AM152
True Gamer
Re:Creators
تاريخ بدأ العرض : 8 إبريل 2017
النوع : أكشن ، خيالى
الأستديو : TROYCA
العدد المعلن للحلقات : 22 حلقة
فريق العمل :
الإخراج و التأليف : Ei Aoki من أعماله Fate / Zero
الفكرة الأصلية و تصميم الشخصيات : Rei Hiroe (مانجاكا Black Lagoon )
التلحين : Hiroyuki Sawano من أعماله (Attack on Titan , Nanatsu no Taizai و غيرهم)
نبذة:
من غير حرق تخيل لو لسبب ما عدد من الشخصيات الخيالية فى عالم الأنمى انتقلت للعالم الحقيقى ، إيه اللى هايحصل و إزاى الشخصيات دى هتتعامل مع العالم الحقيقى و فكرة إنها شخصيات خيالية و الأهم إيه السبب فى حصول ده ؟
رأى شخصى :
بصفة عامة تاريخ استديو TROYCA مش مشجع خصوصا بالنسبة للأعمال الأوريجينال ، العمل يبقى ثالث عمل ليه بعد العمل الترولى Aldnoah Zero و اللى ماظنش إنى محتاج اتكلم عنه و Sakurako-san no Ashimoto ni wa Shitai ga Umatteiru المقتبس من لايت نوفل و اللى ماحققش نجاح كبير (مع العلم إنه عجبنى شخصيا ) و ده يخلى المتابعين عندهم حذر بالنسبة للتوقعات بخصوص الأنمى بس بالرغم من كده العمل فيه نقط كثيرة مشجعة و تدى أمل إنه ممكن يكون عمل جيد فعلا
الفكرة مثيرة للإهتمام فعلا و تصميم الشخصيات جميل و جذاب بالإضافة لوجود مخرج كان ورا عمل متميز زى Fate/Zero و ملحن ممتاز زى ساوانو ، نقطة تانية و هى إن العمل 22 حلقة مش 12 كالمعتاد و ده شئ جيد مع كم الأعمال المختصرة الموجودة حاليا بس بالرغم من كل النقط دى المشكلة إن عمل الأستديو السابق كان برضه وراه أسماء كبيرة و النتيجة كانت معروفة و السؤال يبقى هل فريق العمل هاينجح المرة دى و هايقدر يقدم أنمى على قد المتوقع منه و لا هل الأستديو هايكرر أحداث الماضى من جديد؟
التعديل الأخير: