NA1F
True Gamer
السلام عليكم
حبيت اسوي موضوع عن عدد الاجهزة الي جربوها الاعضاء بحياتهم واهم تجاربهم عليه.
بالنسبه لي سأذكر الاجهزة بالتدريج .
اول جهاز جربته بحياتي هو الأتاري 2600 عام تقريبا 1992
كنت بعمر الاربع سنين والغريب اذكرها جيدا , رغم ان الجهاز مر عليه سنين من اصداره لاول مره لكن ما كان يفرق مع الوالد واحنا ما كانا نعرف الفرق بين السيقا والعائلة والاتاري
الالعاب الي جربتها عليه لازالت بذاكرتي
وافضلها لعبة الغميضة والطريقة هي ان تخلي الي يلعب معك مايشوف الشاشة وانت تحرك شخصيتك وتختبئ , مكاني المفضل ورى البيت وبعدين هو يدورك
sneak n peek
وايضا لعبة الشرطي والحرامي
keystone kapers
وعدد من الالعاب الاخرى
واذكر موقف صار معي ايام الجهاز , ولد عمي شرا نفس جهازي ورحت له , ونلعب انا وياه لعبة الطيارات على الاتاري المهم انا كسرت اليده حقت الاتاري وماعرفو الي حولي وحاولت اثبت العصى على شان مايطيح وثبت وقلت لهم ابي اروح البيت وعمي يقول تغدا عندنا قلت لا ابي اروح البيت و اول ما طلعت منهم اطلقت اقدامي للريح وما جيتهم اسبوعين لذلك لازلت اكره يدة الاتاري (على العموم اعتقد انه مو اصلية حقتهم ومالي ذنب بالحادثه المأساوية)
ثاني جهاز الصخر 1992
اشتراه اخوي وكنت مستغرب من شكله (اول مره اشوف ازرار كثيره كي بورد )
طبعا حقبة الصخر ناسيها ( والسبب في الغالب اخوي مايخليني العبها يقول عندك الاتاري)لكن اذكر لعبة البطريق على الاقل.
ثالث جهاز المعروف كمبيوتر العائلة اعتقد عام 1993
احب لعبة لي على العائلة ميجا مان على الرغم اني ما انهيتها على كثر مالعبتها لانها صعبه وايضا الكابتن ماجد والغريب بوقتها اكره سوبر ماريو
وفي موقف ببالي حتى الان اذكره , كان عمري بوقتها يا ست سنين او خمس اذكر جت جارتنا معها بنتها وكنت العب ميجا مان وهي تشوفن وكنت احاول اظهر لعبي قدامه باللعبه هههههه طبعا جلدن اول زعيم وهي راحت لبيتها .
رابع جهاز سيجا ميجا درايف والي اعتبره احد اجمل الاجهزة الي جربتها عام 1994
والله اتذكر حقبة السيجا بمتعه تملئها النستلوجيا العاب جميلة ومنوعة مثل streets of rage و كما نسميها حرب الشوارع وكنا بوقتها مدمنين مصارعه اخوي واقاربي وكان في العاب مصارعة كثير على السيقا وطبعا سونيك
وصار لي موقف اذكره بخصوص جهاز السيقا اذكر في لعبة X MAN وكان نظامها مثل حرب الشوارع تقريبا كنا مسافرين لخوالي بمدينه ثانيه ببيت جدي ساكنين لكن انا اروح انام عند احد بيوت اقاربي عندهم ولد بنفس عمري اصدقاء لكن للاسف خنت صداقته بسرقة لعبة اكس مان (بوقتها عمري 6 سنين لا تشرهون لول) ورحت لبيت جدي وشافت امي اللعبة وقلت لها عطاني صديقي اللعبة وكلمتهم وعرفت اني سرقته وامي حطت السرقة براس اخوي الصغير الي عمره ثلاث سنين بوقتها هههههه .
