فيني جرثومة معده

[Unknown]

السلام عليكم .. اعذروني على الموضوع الطويل بس حاب افرغ شحناتي السلبيه لول
مع ان بالعاده ما احب اجيب سيره شخصيه عني لأحد .. لكن احس اني مرتاح هنا هههه

نبدا بالبدايه .. في 13 نوفمبر حسيت بألم من جنبي الايمن استمر لمدة ثلاث ايام ماكان مزعج ولا اهتميت
بعد الثلاث ايام صار عندي ألام بالبطن ككل! .. توقعته برد بالبدايه لكن الالم صار اقوى لدرجه ماصرت انام!
صار يجيني امساك ومرات اسهال وانتفاخات بالبطن واصوات تحس ببطنك غازات لكن مافيه شي ابدا
الالم بالحوض والمفاصل وخفقان بالقلب وقتها قاعد اشوف رعب وهلع وانواع الوسواس وكل شي
بحث بقوقل عن مثل حالاتي كل الي اقراه شي مروع ويحبط المعنويات .. نفسيتي تعبت كثير
صرت اكل قليل خايف ممكن تمر 12 ساعه بدون اكل فقط سوائل .. ونقصت 3 كيلو

وقتها قلت الدكتور على طول .. رحت وشرحت له وضعي قالي يا قولون يا جرثومة المعده واخذ تحليل دم وبراز
واعطاني 3 علاجات الي هي RIASPASM 10mg و DISFLATYL و RANIMAX 150mg وموعد بعد اسبوع

انا قلت اكيد قولون .. استبعدت جرثومة المعده لأني حريص جدا ع النظافه بشكل عام حتى اصحابي يضحكوا علي من هالناحيه
جلست ع العلاج كم يوم لكن الالم فضيع اخر الليل ادور بغرفتي مثل المجنون من الالم! الوالده الله يصلحها على اي شي تبكي
صار يجيني مثل النبض بكل جسمي و حرقان بالمعده والمريء لأول مره! ضيق تنفس .. اي مجهود بسيط يحصل لي خفقان مروع!
طبعا الفتره هذي مكثر سوائل ويانسون ومن هالامور خففت شوي .. رحت الطوارئ بالمستشفى الدكتور شاف التحاليل قال عندي جرثمة معده!

قالي استمر ع العلاج الاول لوقت الموعد الجديد .. وقتها مصدوم افرح ولا ازعل لأن وقت الالم اقول ياليت فيني جرثومه ولا هالقولون هههه
عموما جا وقت اروح الدكتور لثالث مره "الموعد" .. قال ان عندي جرثومة قويه! قوتها 105 ونصحني ما اكل اكل حار ولا مخللات او شي يهيجني
ونصحني بوضعيه معينه بالنوم ولا اكل وانام .. و3 علاجات جديده PANTOZOL 40mg ومضادين حيويه AMOXICILLIN 1000mg و KLACID 500mg
قالي استمر ع المضادين 10 ايام ع و PANTOZOL 40mg شهر .. وقال ان بتجيني اعراض مثل الالم بالبطن وتغير الطعم باللسان
والان انا برابع يوم بكورس العلاج .. الاعراض موجوده الم بالبطن وطعم مقرف باللسان + dizzy طوال اليوم تقريبا

مدري ليش كاتب الموضوع لكن اي احد عنده نصائح معينه او جته الجرثومه وتعالج منها لا يبخل علي ومنها نفيد ونستفيد ... ودعواتكم لي بالشفاء ياشباب :v:​

 

[MaxPro]

نصيحتي التزم حرفيا بكلام ونصائح الطبيب، وقبل ذلك اخلص الدعاء لله بالشفاء.

ويارب الشفاء والعافية لك في اسرع وقت.

 

[hussien-11]

بالسلامة و ما تشوف شر ان شاء الله، بانتظار الرأي من أطباء تروجيمنج و ان شالله يساعدوك

عن نفسي أقدر أسدي بعض النصائح بخصوص أنظمة الغداء الطبيعية فقط:

غذاء مفيد للمعدة: اللبن + الثوم + الرز + البطاطس المسلوقة ( يمسكوا المعدة )

من أجل طرد الغازات: منقوع النعناع + خليط بين الليمون و الكمّون على طريقة الاخوة في مصر، الينسون أيضاً مفيد.

الغذاء هذا مهم جداً بجانب الدواء، و بالشفاء.

 

[persona]

بحث بقوقل عن مثل حالاتي​

لا تبحث وتعور رأسك، لانه كل شخص مختلف عنك نفسياً وجسدياً وحتى تشخيصياً.

 

[ViooR]

عسل المانوكا ملعقة على الريق هي علاجك , لا تشتري من السوق المحلي جرب تاخذها من أمازون أو آي هيرب
و أستمر على كورس العلاج بالكامل لأن المرض ممكن يصير كامن و يرجع لك مباشرة بعد ترك العلاج

 

[Naif92]

بالسلامة ان شاء الله

 

[Uzumaki Naruto]

أشين شي بالدنيا الواحد يتفلسف ويشيك عالأعراض بالنت. عادي جداً تحسب انك فيك سرطان الرحم وأنت أصلاً ما عندك رحم @@
سويتها مره (التشييك بجوجل) وحرمت بعدها. بس بنفس الوقت أكره أروح للدكتور وأخليه آخر خيار لي, مشكله غبيه فيني.

anyway ما تشوف شر وانتبه لنفسك. ما عندي نصايح بس حبيت أعرف هل عرفت من ايش جتك الجرثومه هذي؟!

 

[dro]

الرمان معروف انه ينظف المعدة تنظيف لكن ما اعرف إذا هو مناسب لك او لا @_@

+ الله يشفيك يا رب =(

 

[Tvrd]

الله يشفيك ان شاء الله ما أقدر أفيدك الا بالدعاء المهم انتبه لأكل النظيف والصحي ومشورة الطبيب وان شاء الله معافى

 

[JOKER MASK]

بسلامه يا بعدي والله يشفيك ان شاء الله ,,, طهور ان شاء الله

بالعاده ما احب اجيب سيره شخصيه عني لأحد

مدري ليش كاتب الموضوع​

حتى انا مستغرب @@

 

[SAUD~F-16]

ماتشوف شر وان شاء الله طهور. وزين ما سويت، انك كتبت هنا عشان تفرغ الخوف والفزع. كويس للنفسية. وهنا اخوانك يعني مايحتاج

ماعندي نصائح غير انك تحرص على الاكل بالبيت وتجنب الجنك فود. بس واضح انك حريص على نظافة الاكل حسب كلامك. ايضاً البهرات والحوار والفلفل وكل شيء سبياسي عادة مضر بالجهاز الهضمي بشكل عام. لكن الناس يحبوا الاكل السابيسي واحيان يبالغوا فيه.
عموماً.داوم على وصفات الطبيب واترك عنك القلق واحنا ندعي لك وان شاء الله تقوم وترجع زي الحصان.

 

[7oSAM]

بحث بقوقل عن مثل حالاتي كل الي اقراه شي مروع ويحبط المعنويات

اذكر مرة ظهر شي غريب برجلي , سويت زيك و بحثت بقوقل و وسوست صراحة من اللي شفته !
لدرجة اعتقدت اني مصاب بالخبيث اجاركم الله منه
صرت اشوف و اتخيل اشياء مش موجودة فقررت اشوف دكتور
رحت له و قال لي مجرد بكتيريا بسيطة و وصف لي مطهر امسح فيها المنطقة ثلاث مرات باليوم و فعلا ما كملت اسبوع الا و اختفت تماما

لازم ترتاح نفسيا و تلتزم بكلاك الدكتور و ابتعد عن اللي تقراه بالنت
ما تشوف شر

 

[Anaxïmandrøs]

ان شاء الله الشفاء العاجل و التزم بكلام الدكتور بشكل حرفي وريح نفسيتك هذا هو الأهم ولايهمك من الناس السلبية اللي ترعبك أو دخلك وساوس وخليك ايجابي ترى الأمر بسيط ولو حكيتلك عن والدتي اللي كانت مصابة بسرطان القولون سنة 1995 أنا كنت طفل وقتها الأطباء قالوا مامنها أمل وفي دكتوره من وقاحتها قالت للوالدة سوف تموتين خليك مؤمنة ، بقيت سنة وأكثر وهي مقاومة المرض هذا حتى شفيت بفضل الله وعنايته "فقط" خلال ثلاث سنوات بعد ما غسل يأس من حالتها الأطباء والأن عايشة بصحة ممتازة ولله الحمد

أنا شاركتك قصة مرض الوالدة أطال الله عمرها فقط لتعرف أنه مهما كان المرض شديد فرحمة الله واسعة والشيئ اللي أصابك بسيط ومايحتاج خوف أو هلع خل نفسيتك عالية ومتفائلة وتأكد بعد شفائك ان شاء الله رح تكون أفضل جسديا ونفسيا من السابق

 

[squall leonhart]

ياخي فجعتنا مع انه موضوعك سهل .. تعوذ من الشيطان و بطل وسوسة ..

h.pylori موجوده ب 40-50 ٪ من البشر الطبيعين( انا عندي بس ما عالجتها لاني ما اعاني من اي اعراض ) .. مالها اي دخل بالنظافة او نوعية الاكل .. بس السؤال هو : هل الدكتور قلك انه معاك قرحة او لأ ؟؟ من الالم الشديد الي توصفه شكلك معاك قرحة بسبب الباكتريا( او acute gastrits ) .. هل الالم له علاقه بالاكل ؟ يعني يجي بعد الاكل بوقت معين ؟

الادوية الي اعطاك اياها هي الادوية المعتمدة في علاج البكاتيريا هذي .. و شي جميل ان الدكتور شرح لك الاعراض الجانبيه الي تجي مع العلاج ذا .. كلها اشياء بسيطه بس انت قوي نفسك و استحمل كم يوم و ان شاء الله تتعافي ..

ما تشوف شر عموما .. الله يرفع عنك و عم جميع المسلمين ..

 

[Unknown]

يعطيكم العافيه شباب .. والله يسلمكم من كل شر :kissing_heart: .. صحيح سالفة بحث قوقل هذي لا احد يفكر فيها هههه ::
واغلب نصائحكم اسمع الاغلبيه يمدحها لي .. لكن حاليا مركز ع العلاج وان شاءالله يكفي لأنهاء المشكله

just human
الله يحفظ لكم الوالده :heart:

squall leonhart
الدكتور ماجاب طاري اي قرحه .. الالم ماله علاقه بالاكل يجيني غالبا وقت النوم واكون ماكل قبلها بوقت بعيد
الغريب ان الدكتور من صرفلي العلاج الاخير .. وقال ماتحتاج موعد ثاني بعد كذا فقط استمر ع العلاج وخلاص!
عموما عن نفسي بستمر عليه وفترة بسيطه بعدها بروح للمستشفى اعمل تحاليل الخ الخ لتأكد
الي مستغرب منه ان 90% من الالم احسها بجوانب البطن والامعاء .. المعده اقل مكان اتألم منه
الالم مو قويه كثير .. لكن ترفز وماتخليني ارتاح ببداية المرض ماكنت اعرف انام الا ع الظهر فقط!

 

[squall leonhart]

يعطيكم العافيه شباب .. والله يسلمكم من كل شر :kissing_heart: .. صحيح سالفة بحث قوقل هذي لا احد يفكر فيها هههه ::
واغلب نصائحكم اسمع الاغلبيه يمدحها لي .. لكن حاليا مركز ع العلاج وان شاءالله يكفي لأنهاء المشكله

just human
الله يحفظ لكم الوالده :heart:

squall leonhart
الدكتور ماجاب طاري اي قرحه .. الالم ماله علاقه بالاكل يجيني غالبا وقت النوم واكون ماكل قبلها بوقت بعيد
الغريب ان الدكتور من صرفلي العلاج الاخير .. وقال ماتحتاج موعد ثاني بعد كذا فقط استمر ع العلاج وخلاص!
عموما عن نفسي بستمر عليه وفترة بسيطه بعدها بروح للمستشفى اعمل تحاليل الخ الخ لتأكد
الي مستغرب منه ان 90% من الالم احسها بجوانب البطن والامعاء .. المعده اقل مكان اتألم منه
الالم مو قويه كثير .. لكن ترفز وماتخليني ارتاح ببداية المرض ماكنت اعرف انام الا ع الظهر فقط!

مدام ان الالم يجي لكم بعد الاكل بوقت فممكن تكون قرحة في الاثني عشر .. لا تخاف ان شاء الله تكون بسيطة و ما ترجع لك ثاني .. داوم على العلاج زي ما قلك الدكتور

 

[Zixmar]

ماتشوف شر ::::، أهم شي لاتوسوس وفعلاً أتفق معك، جوجل هذا لاحد يحاول يقرا شي منه لما يمرض(&)، في مره وصلت فيني الوسوسة إن فيني سرطان(الله يبعده عنّا وعنكم) والسبّة جوجل(يخليك توسوس وتصدّق كل شي!). انا جاتني مشكلة فالمعدة قبل سنتين ممكن، الآن ممنوع إني آكل أي شي حار مع إني كنت آكله طبيعي، الحين لو أكلت شوية حار أدخل الحمام وصعب اقولكم وش يصير داخل(&).

 

["a7mad"]

طهور ان شاء الله

 

[Shadow Hero]

سلامات و ما تشوف شر ان شاء الله

انا صابتني هذه الجرثومة قبل شهرين تقريبا و كانت معي أغلب الاعراض اللي ذكرتها خصوصا النبض و ضيق النفس >_>
و اخذت العلاج الثلاثي و بعد 3 اسابيع سويت فحص طلع negative اي اني تخلصت منها

سمعت انها عند البعض تقاوم المضادات الحيوية فتحتاج اكثر من كورس و البعض ايضا ممكن تسبب لهم قرحة اذا استمرت الجرثومة لفترة طويلة

نصيحتي انك تحافظ على هدوء الأعصاب والراحة النفسية لأنها مهمة جدا , مثلا النبض العالي ممكن يخليك تتوهم امور مو موجودة

الثوم و الرمان مفيدين أيضا لأمراض المعدة .

بحث بقوقل عن مثل حالاتي كل الي اقراه شي مروع ويحبط المعنويات

لول +10000

 

[Painkiller Q8]

ماتشوف شر ان شاءالله

هههههههههههههههههههههه قوووقل (في الامراض) للجحيم لاتفكر فيه الله يلعنه

مره صار عندي نقطه بيضاء في اللثه

اول شيء سويته بحثت في قووقل (نتيجه البحث) = سرطان الفم :scream: :scream: :scream: :scream: :scream:

3 ايام وسوسه وتفكير بالخاتمة والعياذ بالله لول والله ما انام واحاتي بشكل بشع والي يكلمني انا في عالم وهو في عالم , اعوذوبالله حسيت في معاناة مرضى الرسطان الله يبعدنا عنه ... بكل بساطه خوم وحزن ووسوسه شديييييده

رحت لدكتور اختصاصي قال: هذا خراج بسيط الحين اشيله لك , سببه التهاب بعد تحريك احد الاسنان عندك :neutral_face:


ابعد عن قووقل في البحث عن الامراض نصيحه

 

[Dark Master]

نفس المشكلة صارت معاي من أقل من سنة وفعلاً رحت للطبيب أول مرة وقلي قولون على طول وأعطاني علاج ومع العلاج زاد الألم بشكل فظيع وكنت أحس معدتي تنعصر وانا جالس لحد مرة مااتحملت ورحت المستشفى مرة ثانية وطلعت جرثومة فعلاً

التزم بالعلاج ولاتخبص بالأكل الفترة هذه وان شاء الله تتحسن حالتك

 

[Unknown]

يعطيكم العافيه شباب .. اجل كلنا طحنا بنفس حفرة قوقل خخخخ مايتفاهم على طول سرطان "بعيد الشر عنا"


Dark Master اخيرا واحد مر بحالتي .. هل اعطاك نفس علاجاتي الثلاثه علاجين لـ10 ايام وعلاج شهر ؟ وهل تشافيت مع العلاج ؟

 

[Eng.sultan]

سلامات وماتشوف شر أجر وعافية يارب

بس احس الجرثومة مزوده نشاطك في المنتدى :stuck_out_tongue_wi

 

[Hazard]

helicobacter pylori strikes again ! O_O

بس ماعليك, الموضوع في السليم واللي وصفه له الطبيب (العلاج الثلاثي, مضادين حيويين ومثبط لمضخة البروتون) هو المعتمد للمشكلة هذي,كلام العضو squall هو الأقرب للصواب , ماتشوف شر عزيزي