No Longer Human
True Gamer
من اول ابغا اكتب عن هذا الموضوع وافضفض عن الغباء الي سويته
الموضوع بالكامل عن الميديا الترفيهية!
الحالة الي صابتني بدأت اعتقد من 2010
قبل 2010، كنت العب واتفرج بغرفة اختي الكبيرة، كنت انام بنفس الغرفة كمان
ما كنت معقد نفسي، كنا نستمتع سوا، تشاهدني وانا العب وتتفرج معايا مسلسلات والوضع كان عادي
عاد بسنة 2010 بدأت اتغيير! صرت ما ابغاها تتكلم بالجوال وانا العب او اتفرج، صرت ما ابغا اخويا يجي الغرفة ويجلس على اللابتوب وانا العب او اتفرج! صرت اضايق جدا وابغا استمتع من غير اي ضجة!
فنقلت للمجلس، الآن المجلس معروف انه للضيوف، فأمي بدأت تزعجني! ما تبغاني اشيل التلفزيون بوقت النهار عشان لا احد يجي فجأة! رغم ما كانوا يجوا ضيوف كثير! فبدأت اتعقد! صرت اشيل التلفزيون وقت الليل عشان استمتع على راحتي
عاد من وقتها وقبل، كنت ابغا اتعلم انجليزي! فصرت مالي نفس العب وانا مالي فاهم شيء! فبدأت اخفف وصرت العب العاب قصتها بسيطة! ومن موضوع اللغة عاد بدأت اعقد نفسي بكل شيء له علاقة بالترفيه!
المسلسلات والافلام صرت ابغا اتفرجها بترجمة ممتازة! كنت اكره ترجمات subscene خصوصا لأن اغلب المترجمين هناك كانوا مصارية ونسبة كبيرة منهم يكتب الياء الف مقصورة والعكس والخطأ هذا كان يزعجني جدا وما كنت ابغا اشاهد شيء بهذه الترجمة
عاد ابعدت عن كثير من المسلسلات الي كنت ابغا اتفرجها والي اشوف الناس يتفرجوها والافلام لهذا السبب السخيف!
مسلسلات الانيمي شيء مشابهة، كنت ابعد عن الترجمات العربية بسبب التقطيع لكن هنا اتفهم فعلي لاني احب اتفرج الشيء كامل واكره التقطيع. لكن وقتها المفروض اتابعها مترجمة بالانجليزي وحتى لو ما افهم كثير افضل من اني اجلها الين ما يتحسن مستواي باللغة! هذا غير وجود ترجمات عربية لبعضها على subscene!
فنفس الشيء ابعدت عن كثير من المسلسلات واجلتها على بال ما يتحسن مستواي باللغة الانجليزية!
عاد هنا بدأت اعقد نفسي على امور اتفه بكثبر وصرت مالي عقلاني!
كمثال، في 2011 اشتريت الثري دي اس، ووقتها نزلت سوبر ماريو ثري دي لاند، عرفت بترو جيمنج ان بالجزء هذا ماريو يلبس لبس التانوكي وعرفت ان اللبس هذا ظهر لاول مرة بالجزء الثالث! فقلت اول شيء العب الجزء الثالث وبعدين العب هذا الجزء!! وكل هذا عشان ما اشوف اللبس بهذا الجزء قبل الجزء الثالث الي اللبس ظهر فيه لاول مرة!
فبدأت بعقلية اني العب اجزاء الالعاب بالترتيب حتى لو كل جزء قصته مالها علاقة بالثاني! ابعدت عن ماريو كارت 7 لاني ما لعبت اجزاء ماريو كارت الي قبل! (رغم اني لعبت ماريو كارت 64!) وبنفس الوقت وقتها نينتندو اعلنت عن النسخة الكبيرة من الجهاز فما عاد كان لي اي رغبة اني العب على جهازي وابغا العب على الشاشة الاكبر! (لحد الآن ما اشتريت النسخة الكبيرة ولا لعبت ولا لعبة من العاب الجهاز!!) فلعبت عليه كم لعبة دي اس فقط!
الموضوع بدأ يتفاقم ووصل حتى مع الاغاني! صرت اشوف اغنية لفرقة ما اعرفها على اليوتيوب لكن ما اتسمعها لاني ما اتسمعت اغانيهم القديمة!
وصل الامر حتى مع المقابلات مع الفنانين! اشوف مقابلات لفنانين على اليوتيوب لكن ما اشاهدها لاني ما اعرفهم!
(كنت مخطط اشاهد برامج المقابلات بالترتيب!! من اول جزء لآخر جزء!! كأنها مسلسل! الحمد لله اني طنشت بس!)
البلاي ستيشن 4 صدر وابعدت عنه لاني لسع ما حسنت مستواي بالانجليزي! كنت اقول اشتريه ايش اسوي فيه؟! رغم ان مستواي وقتها كان افضل من اول! والنتيجة فوت على نفسي الجيل الثامن! لحد الآن ما امتلكت الجهاز مع الاسف! رغم اني كنت متابع لاخبار الالعاب اول بأول! ( فوت على نفسي تجربة p.t )
ما كنت عقلاني مع الاسف وبدأت اعقل واتحسن شوية شوية من 2015!
وضعي الآن سليم وعادي. تركت التعقيد والغباء الي كنت مسويه بنفسي.
