الهارد بالسوني ضرب !!

[Eario]

السلام عليكم.

شلونكم شباب ؟

اوكي اليوم وانا اخزن بالمانجر مود ب فيفا علق علي الجهاز, اضطريت اعيده و حصلت رساله تقول

the hard disk file system is corrupted and will be restored

المهم بحثت بالنت و طلعت المشكله بالهارد دسك وانها جات بسبب اغلاق الجهاز واهو يخزن.

السؤال الحين شنو الحل هل في حل بيتوتي (يعني اسويها بنفسي بالبيت) ؟ ولا تبديل الهارد ولا الورشه ؟

كفالتي منتهيه.

 

[The Doctor]

تقدر تشتري هاردسك لابتوب (2.5 انتش) و تركبه... طريقة التركيب موجودة في كتيب الاستخدام، و تقدر تحصلها في النت

لما تشتري هاردسك فخد واحد سرعته 5400 و لا تاخد واحد سرعته 7200... ال7200 بيطلع حرارة أعلى و ما في فرق كبير في الاداء

 

[Eario]

اعرف اركبه مو مشكله، لكن السستم هل راح يركب على طول بالهارد ولا بعد تركيب الهارد اسوي سستم رستور ولا شنو موضوع السستم بعد الهارد الجديد.

و هل انت مجرب تبديل الهارد ؟

 

[G7Ga7]

وش سالفة خرابات البي اس 3 من تالي؟ الواحد قام يخاف . المشكلة حقي امريكي, يعني لو خرب الله يعين.

 

[Aoks]

^^^

عادي , حتى لو انك ماخذ اوروبي , كان قرب يخلص ضمانه​

 

[Burdegation]

هالرساله تطلعلك اذا شغلت اللعبه او شغلت الجهاز نفسه ؟
يعني الالعاب الثانيه مافيها شي ؟ اذا الالعاب الثانيه تشتغل عادل و كل شي عادي فالمشكله من تخزينة اللعبه بس

اعرف اركبه مو مشكله، لكن السستم هل راح يركب على طول بالهارد ولا بعد تركيب الهارد اسوي سستم رستور ولا شنو موضوع السستم بعد الهارد الجديد.

تركيب الهاردسك مافي اسهل منه ...بس يبيلك هاردسك لاب توب 5400 rpm ساتا مثل ماقال كايزوكو و هاردسك خارجي(السيستم ماله fat32 لكي الجهاز يتعرف عليه) على شان اتسويله باك اب لملفاتك اللي مخزنها على الجهاز

هذا فيديو يشرحلك شلون اتغير الهاردسك

[youtube]NNSytaL9hnI[/youtube]

 

[Strife]

^^^

عادي , حتى لو انك ماخذ اوروبي , كان قرب يخلص ضمانه​

سوني بدلت جهازي ال60 جيجا الاوروبي بجهاز يشغل العاب البلاي2 مجانا حتى بعد انتهاء الضمان.. يمكن عندهم استثناء اذا العدسة اختربت او يمكن يعرفون اني فان مطيع وحبوا يكافئوني.

 

[Eario]

هالرساله تطلعلك اذا شغلت اللعبه او شغلت الجهاز نفسه ؟

لمن اشغل الجهاز على طول تطلع ما آقدر ادش على المنيو، يعني الملفات كلها راحت عليَ.

 

[DR3]

اعرف اركبه مو مشكله، لكن السستم هل راح يركب على طول بالهارد ولا بعد تركيب الهارد اسوي سستم رستور ولا شنو موضوع السستم بعد الهارد الجديد.

و هل انت مجرب تبديل الهارد ؟

صارت معاي مره ...و غيرت الهارد و كل شي رجع تمام
كل اللي عليك تسويه انك تركب الهارد و تشغل الجهاز
و بيقلك انه الهارد محتاج فورمات قله اوك
و راح ياخذ منك ثواني و يشتغل الجهاز زي الجديد

 

[Burdegation]

قريت بالنت عن المشكله و اللي حلوها شالوا الهاردسك و حطوه على جهاز ps3 ثاني و طلب منهم الجهاز ان يفرمت الهاردسك بعدين ردوه على جهازهم و طلب منهم ان يتفرمت الهاردسك و بعدها اشتغل عادي

بس كل المعلومات انمسحت

طريقه ثانيه (بس يبيلها واحد يعرف بالكمبيوتر صح) انك اتحط الهاردسك بالاب توب و اتفرمته بعدها اترجعه للجهاز و يطلب منك انك اتفرمته بعدها يشتغل عادي

مادري اذا كان في طريقه انك اتسوي باك اب للهاردسك من الاب توب بس اذا كان فيه فلا ضير من التجربه مادام السالفه خاربه خاربه

 

[Eario]

كل اللي عليك تسويه انك تركب الهارد و تشغل الجهاز
و بيقلك انه الهارد محتاج فورمات قله اوك

هذا الهارد الجديد صح ؟

لانه الهارد الحالي يقولي سو فورمات و بعد الفورمات تطلعلي الرساله مره ثانيه.

 

[DR3]

ايوه هذا كان جديد لانو القديم خرب :crying:

 

[Eario]

لونلي، قريت هذا بالنت لكن ماعندي بلي ستيشن ثانيه للاسف. و مستحيل اجازف و ابطل اللابتوب

ع العموم منتظر بعد ردود تاكد اني فقط بحاجه لهارد جديد وانه العمليه مجرد اركبه و راح يشتغل، بالنسبه للملفات بالطقاق اهم شي البلايستيشن يرجع لي.

مشكور :fd3:

 

[Burdegation]

عيل احسن شي تشتريلك هاردسك بو 500جيجا و ترتاح من مساحة التخزين الصغيره مره وحده

 

[Eario]

شكرا ً شباب، شريت هارد جديد و انحلت المشكله