الجهاز الخامس psx
عام 1998 وبعد سنوات على السيقا قررت انا واخوي نتفق على هدية النجاح ونقول لابوي نبي البلايستيشن 1 وابوي وافق ورحنا لمحل اسمه منشار(اسم غريب لكن غير اسمه بعدين ) وكان بوقتها في طفل مع ابوه يبي هدية نجاحه ايضا ويبي جهاز السيقا وانا اوخوي نبي البلايستيشن 1 , السوداني (لازال موجود حتى هذه اللحظة بنفس المحل) شغل البلايستيشن , وحط لعبة فيفا 98 كاس العالم وطلع عرض البداية ثري دي, وكانت صدمة حضارية وما بعد جيل الـ 2D لنا وللطفل الي بجنبنا, الي يبي السيقا, ابوي سال السوداني عن السعر قال سعره 990 ريال حتى الان مانسيت السعر وابوي رد عليه قال ليه ما تخليها الف احسن الطفل الي بجنبنا يقول لابوه ابي نفسهم, وابوه رفض يقول غالي والطفل بدا يبكي ويصيح وانا اضحك (كنت خبيث) واشوفه بطرف عيني وهو يصايح وانا اضحك وابتسم وكانت الاشرطة كوبي وسعرها 45 ريال اشترينا تومب رايدر 2 وفيفا و مصارعة WCW NITRO ولعبة القتال king of fighter 98 طبعا كلهم اختارهم اخوي وقالي اختار لعبة واحدة اخترت لعبة غلافها جمجمة اعجبني غلافها وما لعبتها الا مره لانها مرعبة وصعبة
وافضل الالعاب الي جربتها على البلايستيشن 1 ميتال جير سوليد 1 و brigandine و الدوري الياباني والمصارعات بانواعها وفاينال فانتسي 7 ورزدينت ايفيل وغيرها من الالعاب الاسطورية .
الجهاز السادس ps2
اذكر شريناه عام 2001 كنت بثاني متوسط وبرمضان بالعشرى الاواخر وكنت مريض وما قدرت العبها الا بعد كم يوم والالعاب الي جت معها جراند ثيفت اوتو 3 والويننق اليفن 5 وناسي الباقي
بالطبع افضل تجاربي ميتال جير سوليد 2 و 3 ودينستي ووريورز 3 والمصارعه باجزائها .
الجهاز السابع الجيم كيوب عام 2003
وافضل لعبة زيلدا وزريدنت ايفيل 4 الي كانت افضل نسخة وللاسف ما طول الجهاز سنه وباعه اخوي .
الجهاز الثامن عام 2003 الاكس بوكس اورجنال
كان جهاز اصدار خاص ومميز ولونه اخضر بالكامل وشفاف تشوف القطع الي داخله وشرينها مستعمل وبداخل الجهاز توجد العب كثيرة جدا من جميع الاجيال افضل لعبة بلا منازع فيبل 1
احد اجمل الاجهزه الي اقتنيتها لكن ايضا باعه اخوي مع الجيم كيوب (لشراء كمبيوتر مكتبي) الجيم كيوب مع الاكس بوكس بالف ريال مع جميع الاشرطة خساره خصوصا الاكس بوكس لانه جهاز مميز وفيه العاب داخله او خل نقول اجهزه كامله داخله من جيل الاتاري الى جيل البلايستيشن 1 والننتيندو 64 .
الجهاز التاسع الاكس بوكس 360 عام 2006
الاكس بوكس 360 سالفته سالفه حاولت اجمع كل ريال لمدة شهرين على شان اشتريه وكان سعره 2500 ريال تخيلو!! اشتريته, وبعد ثلاث اشهر خرب الجهاز باللمبة الحمرا ورميته, لكن شريته مرا ثانيه وايضا خرب لكن بعد فترة طويلة ممكن سنتين,
تجاربي مع الجهاز كثيرة واهمها ذا ايلدر اوبلفيون الي كانت نقلة كبيرة من اجهزة الجيل السابقة وايضا لعبة جيرز اوف ووار 1 وهالو 3 واول جيل ادخل الاونلاين كان شي جبار وسرعة الاتصال عندي بوقتها 512 كيلو بايت وكان الاتصال ممتاز بوقتها ويمشي الحال .
