hits counter

الموضوع الرسمي ترو جيمرز.. وش قاعدين نلعب؟

الحالة
مغلق و غير مفتوح للمزيد من الردود.
بادئ الموضوع #1
لول عنوان الموضوع يحسسني إن حب الاستطلاع عندي وصل لمرحلة الذروة :laugh::

الموضوع بسيط، اذا أنت قاعد تلعب لعبة حالياً وودّك تسرد سطور عنها وتتناقش مع الأعضاء اللي يلعبونها أو سبق ولعبوها فهذا مكانك..

بإمكانك اعتبار الموضوع هذا حلقة وصل ما بين موضوع "أبي لعبة" وموضوع "مراجعات أعضاء TG"

تبحث عن لعبة, تتكلم عنها, تطرح مراجعتك لها.

اللي خلاني اطرح الموضوع هو إني قاعد ألعب مجموعة كبيرة من الألعاب ونفسي اتكلم واتناقش عنهن وما فيه مكان أحسن من المنتدى للشيء هذا. أيضاً أنا من النوع اللي يتأخر كثييير في شراء بعض الألعاب في وقتها المحدد وفي اغلب الأحيان تضيع علي متعة النقاش مع الناس اللي كانوا يلعبونها أو يصير النقاش بلا طعمة (لأنه موب وقته يعني :sarcastic:)

ألعب حالياً:

Metal Gear Solid1 -1: اشتريت الرابع قبل فترة على نية إني ابدأ فيه دايركت بعد ما اشاهد فيديو يوتيوبي يشرح أهم جوانب القصة. بس فيه شخص اشغلني في تويتر (يعرف نفسه) واقنعني إني ألعب الأول.. للأمانة ما ندمت ابداً ابداً ابداً، بكل سهولة قدرت اميّز بينها وبين ألعاب التجسس في الجيل هذا,موب بس ألعاب التجسس الا ألعاب الوقت هذا بشكل عام. جداً مختلفة ومميزة في نفس الوقت ولو إني قاعد اعاني من الضياع فيها :sarcastic:

2- Dark Souls: وصلت لـ sin's fortress (اذا كان هذا اسمه) ووقفت, بدون أي سبب تركتها مع أني كنت جداً مستمتع فيها! ناوي على رجعة محترمة في القريب العاجل.

3- Deus Ex: HR: نفس اللي صار لي مع دارك سولز.. استمتعت في بدايتها ثم تركتها لسبب اجهله، ما ادري بس صرت احس إن ألعاب الهاي بدجت ما عاد تثير اهتمامي ابداً.

4- BIT.TRIP RUNNER: وصلت زعيم العالم الأول.. رهيبة!

5- Gemini Rue: أحد سمع بها؟ لا للأسف. Gemini Rue لعبة بوينت&كليك تتحكم فيها بأخوين، الأول شرطي والثاني سجين وكلاهما في مكان مختلف عن الآخر وبإمكانك الانتقال ما بينهم في ضغطة زر.. اللعبة برسوم "8-بت" للشخصيات و "واقعية" للخلفيات والنتيجة منظر يخطف الأنفاس من رهابته.. روعتها ما تكمن في منظرها وبس, اللعبة تمتلك نظام جيم بلاي عميق جداً من اللي شفته! كل شيء في البيئة "تقريباً" تقدر تتفاعل معاه بأربع طرق (القدم, اليد, الفم, العين) هذا غير المسدس واللوك بيك والانترنت والجوال والأدوات الكثيرة غيرها.
هنت: قصة اللعبة فيها أشياء مأخوذة من فيلم Memento ... :D

Phoenix Wright: T&T: -6 لا زلت في القضية الثانية.. تقريباً نفس الجزء الثاني اذا استثنينا الشخصيات!! الشخصية المنافسة في الجزء هذا "خــورافــيــة" ببساطة!! الشخصيات عموماً رهيبة!! الساوندتراك (اعتبره ركيزة أساسية في السلسلة) جيد وأفضل بكثير من الثاني الفضيحة.. ناوي اكملها طبعاً, سامع كلام يبشر بالخير في القضايا اللي قدامي.


*اللي مكتوبة بالأسود الغامق معناتها إني قاعد ألعبها حالياً.


ترو جيمرز.. وش قاعدين تلعبون؟
 

KAIN

سابقاً Ghost of Sparta K
#2
انا حاليا العب WarCraft III و صلت شابتر الاورغ و اللعبه خرافيه حتى رسومها ممتازه للعبه قديمه و العروض السينمائيه فاخره و لها وجود ممتازه بحيث تقدم افضل اللقطات و الاحداث + الاوست رائع
 
#3
: اشتريت الرابع قبل فترة على نية إني ابدأ فيه دايركت بعد ما اشاهد فيديو يوتيوبي يشرح أهم جوانب القصة. بس فيه شخص اشغلني في تويتر (يعرف نفسه) واقنعني إني ألعب الأول.. للأمانة ما ندمت ابداً ابداً ابداً، بكل سهولة قدرت اميّز بينها وبين ألعاب التجسس في الجيل هذا,موب بس ألعاب التجسس الا ألعاب الوقت هذا بشكل عام. جداً مختلفة ومميزة في نفس الوقت ولو إني قاعد اعاني من الضياع فيها :sarcastic:
وحش, أفضل لعبة في التاريخ *مع GoW II* بسهولة...T_T
وشعور الضياع هو أجمل ما فيها ومن الأشياء الي كرهني بالرابع عدم وجوده...>_>
بالنسبة لي ولا شيء للأسف, ولكن تقدر تقول ميتل جير بيس والكر قاعد ألعبها بأوقات متقطعة...:slant:
 
بادئ الموضوع #4
^
نااه شعور الضياع هو السبب رقم واحد في كرهي للعبة معينة |:<
هو أنا ما ضعت بمعنى ضعت بس ما توقعت الحل يطلع بالطريقة اللي "ما ادري وش تبي"


@KAIN
تقدر تعطيني مواصفات جهازك بشكل مختصر؟ من زمان ونفسي ألعبها بس الموقع هذا حطم آمالي كلها ):
 
#5
كفو ناصر ، من اول ابي هذا الموضوع .

SKYRIM : مدة لعبي فيها 50 ساعة ، موصل منتصف القصة ، لفل 32 ، ابي اخلص القصة الاساسية هالويك اند "يمكن" .

METAL GEAR SOLID 1 : لول , حتى انا جالس العب فيها ، واصل عند "سايكو مانتس"

THE LEGAND OF ZELDA : SS : موقف عند بداية الدنجن الرابع .. او البري دنجن :/ ... ان شاء الله اكملها بعد ما اخلص الثنين اللي فوق :D
 
#6
ماشوف فرق بينه و بين موضوع المراجعات

منت ملزوم بهذاك الموضوع انك تخلص اللعبه قبل لاتتكلم عنها و تكتب انطباعاتك و تقييمك
 

KAIN

سابقاً Ghost of Sparta K
#7
Naserano

اللعبه قديمه اعتقد تشتغل على أي جهاز

مواصفات اللعبه
ecommended System Requirements

Computer: A 600 MHz processor or better is recommended.

Memory: We recommend 256 MB of RAM.

Video: A 3D accelerator video card with support for DirectX® 8.1 and at least 32 MB of video memory is recommended*.

*Please check http://www.blizzard.com/support/video.html to see if your video card is compatible.

Sound: A 16-bit sound card that is compatible with DirectX® 8.1 is recommended.
 
#8
ألعب حاليا:

1- Skyrim: طبعا لعبة السنة بالنسبة لي و ادمانها ذكرني بإدمان WoW "الله يكفينا شرها" و لكن ادمان Skyrim حلو عكس WoW

2- NBA 2K12: ماعتقد في احد غيري هنا يعشق الكرة السلة الأمريكية و داخل جو فيها بشكل غير طبيعي خصوصا ان الجزء هذا احلى من السابق بمليون مرة!

3- KoF XIII: و هل يخفى القمر؟ افضل لعبة قتال بالنسبة لي في التاريخ! الجزء هذا كلام كبييييير و من كثر حبي للعبة احترفت الاعبين كلهم:)

و بس :)
 
#9
موضوع ممتاز اخ ناصر :)

حاليا ع السوني العب Assassins creed brotherhood لعبت فيها ساعتين

و batman arkham city .. واخذت لعبه قديمه جدا عندي كنت مشتريها لاخوي .. army of two:40th day لعبتها وعجبتني حيل


ع X360
Skyrim و FF XIII
 
#10
مو هذا الموضوع العشوائي للألعاب الي كنتوا تتكلموا عنه قبل فترة؟,, راح يكون ذو فائدة

حاليا العب MW3 بشكل يومي وقريبا بكمل سكايرم

... والأن انا رايح اشتري MGS1 من الستور :innocent:: اشعر بالخجل !
 
#11
KoF XIII: و هل يخفى القمر؟ افضل لعبة قتال بالنسبة لي في التاريخ! الجزء هذا كلام كبييييير و من كثر حبي للعبة احترفت الاعبين كلهم
انت انسان فاهم :rockon:

موجود عندي في اللايف , خلينا نزبط وقت ونكسر فيه رؤس بعض
 
#12
شريت مجموعة العاب واللي قاعد العبها حاليا :
دارك سولز : ماقدر اقول اي شئ سوا تبا لفورم سوفتوير ! اللعبة بالفعل تعططيك الشعور بالانجاز لما تخلص دنجن او بعد بووس فايت وكذا , عقدتني نفسيا وانا لسا بالمنطققة الثانية ! مشكلتها بالبون فاير تكون بعيده شوي عن البووس ولما اوصل لين عنده واموت لازمم ارجع اسلم ع الشلة اللي قتلتهم بالحياة اللي قبلها -_- الين مارجع للبوس واللي رح يقتلني كمان ! لكن تجربة دسمه ومن اولى تجاربي لل ار بي جي , طبعا غير فف13 المخيسة -_-
ات
باتمان اركام سيتي : نظام الكومبات الاركيدي ممتع بشكل كبير ولطالما كان ميزة اركام اسايلم بالنسبة لي ^ تعقيد يوم اوصل لاعداء ومعاهم اسلحة وكمان بمكان مغلق ! اتعقد نفسيا لين ما اخلصهم -_- "تحية لمهمة فريز وقت استجواب احد جنود البطريق" !

الى القمر : هاذي باذن الله رح اكملها قريب وقفتها من فترة لان اللابتوب ماكان معي لكن الحين رجعته ويسير اكملها ..

ناصر لعبة البوينت & كليك اللي ذكرتها كيف؟ و احييك بصراحة على لعبك لميتل 1 ! اللعبة ماتوقع رح تعجبني بحكم عامل الزمن عليها ولا الله يعلم قد ايش ودي اجرب سلسلة ميتل قير -_-
 
#13
بديت العب في ميتل جير HD كولكشن .. الجزء الثاني واصل قريب النهاية ..

كنت ناوي اشوف العروض من جديد لعل وعسى حاجة فاتتني بس اشوف نفسي مكسل واطوفهم (&)

بثاني رن للعبة راح اشوفهم ان شاء الله خخخخخخخخ

تحرير: على اني لعبت الجزء الثاني وختمته ولا مليون مرة ..

لكن خلال هالرن اثبت لي ان فعلا الاول هو اسطورة مجس بلا منازع ..
 
التعديل الأخير:
#14
TO THE MOON: جميلة ومبتكرة -روائيًا- مع جوانب جيمبلاي معدومة ومهمشة عمدًا,نصوص ركيكة وسرد بسيط,ما كملتها للآن فما وصلت لقمة نشوة التأثر بالقصة المتأمل منها.
واحدة من أكثر الافكار الفريدة الي تمتلك بوتنشل عظيم لتكون شيء "اسطوري".
 
بادئ الموضوع #15
ناصر لعبة البوينت & كليك اللي ذكرتها كيف؟
أنت بس خلص To the Moon وبعدين نتفاهم :sarcastic:

ماشوف فرق بينه و بين موضوع المراجعات

منت ملزوم بهذاك الموضوع انك تخلص اللعبه قبل لاتتكلم عنها و تكتب انطباعاتك و تقييمك
برضو هنا منت ملزوم تكتب انطباعاتك عن لعبة معينة. فقط نبغى نعرف ايش قاعد تلعب :)

اذا حاب تتكلم عنها يكون سويت خير في اللي ما يعرفونها أو حتى في الناس اللي تبغى تعرف رأيك عنها, بس منتب مجبر مرة ثانية.
 
بادئ الموضوع #16
TO THE MOON: جميلة ومبتكرة -روائيًا- مع جوانب جيمبلاي معدومة ومهمشة عمدًا,نصوص ركيكة وسرد بسيط,ما كملتها للآن فما وصلت لقمة نشوة التأثر بالقصة المتأمل منها.
واحدة من أكثر الافكار الفريدة الي تمتلك بوتنشل عظيم لتكون شيء "اسطوري".


وين وصلت فيها؟ (في سبويلر تاج)
 
#18
انا العب التالي:

1. باتمان آركام سيتي .. خلصت اللعبة على النورمال باقي اللي السايدميشنز.. بخلصها و ببدأها على الهارد ..
2. زيلدا سكايوورد سورد .. في الدنجن الثالث .. سحبتني باتمان منها و بكملها هالويكإند ..
3. فيفا 12 .. اونلاين و وصلت الديفيجن 1 .. ابي افوز باللقب ..
4. جيرز 3 .. اجمع الكولكتبلز هالأيام ..
5. بروفيسور ليتون 2 .. قريب جدا من النهاية ..
6. ديد سبيس 2 .. بالأصح مستأجر عادل يلعبها لي بحكم اني ابي العبها في الظلام و خايف لول
7. ديد آيلاند .. لعبتها كو-اب مع عادل ووقفنا بسبب هجوم الألعاب الكبير و ابي ارجع اكملها ..


وش ودي العب الأيام الجاية؟

1. اساسينز كريد ريفيليشنز .. فان كبير للسلسلة و ابي اعرف وش صار بعد نهاية برذرهود ..
2. سكايرم .. يحتاج أذكر ليش؟
3. تورتش لايت .. محملها من زمان بس ماقد كنت في الموود لها .. إن شاء الله قريب ..
 
#19
mgs collation : العب الجزء الثالث حاليا و ابشري الرابع طبعا واصل فيه منطقه بعيد بس و لد عمي كان له الجهاز ومالحقت اختمها و هو اسوء جزء في ميتيل القير و الاول انتظر نهاية الاختبارات

كنت العب Skyrim بس خرب جهازي *_*:sadwalk:

وزيلدا تولايت برنسس
 

Adjo

محرر الألعاب
#21
The Legend of ZELDA SS
إلى الآن أنا مستمتع باللعبة و أتوقع أني راح أخلصها هذا الأسبوع إن شاء الله.
بالإضافة إلى Mario Kart 7 قبل ما أنام.
 
التعديل الأخير:
#22
سكايرم : لفل 16 و ادمان مب طبيعي ماتخيلتها راح تكون كذا

زيلدا TP : وصلت عند الديث ماونتن .. تركتها بعد مالعبت سكايرم =(

باتمان AA: نفس الكلام ل سكايرم و كان توقعي لها اخيس بكثير لاني متعود الالعاب حق السوبر هيروز او الماخوذه من افلام الخ تكون تجارية لكن فاقت توقعاتي

ريد ستيل 2 : اول لعبة العبها للموشن بلس .. كنت ابغى اجرب الموشن بلس لا اقل ولا اكثر لكن اردت اللعبة اعجبني
 
#24
حاليا مشغول بميتل جير كولكشن ! + لسا الى الان ما انهيت انشارتيد 3 بسبب انشغالي ( عدتها من اول )

العابي القادمة بعد ميتل جير و انشارتيد رح تكون سكايرم واساسنز كريد

على فكرة جربت ديمو To The Moon

والله انها لعبة من جد Heart-catching من جد على بساطتها الا انها ابهرتني بفكرتها وال OST الخرافي ! صراحة اللعبة اثبتت ان عالم العاب الفيديو العاب اصبح ينافس السينما في القصص
 
التعديل الأخير:
#25
حالياً: BF 3 قاعد أطلع الأتشيفمنتس حقت الإضافة + جالس أتعلم عالطيارة + تكسير رؤوس
و Guitar Hero بأغلب أجزاءه + Rock Band 3 ما أبغى مستواي يطيح فألعبها بين كل فترة وفترة<< هذي مشكلة ذا النوع من الألعاب

بعد الإختبارات النهائية: بلعب Skyrim و بخلص كم لعبة عندي
 
#26
  • Skyrim
  • Assassin's Creed: Revelations
  • Metal Gear Solid: Peace Walker
  • Rayman Origins
  • Shadows of the Damned
  • Dark Souls

حاليا موقف لعب بسبب الإختبارات وإذا عندي أوقات فراغ قصيرة العب Uncharted 3 Multiplayer
 
بادئ الموضوع #27
على فكرة جربت ديمو To The Moon

والله انها لعبة من جد Heart-catching من جد على بساطتها الا انها ابهرتني بفكرتها وال OST الخرافي ! صراحة اللعبة اثبتت ان عالم العاب الفيديو العاب اصبح ينافس السينما في القصص
كبير يا صديقي كبير




يبيلك تحصل 5 ساعات من وقتك, بس 5 ساعات وتلعب اللعبة الكاملة. صدقني راح تنظر لباقي القصص في الألعاب نظرة دونية. نفس الكلام بالضبط ينطبق على الساوندتراك, بكل سهولة أفضل ما سمعت في أي لعبة.. هذا وأنا اللي ما اطيق أنغام البيانو!

بدون تكلف. هذي ابسط كلمة ممكن اوصف فيها ساوندتراك To the Moon
 
#30
حاليا العب Half Life 2
هذي ثالث مرة العبها بس وﻻ مرة خلصتها كل مرة يصير شي ما يخليني اكملها >.< حاليا واصل فيها للتشابتر التاسع او العاشر واطالب فالف انها تعلن عن الجزء الثالث باسرع وقت ممكن :mad:
 
الحالة
مغلق و غير مفتوح للمزيد من الردود.