hits counter

نقاش أنمي صيف 2017 : Owarimonogatari |نهاية الحكاية.....أو ربما لا

abdullah-kh

مشرف عام
Administrator
img_owarimonogatari.jpg

 

AM152

True Gamer
و أخيرا خلصت الموسم الثانى من Owari :triumph:

لفترة طويلة كنت فقدت حماسى للسلسلة بس الحماس رجع مع متابعة Kizumonogatari و اللى كان ممتاز فى معظمه بالنسبة لى و أخيرا لقيت الوقت المناسب و تابعت الموسم الثانى و اللى يعتبر نهاية العمل (عارف إن لسه فى مجموعة قصص جانبية)

توقعاتى كانت ضعيفة بصراحة بسبب الإحباط من الموسم الأول ، الآرك الأول من Owari كان ممتاز فى البداية و كنت متحمس ليه جدا بس النهاية كانت Anticlimactic للأسف :disappointed: ، الآرك الثانى كان عادى إلى ضعيف و القصة المتعلقة بالتابع الأول ل Kiss Shot كانت غير مقنعة بالنسبة لى فى بعض الجزئيات :unamused: بس على العكس الموسم الثانى طلع أحسن بكثير من اللى كنت متوقعه و كان نهاية جيدة للعمل :grin:
أكثر حاجة حبيتها كانت إن الموسم قدر يربط بين أحداث و تفاصيل كثيرة حصلت فى الأجزاء اللى فاتت و يخليها تتجمع عشان تقدم قصة و تفسير مقنعين فى معظمهم فى النهاية
للأمانة بالرغم من إن المشكلة الرئيسية تم حلها إلا إن فى بعض الأسئلة مازالت موجودة بس دى ممكن يتم التعامل معاه فى العمل الجاى اللى هايقتبس باقى القصص و ماتعتبرش مشكلة :)

الموسم كان بطول 7 حلقات بس تم تجميعهم فى 3 أجزاء

الجزء بيبتدى باللى حصل فى نهاية Koyomimonogatari و هو رجوع هاشكوجى أخيرا :triumph: و بيوضح الخطة اللى عملتها جاين عشان تحل مشكلة تحول أراراجى لمصاص دماء كامل
الخطة طلعت أغرب بكثير من اللى كنت متخيله مع دور غير متوقع لتاداسورو و اللى ماكنتش فاكر إننا هانشوفه تانى ، النقطة دى بالذات كانت جيدة لأنها إدت معنى و أهمية أكبر لظهوره فى Tsuki (أحد أضعف أجزاء السلسلة ) و فى نفس الوقت عرفتنا إن فى حاجة ممكن تحصل خارج نطاق علم جاين :smirk:
الجزء كان جيد فى معظمه باستثناء نقطتين ، الأولى هو أحد المشاهد المعتادة من السلسلة و اللى كان مقزز بصراحة :confounded: و الثانى يبقى الحوار عن الفرق بين عمل الصح و تصحيح الخطأ و اللى كان حوار فلسفى خالى من أى معنى حقيقى بشكل فكرنى بحوارات Nisemonogatari عن الفرق بين الشئ الحقيقى و المزيف :angry:و المشكلة إن الحوار ده هايتكرر فى الأجزاء التانية :weary:
مش محتاج أقول إن ظهور هاشكوجى كان أهم ميزة فى الجزء و إنها من الشخصيات اللى حبيتها فى العمل :blush: ، المشهد الأخير بالذات لما أرارجى قرر ياخدها معاه و هو طالع كان روعة :tearsofjoy:
ميزة تانية تبقى رجوع Kiss Shot و برضه مشهدها و هى بتهدد جاين كان رائع بس لسبب مختلف :grin:

إذا كان رجوع هاشكوجى حاجة منتظرها من مدة فرجوع سينجوجاهارا كان حاجة منتظرها من مدة أطول بكثير :weary:
حتى فى الأنمى نفسه سينجوجاهارا عملت نكتة على موضوع غيابها الطويل عن العمل و اللى كان مزعج فعلا بالنسبة لى ، الشخصية من أحسن من شخصيات العمل بس الكاتب فشل إنه يستغلها بالشكل الصحيح و خلى دورها جانبى فى الوقت اللى ركز فيه على المزعجة هانيكاوا للأسف :rage: بس أخيرا حصلنا على جزء بيركز عليها
مش محتاج أقول إنى حبيت الجزء و خصوصا المشهد الأخير فى السيارة ::involve::