الجهاز العاشر البلايستيشن 3 عام 2010
لاول مره اتاخر بشراء البلايستيشن والسبب تعلقي بالاكس بوكس, ولانه اول جهاز اصدر بذلك الجيل,
لكن ميتال جير سوليد 4 لازم اجربها مو معقوله سلسلتي المفضلة اشوفها فقط بمجلات الكمبيوتر واقرا عنها بالمنتديات بوقتها وما العبها
واهم تجاربي اكيد ميتال جير وكيلزون 2 وانشارتد وذا لست اوف اس .
الجهاز الحادي عشر الـWII في عام 2010
تجربتي مع الجهاز ليست طويلة لكن في كم تجربة جميلة جدا مثل سوبر سماش متعه كبيرة وايضا زيلدا لكن لم استمر باللعبه والوي سبورت .
الجهازالثاني عشر الـ pc عام 2012
البي سي نساني الكونسل على الرغم اني استعير البلايستيشن 4 من اخوي للالعاب الحصرية لكن العاب الطرف الثالث كلها ع البي سي
واهم لعبة او لعبتين ع البي سي من بعد شرائي له ذا ويتشر 3 وميتال جير سوليد 5 .
الجهاز الثالث عشر و الاخير السويتش عام 2017
والسبب بكل تأكيد زيلدا ونهيتها قبل شهر من افضل تجاربي على الاطلاق .
اذا 12 جهاز امتلكتهم من عام 1992 ووالترتيب كالاتي بالنسبه لي:
ps2
psx
xbox360
sega mega drive
gamecupe
ps3
famicom
atari 2600
wii
msx
بالنسبه للسويتش على بداية عمره لذلك لا يدخل بالترتيب
اسالة للقراء
كم جهاز امتلكتوه بحياتكم؟
وهل الاجهزه القديمة لازالت عندكم ؟
وافضل الاجهزة الي امتلكتها بالترتيب .
حبيت اسوي موضوع عن عدد الاجهزة الي جربوها الاعضاء بحياتهم واهم تجاربهم عليه.
بالنسبه لي سأذكر الاجهزة بالتدريج .
اول جهاز جربته بحياتي هو الأتاري 2600 عام تقريبا 1992
كنت بعمر الاربع سنين والغريب اذكرها جيدا , رغم ان الجهاز مر عليه سنين من اصداره لاول مره لكن ما كان يفرق مع الوالد واحنا ما كانا نعرف الفرق بين السيقا والعائلة والاتاري
الالعاب الي جربتها عليه لازالت بذاكرتي
وافضلها لعبة الغميضة والطريقة هي ان تخلي الي يلعب معك مايشوف الشاشة وانت تحرك شخصيتك وتختبئ , مكاني المفضل ورى البيت وبعدين هو يدورك
sneak n peek
وايضا لعبة الشرطي والحرامي
keystone kapers
وعدد من الالعاب الاخرى
واذكر موقف صار معي ايام الجهاز , ولد عمي شرا نفس جهازي ورحت له , ونلعب انا وياه لعبة الطيارات على الاتاري المهم انا كسرت اليده حقت الاتاري وماعرفو الي حولي وحاولت اثبت العصى على شان مايطيح وثبت وقلت لهم ابي اروح البيت وعمي يقول تغدا عندنا قلت لا ابي اروح البيت و اول ما طلعت منهم اطلقت اقدامي للريح وما جيتهم اسبوعين لذلك لازلت اكره يدة الاتاري (على العموم اعتقد انه مو اصلية حقتهم ومالي ذنب بالحادثه المأساوية)
ثاني جهاز الصخر 1992
اشتراه اخوي وكنت مستغرب من شكله (اول مره اشوف ازرار كثيره كي بورد )
طبعا حقبة الصخر ناسيها ( والسبب في الغالب اخوي مايخليني العبها يقول عندك الاتاري)لكن اذكر لعبة البطريق على الاقل.
