hits counter

نقاش أنمي شتاء 2018 | Sora yori mo Tooi Basho رحلة إلى القطب الجنوبى

AM152

True Gamer
Sora%2Byori%2Bmo%2BTooi%2BBasho.jpeg



الاسم: A Place Further Than The Universe - Sora yori mo Tooi Basho
النوع : مغامرة ، حياة يومية
تاريخ العرض : 2 يناير 2018
عدد الحلقات : 13
الاستديو: Madhouse
المخرج : Ishizuka, Atsuko من أعمالها No Game No Life
العمل Original


نبذة:
تاماكى مارى (كيمارى) فى السنة الثانية من المدرسة الثانوية و عندها إحساس إنها أهدرت وقتها فى الفترة دى و عاوزة تبدأ فى عمل حاجة جديدة ، الوضع هايتغير لما كيمارى هتقابل شيراسى ، بنت عندها إصرار غريب على الذهاب للقطب الجنوبى لدرجة إنه بقى اسمها بين باقى الطلبة بس على عكسهم كيمارى هاتعجب بالإصرار ده و هاتقرر الإنضمام ليها


رأى شخصى :
ماكانش عندى توقعات كبيرة بخصوص العمل بالرغم من إن فكرته شدتنى بس ابتديت اسمع عنه مدح كثير (خارج المنتدى فقط :unamused:) و ده اللى شجعنى على متابعته و بعد ما شفت أول خمس حلقات أقدر أقول إن العمل Underrated بشكل محزن فعلا هنا :disappointed:
فى البداية العمل بيحاول يكون واقعى نسبيا ، فكرة ذهاب مجموعة من فتيات الثانوية للقطب الجنوبى صعب تقبلها و عشان كده العمل بيقضى جزء كبير منه فى محاولة عمل طريقة مقنعة لتحقيق الهدف ده ، ده ممكن يضايق البعض لأن الرحلة مابتبدأش مباشرة بس على العكس ده كان عامل إيجابى ، الفكرة هنا مش الرحلة نفسها قد ماهى فكرة التغلب على مخاوفك عشان تبدأ حاجة جديدة و الحلقات الأولى بتستعرض شخصيات العمل و مخاوفها بشكل جيد فعلا ده غير إن أحيانا التجهيز للرحلة بيبقى جزء من متعتها :grin:
النقطة الثانية هى شخصيات العمل ، الشخصيات فى معظم الوقت تديك الإحساس إنها واقعية و مش خالية من العيوب و ده يخليك تقدر تتعاطف معاها و تحبها ده غير إن التفاعل بينهم ممتاز و من أحسن جزئيات العمل :triumph:
الأرت و الإخراج يبقوا عوامل إضافية للمتابعة و مستواهم كان رائع ، حبيت تعابير الوجه بالذات و اللى قدرت تعبير بشكل جميل عن مشاعر كل شخصية
فى نقطة كانت لافتة للإنتباه بالنسبة لى و هى الإعلانات او اللافتات بجانب الشخصيات فى بعض المشاهد و اللى بتبقى متفقة مع حالة الشخصية فى الوقت ده
العمل ممكن مايعجبش البعض خصوصا من محبى الأكشن أو لو كنت متوقع إن التركيز هايبقى على الرحلة فقط و فى شخصية معينة ممكن البعض (و أنا منهم) يعتبرها مزعجة بس فيما عدا كده العمل حتى الآن ممتاز بالنسبة لى و تجربة تستحق المتابعة
 
التعديل الأخير:

Sam.

fire walk with me
اليوم بالصدفة أكملت متابعته من الحلقة 3 لـ 5 بالنسبة لي أجمل شيء فيه الرسوم
القصة احبطتني لاني توقعت الحلقات في القطب رغم حياتهم اليومية جميلة وفيها تجديد
اكثر شيء ازعجني التحقوا بالرحلة بسبب قوة الصداقة كنت متوقعة طريقة مبتكرة يحققوا بها هدفهم _ _|||
رغم اعتقد الحلقات من 6 بتكون جميلة وحتى مفيدة مثل الحلقة 4 اجمل حلقة فيه @@
 

AM152

True Gamer
اكثر شيء ازعجني التحقوا بالرحلة بسبب قوة الصداقة كنت متوقعة طريقة مبتكرة يحققوا بها هدفهم _ _|||
نظرتك مفهومة بس ممكن النظر للى حصل بطريقة تانية
محاولات المجموعة المستمرة للإنضمام للرحلة من جهة و علاقة شيراسى بأفراد فريق الرحلة من جهة تانية هما اللى عملوا الفرصة دى و لولا كده ماكانوش هايتعرفوا على يوزوكى و ماكانتش والدة يوزوكى هاتعرض عليهم الموضوع ، صحيح علاقة المجموعة بيوزوكى كانت السبب بس العلاقة نفسها جت طريق جهد و ده اللى خلانى اقبل الموضوع
 

Tia

ᴛʜᴇ ROTTEN-UNTAINTED
كنت مستغرب ما احد فتح موضوع له للحين يعطيك العافية، داخل جو مع الأنمي و توقعت راح يكون من طقة أنميات المغامرة المعتادة لكن طالع حاجة مختلفة إختلاف ايجابي و ريليتيد بشكل كبير جداً لناس واجد اعتقد. عندي بعض الملاحظات لكن برجع لها في نهاية الأنمي لأن يمكن تكون مقصودة تطلع كذا في البداية و تتغير مع توالي الحلقات. اشوفه من افضل انميات الموسم و لازم يشوفونه الشعب هنا.(@)
 

Cloud_no_sora

مكجول سعيد ولا محنك مكتئب
حاب الانمي واشوفة ثاني احسن عمل بهذا الموسم بعد hakumei ... وفعلا مثل ما انت اتفضلت بخصوص النقاط الي ذكرت بها ايجابيات العمل حبيتها خصوصا ...
الأرت و الإخراج يبقوا عوامل إضافية للمتابعة و مستواهم كان رائع ، حبيت تعابير الوجه بالذات و اللى قدرت تعبير بشكل جميل عن مشاعر كل شخصية

وايضا عاجبتني التفاصيل الثانوية بالعمل
ممكن حاليا يتغير العمل قليلا لانه بدات رحلتهم وحيكون التركيز عليها بس متحمس لما هو قادم
 

AM152

True Gamer
كنت مستغرب ما احد فتح موضوع له للحين يعطيك العافية، داخل جو مع الأنمي و توقعت راح يكون من طقة أنميات المغامرة المعتادة لكن طالع حاجة مختلفة إختلاف ايجابي و ريليتيد بشكل كبير جداً لناس واجد اعتقد. عندي بعض الملاحظات لكن برجع لها في نهاية الأنمي لأن يمكن تكون مقصودة تطلع كذا في البداية و تتغير مع توالي الحلقات. اشوفه من افضل انميات الموسم و لازم يشوفونه الشعب هنا.(@)

شكرا و متفق معاك :blush:
هو العمل فعلا كان ريليتد بشكل كبير خصوصا لى ، العمل بيقدم المشاكل اللى ممكن تمنع الشخص عن إنه يتحرك فى الحياة أو يجرب حاجة جديدة
بالنسبة لكيمارى المشكلة تبقى خوفها من التجربة و الفشل ، شيراسى ماعندهاش المشكلة دى بس فى المقابل خجلها بيمنعها دايما من مواجهة الناس و اتخاذ الخطوة الأخيرة
بالنسبة ليوزوكى فالسبب يبقى فشلها فى تكوين صداقات حتى بالرغم من محاولاتها
شخصية هيناتا مش واضحة بالنسبة لى بس أظن إن بعدها عن المدرسة و وقتها المحدود يبقوا السبب و إن كنت مستغرب إن شخصية اجتماعية زيها يبقى عندها مشاكل مع التعامل مع بيئة المدرسة
باستثناء هيناتا المشاكل اللى العمل قدمها كانت واقعية جدا و الحقيقة إنى مريت فعلا بمواقف مشابهة بشكل كبير لبعض الأحداث فى العمل (أظن واضح إنى ماكنتش شخصية اجتماعية:weary:)
النقطة دى خلتنى أحب العمل و الشخصيات جدا :grin:

__________________________________________________________
وايضا عاجبتني التفاصيل الثانوية بالعمل
ممكن حاليا يتغير العمل قليلا لانه بدات رحلتهم وحيكون التركيز عليها بس متحمس لما هو قادم

التفاصيل الثانوية جيدة فعلا و متفق معاك بخصوص الرحلة :grin:
بمناسبة الرحلة على مايبدو هايبقى فى عدد من الشخصيات الجديدة فى الحلقات الجاية
 
التعديل الأخير:

Sam.

fire walk with me
الحلقة 6 جميلة ومحبطة في نفس الوقت
احداثها جميلة لكن هكذا اصبح واضح ان بقية الحلقات ستضيع في الرحلة ولن نشاهد مغامرات في القارة نفسها لحتى الان اشوف الانمي حياة يومية وبعيد عن مغامرات

شيراسى ماعندهاش المشكلة دى بس فى المقابل خجلها بيمنعها دايما من مواجهة الناس و اتخاذ الخطوة الأخيرة
هي شخصيتها غريبة وقت تكون عنيدة بتعجبني بس جانبها الاخر بيخرب شخصيتها وبتظهر ضعيفة جدا رغم المفروض تكون شخصيتها العكس €__€

(أظن واضح إنى ماكنتش شخصية اجتماعية:weary:)

انا العكس لدرجة كان يتم عقابي احيانا _ _|||
 

AM152

True Gamer
@Bianca
الحلقة 6 جميلة ومحبطة في نفس الوقت
احداثها جميلة لكن هكذا اصبح واضح ان بقية الحلقات ستضيع في الرحلة ولن نشاهد مغامرات في القارة نفسها لحتى الان اشوف الانمي حياة يومية وبعيد عن مغامرات
العمل لسه فيه 7 حلقات و اظن إنه صعب جدا يتم قضاؤهم بالكامل فى السفينة ثم إن الحلقات جميلة و زى ما قلت الفكرة فى العمل مش الرحلة قد ما هى تجاوز المخاوف و المشاكل اللى عند كل شخصية ده غير إن اللى شخصيات بتعمله حاليا يعتبر مغامرة فى حد ذاته حتى لو مش فى القطب و عموما زودت كلمة حياة يومية لتصنيف العمل :grimacing:
انا العكس لدرجة كان يتم عقابي احيانا _ _|||

:hushed::hushed:
الوضع بالنسبة لى كان العكس تماما

هي شخصيتها غريبة وقت تكون عنيدة بتعجبني بس جانبها الاخر بيخرب شخصيتها وبتظهر ضعيفة جدا رغم المفروض تكون شخصيتها العكس €__€
فى تفسير لتصرفاتها و ده هاوضحه فى الرد الجاى
 

AM152

True Gamer
الحلقة السادسة

الحلقة كانت جميلة فعلا و قدمت تطور رائع لشخصية هيناتا بس يمكن اكثر حاجة عجبتنى بصفة عامة هى طريقة تقديم الكاتب لتصرفات و مشاكل الشخصيات غير الإجتماعية و اللى بتبين إنه عنده فكرة حقيقية عنها
سواء التصرفات البسيطة ليوزوكى و شيراسى فى الحلقة أو الجزء الرئيسى بخصوص هيناتا طريقة التقديم كانت دقيقة فى معظم الوقت و ده اللى هاوضحه
يوزوكى بالرغم من انضمامها اخيرا للمجموعة إلا إن تصرفاتها متحفظة نسبيا و أهدأ من باقى الشخصيات و ده كان منطقى جدا كشخصية غير معتادة على الخروج مع أصدقاء فى سنها ، ده مش معناه إنها مش مستمتعة بالرحلة و على العكس بس نتيجة قضاءها لفترة طويلة بمفردها فقدرتها على الحركة و الإنطلاق مع المجموعة هاتبقى أضعف

شيراسى تبان كشخصية قوية و عنيدة و ده ممكن يبان كتناقض مع خجلها و عدم قدرتها على المواجهة بس الحقيقة إن الوضع مختلف ، فى فرق بين العزيمة و القدرة على بذل مجهود كبير لتحقيق هدف معين من جهة و بين الجرأة فى مواجهة الناس من جهة تانية و الحقيقة إن بالنسبة لبعض الشخصيات الخجولة يوم عمل شاق ممكن يكون أهون من مقابلة مدتها 10 دقائق
الشخصية هنا عندها إصرار حقيقى لتحقيق هدفها و ده اللى خلاها تتحمل تعليقات اللى حواليها مع مجهود العمل فى اكثر من وظيفة بس الإحتكاك بالناس بالنسبة لشخص خجول تبقى تجربة من نوع تانى و اشبه بالمشى بملابس صيفية فى عز البرد و الصقيع o_O
نقطة كانت دقيقة فعلا بخصوص النوعية دى من الشخصيات فى الحلقة كانت العصبية و الإنزعاج لما تخرج عن خططها ، ضعف القدرة على التعامل مع الناس بيولد إحساس بعدم القدرة على التعبير عن الرأى و ده بدوره بيعمل ضغط و إحساس بال Frustration و بيخلى الشخص ده عصبى ، لنفس السبب الشخص ده بينزعج فعلا لما خططه ماتمشيش بالشكل اللى حطه و ده نتيجة إحساسه الداخلى بعدم قدرته على التصرف و التعامل مع الوضع أو توضيح موقفه و المثال فى الحلقة هنا كان إنزعاج شيراسى من فكرة التأخر بسبب قلقها من نظرة باقى طاقم الرحلة حتى لو كان الموضوع ليه عذر أو سبب منطقى

بالنسبة لهيناتا (و اللى توقعى كان خاطئ بخصوصها) فمشكلتها ممكن تبان غريبة للبعض بس الحقيقة إن دى مشكلة موجودة فعلا ، الشخصية من النوع ده عادة بتبقى ثقتها بنفسها ضعيفة فعلا و عندها قلق حقيقى من نظرة باقى الناس ليها خصوصا فى حالة ارتكاب الأخطاء و نتيجة قلة الثقة و الإحساس بإنها اقل من اللى حواليها فمابيبقاش عندها القدرة لتمييز إذا كانت المشاعر الموجهة ليها تبقى حقيقية و لا مجرد مجاملة و غالبا بترجح إنها مجاملة
المشكلة إن الإحساس ده بيبقى قناعة صعب تغيرها فى بعض الأوقات و تخيل لو شخص فى وسط مجموعة بس كل تفكيره يبقى كالآتى ، هل هما عاوزينى فعلا وسطهم و لا متضايقين بس محرجين يقولوا ؟ هل ما كانش عندهم مشكلة لما عملت كذا فعلا و لا هما بيقولوا كده بس كمجاملة ؟ هل خدوا عنى انطباع سيئ فى الموقف الفلانى و لا الموضوع عدى؟ و ممكن تضيف أسئلة كثيرة بالشكل و اللى ممكن تخلى الشخص فى الآخر يقرر التخلى عن الموضوع بالكامل عشان يريح نفسه من الضغط و ده اللى حصل فعلا مع الشخصية هنا (يمكن الجزء اللى ماكانش منطقى إلى حد ما هنا إن هيناتا منطلقة و إجتماعية نسبيا بشكل مش متفق مع النوع ده من الشخصيات عادة بس دى نقطة ممكن تجاوزها)

فى الآخر و بالرغم من من كل المخاوف دى عند الشخصيات إلا إنهم قرروا مساعدة بعض على تجاوزها ، كل شخصية هنا عندها نقط قوة و ضعف و الشخصية القوية فى نقطة معينة بتساعد الباقى
شيراسى و هيناتا ساعدوا كيمارى فى التغلب على خوفها من تجربة الأشياء الجديدة
كيمارى و هيناتا ساعدوا شيراسى فى التغلب على خجلها
المجموعة ساعدت يوزوكى فى التغلب على مشاكلها بخصوص تكوين الصداقات و يوزوكى ساعدتهم فى تحقيق هدفهم
شيراسى ساعدت هيناتا على التغلب على مخاوفها و إحساسها بعدم الأهمية
المجموعة هنا بتكمل بعضها بشكل رائع و دى من الحاجات اللى حبيتها فعلا فى العمل :grin:
 
التعديل الأخير:

Sam.

fire walk with me
الحلقة السابعة بالنسبة لي اكثر حلقة محبطة
الاحداث تحاول تكون مؤثرة لكن على العكس كانت الحوارات مزعجة وغير متناسبة مع جو رحلة استكشافية
وقت كانت تتكلم التي لا اعرف اسمها صديقة والدة شيراسي شعرت مثل لو اشاهد fushigi no umi no nadia
 

AM152

True Gamer
@Bianca

اللى ابتديت احسه إنك كنتى متوقعة عمل قريب من نوعية ال Hard Sci-Fi و اللى بتركز على الدقة و التفاصيل العلمية بشكل أساسى و كون إن العمل طلع من نوعية مختلفة كان موضوع محبط بالنسبة لك و ده ممكن فهمه بس الفكرة إن من البداية العمل كان واضح إنه مش من النوعية دى و إن التركيز على نقط مختلفة ، النقط الخاصة بالرحلة الإستكشافية ماتمش تجاهلها و الحلقة كانت فيها مشاهد كثيرة بخصوص التجهيز ليها بس التركيز ماكانش عليها لأن تفاصيل الرحلة مش هى الهدف الأساسى للعمل
بالنسبة للحلقة فمتفق معاكى بالنسبة للنصف الأول منها بس هاختلف بالنسبة للنصف الثانى و اللى أظن إنه تم تقديمه بشكل جيد جدا خصوصا فى النهاية
 
التعديل الأخير:

Nerun

Casual Gamer
(يمكن الجزء اللى ماكانش منطقى إلى حد ما هنا إن هيناتا منطلقة و إجتماعية نسبيا بشكل مش متفق مع النوع ده من الشخصيات عادة بس دى نقطة ممكن تجاوزها)
فيه نوع من الأشخاص يتظاهر بكونه اجتماعي كمان : ) .
بغض النظر هل ينطبق الكلام على هيناتا أو لا ...
 

Sam.

fire walk with me
اللى ابتديت احسه إنك كنتى متوقعة عمل قريب من نوعية ال Hard Sci-Fi و اللى بتركز على الدقة و التفاصيل العلمية بشكل أساسى و كون إن العمل طلع من نوعية مختلفة

لا انا فاهمة انه حياة يومية عادي بس الحلقة ازعجتني لانها حاولت تكون مؤثرة بطريقة مفتعلة بعيدة عن جو الانمي شعرت مثل لو هي سفينة او غواصة نيمو
 

AM152

True Gamer
@Bianca
فهمت قصدك :sweatsmile:. هو بالنسبة لكون مشهد معين مؤثر و لا لأ فدى مسألة نسبية بتختلف من شخص للتانى و الحقيقة أن وجهة نظرك منطقية فعلا لو شوفنا الموضوع من الجهة دى . بس بالنسبة لى كنت بشوفه من جهة تانية و ده اللي خلانى اعتبره مؤثر
زى ماقلت قبل كده متفق معاكى بالنسبة للنصف الأول بس الوضع بقى مختلف مع النصف الثاني لما الكلام عن هدف الرحلة الحقيقي ابتدى . لو كانت الرحلة مجرد رحلة استكشافية عادية (و ده الوضع فعلا بالنسبة لجزء من أفراد الرحلة ) فممكن اعتبار الحوار مفتعل و غريب بس من اللى فهمته واضح أن بالنسبة المجموعة اللى شاركت فى الرحلة من 3 سنوات مع تاكاكو (والدة شيراسى) فالموضوع اكبر من كده و ده حتى لفت انتباه باقى افراد الرحلة لما ذكروا أن القائدة ليها هدف مختلف
اللى فهمته من الفلاش باك أن تاكاكو كانت هى البداية للقصة بالكامل . هى صاحبة الفكرة و هى اللى جمعت الفريق و مجهوداتها هى اللى خلت الرحلة الأولى ممكنة و أظن ان بالنسبة للفريق هى ماكنتش مجرد قائدة الرحلة و إنما مصدر إلهام و مثل اعلى ليهم و ده اللى خلى فقدانها يبقى صدمة حقيقية و واضح أن بعد فشل الرحلة الأولى صديقتها قررت عمل رحلة جديدة لاكمال حلمها بأى شكل و ممكن يبقى فى سبب تانى ماتمش ذكره بشكل مباشر و هو العثور عليها و دفنها بشكل مناسب
طبعا ده ماكانش سهل و خد مجهود مهول بس اخيرا و بعد كم كبير من الصعوبات بقى عندهم إمكانية لتحقيق الهدف ده و بمعنى تانى دى فرصتهم الأخيرة لتحقيقه و اللى بياكد ده تسميتهم للسفينة باسم شيراسى (اسم عائلة تاكاكو ) .
ده اللى بيخلى الحوارات و الخطبة فى النهاية ليها معنى مختلف لأنها بالنسبة للمجموعة مش مجرد بداية رحلة استكشافية و إنما النتيجة لمجهود شاق استمر لسنين لتحقيق حلم صديقتهم و إنهاء رحلتها الطويلة بشكل مناسب و ده برضه بيدى معنى تانى لمشاركة بنتها شيراسى و التعليق اللى قالته فى النهاية و ده اللى خلانى أتأثر بالموضوع

فى النهاية و زى ما قلت الموضوع ده بالذات نسبى و اختلاف الرأي فيه شيء طبيعي :grin:
 

Sam.

fire walk with me
وصلوا اخيرا يعني اخر 5 حلقات بتكون في القطب @@

kPLigE9.jpg
 

Cloud_no_sora

مكجول سعيد ولا محنك مكتئب
متصورت انه الرحلة حتكون بهالصعوبة .. هن بالبداية وهي بهالصعوبة فايش الي ينتضرهن من يوصلون القارة؟
هذا الانمي ما كنت حتى حاطة في بالي وما اتصورتة ابد يعجبني ... كل حلقة بيعجبني اكثر واكثر
 
التعديل الأخير:

LOG_65

True Gamer
fetch.php


اهلا
حسنا, قد شاهدت الحلقة 01, و الحقيقة اني معجب جدا بآرت العمل, ايضا اعجبت بالشخصيات خصوصا ماري, على الاقل لحد الان , فالشخصيات الاخرى قد تكون ايضا ذات شأن في باقي الحلقات, عموما , الفكرة فريدة من نوعها, متحمس لمعرفة كيف سيذهبون للقطب الجنوبي
وددت الكتابة باسهاب عن الحلقة , لكني مصاب بخمول شديد علاوة عن البرد الشديد القارس القادم من سيبيريا الذي يضرب اوروبا حاليا..احس بالبرد حتا قبل ذهابهم للقطب ..^^
 

Sam.

fire walk with me
رغم الحلقة 9 جميلة بدأت افهم لماذا خلفية بوستر الانمي السفينة وليس القطب _ _|||
 

AM152

True Gamer
الحلقة 11 و 12

العمل واصل تقديمه الرائع للشخصيات و صراعاتها النفسية بشكل منطقى و واقعى و قدر يرجع لمستواه بعد حلقتين مستواهم جيد بس مش بنفس قوة باقى العمل
الحلقة 12 بالذات كانت مؤثرة و تعاملت مع مشكلة ممكن تمر فعلا على أى حد

فكرة إن لما توصل للشئ اللى اجتهدت و سعيت فى تحقيقه على مدار فترة طويلة ما يطلعش بالشكل اللى إنت متوقعه و مايثيرش فيك السعادة اللى كنت منتظرها
من شئ صغير زى الهايب الزيادة لعمل عشان يخيب أملك بعد كده لشئ كبير زى اجتهادك عشان توصل لمنصب معين عشان تكتشف إنه أقل من اللى كنت متوقعه الإحساس ده حقيقى و موجود فى مواقف كثيرة فى الحياة

لما شيراسى وصلت أخيرا للقطب بعد إجتهادها المستمر و بالرغم من إنه كان تجربة مختلفة و شئ كانت منتظراه إلا إنه فى نفس الوقت كان أقل من توقعاتها و ده طبيعى
من الأصل هدف شيراسى ماكانش القطب نفسه و إنما الوصول لأمها ده غير إن الحماس لشئ معين على مدار فترة طويلة بيرفع توقعاتك و بتبقى مبالغ فيها و أيا كان الشئ اللى إنت متحمس ليه فعلى الأغلب مستواه هايبقى أقل منها
المشكلة هنا بقت خوف شيراسى إن الإحساس ده يستمر حتى لما توصل للمكان اللى كانت فيه امها و فى الحالة دى مش هايبقى فى معنى للرحلة بالنسبة لها و ده خوف طبيعى

تصرفات باقى الشخصيات بتدل على حيرتهم فى التعامل مع الموقف ، بعد تفكير المجموعة قررت إنهم يسيبوا شيراسى عشان تقرر بنفسها لأن ده قرار هيأثر عليها لفترة طويلة بعد كده و التدخل فيه ممكن ييعمل مشاكل مش يحلها بس فى الآخر لما شيراسى ترددت قرب النهاية ماقدروش يستحملوا و اتدخلوا فى مشهد ممتاز لأن فى المرحلة دى شيراسى كانت محتاجة دفعة فعلا و كانت هاتندم على ترددها بعد كده

مشهد اللاب توب كان مؤثر بس الشئ اللى ماقدرتش انتبه ليه غير بعد متابعتى لتعليقات المتابعين إن ده كان السبب فى موت تاكاكو :fearful:
جين ذكرت إن تاكاكو نسيت حاجة فى المحطة و ده اللى خلاها ترجع و الشئ ده على الأغلب كان اللاب توب أو بمعنى تانى الرابط بينها و بين بنتها شيراسى و اللى كانت بتستقبل عليه رسائلها و ده اللى شيراسى ادركته فى نهاية الحلقة و خلى المشهد أقوى بكثير :sob:
 

Tia

ᴛʜᴇ ROTTEN-UNTAINTED
A Place Further Than The Universe يمكن يكون أنميي المفضل في موسم الشتاء.

عادةً مش من اكبر المتحمسين مع انميات قصص البلوغ(Coming-of-age story) لكن هنا البهجة و حس المغامرة و لحظات التأثر لامستني كثير. إحساس التلهف و الحنين و التوق لفعل شيء و حين فعله و مجيء لحظة الرحيل للتخطيط مرة اخرى في هدف آخر أعتقد كل انسان عنده شغف مر فيها. علاقات الصداقة قد تنتهي في اي لحظة و يمكن تستمر مدى العمر لكن اللحظات الي راح تقضيها معهم موجودة بكل تأكيد و حصلت و لو نسيها الكل. كذلك العنوان شدد على ان الحياة مهما كانت منعطفاتها و ضرباتها القوية لازم نستقبلها بالقوة نفسها و نمضي بثقة و بخطوات واسعة للأمام. و لازم تكون عندنا نية و قناعة على تقبل كل شيء، رفع الأيادي لأعلى، و الصراخ و الضحك، و أخذ كل شيء توفره لك الحياة و الإستمتاع به. جوهر الأنمي براق و مستغرب كثيراً ما لاقى تفاعل قوي في القسم و راح انصح اي واحد اعرفه لو يبي اقتراحاتي به بكل تأكيد.

ساكوراسو كان أنميي المفضل من ايشيزوكا لكن حالياً محتار بينه و بين سورا يوري.:p



 

abdullah-kh

مشرف عام
Administrator
شفت الحلقة الأولى وما دخلت معاه جو للأسف :emoji_disappointed: غير الفجوالز وتصميم الشخصيات اللي ما أعجبني، أستثقلت تقديم الحلقة وما في ولا شخصية حكت فيني لإكمل.
 

Tia

ᴛʜᴇ ROTTEN-UNTAINTED
شفت الحلقة الأولى وما دخلت معاه جو للأسف :emoji_disappointed: غير الفجوالز وتصميم الشخصيات اللي ما أعجبني، أستثقلت تقديم الحلقة وما في ولا شخصية حكت فيني لإكمل.

انت وش اعجبك من انميات الموسم الماضي؟

و الله سؤال بريئ(&)
 

abdullah-kh

مشرف عام
Administrator
انت وش اعجبك من انميات الموسم الماضي؟

و الله سؤال بريئ(&)
سؤال مخيف لأنه يعطي احساس أن ما يعجبني أي شئ (@).
قاعد أشوف فيها الآن، لكن ما في شئ لافت كثير وأقدر أقول أعجبني.
 

AM152

True Gamer
شفت الحلقة الأولى وما دخلت معاه جو للأسف :emoji_disappointed: غير الفجوالز وتصميم الشخصيات اللي ما أعجبني، أستثقلت تقديم الحلقة وما في ولا شخصية حكت فيني لإكمل.

بصراحة تامة توقعت إنك هاتهاجم العمل و كنت منتظر رد تنتقد فيه بعض الأحداث أو التفاصيل و ساعتها ماكنتش هادخل معاك فى جدال و إنما كنت هاكتفى بإنى أعرف إزاى هاتشوف العمل بشكل مختلف ، ده ما يمنعش إنى كنت اتمنى أبقى غلطان و العمل يعجبك فعلا بس آخر حاجة كنت اتوقعها إن مافيش حاجة فيه تجذب اهتمامك من الأساس و أقدر أقول إنك فعلا فاجئتنى ::rock:: ::laugh::

سؤال مخيف لأنه يعطي احساس أن ما يعجبني أي شئ (@).
يا ترى ليه ؟ :rolleyes:
 

abdullah-kh

مشرف عام
Administrator
يا ترى ليه ؟ :rolleyes:
ردي عن أن ما أعجبتني الحلقة بعدين سؤال "إيش أعجبك من الموسم اصلًا" فيعني النتيجة واضحة (@).
بصراحة تامة توقعت إنك هاتهاجم العمل و كنت منتظر رد تنتقد فيه بعض الأحداث أو التفاصيل و ساعتها ماكنتش هادخل معاك فى جدال و إنما كنت هاكتفى بإنى أعرف إزاى هاتشوف العمل بشكل مختلف ، ده ما يمنعش إنى كنت اتمنى أبقى غلطان و العمل يعجبك فعلا بس آخر حاجة كنت اتوقعها إن مافيش حاجة فيه تجذب اهتمامك من الأساس و أقدر أقول إنك فعلا فاجئتنى ::rock:: ::laugh::
ليش تحسسوني أني متوحش كذا؟ حرام عليكم ::laugh::
 

XIIIXIIIXIII

Aëv stré Novrī
A Place Further Than The Universe يمكن يكون أنميي المفضل في موسم الشتاء.

عادةً مش من اكبر المتحمسين مع انميات قصص البلوغ(Coming-of-age story) لكن هنا البهجة و حس المغامرة و لحظات التأثر لامستني كثير. إحساس التلهف و الحنين و التوق لفعل شيء و حين فعله و مجيء لحظة الرحيل للتخطيط مرة اخرى في هدف آخر أعتقد كل انسان عنده شغف مر فيها. علاقات الصداقة قد تنتهي في اي لحظة و يمكن تستمر مدى العمر لكن اللحظات الي راح تقضيها معهم موجودة بكل تأكيد و حصلت و لو نسيها الكل. كذلك العنوان شدد على ان الحياة مهما كانت منعطفاتها و ضرباتها القوية لازم نستقبلها بالقوة نفسها و نمضي بثقة و بخطوات واسعة للأمام. و لازم تكون عندنا نية و قناعة على تقبل كل شيء، رفع الأيادي لأعلى، و الصراخ و الضحك، و أخذ كل شيء توفره لك الحياة و الإستمتاع به. جوهر الأنمي براق و مستغرب كثيراً ما لاقى تفاعل قوي في القسم و راح انصح اي واحد اعرفه لو يبي اقتراحاتي به بكل تأكيد.

ساكوراسو كان أنميي المفضل من ايشيزوكا لكن حالياً محتار بينه و بين سورا يوري.:p



لحظة...كاتب ساكوراسو؟
 

Abdo Aly

True Gamer
و خلصته اخيرا 7/10 افضل تقيم ليه اخر اربع حلقات كانو دروب صراحه
 

Royal Spark

Royal Guardian
أنا أعلنت من قبل إني ما أحب الأنمي هذا، بس أنا حصلت واحد عمل إيدت لطيف للأنمي على جزئية من Last week tonight و كانت كويسة واجد على إن بس أنا إلا أشوفها
 

Nerun

Casual Gamer


تعليق لفت نظري :
I think the title 'A place further than the Universe' is a bit of a mistranslation. A better translation would be 'A place further than (outer) space'. Outer space starts from 100 km above sea level, so Antarctica is indeed further than outer space. Even if you think space starts above the entire atmosphere of the Earth (which is 10000 km thick), Antarctica is still further than space from Japan.


*ما أعرف هل القناة فيها أشياء صالحة أو لا :\ .
 
التعديل الأخير:
أعلى