطوعة صغيرة تحت*
- اللعبه فيها افضل باتل سيستم انحط بلعبة تو دي على الإطلاق وبتنصدم من كمية التنوع والعمق الموجودة بالجيمبلاي وعناصره.
- اللعبه فيها فاست ترافل وموزع بشكل مكثف بكل منطقة فما راح تحتاج تقطع مشاوير أبدا.
- الليفل ديزاين باللعبه مع انه بأسلوب توزيع عشوائي كعادة ألعاب الروج-لايت لكن مصقول وتكاد تحلف أنك جالس تلعب لعبة ميترويدفينيا اصلية وبمستوى ممتاز، ما راح توصل لجدار مقفل بشكل غبي او باب محطوط بمكان عشوائي ابدا.
- فيه طبعا خريطة على الطريقة المترويدفينيه لكل منطقة 3>
- الاستكشاف باللعبه ممتع جدا، العاب الميترويدفينياز دايم كانوا الامتع بالاستكشاف فتخيل نفس مقدار المتعه بس زد عليها انه كل رن بيتغير توزيع الخريطة والاعداء وبتختلف الاسلحة والادوات. تجربة استكشافية متجددة مع كل رن.
- اللعبه فيها كم هائل من الأسلحة وكل نوع من الأسلحه يختلف كليا بطريقة اللعب والخصائص والبفز وغيرها. حتى فيه أسلحة عن بعد مثل القوس والسهم والتروك بو وبأنواع وخصائص مختلفه.
- كميه ضخمه من الأدوات المساعده مثل القنابل او قدرة التثليج او المولتوف.. إلخ.
- فيه ايضا دروع مختلفه باللعبه وبخصائص معينه مثل خاصية الباري الموجوده بدارك سولز.
- فيه خواص تشتريها أو تطورها مثل مشروب الهيلث خلاص يبقى معك بالرنات الجايه وبتصير تبدأ دائما بعدد معين من مشروبات الهيلث ويمديك تسوي لها ريفيل بين المراحل، بتبدأ بمشروب واحد ومع التطوير ممكن توصل لأربع مشروبات تسهل عليك اللعبه كثيييير بالمستقبل. وغيرها من الخواص مثل بيع الأسلحه واسترجاع مبلغ معين لو مت... إلخ.
- الابيليتيز اللي تفتحها مثل الوول جمب وغيرها بتبقى معك طوال اللعبه فكل مرة بتاخذ فيها ابليتي جديد بتنفتح لك طرق جديده ما كنت تقدر توصل لها من قبل.
- السيلز اللي تاخذها خلال لعبك واللي هي عملة اللعبه تشتري فيها اسلحه تصير تطلع لك داخل المراحل سواء عند البائع او من الصناديق وغيره.
- ايضا بالسيلز تقدر تطور الأسلحه والأدوات فتصير لو لقيتها بعدين تلقاها بقوة ولفل أعلى.
- اللعبه تعطيك المجال بالركض المباشر بدون القتال لو حاب تعدي بعض المناطق بسرعه وتكافئك على هالشي ببوابات محددة بزمن معين لو لحقت عليها بدري بتقدر تاخذ سيلز وادوات منها.
- فيه خصائص معينه تقدر تضيفها على شخصيتك بعد كل مرحله تنهيها ومنها اعطائك فرصه عند الموت باحيائك مره وحده فقط، او بف لهجومك وغيرها.
- بين كل منطقة ومنطقة فيه مكان تلفل فيه اسلحتك وتهلث فيه نفسك وتعبي قوارير الهيلث اللي عندك(زي الاستس فلاسك).
- بعد كل ثلاث مناطق تقريبا او منطقتين فيه بوس.
- ما فيه مسار واحد انت مجبور عليه، كل منطقة فيها بابين يودونك لمنطقتين مختلفة تختار انت بينهم. فاللعبه تعطيك تنوع من ناحية التقدم وحتى تجبرك عليه بماانه القدرات الجديدة تكون موجودة بمناطق معينه.
- المناطق باللعبه مختلفه وكل منطقه تقريبا لها اعداء خاصين فيها وبعض المناطق لها فكره معينه مختلفه.
- العاب الروج-لايت بالعادة من يوم تنهيها خلاص تتركها فهنا اللعبه موزونه بشكل مثالي بحيث انه شبه مستحيل تخلصها الا بعد ما تحط فيها اقل شي 10+ ساعات. تحتاج تفتح اسلحة جديدة وتطورها وتطور قدراتك.





تريلر:

تريلر 2:

لمحة من موسيقى اللعبه:




التقاييم:


Trusted Reviews: 10
TheSixthAxis: 10
We Got This Covered: 10
Digital Chumps: 10
GamesBeat: 9.8
IGN: 9.7
TrueGaming: 9.5
5.EGM: 9
G** is a Geek: 9.5
PlayStation Universe: 9.5
NintendoWorldReport: 9.5
Meristation: 9.2
COGconnected: 9.1
Gamespot: 9
Destructoid: 9
Game Informer: 9
Critical Hit: 9
IGN Spain: 9
Game Debate: 9
USgamer: 9
Nintendo Life: 9
GamingTrend : 9
Push Square : 9
PC Gamer: 9
PC Invasion: 9
Wccftech: 9
Areajugones: 9
Slant Magazine: 9
Outerheaven Production: 9
GameGrin: 9
GameCrate: 8.5
PSX Brasil: 8.3
Gameblog: 8
Saudi Gamer: 8
Easy Allies: 8
Just Push Start: 8
Spaziogames : 8
VideoGamer: 8



89









شوية نصائح


اللعبه برأيي وحدة من افضل العاب التو دي على الإطلاق وتجربة للذكرى، حطيت فيها 20 ساعه تقريبا بدون أي ملل واقدر نوعا ما اقول انها لعبة بيرفكت، درس بكيف تصنع نظام بروجرشن عبقري بجنرا اكبر مشاكله البرجرشن وأراهن أنها لعبة الأندي اللي بتسوي ضجه الفترة الجايه. نسخة البي سي ايرلي اكسس وتوها ما نزلت بشكل رسمي ومع ذلك باعت 700 ألف نسخة.​
 
التعديل الأخير:
#5
في نقطه ما فهمتها اني أعيد من البداية اذا مت !! تقصد ان مافيها جيك بوينت او حتى سيف قيم ؟ يعني ممكن اني العب ٥ او ٦ ساعات متواصلة وبالأخير اموت وينمسح كل تعبي !! اذا نعم فهذي مصيبه كبيره
 

White Soul

I ♡ DS
مشرف
#6
*ذاك الشعور لما تكتشف إن السويتش مو كونسل (&)*

في الرادار، موعدها مبدأيا ممتاز دام اوجست فاضي على ما يبدو (عكس سبتمبر). كلامك عن الباتل سستم بالذات مثير للاهتمام، كيف ممكن تصنع باتل سستم عميق في لعبة 2D؟ نلعبها ونشوف.
 
#7
قرار تأجيل تجربتها إلى أن تصدر على السويتش ما كان في صالحي، أحس نفسي إكتفيت من الألعاب اللي تمتهن ميكانيكية الموت النهائي أو الـpermadeath ومعها بشكل نسبي مليت من التحدي المبالغ به.
في نقطه ما فهمتها اني أعيد من البداية اذا مت !! تقصد ان مافيها جيك بوينت او حتى سيف قيم ؟ يعني ممكن اني العب ٥ او ٦ ساعات متواصلة وبالأخير اموت وينمسح كل تعبي !! اذا نعم فهذي مصيبه كبيره
ما عندك تجارب سابقة مع ألعاب roguelike؟ نعم، إذا مت تعيد من البداية حتى إذا وصلت لعند الزعيم الأخير، لكن كل لعبة تطبق مفهوم مختلف من ناحية الإعادة، بعضها تعيدها بدون أي قدرات/أسلحة ويجب عليك قطع مراحل اللعبة من جديد، وبعضها متسامحة أكثر وتوفر لك إختصارات أو بطريقة ما تبقي على قدراتك/أسلحتك اللي إكتسبتها. شيء آخر تعرف به ألعاب الـroguelike/lite هو تصميم المراحل (الخريطة) وتوزيع الأعداء العشوائي مع كل بداية جديدة للاعب.
 

Solay

Double Jumper
بادئ الموضوع #8
*ذاك الشعور لما تكتشف إن السويتش مو كونسل (&)*
واذا قلنا كونسول زعلوا حقين المحمول :(

في نقطه ما فهمتها اني أعيد من البداية اذا مت !! تقصد ان مافيها جيك بوينت او حتى سيف قيم ؟ يعني ممكن اني العب ٥ او ٦ ساعات متواصلة وبالأخير اموت وينمسح كل تعبي !! اذا نعم فهذي مصيبه كبيره
تعقيبا على كلام كونسيبتو.

اللعبه اصلا نفسها لو انت مطور قدراتك تخلصها بساعه وشوي. فالمسار موب طويل بس الكلام هو انه اللعبه بتبدأ صعبه بماان شخصيتك ضعيفة وتبدأ تسهل مع تطورك فيعني اول مرة تقابل فيها الزعيم الأول او الثاني بيكونون صعبين جدا وممكن تموت كم مرة عندهم بينما بعدين بتقدر تقتل البوس الثاني بأقل من 15 ثانية. والأول نفس الكلام.

فاللعبه فيها احساس تقدم رهيب وتكافئك طول الوقت بخصائص جديدة ومناطق جديدة ما كنت تقدر تدخلها، والجيمبلاي باللعبه ادماني جدا ومتنوع بحيث انه ودك كل مرة تجرب اساليب جديدة وبماانه توزيع المناطق والاعداء عشوائي فدايم بتحس بالتجديد.
 
#9
انا ماحبيت فكره اني اعيد اللعبه وتتغير كل شوي .. ماعطيتها حقها للامانه لعبت يمكن ساعتين بس كلش ما استسغتها للاسف.
 
#13
لقيت نسخة ستيم قدامي مخفضة للمرة المدري كم فإستسلمت للهايب أخيراً وأخذتها مع انه مزاجي ما يسمح ألعبها بالوقت الحالي... أتمنى تكون مبسوط الآن، @Solay :emoji_frowning2:


لعبة أخرى تسقط من قائمة الألعاب المنتظرة على السويتش مع Hollow Knight.
 

Solay

Double Jumper
بادئ الموضوع #14
لقيت نسخة ستيم قدامي مخفضة للمرة المدري كم فإستسلمت للهايب أخيراً وأخذتها مع انه مزاجي ما يسمح ألعبها بالوقت الحالي... أتمنى تكون مبسوط الآن، @Solay :emoji_frowning2:


لعبة أخرى تسقط من قائمة الألعاب المنتظرة على السويتش مع Hollow Knight.
yay :grin:

استمتع وعلمني عن رأيك فيها اذا جربتها.
 
#16
جربتها على الـ PC وعجبني كل شي فيها

لكن للاسف من عرفت سالفة انت تعيد من الاول تركتها شخصيا اكره هالنوع من الالعاب
يعني تلعب 3 ساعات ورى بعض وتموت وتعيد :confused::

لا شكرا نظام العاب الـ NES هذا ما احبه :triumph:
 
بادئ الموضوع #17
جربتها على الـ PC وعجبني كل شي فيها

لكن للاسف من عرفت سالفة انت تعيد من الاول تركتها شخصيا اكره هالنوع من الالعاب
يعني تلعب 3 ساعات ورى بعض وتموت وتعيد :confused::

لا شكرا نظام العاب الـ NES هذا ما احبه :triumph:
انا زيك ونادر جدا احب لعبه من هالنوع، ما حبيت الا لعبتين فقط من الجنرا كامل.

ميزة ديد سيلز واللي برأيي تخليها افضل لعبه روج لايت وتميزها عن باقي الجنرا هو اسلوب التقدم باللعبه، ما راح تطلع من اي رن وانت خسران كل ما لعبت اكثر كل ما صارت فرصتك بالفوز اقرب موب بس لأنك احترفت اسلوب اللعبه لا، لأنه:

- فيه خواص تشتريها أو تطورها مثل مشروب الهيلث خلاص يبقى معك بالرنات الجايه وبتصير تبدأ دائما بعدد معين من مشروبات الهيلث ويمديك تسوي لها ريفيل بين المراحل، بتبدأ بمشروب واحد ومع التطوير ممكن توصل لأربع مشروبات تسهل عليك اللعبه كثيييير بالمستقبل. وغيرها من الخواص مثل بيع الأسلحه واسترجاع مبلغ معين لو مت... إلخ.
- الابيليتيز اللي تفتحها مثل الوول جمب وغيرها بتبقى معك طوال اللعبه فكل مرة بتاخذ فيها ابليتي جديد بتنفتح لك طرق جديده ما كنت تقدر توصل لها من قبل.
- السيلز اللي تاخذها خلال لعبك تشتري فيها اسلحه تصير تطلع لك داخل المراحل سواء عند البائع او من الصناديق وغيره.
- ايضا بالسيلز تقدر تطور الأسلحه والأدوات فتصير لو لقيتها بعدين تلقاها بقوة ولفل أعلى.

هذا غير ان اللعبه ما تحاول تعطلك بأي لحظه او تخليك تقطع مشاوير مالها داعي، التليبورترز موزعه بكل مكان ولو تبي تقلب اللعبه سبيد رن بيكون لك ادفانتج انك تفتح بوابات تعطيك سيلز وأدوات ما تقدر تفتحها لو انت تلعب بشكل عادي.
 
التعديل الأخير:
#18
هذا غير ان اللعبه ما تحاول تعطلك بأي لحظه او تخليك تقطع مشاوير مالها داعي، التليبورترز موزعه بكل مكان ولو تبي تقلب اللعبه سبيد رن بيكون لك ادفانتج انك تفتح بوابات تعطيك سيلز وأدوات ما تقدر تفتحها لو انت تلعب بشكل عادي.
اوه بوي كنت بحاجة لسماع هذا! ما أحب لما اللعبة تجبرني أقطع مشاوير طويلة مرارا وتكرارا، خصوصا بعد اللعبة الي في بالي بالك (&)

موعدها للأسف ما يناسبني لكن بشتريها لاحقا بإذن الله
 
الإعجابات: Solay

The Last Lombax

In a new Adventure
مشرف
#19
انا زيك ونادر جدا احب لعبه من هالنوع، ما حبيت الا لعبتين فقط من الجنرا كامل.

ميزة ديد سيلز واللي برأيي تخليها افضل لعبه روج لايت وتميزها عن باقي الجنرا هو اسلوب التقدم باللعبه، ما راح تطلع من اي رن وانت خسران كل ما لعبت اكثر كل ما صارت فرصتك بالفوز اقرب موب بس لأنك احترفت اسلوب اللعبه لا، لأنه:

- فيه خواص تشتريها أو تطورها مثل مشروب الهيلث خلاص يبقى معك بالرنات الجايه وبتصير تبدأ دائما بعدد معين من مشروبات الهيلث ويمديك تسوي لها ريفيل بين المراحل، بتبدأ بمشروب واحد ومع التطوير ممكن توصل لأربع مشروبات تسهل عليك اللعبه كثيييير بالمستقبل. وغيرها من الخواص مثل بيع الأسلحه واسترجاع مبلغ معين لو مت... إلخ.
- الابيليتيز اللي تفتحها مثل الوول جمب وغيرها بتبقى معك طوال اللعبه فكل مرة بتاخذ فيها ابليتي جديد بتنفتح لك طرق جديده ما كنت تقدر توصل لها من قبل.
- السيلز اللي تاخذها خلال لعبك تشتري فيها اسلحه تصير تطلع لك داخل المراحل سواء عند البائع او من الصناديق وغيره.
- ايضا بالسيلز تقدر تطور الأسلحه والأدوات فتصير لو لقيتها بعدين تلقاها بقوة ولفل أعلى.

هذا غير ان اللعبه ما تحاول تعطلك بأي لحظه او تخليك تقطع مشاوير مالها داعي، التليبورترز موزعه بكل مكان ولو تبي تقلب اللعبه سبيد رن بيكون لك ادفانتج انك تفتح بوابات تعطيك سيلز وأدوات ما تقدر تفتحها لو انت تلعب بشكل عادي.
كلامك عن شراء الاشياء الي تكمل معاك في الرنات الثانية يذكرني بروج ليجاسي @@
 
بادئ الموضوع #22
بيتم فتح موضوع رسمي للعبة أو هذا بيكون الموضوع الرسمي لها؟ عشان ناوي أشارك رأيي في اللعبة بعد ما خلصتها.
اتوقع هذا كافي، قبل كم يوم من نزول اللعبه ابغير العنوان وممكن اضيف كم حاجه من هنا وهناك.

استرسل :grin:
 
#24
كنت بسوي لها ريفند من قبل لكن واحد من الربع قالي انا مهتم فيها لا تسوي لها ريفند ( بما اني انا مشارك مكتبتي في ستيم معاه ) وحاليا يعتبرها من أفضل الالعاب ويمدحها جدا جدا لي ويقول لازم تعطيها فرصه ثانيه.

فشكلي بعطيها فرصه ثانيه هاليومين.
 
الإعجابات: Solay
#26
أيش يعني روج-لايت !؟

---

بالنسبة لي، مضطر أعطي لعبة الـindie هذي طاف.

لأنه قائمة الأندي كل يوم عندي قاعد تكبر ... و قبل الأندي كان حليو ابو ٦-٨ ساعات وانت مخلص اللعبه ...

بس ألحين الوضع صار مختلف و الوقت ألي تقضيه على لعبه اندي وحده، من الممكن انك تستخدمه للعب ٢-٣ ألعاب AAA بطور القصة فقط ! ... و أنا عندي ألعاب AAA من نص الجيل ألي فات وأنا ما جربتهم أو لعبتهم !!! .. و نوعاً ما ، احس ما حللت gtx 1080ti للان ، بسبه فخ الأنديز ::laugh::
 
بادئ الموضوع #27
أيش يعني روج-لايت !؟
الألعاب اللي لو مت فيها تعيد من البدايه وكل مرة المراحل وتوزيع الأعداء والأسلحه والأدوات اللي تلقاها تتغير بشكل عشوائي.

كنت بسوي لها ريفند من قبل لكن واحد من الربع قالي انا مهتم فيها لا تسوي لها ريفند ( بما اني انا مشارك مكتبتي في ستيم معاه ) وحاليا يعتبرها من أفضل الالعاب ويمدحها جدا جدا لي ويقول لازم تعطيها فرصه ثانيه.

فشكلي بعطيها فرصه ثانيه هاليومين.
انت بس يا فيصل حاول تبلع سالفة الاعاده من جديد بعد الموت بماانك ما تعودت على ذا الجنرا وركز على تطوير قدراتك والاستمتاع بالأسلحه والقدرات بكل رن وصدقني بتستمتع.
 
#30
روج ليجسي كانت لعبة عظيمة، وهذي يبدو لي انها مشابهة لها بشكل كبير بس على جدية اكبر.
للاسف قائمة الالعاب الجانبية عندي مزدحمة شوي، لكنها تحت الرادار.
 
الإعجابات: Solay