ثالث جهاز المعروف كمبيوتر العائلة اعتقد عام 1993
احب لعبة لي على العائلة ميجا مان على الرغم اني ما انهيتها على كثر مالعبتها لانها صعبه وايضا الكابتن ماجد والغريب بوقتها اكره سوبر ماريو
وفي موقف ببالي حتى الان اذكره , كان عمري بوقتها يا ست سنين او خمس اذكر جت جارتنا معها بنتها وكنت العب ميجا مان وهي تشوفن وكنت احاول اظهر لعبي قدامه باللعبه هههههه طبعا جلدن اول زعيم وهي راحت لبيتها .
رابع جهاز سيجا ميجا درايف والي اعتبره احد اجمل الاجهزة الي جربتها عام 1994
والله اتذكر حقبة السيجا بمتعه تملئها النستلوجيا العاب جميلة ومنوعة مثل streets of rage و كما نسميها حرب الشوارع وكنا بوقتها مدمنين مصارعه اخوي واقاربي وكان في العاب مصارعة كثير على السيقا وطبعا سونيك
وصار لي موقف اذكره بخصوص جهاز السيقا اذكر في لعبة X MAN وكان نظامها مثل حرب الشوارع تقريبا كنا مسافرين لخوالي بمدينه ثانيه ببيت جدي ساكنين لكن انا اروح انام عند احد بيوت اقاربي عندهم ولد بنفس عمري اصدقاء لكن للاسف خنت صداقته بسرقة لعبة اكس مان (بوقتها عمري 6 سنين لا تشرهون لول) ورحت لبيت جدي وشافت امي اللعبة وقلت لها عطاني صديقي اللعبة وكلمتهم وعرفت اني سرقته وامي حطت السرقة براس اخوي الصغير الي عمره ثلاث سنين بوقتها هههههه .
الجهاز الخامس psx
عام 1998 وبعد سنوات على السيقا قررت انا واخوي نتفق على هدية النجاح ونقول لابوي نبي البلايستيشن 1 وابوي وافق ورحنا لمحل اسمه منشار(اسم غريب لكن غير اسمه بعدين ) وكان بوقتها في طفل مع ابوه يبي هدية نجاحه ايضا ويبي جهاز السيقا وانا اوخوي نبي البلايستيشن 1 , السوداني (لازال موجود حتى هذه اللحظة بنفس المحل) شغل البلايستيشن , وحط لعبة فيفا 98 كاس العالم وطلع عرض البداية ثري دي, وكانت صدمة حضارية وما بعد جيل الـ 2D لنا وللطفل الي بجنبنا, الي يبي السيقا, ابوي سال السوداني عن السعر قال سعره 990 ريال حتى الان مانسيت السعر وابوي رد عليه قال ليه ما تخليها الف احسن الطفل الي بجنبنا يقول لابوه ابي نفسهم, وابوه رفض يقول غالي والطفل بدا يبكي ويصيح وانا اضحك (كنت خبيث) واشوفه بطرف عيني وهو يصايح وانا اضحك وابتسم وكانت الاشرطة كوبي وسعرها 45 ريال اشترينا تومب رايدر 2 وفيفا و مصارعة WCW NITRO ولعبة القتال king of fighter 98 طبعا كلهم اختارهم اخوي وقالي اختار لعبة واحدة اخترت لعبة غلافها جمجمة اعجبني غلافها وما لعبتها الا مره لانها مرعبة وصعبة
وافضل الالعاب الي جربتها على البلايستيشن 1 ميتال جير سوليد 1 و brigandine و الدوري الياباني والمصارعات بانواعها وفاينال فانتسي 7 ورزدينت ايفيل وغيرها من الالعاب الاسطورية .
الجهاز السادس ps2
اذكر شريناه عام 2001 كنت بثاني متوسط وبرمضان بالعشرى الاواخر وكنت مريض وما قدرت العبها الا بعد كم يوم والالعاب الي جت معها جراند ثيفت اوتو 3 والويننق اليفن 5 وناسي الباقي
بالطبع افضل تجاربي ميتال جير سوليد 2 و 3 ودينستي ووريورز 3 والمصارعه باجزائها .
الجهاز السابع الجيم كيوب عام 2003
وافضل لعبة زيلدا وزريدنت ايفيل 4 الي كانت افضل نسخة وللاسف ما طول الجهاز سنه وباعه اخوي .
الجهاز الثامن عام 2003 الاكس بوكس اورجنال
كان جهاز اصدار خاص ومميز ولونه اخضر بالكامل وشفاف تشوف القطع الي داخله وشرينها مستعمل وبداخل الجهاز توجد العب كثيرة جدا من جميع الاجيال افضل لعبة بلا منازع فيبل 1
احد اجمل الاجهزه الي اقتنيتها لكن ايضا باعه اخوي مع الجيم كيوب (لشراء كمبيوتر مكتبي) الجيم كيوب مع الاكس بوكس بالف ريال مع جميع الاشرطة خساره خصوصا الاكس بوكس لانه جهاز مميز وفيه العاب داخله او خل نقول اجهزه كامله داخله من جيل الاتاري الى جيل البلايستيشن 1 والننتيندو 64 .
الجهاز التاسع الاكس بوكس 360 عام 2006
الاكس بوكس 360 سالفته سالفه حاولت اجمع كل ريال لمدة شهرين على شان اشتريه وكان سعره 2500 ريال تخيلو!! اشتريته, وبعد ثلاث اشهر خرب الجهاز باللمبة الحمرا ورميته, لكن شريته مرا ثانيه وايضا خرب لكن بعد فترة طويلة ممكن سنتين,
تجاربي مع الجهاز كثيرة واهمها ذا ايلدر اوبلفيون الي كانت نقلة كبيرة من اجهزة الجيل السابقة وايضا لعبة جيرز اوف ووار 1 وهالو 3 واول جيل ادخل الاونلاين كان شي جبار وسرعة الاتصال عندي بوقتها 512 كيلو بايت وكان الاتصال ممتاز بوقتها ويمشي الحال .
الجهاز العاشر البلايستيشن 3 عام 2010
لاول مره اتاخر بشراء البلايستيشن والسبب تعلقي بالاكس بوكس, ولانه اول جهاز اصدر بذلك الجيل,
لكن ميتال جير سوليد 4 لازم اجربها مو معقوله سلسلتي المفضلة اشوفها فقط بمجلات الكمبيوتر واقرا عنها بالمنتديات بوقتها وما العبها
واهم تجاربي اكيد ميتال جير وكيلزون 2 وانشارتد وذا لست اوف اس .
الجهاز الحادي عشر الـWII في عام 2010
تجربتي مع الجهاز ليست طويلة لكن في كم تجربة جميلة جدا مثل سوبر سماش متعه كبيرة وايضا زيلدا لكن لم استمر باللعبه والوي سبورت .
الجهازالثاني عشر الـ pc عام 2012
البي سي نساني الكونسل على الرغم اني استعير البلايستيشن 4 من اخوي للالعاب الحصرية لكن العاب الطرف الثالث كلها ع البي سي
واهم لعبة او لعبتين ع البي سي من بعد شرائي له ذا ويتشر 3 وميتال جير سوليد 5 .
الجهاز الثالث عشر و الاخير السويتش عام 2017
والسبب بكل تأكيد زيلدا ونهيتها قبل شهر من افضل تجاربي على الاطلاق .
اذا 12 جهاز امتلكتهم من عام 1992 ووالترتيب كالاتي بالنسبه لي:
ps2
psx
xbox360
sega mega drive
gamecupe
ps3
famicom
atari 2600
wii
msx
بالنسبه للسويتش على بداية عمره لذلك لا يدخل بالترتيب
اسالة للقراء
كم جهاز امتلكتوه بحياتكم؟
وهل الاجهزه القديمة لازالت عندكم ؟
وافضل الاجهزة الي امتلكتها بالترتيب .
التعديل الأخير: