نقاش أنمي صيف 2015| Ushio and Tora : بطل أتي من الماضي

[Emiya Kiritsugu]

الحلقة الثالثة كشفت شي مهم جدًا، والغريب أنه ما كان في له أي تلميح طول الموسم الماضي:

محتوى مخفي

تورا كان بشري وكان حامل للرمح!!؟
أتمنى يكون في فلاش باك في الحلقات القادمة يتعمق في هذا الشي

سعيد جدًا باللي شفته في أول ثلاث حلقات من هذا الموسم، العمل قاعد يقدم مستويات ممتازة بس مع الأسف أحس أن ما في إقبال كبير عليه

 

[AM152]

الحلقة الثالثة كشفت شي مهم جدًا، والغريب أنه ما كان في له أي تلميح طول الموسم الماضي:

محتوى مخفي

تورا كان بشري وكان حامل للرمح!!؟
أتمنى يكون في فلاش باك في الحلقات القادمة يتعمق في هذا الشي

محتوى مخفي

الموضوع كان أكبر مفاجأة فى العمل حتى الآن ، تصرفات تورا ماكانتش توحى بأى شكل بأنه كان بشرى و التلميح إن عدائه لهاكومين كان بسبب موضوع شخصى و إن ده السبب فى إنه مختلف كان مثير للإهتمام
نقطة تانية و هى مايكو ، المفترض إنها هتاخد مكان أم أوشيو و ده معناه إن أم أوشيو هاترجع تانى زى ماحصل مع هيزاكى ميكادو ، اتمنى إن ده يحصل فعلا فى أقرب وقت و متحمس جدا للقائها مع أوشيو

الموسم رهيب فعلا

 

[AM152]

محتوى مخفي: الحلقة 33

كم التطورات و الأحداث اللى حصلت فى الحلقات اللى فاتت كان رهيييييب
بداية الموسم كانت قوية بس الإتجاه اللى القصة مشيت فيه كان مختلف عن اللى توقعته و مع كل حلقة المستوى بيبقى أعلى
فى نفس الوقت كان فى بعض النقط الغير منطقية اللى ماحبيتاش و كان ممكن تقديمها بشكل أحسن
من النقط دى السهولة اللى هاكومين قدر يخدع بيها قوات البشر عشان يحروره ، القادة صدقوا كلام هاكومين بسهولة غريبة و حتى لو كانوا نسيوا موضوع أوشيو فطريقة تصرفهم السريع من غير أى تأكد من المعلومات كانت غريبة
فى نفس الوقت إذا كان العلماء فى مؤسسة هامر ما فقدوش ذكرياتهم ليه ماحذروش القادة أو على الأقل عرفوهم بموضوع أوشيو
موضوع ناجارى ماتمش البناء ليه بشكل جيد و عشان كده حسيت كأنه ظهر فجأة من غير مقدمات
فى نقط تانية بسيطة ماحبيتهاش بس بالرغم من كده ده مايمنعش إنى حبيت الحلقات بصفة عامة و إن الأحداث كانت رهيبة
بالرغم من إنى ماحبيتش تغير موقف ناجارى إلا إن مواجهته لتورا كانت رائعة و تطور الشخصيتين سواء تورا أو ناجارى كان ممتاز فى الحلقة
مشاعر أساكو اتقدمت بشكل رائع و وداعها لأوشيو كان مؤثر بس أكثر جزئية حبيتها كانت مقابلة أوشيو لأمه
المقابلة اتقدمت بشكل ممتاز ، مشهد صدمة أوشيو لما شاف الوضع اللى أمه كانت عايشة فيه كان مؤلم فعلا و مشاهد عجزه عن الكلام قصادها أو لما حاول يشيل التراب عنها كانت روعة و من أجمل مشاهد العمل

للأسف ده حصل فى الوقت اللى المشاكل ابتدت تظهر فيه سواء بين قوات البشر أو اليوكاى و الوضع ابتدى يتدهور من كل الجهات
قوات البشر وقعت فى فخ هاكومين، اليوكاى اختلفوا مع بعض ، الحاجز ابتدى يضعف و كل ده بيصب فى مصلحة هاكومين
الحالة وصلت لأسوء درجة فى الحلقة الأخيرة ، هاكومين اتحرر و ابتدى ينشر الرعب مرة تانية ، طريقة تقديم مشاهد هاكومين كانت ممتازة و قدرت تعبر عن مدى الدمار اللى ممكن يسببه بشكل رائع مع عجز تام من قوات البشر و اليوكاى و أخيرا انهيار أوشيو
الحقيقة انهيار أوشيو كان منطقى فعلا بعد كل الظروف و الأحداث اللى مر بيها و حبيت إن العمل خد الإتجاه ده و ماقدمش أوشيو كشخصية مثالية مابتتأثرش بالصعوبات اللى بتحصلها
الوضع فى نهاية الحلقة كان تعريف لليأس ، و السؤال يبقى إزاى هايتم التعامل مع وضع بالسوء ده ؟

 

[Emiya Kiritsugu]

الحلقة الثامنة (34) أحد أفخم حلقات العمل على الإطلاق.

محتوى مخفي: الحلقة 34

الحلقة عرفتنا على منشأ هاكومين نو مونو، وعلى ماضي تورا، هذا العمل يتميز دائمًا في حلقات الفلاش باك، شفنا هذا الشي في الموسم الماضي، وشفناه الحين في أفضل حلقات الموسم بالنسبة لي.
الحين نقدر نقول أننا عندنا فكرة كاملة عن ماضي الشخصيات وعن عالم العمل، الحلقات المتبقية على ما يبدو راح تركز بشكل كامل على المعركة الكبرى مع هاكومين نو مونو.