الموضوع الرسمي للاختبارات النهائية لعام 1425 - 1426

[Torpedo]

BOMB يا ثالث ثانوي ..

كيف الاختبار ؟

خخخ
ان شاء الله شكلي 30 بالسالب ..

 

[Zeyad]

زيــاد VS وزارة التربية والتعليم!!!

الاسئله كانت عباره عن صفحتين اول صفحه اختيارات وفراغات والصفحه الثانيه اسئله تكامل مع الداله مع هندسه فراغيه، لذالك حسيت بدووخه وقلت خلني انااام وارتااح على طوول خذيت غفوه لمدة ساعه تقريباً،بعد اخذ استراحه وارتحت بديت احل....

بيني وبينك مأدري هي صعبه او سهله لأني مافتحت الكتاب ولا اعرف وش داخله لكن بعض الاسئله تخوف من اشكالها :jawDrop:: ،لكن قدرت احل بعض الاسئله والباقي بعض المدرسين عطاني بعض الاجابات وتلميحات من هنا وهناك والطلاب مايقصرون ،يعني باختصار كان هناك تعاون اجتماعي:bigSmile:

 

[Nintendude]

؟؟؟؟؟؟؟؟؟؟؟؟؟؟؟؟؟؟ تعاون اجتماعي^^^^^^^^^؟؟؟؟؟؟؟؟؟؟؟؟؟؟؟؟؟؟؟؟؟؟؟

على العموم نتعلم منكم عشان السنة الجاية

و شكلك كالعادة توربيدو going in his mother (رايح في امها)

 

[Mada Mada Dane]

زين 30 بالسالب

الخيارات تخميسن

اسئلة الباب الاول زفت فيها
الباب الثاني زفت
الباب الثالث زفت
الباب الرابع تركتها فاضيه =_=

الله يعين بس

 

[Khalid-S]

الله ينتقم منكم الله لا يوفق كاتب الاسئله لا في الدنيا ولا في الآخره
محد بياخذ فوق ال25 !! مستحيل احد ياخذ 25 اصلا !!
مراقب الوزارة جلس مع المدرس والطلاب بعد الاختبار يقول المدرس ان السؤال الثالث فرقة (أ) حق اوجد معادلة المنحنى القانون حقه اصلا محذوف من الكتاب له اربع سنين !! كيف يجي !! ويقول المدرس ان املأ الفراغات وحده من منهم او 2 يقول وانا مدرس الي المفروض احلها في دقيقه اخذت مني 15 - 20 دقيقه !! واسئلة الهندسة الفراغيه حق الهرم الناقص صعب جدا جدا ومساحة سطح الجزء الفارغ من الإناء اصعب بكثير ونادر جدا جدا الي يحلونه وياخذ وقت طويل !! مراقب الوزاره الوصخ النتن بيفرع شكوى ضد المدير يقول في تسيب في الغش ووالخ

الله لا يوفقهم الله يدمرهم طلاب ثالث ثانوي طبيعي في مدرستنا قالبين المدرسه من فوق لتحت والشكوى على مراقب الوزاره والي يشق الكتب ويرميه على باب المدير الي فيه الموجه ..

لول يقول احد مدرسين الرياضيات ان صعوبة الاسئله هذي ما قد جت من 10 ~ 12 سنة تقريباَ
خخخخ ولا لمن تشوف اسئله السنة الي فاتت والله مووووويه تضحك ضحك وانت تحلها وما تاخذ منك ساعه تحل كل اسئلة الصفحه الثانيه ..

الله يعين ان شاء الله ,, يارب آخذ 18 او 19 يارب

والله يوفقكم شباب على اختبار النحو والتفسير بكره ..

 

[Torpedo]

لول .. انا السؤال الرابع شفته تمعنت دققت نمت ...

زياد يا حضكم .. احنا قدروا يعلموا كل القاعات إلا قاعتنا لأن الـ"ـبقرة الضاحكة" - الموجه الوزاري ، يضحك ضحكة خبيثة طول الوقت - كانت واقفة عند باب القاعة ..



لول .. فواز الله يعينك السنة الجاية .. her mother ..امها .. ال" ها " حق التأنيث بكرة نحو خخخ

 

[dragonwarrior]

هههههه
شسالفه ؟ هالسنة في شىء غلط حتى بالكويت أسمعهم يقولون الصعوبة غير طبيعية ؟

 

[Hatake Kakashi]

>.< لوول تصادف إمتحان الرياضيات بالكويت معاكم الإمتحان يخليك تشق ملابسك من الصعوبة وقت الإمتحان كان ساعتين زادونا نص ساعة وكمان ما خلصنا أسئلة هندسة الفضاء ( الفراغ ) شي تعجيزي بصراحة يعني كلنا بالهوا سوا

 

[dragonwarrior]

>.< الإمتحان يخليك تشق ملابسك من الصعوبة

لووووووووووووووووووووووووووووووووول
بس الصراحة هم يهيؤنكم للجامعة...الجامعة نفس الشىء تدرسون شىء (و المدرس يقول الأمتحاان من الواجب) بعدين تشوف الأمتحان من المريخ.

 

[Humam]

لول شباب مقدر ظروفكم .. فعلا الله يعينكم ..

بس على فكرة كل سنة يقولوا السنة هذي أصعب سنة !! والأسئلة ماجات مثل صعوبتها من سنوات !! وين الي يجيب 30 لول وفي النهاية نحصل فوق ال 20 طالب على مستوى المملكة جايبين 100 % وفي ناس جايبة 99.5 بس مانقصت في الرياضيات نقصت في الجيولوجيا ههههههههه.. أذكر في سنتي كنا نقول ايييييه شوف اسئلة العام الماضي والي قبله والي قبله سهلة لول هذا لأننا عرفنا حلها وعرفنا التريك الي فيها .. هي قاعدة عامة كل سنة يجيبوا افكار جديدة ..

يلا شباب معليش ان شاء الله تعوضوا في اختبار بكرة .. وسعوا صدوركم اختبار ماجا ولا راح ..

 

[Khalid-S]

لول بس همام تخيل سؤال قانونه محذوف من الكتاب من سنين ورى !! وش ذا اسمه جنون مو اختيار اسئله !!

عشان ما تنسون الاختبار الرهيب شباب

الصفحة الاولى

الصفحة الثانية

خخخ الي محطوط عليها صح هي الي ما حليتهم ,, ونص الي حليتهم اجوبتها غلط خخخخ سلم لي .

 

[Nintendude]

انت الي owned خالد مو الاختبار

 

[Khalid-S]

لول داري ,, كلنا owned من الاختبار ذا ..

 

[AM2]

اصعب شي في رياضيات ((الفصل الثاني)) هو فصل هندسة الفضاء ....((زين فيه كتب موحده في الخليج))
طبعاً لان دراستها تحتاج لادوات اكثر من ان تكون رسوماتها باستخدام طبشوره على اللوحه....
على العموم الفصل الاول و الاخير ماظن فيه الصعوبه...
بالتوفيق للجميع
بعدين كل واحد بياخذ قد الجهد المبذول , طول السنه لعب في اخر ايام تبغي تراجع XD .

 

[dragonwarrior]

رياضيات + عربي = صداع

 

[AM2]

رياضيات + عربي = صداع

العربي مش حالك بس الرياضيات eeved: ماتقدر تسوي شي بدون دراسه ((اكره شي لما تنسى خطوه eeved: )) ...

 

[Hatake Kakashi]

أنا أنحني إحتراما للي وضع إمتحانكم هذا >>> شرشبيل :razz:

 

[Torpedo]

كلام مهموم صحيح .. احنا كل سنة نعرف التريك في الاختبار العقد الطلاب في العام الماضي ..

خخخ أحسن شي ان كنت مخطط اروح المدرسة متأخر عن لامتجان بدقايق حتى " ينجن " المدير .. لول و بالفعل اتأخرت عشر دقايق لما وصلت





أحمممممممممممد ... ليش متأخر ؟ الاختبار بدأ ..... أيش فيك .... هـه؟ روح الحق ... بسرعة .. بعدين اخذ نفس و صار ينافخ ( يتنفس بسرعة خخخ ) .. فقلت له اني بروح أشرب لي كاسة ماي ( ماء - موية - ووتر ) ههههه و مرة واحدة عيونه تنفتح أكثر من من عيون الضفادع .. مجنون انت ؟ اقول لك الاختبار بدأ .. تقول لي بتشرب ؟ مو صاحي ؟ بسرعة روح الاختبار .. قلت له : ما عليه صبّر ثواني و اشرب و اروح .. أصلاً انا أدري اني ما بحل عدل في الاختبار .... قال لا حول و لا قوة إلا بالله .. صلي على النبي و ادخل و ان شاء الله تحل .. قلت له : يصير خير خخخخ ( الـ خخخخ ضمن المحادثة ) بعدين في النهاية قلت له : يلا استاذ لا تضيع وقتي بروح ادخل قبل لا يضيع الوقت ....


خخخخ مسكين المدير ..

 

[dragonwarrior]

أنا أنحني إحتراما للي وضع إمتحانكم هذا >>> شرشبيل :razz:

شكله هذا واحد طفش وقال أبو الأمتحان ابو اللي يتكلم و قام طلع المكتبة و صورة.

 

[Nintendude]

لما اسمع كلامكم اقول اختبارنا اجل هين و انا احسه صعب...

أحمممممممممممد ... ليش متأخر ؟ الاختبار بدأ ..... أيش فيك .... هـه؟ روح الحق ... بسرعة .. بعدين اخذ نفس و صار ينافخ ( يتنفس بسرعة خخخ ) .. فقلت له اني بروح أشرب لي كاسة ماي ( ماء - موية - ووتر ) ههههه و مرة واحدة عيونه تنفتح أكثر من من عيون الضفادع .. مجنون انت ؟ اقول لك الاختبار بدأ .. تقول لي بتشرب ؟ مو صاحي ؟ بسرعة روح الاختبار .. قلت له : ما عليه صبّر ثواني و اشرب و اروح .. أصلاً انا أدري اني ما بحل عدل في الاختبار .... قال لا حول و لا قوة إلا بالله .. صلي على النبي و ادخل و ان شاء الله تحل .. قلت له : يصير خير خخخخ ( الـ خخخخ ضمن المحادثة ) بعدين في النهاية قلت له : يلا استاذ لا تضيع وقتي بروح ادخل قبل لا يضيع الوقت ....

شكله مديركم party (ترجمها)

 

[AM2]

شكله هذا واحد طفش وقال أبو الأمتحان ابو اللي يتكلم و قام طلع المكتبة و صورة.

او يمكن حتى يسهل عليه التصحيح بدون وجع راس , يعني يجبر الطالب يخلي بعض الاسئله بدون اي جواب :exclamati

 

[Torpedo]

لول .. من جد .. هو من ناحية Party فهو بالفعل Party ..

 

[Hatake Kakashi]

لووول AM2 خوش تفكير صراحة كنت أكلم مدرسي قبل إسبوعين عن الإمتحان قال إن المدرسين يوزعون تصحيح الإسئلة بينهم و السؤال اللي دائما مرغوب هو سؤال هندسة الفراغ لأن ببساطة بتكون الورقة فراغ X فراغ :razz:

 

[Koshiro]

اتذكر حالتنا السنة الماضية بترو جيمنج باكا اكس ياسبحان الله دارت الايامp:

شباب لو افترضنا ان 20 من المملكة خذوا درجة كامله بالرياضيات فالنصيب الاكبر من مدرستنا السابقة الفيصليه خذوها منيp;

الله يعينكم ذاكروا يالله <<< علي 4 اختبارات ولا ذاكرت شي..

 

[Hwoarang]

تفضلوا عندنا
الامتحان 9 صفحات بدون اختيارات أو صح وخطأ والوقت ثلاث ساعات يمروا كأنهم ثلاث دقايق

مع أني أعتبر الرياضيات سهل (مقارنة بالبقية) لكن امتحان الثانوية العامة كان شئ مو طبيعي
ما أدري اذا غيروا النظام عندنا ها السنة ... ؟

 

[Nintendo]

لاحول ولاقوة الابالله ..

يعني مايراعون انه الشباب امس كانوا يتابعون المنتخب ويشجعون الوطن !! انا ماعرفت احل شئ بالاختبار !! اختبار ال20 سنه الماضية كلها اسهل من اختبار اليوم !! الحكم ماحسب ضربة جزاء صحيحه !!

خخخخخخخخ يازينكم شباب الثانويه , الحمدلله انها مرحلة وانتهت واتذكر الاختبار النهائي اخذت فيه 2\30 ومادري ليش عطوني 2 اصلا !! الظاهر لاني كتبت اسمي صح بس الحمدلله كنت ناجح بالماده من قبل لاادخل ..

عموما شباب شدوا حيلكم بالايام القادمه ودنا نشوف واحد من العشره الاوائل بالمملكه ( او باقي الخليج ) من شباب ترو جيمنج عشان يوم يسوون معه لقاء يقول ( الفضل يعود بعد الله لمنتدى ترو جيمنج اللي شجعني والخ الخ يعني دعايه حلوه )

هاردلك شباااااااااب انا لسه اختباري الساعه 7 المغرب والحين بروح اذاكر واشوف ايش هي الماده .

 

[Double T]

والله هاونوها و تهون يا شباب .... خلاص انتهت المادة و الي نقص نقص ما يقدر يسوي شي ... المهم تشدو حليكم في المواد الباقية

انا نفس الحالة شباب جانى اختبار اليوم احياء ( كلية الطب - جامعة الملك فيصل ) على كيف كيفك .... يمكن 85 اختر اجابة و 15 صح و خطأ .... طبعا السؤال يجي تعرفه بس الأجابات اول مرة تشوفها .... بس الحمد لله سويت زين .... تعرفو اخس شي يوم انك ما تعرف حالك صح والا غلط و تقعد الين ما تاخذ النتيجة و انت قلقان eeved:

المهم موفقين شباب و شدو حيلكم و انا بشد حيلي كمان عندي كيميا عضوية الثلاثاء <<<<< الله يقلعها من مادة ..... ادعولي شباب

تحياتي

 

[Koshiro]

لاحول ولاقوة الابالله ..

يعني مايراعون انه الشباب امس كانوا يتابعون المنتخب ويشجعون الوطن !! انا ماعرفت احل شئ بالاختبار !! اختبار ال20 سنه الماضية كلها اسهل من اختبار اليوم !! الحكم ماحسب ضربة جزاء صحيحه !!

خخخخخخخخ يازينكم شباب الثانويه , الحمدلله انها مرحلة وانتهت واتذكر الاختبار النهائي اخذت فيه 2\30 ومادري ليش عطوني 2 اصلا !! الظاهر لاني كتبت اسمي صح بس الحمدلله كنت ناجح بالماده من قبل لاادخل ..

عموما شباب شدوا حيلكم بالايام القادمه ودنا نشوف واحد من العشره الاوائل بالمملكه ( او باقي الخليج ) من شباب ترو جيمنج عشان يوم يسوون معه لقاء يقول ( الفضل يعود بعد الله لمنتدى ترو جيمنج اللي شجعني والخ الخ يعني دعايه حلوه )

هاردلك شباااااااااب انا لسه اختباري الساعه 7 المغرب والحين بروح اذاكر واشوف ايش هي الماده .

لوول رهيب انت عمر دعاية حلوه^^
والله يوفقك في اختبارك اليوم..

 

[Super Sonic]

هههههههههههههههه

يعطيكم العافية شباب XD

ريحتوني لمن عرفت انه الاغلبية مخبص لوووووووووووووووول

اللي ما توقعته انه في كثير هنا 3 ثانوي *.* شيء غريب

الموضوع فعال ما شاء الله -.- خلال سويعات وصل الصفحة الثانية *.* <<< من الحقد مو من الموضوع

 

[Torpedo]

والله هاونوها و تهون يا شباب .... خلاص انتهت المادة و الي نقص نقص ما يقدر يسوي شي ... المهم تشدو حليكم في المواد الباقية

انا نفس الحالة شباب جانى اختبار اليوم احياء ( كلية الطب - جامعة الملك فيصل ) على كيف كيفك .... يمكن 85 اختر اجابة و 15 صح و خطأ .... طبعا السؤال يجي تعرفه بس الأجابات اول مرة تشوفها .... بس الحمد لله سويت زين .... تعرفو اخس شي يوم انك ما تعرف حالك صح والا غلط و تقعد الين ما تاخذ النتيجة و انت قلقان eeved:

المهم موفقين شباب و شدو حيلكم و انا بشد حيلي كمان عندي كيميا عضوية الثلاثاء <<<<< الله يقلعها من مادة ..... ادعولي شباب

تحياتي

همم 7 من أصحابي من دفعتكم >.> .. حضرت عندكم مرة محاضرة فيزياء ( محاضرة واحدة) و البعدها المفروض كيمياء لكن اخذها دكتور الفيزياء (( الممل جدا)) فطلعت انا و ولد عمي (( تطنيش كلاسات الجامعة من الحين .. ))