فعاليات العيد ... بمدينة الرياض

[Isaac]

السلام عليكم ورحمة الله وبركاته ...

كل عام وانتم بخير


معروف انه خلال الكم سنة الماضية .. صار فيه اهتمام من أمانة مدينة الرياض بنتظيم بعض الفعاليات الأحتفالية بالعيد .... مسرحيات وألعاب نارية واستعراضات الخ ...



الخلاصة السنة الماضية .. حضرت مجموعة من مسرحيات(المجانية) بمناسبة العيد أهمها كانت مسرحية من بطولة نجوم CBM (كانت فلللة XD)... السنة هذي في مسرحية جديدة للشلة ... اسمها على قولة أخوي (سيبو فكو ماسكو ليه ؟! :yuck: ) بس المشكلة ما عندي بروشرات ... المناشط لهالسنة ... يعني الطاسة ضايعة!! وماني عارف وين بيكون العرض أو توقيت أي من الفعاليات!


المشكلة موقع أمانة مدينة الرياض وموقع http://www.arriyadh.com مافيها أي وصلات لموقع خاص بفعاليات العيد .


فيا ريت اللي عنده أي معلومات يضعها .. هنا وأنا باستمر بالبحث وان شاء الله إن لقيت شي بأحطه هنا ..


( لول عارف إن معظم الناس معيدة وماهي فايقة للمنتدى بس الله المستعان )



Edit: لقيت الخبر ذا http://212.93.192.93/detail.aspx?itemId=1046



لقيت جدول الانشطة http://212.93.192.93/celebration-table.aspx



نشاط ثقافي رجال

مسرحية مناحي والملايين
مسرح مدينة الحكير لاند الترفيهية

جميع العروض تبدأ الساعة 10.30 مساء



هذه المسرحية لازم أشوفها ... من بطولة المهستر/ فايز المالكي :yuck:

 

[ZiZ]

فاتك اليوم عرض :

the Legend of ZiZ: The Dallah of Infinite Coffee

 

[يوسف 15]

احسن شئ في العيد انك تبقى ببيتك وتشوف الصواريخ والالعاب الناريه من السطح !_!

 

[Mr.3B]

فاتك اليوم عرض :

the Legend of ZiZ: The Dallah of Infinite Coffee

loooooooooooooooooooooooooooooool
That's why you hate Eid

 

[Koshiro]

احسن شي في العيد النوم

 

[The Last Fantasy]

وصلني كتيب فيه كل الفعاليات .. بس ما اهتميت فيه لول ..
يمكن يفيدكم : http://www.alriyadh.gov.sa/amanat/web/pages/page.aspx?Type=32768

الأعياد عندنا أول يومين .. كلها جمعات مع الأقارب ..
غير كذا من مهرجانات ولا مسابقات ما نعترف فيها

 

[Andrew X]

مهرجانات وخرابيط مانهتم فيهم

لكن البلشة:
الزواجات...تخيلوا اليوم والثلاثاء والأربعاء والخميس كلها زواجات .. يلعن ام القرف اللي زي كذا وش بقوا للأجازة :evil: <--ساحب على زواج اليوم والله واعلم وش اللي بسحب عليه بعد
لكن يبقى الواجب واجب -_____-"

 

[Isaac]

لول عالنومة ... من الساعة الـ12 الظهر .... إلى 11 الليل ... :yuck:


أهم شي اليوم الفطور العائلي كان في البيت وشفت كل أقاربي ..


رسميا اليوم الأول .. مات !!


باروح اطلب من بتزا هت -__-"

 

[Mario2]

لا يكون مناحي اللي كان بالرسوم بام بي سي ..؟

-_- واحد دمه ثقيل وعرض مثل وجههم من بياخته ..

رد عبدالعزيز خطير ههههههههههههه...

 

[Matt Casamassina]

Originally Posted by Yoshi SD
فاتك اليوم عرض :

the Legend of ZiZ: The Dallah of Infinite Coffee

لول
تقوله صادق

 

[الــخــــارق]

توني راجع اليوم للرياض ..
راحت علينا الألعاب النارية أمس نعوضها اليوم

فيه عروض سرك قريب من عندنا على الدائري الغربي ..
لكن ما أذكر اي مخرج أتوقع 27 اللي عنده جيان وسلام مول ..

يمكن أمرهم