الموضوع الرسمي للانتقالات الصيفيه 11/12

[Fairzilla]

^

يا حظكم فيه والله ..

 

[SCREAMING_RAGE]

رسمياً :كيني دجليش اصبح اليوم المدير الفني لنادي ليفربول, لمدة 3 سنوات .

 

[hussien-11]

شي بديهي

حسب الصحافة أقرب حارس لمانشستر يونايتد حاليا هو دي جيا الإسباني

بصراحة ؟ أنا أشوفه أصغر من انه يحرس مرمى نادي بحجم اليونايتد ، قليل الخبرة جدا
ما عندي شك انه يصير حارس كبير مستقبلا ، لكنه محتاج للوقت و محتاج يلعب أكثر

لكن شكله مانشستر بيخطط لحارس يظل أعوام و سنوات طويلة في الفريق ، مثل ما سوى البايرن مع نوير

 

[Mr.Stars]

طقم الانتر الموسم القادم ..

رهيييييييب الاحتياطي على شنايدر :spy:


بس ماادري هل الخبر مكانه هني و لا انا غلطان

 

[F.JUBRAN]

طقم الحارس سيء جدا , الطقم الاحتياطي رهيب

 

[hussien-11]

بيترسين هداف الدرجة الثانية في ألمانيا رح ينتقل للبايرن ، و على القائمة أيضا بواتنج الألماني مدافع مانشستر سيتي ، و فيدال لاعب وسط ليفركوزن

و توماس كرافت حارس البايرن الموسم الماضي إلى هيرتا برلين نادي العاصمة هو و أوتيل ( الحمد لله تخلصنا من 2 من علل الفريق )

طبعا الحركة بدأت تنشط في ألمانيا كون البطولة أقصر من غيرها ، مع وجود 18 فريق فقط و ليس 20 ، و هي بذلك تنتهي مبكرا ، الأسبوع هذا الجولة الأخيرة

في الأسابيع القادمة 100% بيبدأ النشاط ببقية الدوريات

أتوقع حركة نشيطة هذا الموسم

من يوفنتوس و تشلسي و البايرن و الريال و مانشستر سيتي و الميلان و الإنتر بدرجة أكبر من البقية

 

[hussien-11]

ياااه الأخبار في إيطالية قوية

بيرلو يبدو في الطريق للانضمام إلى اليوفنتوس

و الميلان قد يضم هامسيك أو باستوري

O__o

 

[SCREAMING_RAGE]

بيرلو يبدو في الطريق للانضمام إلى اليوفنتوس

اليوفي كان يبغى الليفر يقلل سعر اكويلاني الى 12 مليون ............ ومع اننا اشتريناه من روما بـ 23 مليون باوند !!!
طبعاً الليفر يبدوا انه رفض تقليل السعر, و لكن مدة التفاوض لسه ما انتهت (( اللي المفروض تنتهي مع نهاية الشهر الحالي )), وعلشان كذا, اليوفي شكله بياخذ بيرلو بدلاً منه.

 

[hussien-11]

لوول غباء ! انا فكرت بدهم الاثنين ، واحد منهم فقط ما بيقدر ينتشل وسط اليوفي لوحده ، الاثنين و يلا يلا

[video=youtube;kqPkmGa3BRM]http://www.youtube.com/watch?v=kqPkmGa3BRM&feature=fvst[/video]

فيديو رهييييييييب لنوري شاهين

يا حظ الريال فيه و الله ، فعلا فعلا أخذوه برخص التراب بالنسبة لمستواه كواحد من أفضل المواهب في مركز خط الوسط في العالم ، أنا أشوفه أفضل من هامسيك و غير هامسيك ، عنده نظرة ثاقبة و سرعة بديهة رهيبة كلاعب محور

شاهين و ألونسو و أوزيل في فريق واحد .. مدريد قاعد يجمع كل صانعي اللعب في العالم ، و بديل تشافي ألونسو المستقبلي خلاص موجود .

 

[Uzumaki Naruto]

طقم الانتر أواي حلو ومره يشبه الأواي حق مان سيتي.
الأساسي ما أدري مو مبين تحس والحارس أهبل شوي. وناوي أشتري الاثنين.

تمام انو كيني أخيراً صار المدرب, محد كان يتوقع غيره يستمر معهم ولأسباب واضحه, الموسم الجاي بيكون نار بالبريمير ليج.

 

[mohamed]

لوول غباء ! انا فكرت بدهم الاثنين ، واحد منهم فقط ما بيقدر ينتشل وسط اليوفي لوحده ، الاثنين و يلا يلا

اليوفي ما عنده مشكلة في منطقة المحور , المشكلة بالأظهرة وخط الهجوم ( لو يشترون ماتري وكوايلاريلا انحلت المشكلة ) .

 

[Fairzilla]

موقع Laroma24 يفجرها ويعلن انه باستوري رومانيستا الموسم المقبل =(

الفضل في هالشي يعود الى اقناع اخو بورديسو له ، يلعن ابو الحالة بس =( تمنيته للبرشا او الميلان ..

بس باستوري ماله حل صراحة ، مرة يبي برشلونة ، مرة يبي مدريد ومرة يبي اليوفي والحين حول على روما ، الله يعين بس .

 

[Sir Guts]

^^

انت كل الاعبين تبيهم في برشلونة او ميلان؟ ياخي خل الاعبين يتوزعون عشان كرة القدم تصير حلوة بدل احسن الاعبين كلهم يتجمعون في فريق واحد

 

[Fairzilla]

^^

انت كل الاعبين تبيهم في برشلونة او ميلان؟ ياخي خل الاعبين يتوزعون عشان كرة القدم تصير حلوة بدل احسن الاعبين كلهم يتجمعون في فريق واحد

يااخي شسوي احب هالفريقين P= .. بعدين هذا ابو البساتير الكل يتمنى يشوفه يلعب لاحد فرقه المفضلة لول ..

 

[Unknown]

بيريز شغال على صفقة مع اليوفي
كيليني = بن زيما + لاسانا ديارا

اقرع ميلان .. يرحب بعودة كاكا

البرشا يفاوض فنربخشا على المدافع اندريه سانتوس

 

[Fire Blast]

نوري شاهين اتوقع بيكون من أفضل صفقات الريال لهذا الصيف ووسط الريال بيكون اقوى و اقوى

بس اتمنى بقاء كاكا في الريال لأنه بصراحه لحد الحين ماطلع اللي عنده .. الاصابات حرمته من فعل شي يذكر في الريال ..

 

[emperor-UAE]

روما اتوقع راح يكون له نصيب الأسد من الصفقات فى إيطاليا(بعد شراء النادي من المليونير الأمريكي)
باستوري راح يكون إضافه رهيبه للفريق
و سمعت إشاعات عن رغبتهم لضم بوفون او أميليا
و أيضا بيرلو
أتمنى الفريق يرجع بقوة و يعود لحصد البطولات
أتوقع الدوري الإيطالي راح ينتعش و يرجع لسابق عهده(بعد السنين العجاف من بعد الكالتشيوبولي)
الميلان و الأنتر جاهزين + روما ومالك جديد + اليوفي إلي وده يرجع لمكانته + فرق الوسط = العوده لإثارة السيريا أي

 

[T i d u s]

بس اتمنى بقاء كاكا في الريال لأنه بصراحه لحد الحين ماطلع اللي عنده

ولا راح يطلع إلي عنده لأنه ببساطة .. إنتهى

 

[Leon]

رسمياً :كيني دجليش اصبح اليوم المدير الفني لنادي ليفربول, لمدة 3 سنوات .

أول خطوة في المسار الصحيح أكيد، في رأيي لازم نجيب محور إرتكاز أساسي يُعتمَد عليه لأن الإكتفاء بـ"لوكاس" و "سبيرنج" بالخطة الجديدة أو حتى "جيرارد" مو كافي أبد ، "بولسن" لاعب متذبذب و ينخاف منه على المدى الطويل ، لاعب من طينة مايكل إسيان راح يكون إضافة قوية للوسط . "حلم"

 

[DamagerX]

الليفر يحتاج ظهير يسار مثل ليتون بينز مع انه مستحيل يجي ليفربول وجناح مثل اشلي يونج ومهاجم بديل لكارول وسواريز مثل نيجريدو ومحور محترم مع سبيرنج وراح يسوي بلاوي مع داجليش

 

[hussien-11]

ليش مستحيل ليتون باينز يروح ليفربول ؟

 

[Sir Guts]

الريال يعطي الضوء الأخضر للوحش كريم بنزيمة للإنتقال الى آرسنال بـ25 مليون باوند:rockon::rockon:

http://www.metro.co.uk/sport/863280-karim-benzema-given-green-light-for-25m-arsenal-transfer?

ياااااااااااااااااااااااااااااااااااااااااااااارب

 

[Fairzilla]

انا عمري ما شفت ولا راح اشوف تعاقدات وخيارات فاشلة مثل اللي يختارها جوارديولا ، اغلب تعاقداته فاشلة بأستثناء ماسكيرانو و ابراهيموفتش اللي نهاه وماعرف يتعامل معاه ، افيلاي المتواضع - ادريانو اللي حده اشبيلية ..

وللحين مدربنا شكله ما اتعظ من هالموسم والاصابات والنقص في اللاعبين اللي نعاني منه بما فيهم المهاجم فيا اللي صعب تعتمد عليه في الهجوم وبسببه صار الفريق يلعب وكأنه بعشرة لاعبين لانه وجوده صاير مثل عدمه .. للحين جوارديولا شكله ما استوعب انه هالموسم طلعنا منه بمعجزة ..

آخرتها يبي يجيب لنا مهاجم مثل ( فورلان ) المنتهي ، ولا يبي يجيب لنا مهاجم مثل ( روسي ) حق فياريال لول ؟ يعني خلصوا المهاجمين في العالم ؟ روسي على شنو حد يفهمني ؟ مهاجم حق فياريال مع احترامي مو حق برشلونة .. قهر فريق مثل برشلونة مافيه غير بس شبه المهاجم ( فيا ) والدلوعة ( بويان ) ، برشلونة يبي له مهاجم كلاسيكي مقاتل قدام المرمى مثل تشيشاريتو ،روني ، باتو ، بن زيما ، لافيتزي .. مو روسي والمنتهي فورلان ..

اذا فعلا راح يجيبون روسي ، ونعتمد عليه هو وفيا فقط الموسم المقبل ، فعلى الفريق السلام وما اظن راح نشم ريحة بطولة الموسم الجاي .. آآخ يا ايتو وينك بس =(

 

[squall leonhart]

انا عمري ما شفت ولا راح اشوف تعاقدات وخيارات فاشلة مثل اللي يختارها جوارديولا ، اغلب تعاقداته فاشلة بأستثناء ماسكيرانو و ابراهيموفتش اللي نهاه وماعرف يتعامل معاه ، افيلاي المتواضع - ادريانو اللي حده اشبيلية ..

وللحين مدربنا شكله ما اتعظ من هالموسم والاصابات والنقص في اللاعبين اللي نعاني منه بما فيهم المهاجم فيا اللي صعب تعتمد عليه في الهجوم وبسببه صار الفريق يلعب وكأنه بعشرة لاعبين لانه وجوده صاير مثل عدمه .. للحين جوارديولا شكله ما استوعب انه هالموسم طلعنا منه بمعجزة ..

آخرتها يبي يجيب لنا مهاجم مثل ( فورلان ) المنتهي ، ولا يبي يجيب لنا مهاجم مثل ( روسي ) حق فياريال لول ؟ يعني خلصوا المهاجمين في العالم ؟ روسي على شنو حد يفهمني ؟ مهاجم حق فياريال مع احترامي مو حق برشلونة .. قهر فريق مثل برشلونة مافيه غير بس شبه المهاجم ( فيا ) والدلوعة ( بويان ) ، برشلونة يبي له مهاجم كلاسيكي مقاتل قدام المرمى مثل تشيشاريتو ،روني ، باتو ، بن زيما ، لافيتزي .. مو روسي والمنتهي فورلان ..

اذا فعلا راح يجيبون روسي ، ونعتمد عليه هو وفيا فقط الموسم المقبل ، فعلى الفريق السلام وما اظن راح نشم ريحة بطولة الموسم الجاي .. آآخ يا ايتو وينك بس =(

صادق البرشا يحتاج مهاجم كلاسيكي قناص من نوعية ترزيقول و الرود نسترلوي في عز مستواهم .. في هولك مهاجم بورتو احسه مناسب و حيعطي الفريق القوة البدنية الي ناقصه الفريق .. كافاني كمان مناسب جدا .. و لاولا عمره الكبير كان قلت دي نتالي .. بس عموما تحس المهاجمين الكلاسكين انقرضروا لصالح المهاجم المهاري الي يلعب خارج المنطقة و مو زي قبل كم سنة لما في دروجبا و ترزيقول و الرود و كرسبو و انزاقي

 

[DamagerX]

ليش مستحيل ليتون باينز يروح ليفربول ؟

لانه يلعب مع ايفرتون وايفرتون نادي في ليفربول وبينهم عداوه وديربي كبير وقوي

 

[mohamed]

انا عمري ما شفت ولا راح اشوف تعاقدات وخيارات فاشلة مثل اللي يختارها جوارديولا ، اغلب تعاقداته فاشلة بأستثناء ماسكيرانو و ابراهيموفتش اللي نهاه وماعرف يتعامل معاه ، افيلاي المتواضع - ادريانو اللي حده اشبيلية ..

وللحين مدربنا شكله ما اتعظ من هالموسم والاصابات والنقص في اللاعبين اللي نعاني منه بما فيهم المهاجم فيا اللي صعب تعتمد عليه في الهجوم وبسببه صار الفريق يلعب وكأنه بعشرة لاعبين لانه وجوده صاير مثل عدمه .. للحين جوارديولا شكله ما استوعب انه هالموسم طلعنا منه بمعجزة ..

آخرتها يبي يجيب لنا مهاجم مثل ( فورلان ) المنتهي ، ولا يبي يجيب لنا مهاجم مثل ( روسي ) حق فياريال لول ؟ يعني خلصوا المهاجمين في العالم ؟ روسي على شنو حد يفهمني ؟ مهاجم حق فياريال مع احترامي مو حق برشلونة .. قهر فريق مثل برشلونة مافيه غير بس شبه المهاجم ( فيا ) والدلوعة ( بويان ) ، برشلونة يبي له مهاجم كلاسيكي مقاتل قدام المرمى مثل تشيشاريتو ،روني ، باتو ، بن زيما ، لافيتزي .. مو روسي والمنتهي فورلان ..

اذا فعلا راح يجيبون روسي ، ونعتمد عليه هو وفيا فقط الموسم المقبل ، فعلى الفريق السلام وما اظن راح نشم ريحة بطولة الموسم الجاي .. آآخ يا ايتو وينك بس =(

لولا الله ثم ميسي في الهجوم هالموسم كان البارشا ما معه ولا بطولة , فريق كامل متكامل باستثناء خط الهجوم اللي ما فيه غير ميسي وبيدرو .
بيع ايتو = أكبر خطأ ارتكبه أي نادي في السنوات العشر الأخيرة ( بعد بيع ابرا للانتر ) .

 

[Uzumaki Naruto]

^

لول بيع ابرا لبارشا بسعر عالي ومع (أهم نقطه) ايتو أكبر غلطه؟ يا رجل ماهي غلطه أصلاً الا على قولتهم بيزنز تمام.

أوه ولا شكلك تقصد يوم اليوفي باعه للانتر؟ أوبس.

بالنسبه لهجوم البارشا, مشكله البارشا مو أي مهاجم يقدر ينسجم معهم, ما أتخيل لاعبين من طقة تريزجيه ونيستروي يتأقلمون, أهداف حيسجلون بس ما راح يكون فيه الانسجام الي التيكي تيكا حقتهم تبغى.
هممم روسي ولله ممكن يكون خيار حلو, يعجبني لعبه بفياريال و(ممكن) يكون مناسب للبارشا. كافاني على انه يختلف شوي بس تحس انه يقدر يعدل طريقة لعبه ويضبط معهم.

 

[Fairzilla]

قسم بالله محد شالنا هالموسم غير المستوى الاعجازي اللي قدمه ميسي ، ولا بالهجوم اغسل يدك من الفريق مع وجود فيا ..

سانشيز سعره 30 مليون ومو عاجبهم برشلونة ، اجل روسي حق فياريال يا برشلونة عاجبكم 35 مليون ؟ اتمنى من كل قلبي يا لافيتزي /اليكسس سانشيز/نيمار واحد منهم ياريت يجيبوه لنا ، لاعبين مقاتلين قدام المرمى يتعبون اكبر دفاع بالعالم ، خصوصا لافيتزي هالمهاجم ابداااااع يا ناس يشهد ربي ، نفس اجويرو بس مقاتل اكثر منه .. طبعا ما يهون اجويرو بعد .. الله يرحم ايام المايجر ريكارد ، كان يعرف شلون يجيب لنا لعيبه فيهم الخير والبركة ..

انا اللي يقهرني انه الريال ما يبي بن زيما ، واحتمال كبير يطلع الموسم الجاي لان واضح انه مورينهو ما يبيه ، انا ابي اعرف شغلة وحدة: حد عنده بن زيما ويفرط فيه ؟ آآه بس لو يجي البرشا ويدق عليه جوارديولا اساسي لا يصير افضل مهاجم بالعالم ...

 

[BlackBird]

الريال يعطي الضوء الأخضر للوحش كريم بنزيمة للإنتقال الى آرسنال بـ25 مليون باوند:rockon::rockon:

http://www.metro.co.uk/sport/863280-karim-benzema-given-green-light-for-25m-arsenal-transfer?

ياااااااااااااااااااااااااااااااااااااااااااااارب

مدير أعمال اللاعب نفى الخبر :smug:

 

[mohamed]

لول بيع ابرا لبارشا بسعر عالي ومع (أهم نقطه) ايتو أكبر غلطه؟ يا رجل ماهي غلطه أصلاً الا على قولتهم بيزنز تمام.

أوه ولا شكلك تقصد يوم اليوفي باعه للانتر؟ أوبس.

بالنسبه لهجوم البارشا, مشكله البارشا مو أي مهاجم يقدر ينسجم معهم, ما أتخيل لاعبين من طقة تريزجيه ونيستروي يتأقلمون, أهداف حيسجلون بس ما راح يكون فيه الانسجام الي التيكي تيكا حقتهم تبغى.
هممم روسي ولله ممكن يكون خيار حلو, يعجبني لعبه بفياريال و(ممكن) يكون مناسب للبارشا. كافاني على انه يختلف شوي بس تحس انه يقدر يعدل طريقة لعبه ويضبط معهم.

بيع ايتو بيزنس تمام ؟ إلى الحين ما لقوا له بديل كفء , ولا أعتقد فيه مهاجم يناسب طريقة لعبهم أسرع من الحصان إيتو , سريع جداً ولياقته عالية .

ايه كنت أقصد اليوفي يوم يبيع ابرا للإنتر , بدونه ما أعتقد كانوا يقدرون يحققون السكوديتو 4 مرات متتالية , الانتر هجومه زبالة بدونه . أكبر خطأ ارتكبه اليوفي في الانتقالات .



روسي أرى أنه سريع ويصلح لهم , لكن بالنهاية ما تضمن , ايتو ترك وراه فجوة كبيرة .