النهاية مع أوجى (شخصية تانية حبيتها) قدمت مفاجأة بإنها مش الظلام على عكس ما معظم المتابعين توقعوا مع مفاجأة تانية بطلبها لمساعدة أراراجى بالرغم من إنها كانت تعتبر العدو الرئيسى ليه :nomouth: بس طبعا مع شخصية أراراجى و اللى التضحية بنفسه لإنقاذ أى حد يعتبر عادة يومية بالنسبة له الطلب كان ليه تاثير عليه و إن كان مش هايتضح مباشرة

أخيرا الأطراف اتجمعت و جاين ابتدت تشرح تفاصيل خطة المواجهة الأخيرة بالإضافة لحقيقة أوجى (مع مشهد ممتاز ل Kiss Shot و هى بترجع اللى عملته فيها أونونوكى :tongueclosed:)
جاين مش من الشخصيات اللى حبيتها و كنت شايف إن موضوع إنها عارفة كل حاجة مبالغ فيه و مش واضح بس فى نفس الوقت مش هاقول إنى بكرهها (بنفس مستوى شخصيات تانية) و بصفة عامة الجزء ده اتقدم بشكل جيد فعلا :)
على عكس اللى حصل فى الموسم الأول سواء الخطة او التنفيذ ، الإثنين اتعملوا و اتقدموا بشكل مقنع و الأحداث قدرت تشدنى و كنت مستمتع فعلا أثناء المتابعة :grin:

حبيت التفسير بخصوص سبب الأحداث الغريبة فى المنطقة و اللى ابتدى من وقت وصول Kiss Shot ليها و تدميرها للبحيرة و كان أحسن بكثير من فكرة إن التابع الأول هو السبب فى كل حاجة

أخيرا تم الكشف عن حقيقة أوجى و اللى ما قدرش أقول إنها فاجئتنى بالرغم من إنى ماكنتش عارفها و ده بسبب التلميح ليها بكلام أوجى المستمر عن إنها ماتعرفش غير اللى أراراجى عارفة فى نفس الوقت الجزء استمر فى كسر ال 4th Wall بتعليق أونونوكى عن كم الForeshadowing المضلل بإن أوجى تبقى الظلام :p

نقطة تانية حبيتها هى إن وجود أوجى منطقى فعلا فى إطار العمل ، جزء كبير من القرارات اللى خدها أراراجى كان عليها علامات استفهام حتى لو كانت بنية حسنة بداية من اللى عمله لما قابل Kiss Shot و إنتهاءا بموقفه الحالى و الحقيقة إنه اتصرف بشكل خاطئ فى مواقف كثيرة و ده اللى بيخلى وجود شخصية بتمثل نقد الذات و تصحيح الأخطاء زى أوجى شئ منطقى و مقبول
المواجهة خصوصا نهايتها كانت جيدة جدا بالنسبة لى لسببين ، الأول إن إنقاذ أوجى معناه إن أخيرا و لأول مرة فى السلسلة أراراجى قرر إنه ينقذ نفسه و يتوقف عن إعتبار التضحية بيها سواء بداعى أو بدون يبقى الحل الأول و الأخير (حتى لو كان اللى عمله فى الوقف يعتبر برضه نوع من التضحية :tongueout:)، أراراجى أدرك أهمية حياته سواء بالنسبة له أو بالنسبة للى حواليه و فى نفس الوقت أدرك أهمية وجود شخص ينتقد تصرفاته و يحاول يصححها ، السبب التانى إن دى من المرات القليلة اللى أراراجى يقرر يتصرف فيها من نفسه و ياخد قرار صحيح
أحد مشاكلى مع العمل بصفة عامة يبقى إحساسى إن أراراجى مالوش دور حقيقى ، فى معظم المواقف دوره كان بيبقى توصيل المشكلة لحد تانى يحلها أو إنه يحاول يحلها بنفسها و يفشل و معظم تصرفاته بتبقى جزء من خطة حد تانى عملها سواء كان أوشينو او هانيكاوا أو جاين فى الحالة دى بس دى من المرات القليلة اللى أراراجى مش بس خد قرار مخالف و إنما قراره كان منطقى و مقبول

ردود أفعال أوجى على تصرفات أراراجى كانت من أجمل مشاهد الموسم و فى الآخر كان دخول مميز من أوشينو :grin: بس للأسف و بالرغم من إنها رجعت لمدة خمس دقائق فقط إلا إن هانيكاوا قدرت تستفزنى فعلا فيهم :mad:

بالرغم من إن النهاية كانت جيدة زى ما ذكرت إلا إن كان فيها بعض العيوب و الأسئلة المفتوحة
اتضح إن اختفاء كاجينوى مش بالأهمية دى و إنه كان لسبب مالوش علاقة باللى بيحصل و ده كان غريب و مش مقبول :angry: ، برضه فكرة إختفاء كاجينوى و أوشينو فى القطبين كانت غريبة ، انا فاهم إن وجود أوجى مع كم المعلومات اللى عندها كان بيمثل خطورة بس من اللى شفناه من أوشينو أظن إنه كان ممكن يتعامل مع الموقف بشكل مختلف و أسهل بكثير و ده بيطرح سؤال تانى إيه بالضبط اللى عملته هانيكاوا عشان توصل لأوشينو ؟ :confused::
الجزء أكد على مشكلة تسوكيهى و إنها مازالت قائمة و مش عارف هل هايتم التعامل معاها و لا لأ (أظن لأ على الأغلب)
النهاية برضه ماوضحتش سبب الشكل اللى ظهرت بيه أوجى فى Hanamonogatari و إن كنت اظن إن ده ممكن يتم تقديمه بعدين
زى ما ذكرت قبل كده الكلام عن الفرق بين تصيح الخطأ و عمل الصح كان فلسفة بدون داعى :unamused:
فى أسئلة و عيوب تانية بس ده اللى فاكره حاليا لكن فى الآخر الموسم كان جيد جدا إجمالا و نهاية تليق بالعمل من وجهة نظرى :grin:
 
التعديل الأخير:

AM152

True Gamer
@abdullah-kh

تابعت الموسم الثانى من Owari ؟؟

عارف إن حماسك قل للعمل بس لو ماكنتش تابعته إديله فرصة ، النهاية جيدة فعلا
 

abdullah-kh

مشرف عام
Administrator
@abdullah-kh

تابعت الموسم الثانى من Owari ؟؟

عارف إن حماسك قل للعمل بس لو ماكنتش تابعته إديله فرصة ، النهاية جيدة فعلا
بصراحة لا.
هو بعد الأفلام حماسي انتهى تقريبًا للسلسلة، فمدري يمكن أشوفها في زمن ما...
 

AM152

True Gamer
بصراحة لا.
هو بعد الأفلام حماسي انتهى تقريبًا للسلسلة، فمدري يمكن أشوفها في زمن ما...
ده كان إحساسى بالضبط قبل متابعة الأفلام و حتى كنت حملت العمل من مدة و ماشفتوش بس على عكسك الأفلام حمستنى و رجعت أكمل السلسلة و الموسم الثانى عجبنى على عكس الأول
عموما لو قررت تتابعه فى وقت ما ماتنساناش بانطباعك
 

abdo عبدو

True Gamer
تم تأكيد أنه فيلم::cry::
ومدته ١٤٥ دقيقه
ما تكفي
اهم شيء لا يكون لازم ننتظر البلوراي
 

abdullah-kh

مشرف عام
Administrator
تم تأكيد أنه فيلم::cry::
ومدته ١٤٥ دقيقه
ما تكفي
اهم شيء لا يكون لازم ننتظر البلوراي
بالعكس خبر ممتاز، الحين يجبوا أوشي يخرجه والعالم ينتهي بسلام ^^
 

abdo عبدو

True Gamer
بالعكس خبر ممتاز، الحين يجبوا أوشي يخرجه والعالم ينتهي بسلام ^^
اصلا منتهين منه كيف يجي اوشي ؟
حتى في الأحداث الحالية ما راح يتناسب إخراجه
يفضل يخرج بريكويلز مثل كيزو ،وشكله المونستر سيزن بيكون مناسب
 

abdullah-kh

مشرف عام
Administrator
اصلا منتهين منه كيف يجي اوشي ؟
حتى في الأحداث الحالية ما راح يتناسب إخراجه
يفضل يخرج بريكويلز مثل كيزو ،وشكله المونستر سيزن بيكون مناسب
هو قلت كذا أتمنى، لكن تبغى الصدق لو يترك شافت ويستقل بأعماله راح أكون أسعد (&).
 

abdo عبدو

True Gamer
لما تم عرض الفيلم اعلنو عن انه
راح يكون موجود على التيلفزون موزع على ٦ حلقات وبدون -موعد محدد-

الحمد لله يمديني اقدر اسوي سكرين شوت بأنتظام بعكس لو كان فيلم احس ما اقدر ارتاح نفسيا
وصح ما راح ننتظر ٦ شهور للبلو راي على الأقل

+
فيه احد بيفتح موضوع ولا على هذا الموضوع ؟
 

deyaa

Hardcore Gamer
و أخيرا خلصت ماراثون سلسلة مونجاتري عندي كلام كثير بصراحة بس متجازع اكتبه
الملخص السلسلة خيبت أملي
ممكن بسبب تقيماتها المرتفعة او الاشخاص الي نصحوني بمشاهدتها والهايب
 
أعلى