1. إلى جميع الأعضاء: يرجى مراجعة شروط و قوانين المشاركة بالمنتدى المحدثة للتأكد من إتباعها.

الي ناوي يشتري تلفزيون 3D ... ضروري ياخذ فكره من هذا الموضوع !

الموضوع في 'العام' بواسطة Painkiller Q8, بتاريخ ‏29 يوليو 2011.

  1. Painkiller Q8

    Painkiller Q8 True Gamer



    بسم الله الرحمن الرحيم

    قبل كم يوم رجعت من السفر وشريت مجموعه كبيره من الافلام الوثائقيه من BBC او NG او غيرهم ... وبعض الافلام يتوفر فيها 3D ... وكنت بشوف منهم وحاشني احباط ان الافلام فيها خاصيه 3D وانا تلفزيوني مايشغل هذي التقنيه ... المهم لمدة 4 ساعات فريت على معارض الكويت كلها وقريت في الانترنت واتصلت على 2 من الاصدقاء الي عندهم تلفزيون 3D ... وتقدر تقول اني خذيت فكره وافيه وكافيه سواء عن التقنيه او اسعار التلفزيونات.

    وانا من عشاق SAMSUNG وكنت امشي في المعارض وما اشوف غير سامسونج .. يعني ما اضيع وقتي مع الشركات الثانيه.. بس صار Glitch ومريت على قسم ثاني لانه كان مميز في الديكور وقلت ابي اروح اشوف ليش البهرجه في الديكور لهذا القسم !!

    الصدمه

    شفت تلفزيونات LG 3D Cinema الجديده وكان اكتشاف جديد بالنسبه لي .. لان ماكان عندي ادنى فكره عن هذي التقنيه الجديده.

    جربتها في المعرض وانصدمت من الوضوح والراحه النفسيه وال3D بمعنى الكلمه !!!!

    LG توفر تقنيه 3D جديده اسمها 3D Cinema وهي اوضح بأضعاف من التقنيه العاديه الي عند سوني وسامسونج .. والابهر من كل شيء كانت النظاره خفيفه ومجرد نظاره بسيطه لافيها كهرباء او بطاريه او اي شيء .. والي جنني انك تقدر تشوف التلفزيون من اي زايوه تبيها بعكس التلفزيونات ال3D الحاليه !!!!

    شيء صعب الوصف ... يعني اذا قلت الفرق بين الDVD العادي وBlue-Ray اعتقد اني وصلت للي ابي اقوله

    المهم اترككم مع الفيديوهات ...

    [video=youtube;r11eo5fFfiw]http://www.youtube.com/watch?v=r11eo5fFfiw&feature=player_embedded#at=45[/video]

    [video=youtube;YzwWesgryuA]http://www.youtube.com/watch?v=YzwWesgryuA[/video]

    والزبده الي ناوي يشتري تلفزيون 3D
    تأكد انك تاخذ 3D Cinema ... وليس 3D Conventional

    امس اشوف تلفزيون سامسونج الجبار الي لونه ستيل وهو أقوى تلفزيون متوفر في الكويت من سامسونج ... والشيء الي يضحك انه يستخدم 3D Conventioonal ... وهذي الميزه الكل يشتكي منها سواء في الالعاب او الافلام بأنه مايقدر يكمل ساعه بسبب الدوار الي يصيبه .. وهذا غير وقوف النظاره عن العمل بسبب البطاريه .... وماننسى ان كل نظاره لل3D Conv قيمتها 35 دينار فما فوق​

    اليوم رايح اخذ LG LED TV 3D Cinema
    الي عنده خبره .. احب اسمع منه اي معلومه ....
     
  2. awadnin

    awadnin True Gamer

    بالنسبة لي ما أعرف كثير عن تقنية الـ3D طبعاً بأستثناء جهاز 3DS :]

    لكن الي أعرفه أن شركة LG دائماً منتجاتها عالية الجودة وما ينخاف منها :]
     
  3. BlackBird

    BlackBird مشرف القسم العام

    بس يا خالد السعر كم ؟
     
  4. Tiger

    Tiger Hardcore Gamer

    امس شفتها في المول سعر 42 بوصه 4900 درهم.


    [​IMG] *[​IMG]
     
    آخر تعديل: ‏29 يوليو 2011
  5. CyberMaster

    CyberMaster True Gamer

    موب صحيح التقنية الي تستخدمها LG ميزتها ان نظاراتها ارخص والصوره اقل اهتزاز لكن الـ3D الي تقدمه ماهو FULL HD زي التقنية الي تستخدمها كل الشركات الثانيه مثل سوني وسامسونج وباناسونيك لكن نظاراتهم غاليه
    التقنية الي تستخدمها LG تسمى Passive والي تستخدمها باقى الشركات تسمى Active والمقال التالي يشرح الفروق بينها
    http://www.flatpanelshd.com/focus.php?subaction=showfull&id=1299265133
    وموقع flatpanelshd مسوي مراجعه للشاشة هذي ومدحها لكن في النهاية ذكر ان الى يبحث عن افضل تجربه للـ3D مازال افضل من يقدمها هي شاشات البلازما خصوصا اعلا الطرازات من باناسونيك مثل VT30 و GT30
    http://www.flatpanelshd.com/review.php?subaction=showfull&id=1301662476
    لكن اعتقد شاشة LG سنما ممكن تكون افضل خيار اقتصادي للـ3D لأن يفترض ان النظارات حقتها تكون شبه بلاش بس الأهم كم سعر الشاشة عندنا
     
    آخر تعديل: ‏29 يوليو 2011
  6. Painkiller Q8

    Painkiller Q8 True Gamer

    ^
    الفرق مو بس سعر النظاره الرخيص !!!

    الفرق انك تقدر تشوف التلفزيون من أي زاويه حتى لو تكون شبه موازي للحائط الي عليه التلفزيون ... بعكس التلفزيونات الأخرى الي تتطلب منك ان تكون في الوسط قدر الامكان ولا ماراح تستمتع !

    وايضا ان تقدر تميل راسك حتو لو تكون مستلقي على الفراش .. بمعنى ان النظاره تكون بشكل عمودي ماراح يكون فيه فرق والصوره تظل واضحه ... بعكس التلفزيونات الاخرى الي تتطلب ان النظاره تكون افقيه %100 ولا راح يضيع الثري دي

    وايضا سعر النظارات رخيص إلى شبه بلاش ومتوفر في كل مكان وفي امزون 3 نظارات بأقل من 4 دولار .... اما التلفزيونات الاخرى نظاراتهم غاليه جدا جدا الوحده ب35 دينار سعر لعبتين اكس بوكس .. يعني لو بتاخ 4 نظارات وصلت سعر تقدر تسافر فيه لقضاء 3 ايام في دبي :p

    وايضا تقتر تتحكم في مستوى الثري دي مثل ال3DS وتقدر تحول اي شيء 3دي حتى لو كان مسلسل عربي على الستلايت ... التلفزيونات الاخرى تقدر تحول اي شيء 3دي بس مافيه ميزه التحكم في مستوى ال3دي

    وايضا النظاره والنظريه المستخدمه تقدر تخليك تشوف افلام لمده ساعات بدون ما يحوشك صداع او دوخه ... بعكس الباقي ماتقدر تكمل ساعه لان النظاره فيها اشعاعات كهرومغناطيسيه من البلوتوث والبطاريه ومن هذا تسبب صداع ودوخه

    وايضا النظاره مافيها بطاريه او سينك او اي شيء ... بعكس التلفزيونات الباقي , عادي عادي ان ال3دي يقل فجأه وتتريجيا لين يروح كليا وتكتشف ان الشحن خلص وتضطر انك تشحنها وتوقف الفلم او اللعب

    الفروق الي قلتا كلها موجوده في اليوتويب وفيديو لكل منها .. وانا امس واليوم رحت المعرض وجربته اكثر من مره وقارنته مع ال3دي العادي .... فرق السماء عن الارض

    شوف الفيديو والباقي على اليمين !!!
    [video=youtube;ibXBPr3VueU]http://www.youtube.com/watch?v=ibXBPr3VueU&feature=related[/video]
     
  7. S n A k e

    S n A k e Hardcore Gamer

    اهم شي نوعية الاضائه الخلفيه تكون محترمه والالوان مثل شركة سوني تستخدم تقنية انتلجنت داينامك edg LED الفئات العليا اما السامسونج انا غاسل يدي منه لأنه باللون الاسود زفت لأبعد درجة لأنه في مشكله تدرج باللون الاسود وفيه مشكلة الاضائه الخلفيه رايحه فيييييها اللي مشكلة الغيوم ... وال3 دي عادي واقل من عادي سواء موديل 2010 ولا 2011
    انصح بالسوني HX 2011 اللي يقدر عليه سعره حول 10 الاف ال46 بوصه والNX2011 جيد جدا وسعره 6800 ريال بالبحرين اما عندنا الاسعار اغلى من كذاا بكثير ممكن رمضان تختلف الاسعار ...
     
    آخر تعديل: ‏29 يوليو 2011
  8. CyberMaster

    CyberMaster True Gamer

    Painkiller Q8
    لول للأسف اغلب الكلام الي انت كاتبه موب صحيح ومصدر معلوماتك هي دعايات LG الى مليانه مغالطات ومبالغات والكل يضحك عليها ويعتبرونه من اكبر الحملات المضلله في المنتديات الأجنبيه المختصه في هالأمور
    ومن الي يقولك لازم تجلس في الوسط ! جالسين نتكلم عن الشاشات الي بدون نظارات حنا ولا ايش ! وموب كل النظارت تتطلب انك تكون جالس بزاويه مستقيمه فيه عندك باناسونك تقدر تشوف وانت منسدح ! اما "ميزة التحكم في الثري دي" على قولتك تراها مجرد سوفتوير وموجود في عدد من الشاشات لكن مايتكلمون عنها لأنها شي ماستحق الذكر وتلقاه في الخيارات بالصدفه بس الي جي من جد حملتها ذي مليانه مبالغات بشكل استهبالي الظاهر هذا التقنية هي املهم الوحيد في المنافسه بسوق التلفزيونات
    للأسف ماعندي وقت اشرح وادخل بالتفاصيل لكن كل الي اقدر اقولك انك ماخذ معلومات كثير غلط من دعايات LG المبالغ فيها
    انصحك تاخذ فكرة افضل من ناس مختصيم ومحايدين وعليك بالمنتديين التاليين
    http://www.avsforum.com/avs-vb/
    http://www.avforums.com/forums/index.php
    وترا اربع ساعات ماتكفى انك تاخذ فكرة شاملة ووافيه عن الموضوع لأنه اكبر من مما تتصور ويعتبر علم بحر
    وعلى فكرة ترا تقنية Passive الي تستخدمها الي جي بالشاشه هذي قديمه وموجودة من زمان واغلب الشركات فضلت عليها تقنية الـActive للأسباب المذكورة في المقال السابق الي اتوقع انك ماقريته
    سلام
     
    آخر تعديل: ‏29 يوليو 2011
  9. CyberMaster

    CyberMaster True Gamer

    على فكرة هذا مراجعات موقع CNET لبعض شاشات Passive و الـActive

    الـActive
    سامسونج بلازما الطراز الثامن - التقيم العام 9 - تقيم الأداء 9 - وهي افضل شاشة لهذا العام حسب CNET
    Samsung PN59D8000
    http://reviews.cnet.com/flat-panel-tvs/samsung-pn59d8000/4505-6482_7-34468622.html

    بلازما Panasonic VT30 - التقيم العام 8.7 - تقيم الأداء 9 - وهي ثاني افضل شاشة لهذا العام حسب CNET
    http://reviews.cnet.com/flat-panel-tvs/panasonic-tc-p55vt30/4505-6482_7-34468892.html

    الي سي دي Sony Bravia HX929 - التقيم العام 8.3 - تقيم الأداء 8 - وهي ثالث افضل شاشة لهذا العام حسب CNET
    http://reviews.cnet.com/flat-panel-tvs/sony-bravia-xbr-55hx929/4505-6482_7-34468616.html

    نجي للـPassive

    شاشة LCD LG 3D Cinema الطراز الأمريكي التقيم العام 7.6 - تقيم الأداء 7 - وهي تاسع افضل شاشة لهذا العام حسب CNET
    http://reviews.cnet.com/flat-panel-tvs/lg-infinia-47lw5600/4505-6482_7-34468431.html

    Toshiba 47TL515 التقيم العام 6.9 - تقيم الأداء 6 - وهي ازبل شاشة لهذا العام حسب CNET أمزح :laugh::
    http://reviews.cnet.com/flat-panel-tvs/toshiba-47tl515/4505-6482_7-34504807.html

    وش نلاحظ من خلال ذلك ؟ ليش محد معبر هالتقنية الا كم شركة من الي في الغالب محد درا عن شاشاتهم ! من اكثر مصداقية اعلانات LG ولا CNET ؟
    اسئلة اترك جوابها للي مهتم
    وعلى فكرة ترا انا موب قصدي اني اذم هالتقنية وهالنوع من الشاشات بالعكس انا اشوفها خيار جيد جداً من ناحية اقتصادية خصوصا للي يحتاج عدد كبير من النظارات , لكن تقولي انها مثل الفرق بين الـDVD والـBlu-ray معليش فيه شاشات تمسح فيها البلاط وتقدم جودة صورة 3D افضل منها بمراحل بشهادة اغلب المختصين.

    سلام
     
    آخر تعديل: ‏29 يوليو 2011
  10. Painkiller Q8

    Painkiller Q8 True Gamer

    ^

    صدقني اليوم دخلت اكبر معارض الكويت ... عذبت الموظفين شغلت فلم البومات .. ليجند اوف قاردين مادري شنو اسمه ... وقارنا بين ال جي سمارت تي في 47 .. وسامسونج الجديد بالثريدي المعتاد حجم 50

    بكل بساطه فرق فرق كبيييير والتفوق بمراحل لل إل جي .... الي يبي يستوعب ... الال جي كأنك داخل سينما IMAX .. والسامسونج كأنك داخل سينما 3D عادي !

    انا الكلام الي كتبته هو واقع .. مو دعايه .. انا شفت بعيوني @___@ ... وانا من اكبر Freaks سامسونج وكل سنتين اخذ احدث تلفزيون لهم .. بس جاء الوقت للتغير !

    من بكره باخذه .. احس راح يطردوني .. وربي رحت 3 مرات واحس الموضف يقول هذا يستهبل وماراح يشتري .. لول :laugh::
     
  11. BlackBird

    BlackBird مشرف القسم العام

    شوف يا خالد الي عينك ترتاح له خذه وخلاص ما يهمك التقييم انت شفت بعينك واقتنعت اتوكل على الله

    وألف مبروك لك مقدماً
     
  12. Emirates

    Emirates True Gamer

    خالد انا انبهرت ايضا من الباسيف في البداية وواحد من الربع اشتراهااا

    عندي ال جي انفينيا القديم اكتيف شاتر .. اتصدق طريقة اخراجه ال 3 دي افضل ويلاحظ

    ما ادري كلا التقنيتين تظهر ال 3 دي لكن الاكتيف اوضح وان كان اغمق بقليل خصوصا يبان في 3 دي بلوري
     
  13. Cizer Shnider

    Cizer Shnider True Gamer

    خالد ماتستعجل يعني مافي شئ حيضيع عليك بكره لو ماشريته
    اصبر واقرا الفرق بين الاكتيف والباسيف علشان ماتندم بعدين
     
  14. Painkiller Q8

    Painkiller Q8 True Gamer

    ^
    ياجماعه . انا قريت الكثير والكثير ... الكلام الي في الانترنت شيء .. والي شفته بعيوني (@_@) شيء ثاني !!
    انا واحد احب اتسدح امام التلفزيون واحيانا اغير الوضعيه من يمين ويسار وانزل من على الكرسي..الخ الثريدي العادي مايسمح لي بهذا الشيء .. لازم اكون في الوسط ومستوى افقي للشاشه :/
    وLG LED البرايتنس فيه عالي وماهو مظلم .. والابعاد اوضح في ال3دي وتوصل قريب عليك مثل الIMAX ...
    انا مستعجل عليه .. لان عندي Capten America واللعبه 3دي وشريت افلام كثيره 3دي .. وحاليا قاعد احمل 77 قيقا كلكشن افلام 3دي . يعني الحماس واصل مليون >.<
    والنظارات يابلاش في امزون

    يعني حتى لو كان تقنيه الاكتيف اوضح مع اني اشك في صحه هذا الكلام . حتى لو كان اوضح انا جدا ارتحت على الوضوع والمزايا الكثيره الي تسحق تقنيه الآكتيف :)

    على العموم انا بكون تجربه ال 3D Cinema في TG واكتب انطباعي التفصيلي للشباب الي ناوين على تلفزيون 3دي في المستقبل !
     
  15. Snake-87

    Snake-87 Electrony Editor

  16. Yu Suzuki

    Yu Suzuki True Gamer

    بموضوع ذي علاقة كنت ابغى أسأل سؤال يخص ال3D كونها تجربه لم اخوضها حتى الان حتى مع ال3DS!!
    أيش الوضع للاشخاص اللي يلبسوا نظارات طبية؟؟ ألبس نظارة فوق نظارة؟!
     
  17. Vorg Zangief

    Vorg Zangief True Gamer

    ^
    البس عدسان :> نظارة فوق نظارة ما يمشي بتاتاً
     
  18. Yu Suzuki

    Yu Suzuki True Gamer

    ^^
    كيف ما يمشي تقصد؟ كشكل عام ولا كمضمون
     
  19. Hironobu Sakaguchi

    Hironobu Sakaguchi True Gamer

    ^^
    النظارتين بتخبط ببعض -_-
     
  20. zizo0o

    zizo0o Hardcore Gamer

    مدري عن أيش في الثري دي بس أعتقد أنها مدة وتنزل شاشات ثري دي بدون نظارات (والله أعلم) ...

    وأساس أنا ما أٌقتنعت أني ألبس نظارة في وسط البيت عشان أتفرج على التلفزيون ,,, الأتش دي كفاية لحد الأن الى أن أرى أدء أفضل وسعر أرخص << ركزو على أرخص:tongue: >> للثري دي ...
     
  21. Yu Suzuki

    Yu Suzuki True Gamer

    حسستني اني قاعد فوق حصان .... اجل تخبط ببعض :laugh::

    هو عموما الشكل حيكون مضحك anyway .... لكن انا ابغى أسأل اذا كان بنفع اصلا انك تشاهد وانت لابس النظارتين وتحصل على شعور ال3D ولا حيخرب عليك التجربة
     
  22. Wild Fox

    Wild Fox True Gamer

    اتكلم عن فيلم 3D في سينما و كنت لابس نظاراتي .. كرهت حياتي
     
  23. SCREAMING_RAGE

    SCREAMING_RAGE رئيس فريق TG كرة أوروبية

    اعتقد نظارات الـ IMAX الكبيره كانت مريحه اكثر من نظارات ال3D العاديه و الصغيره جداً.

    بالنسبة لي, ما افكر كلياً في شراء شاشة 3D هذه السنة, التقنيه قريب نازله الاسواق و ما زالت غير مضمونه كأتقان و دعم,,,,,,,,,,, أفكر اني اشتريها في منتصف السنة القادمه.
     
    آخر تعديل: ‏30 يوليو 2011
  24. zlatanovic

    zlatanovic True Gamer

    انا البس نظارهـ و :
    ١- في السينما ما اواجه اي مشاكل لأن محيط نظارة الـ3D اكبر بكثير من محيط نظري .
    ٢- عندي تلفزيون 3D , وما اعاني من اي مشكلة بخصوص المشاهدة والمناظر. المشكلة فقط في التعب لأن النظارات اصغر من نظارات السينما وتسبب [ قروشه ] .
    ٣- 3DS .. ولا اي افرق . بنظارهـ بدون هو نفسه .
     
  25. Kaizoku

    Kaizoku Time Mod مشرف عام

    أنا أقول اللي ناوي يشتري تلفزيون 3D لا يشتري تلفزيون 3D
    تقنية غبية و عديمة الفائدة، كل تطبيقاتها كانت سيئة... هذا غير إنها أصلاً ما تضيف شي حقيقي، خصوصاً للأفلام

    و منهو ذا الغبي اللي حس إن اوكي ينزلوا تلفزيونات لاستخدام منزلي و تتطلب نظارات؟ :laugh::
     
  26. Saadawii

    Saadawii True Gamer

    بيني وبينك، أعتقد ان هذي الشاشة بالنسبة لي خيار وافي جداً بالغرض لو فكرت أشتري (والحقيقة ان الفكرة صارت معقولة نوعاً ما، خصوصاً مع رخص السعر ورخص النظارات). ولو كنت راح أختار، راح اختار هذي الشاشة.
     
  27. i7asan

    i7asan True Gamer

    +1
    تقنية الثري دي بعد ما جربتها في الافلام والعاب 3DS احس ان فيها شي غلط وناقص، ومتعبة للنظر احياناً
     
  28. Unknown

    Unknown True Gamer

    الي يسأل عن نظاره فوق نظاره .. انا البسها
    ماحسستني بمشكله ابد .. النظاره الي تجي
    مع سامسونج كبيره وتكفي لنظارتين فوق بعض

    طلبنا نظارات ماركه غير ونفس الشي ماعانيت
    لا من ضيق او صداع او غيره .. الامور تمام الحمدالله
     
  29. Snake-87

    Snake-87 Electrony Editor

    نظارات فوق نظارات مافيها مشكلة عادي .. بالنسبة للتلفزيونات من غير نظّارات راح يتطلب منك تجلس بزاوية معينة وبمنتصف التلفزيون وكل ما تبعد يمين أو يسار تتغير الصورة .
    جربت بلوري على الباناسونك وLG وكانت التجربة روعة ، الثريدي يكون أحلى بالأنيميشن من الأفلام .
     
  30. Unknown

    Unknown True Gamer

    صحيح الثريدي حلاته بالانميشن .. الافلام احسهم مثل الاوراق المقصقصه :laugh::
     

مشاركة هذه الصفحة