مالي فاهم ولا مستوعب ليش انا عقدت نفسي بهذا الشكل؟! زعلان من نفسي والله
الموضوع بالكامل عن الميديا الترفيهية!
الحالة الي صابتني بدأت اعتقد من 2010
قبل 2010، كنت العب واتفرج بغرفة اختي الكبيرة، كنت انام بنفس الغرفة كمان
ما كنت معقد نفسي، كنا نستمتع سوا، تشاهدني وانا العب وتتفرج معايا مسلسلات والوضع كان عادي
عاد بسنة 2010 بدأت اتغيير! صرت ما ابغاها تتكلم بالجوال وانا العب او اتفرج، صرت ما ابغا اخويا يجي الغرفة ويجلس على اللابتوب وانا العب او اتفرج! صرت اضايق جدا وابغا استمتع من غير اي ضجة!
فنقلت للمجلس، الآن المجلس معروف انه للضيوف، فأمي بدأت تزعجني! ما تبغاني اشيل التلفزيون بوقت النهار عشان لا احد يجي فجأة! رغم ما كانوا يجوا ضيوف كثير! فبدأت اتعقد! صرت اشيل التلفزيون وقت الليل عشان استمتع على راحتي
عاد من وقتها وقبل، كنت ابغا اتعلم انجليزي! فصرت مالي نفس العب وانا مالي فاهم شيء! فبدأت اخفف وصرت العب العاب قصتها بسيطة! ومن موضوع اللغة عاد بدأت اعقد نفسي بكل شيء له علاقة بالترفيه!
المسلسلات والافلام صرت ابغا اتفرجها بترجمة ممتازة! كنت اكره ترجمات subscene خصوصا لأن اغلب المترجمين هناك كانوا مصارية ونسبة كبيرة منهم يكتب الياء الف مقصورة والعكس والخطأ هذا كان يزعجني جدا وما كنت ابغا اشاهد شيء بهذه الترجمة
عاد ابعدت عن كثير من المسلسلات الي كنت ابغا اتفرجها والي اشوف الناس يتفرجوها والافلام لهذا السبب السخيف!
مسلسلات الانيمي شيء مشابهة، كنت ابعد عن الترجمات العربية بسبب التقطيع لكن هنا اتفهم فعلي لاني احب اتفرج الشيء كامل واكره التقطيع. لكن وقتها المفروض اتابعها مترجمة بالانجليزي وحتى لو ما افهم كثير افضل من اني اجلها الين ما يتحسن مستواي باللغة! هذا غير وجود ترجمات عربية لبعضها على subscene!
فنفس الشيء ابعدت عن كثير من المسلسلات واجلتها على بال ما يتحسن مستواي باللغة الانجليزية!
عاد هنا بدأت اعقد نفسي على امور اتفه بكثبر وصرت مالي عقلاني!
كمثال، في 2011 اشتريت الثري دي اس، ووقتها نزلت سوبر ماريو ثري دي لاند، عرفت بترو جيمنج ان بالجزء هذا ماريو يلبس لبس التانوكي وعرفت ان اللبس هذا ظهر لاول مرة بالجزء الثالث! فقلت اول شيء العب الجزء الثالث وبعدين العب هذا الجزء!! وكل هذا عشان ما اشوف اللبس بهذا الجزء قبل الجزء الثالث الي اللبس ظهر فيه لاول مرة!
فبدأت بعقلية اني العب اجزاء الالعاب بالترتيب حتى لو كل جزء قصته مالها علاقة بالثاني! ابعدت عن ماريو كارت 7 لاني ما لعبت اجزاء ماريو كارت الي قبل! (رغم اني لعبت ماريو كارت 64!) وبنفس الوقت وقتها نينتندو اعلنت عن النسخة الكبيرة من الجهاز فما عاد كان لي اي رغبة اني العب على جهازي وابغا العب على الشاشة الاكبر! (لحد الآن ما اشتريت النسخة الكبيرة ولا لعبت ولا لعبة من العاب الجهاز!!) فلعبت عليه كم لعبة دي اس فقط!
الموضوع بدأ يتفاقم ووصل حتى مع الاغاني! صرت اشوف اغنية لفرقة ما اعرفها على اليوتيوب لكن ما اتسمعها لاني ما اتسمعت اغانيهم القديمة!
وصل الامر حتى مع المقابلات مع الفنانين! اشوف مقابلات لفنانين على اليوتيوب لكن ما اشاهدها لاني ما اعرفهم!
(كنت مخطط اشاهد برامج المقابلات بالترتيب!! من اول جزء لآخر جزء!! كأنها مسلسل! الحمد لله اني طنشت بس!)
البلاي ستيشن 4 صدر وابعدت عنه لاني لسع ما حسنت مستواي بالانجليزي! كنت اقول اشتريه ايش اسوي فيه؟! رغم ان مستواي وقتها كان افضل من اول! والنتيجة فوت على نفسي الجيل الثامن! لحد الآن ما امتلكت الجهاز مع الاسف! رغم اني كنت متابع لاخبار الالعاب اول بأول! ( فوت على نفسي تجربة p.t )
ما كنت عقلاني مع الاسف وبدأت اعقل واتحسن شوية شوية من 2015!
وضعي الآن سليم وعادي. تركت التعقيد والغباء الي كنت مسويه بنفسي.
مالي فاهم ولا مستوعب ليش انا عقدت نفسي بهذا الشكل؟! زعلان من نفسي والله
التعديل الأخير: