hits counter

العلبة البرتقالية // الموضوع الرسمي للخمس العاب

MR1

Hardcore Gamer
انا بصراحه ماحصلي اجرب HL2 ولا TF

بس بصراحة اللعبه تسوى كل قرش فيها علشان بورتال لحالها ...
الي خلص بورتال ترا فيها بونسز و خيار يخليك تسمع كلام مصممين اللعبه على الأشياء الي كانوا يبون يسونها في اللعبه
 

Double T

True Gamer
امس شريت اللعبة على 360 .. و امس خلصت بورتال خخخخخخخخخخ :D .. قصيرة مرة ما توقعتها يذي القصر .. بس لعبة ممتعة بشكل خرافي .. ان شاء الله نشوف لعبه زيها مستقبلا .. مرة عجبتني

بديت في HL2 لسه ما بنيت انطباع عن اللعبة بس اقدر اقول اللعبة حلوه
 

Yaser

Hardcore Gamer
هالف لايف 2 اسطوره اهم شي انك ماتستعجل على الابداع فيها اللعبه طويله ومن النوع اللي وتيرة الابداع فيها تتصاعد تدريجيا مع اللعب

ايبيسود2 بالذات يعلق في الذهن !
 

hamad 11

True Gamer
للحين ما لعبت هاف لايف 2

بديت بـPortal

في البداية طلعت لي قرون من التعقيد الى فيها لكن الحين فهمت طريقتها..
 

khaled 13

True Gamer
لا تفوتكم التحديات في بورتال بعد ماتنهي اللعبة ... ممتعة جدا وتاخذ وقت أطول

يمكن تاخذ معك 10 ساعات على الأقل
 

Gaara

Hardcore Gamer
لا تفوتكم التحديات في بورتال بعد ماتنهي اللعبة ... ممتعة جدا وتاخذ وقت أطول

والله ممتعة مرة..توني مخلص المرحلة 15 بـ 2 بورتال فقط ! هذا الـ Gold Challenge للـ Least Portals.

شباب مين خلص المرحلة 15 بأقل من 10 ثواني ؟! أنا بالموت خلصتها بـ 19 ثانية و أخذت الـ Silver ...يبون أقل من 10 ثواني..-_- سلامات ؟!
 

khaled 13

True Gamer
^
^
قصدك مرحلة 14 ؟

فيه ناس جابوها في 4 ثواني :laugh:

[YOUTUBE]CT5C_CUlG08[/YOUTUBE]

youtube FTW
 

BioMario

مصمم
شباب مساعدة .. في Half Life 2 اللعبة صعبة الصراحة -__-
انا واصل
Chapter 8 على ما اعتقد على آخرة وعندي القدرة على اساس اني اجمع الحشرات واتحكم فيهم المهم وصلت مكان طلعت عيوني منه كرهت اللعبة منه لوول
مكان يكون فيه طيارتين فوقي ماقدرت لهم ابداً وعندي مدفعية RPG ( بازوكه ) احاول بكل الطرق اقتلهم ولا في اي فايدة
صعبين جداً جداً ..
ياليت لو واحد يقولي في طريقة اقدر اتخلص منم كرهو حياتي لوول
 

Mario2

True Gamer
تعرف .. هالمكان اصعب مكان مر علي ويلست عليه وايد حتى قدرت اعديه ..شوف اهم شي حاول ما تستخدم الدم الا عند الضروره ..+ استخدم الحشرات عند ابراج المراقبه عشان تقتل الجنود .. اهم شي بتبقى طياره .. حاول انك تكون على الزوايا عشان تتفادى الطلقات وحاول تصوب زين يعني لا ترمي اول ما يوصل المؤشر .. راح تلاحظ انه الصاروخ بينحرف في النهايه .. حاول تتخلص منها بسرعه عشان تقدر تدمر الثانيه ..

لول .. هذي كلها استراتيجيه من عندي وما فيها نقطه تخريب من القصه ..واصلا راح تقابل الكثير من الطيارات
 
التعديل الأخير:

BioMario

مصمم
ابراج المراقبة كله استخدم الخشرات و عندي وايد دم يعني لو بتعدعم مع الدرع تقريباً 350
لكن بعد ما قدرت وايد وايد صعب -__- ..

مؤشلر الـ RPG كيف لازم يكون .. قدرت ادمر طيارة و الثانية احاول وما قدرت وايد صعب
يعني اكثر الضربات كل ما اطلع على الطيارة الصاروخ ينحرف -__- ..
استخدم السبويلر تاج اخوي ماريو
 

NSider

Contributing Editor
فعلا المكان هذا بالذات صعب..

اقتل الجنود بالحشرات، وروح فوق الـcontainer الكبير اللي جنب صندوق الصواريخ (تقدر ترقى عليه بسهولة من الصناديق اللي جنبه) لما تجي تطلق على الطيارات لدقة أكبر. لا تطلق الصاروخ إلا لما الطيارة تكون قريبة وما يكون وراها مبنى (عشان يصير في مجال للصاروخ أنه يرجع). استخدم الدم اللي داخل الكونتينر الثاني عند الحاجة.
 

hamad 11

True Gamer
اعتذر عن رفع الموضوع, لكن توني بديت العب اللعبة... مرة خطيرة

قبل شوي خلصت كمين مرحلة من Portal وجاني صداع رهيب :slant:.. الحين بديت في Half-Life 2

شباب عندي مشكلة,
الوحوش الى واقفين فوق ولسانهم طويل ويسحبوك اول ما تلمس لسانهم, المشكلة فيه مجموعة كبيرة منهم ومقفلين علي الطريق... والمسدس مافيه ذخيرة عشان اذبحهم, شلون اذبحهم عشان امر من الطريق
 

AMOR

True Gamer
الوحوش الى واقفين فوق ولسانهم طويل ويسحبوك اول ما تلمس لسانهم, المشكلة فيه مجموعة كبيرة منهم ومقفلين علي الطريق... والمسدس مافيه ذخيرة عشان اذبحهم, شلون اذبحهم عشان امر من الطريق
معليش ماراح أحط سبويلر تاجز, هذي بداية اللعبة و لا في أي سبويلر أصلاً P:.
اذا ماتقدر تذبحهم من بعيد خله يمسك فيك ثم اضربه بالحديدة اذا قربتP:.
 

Mesharey

True Gamer
بما ان الموضوع انرفع، بورتال كم مرحلة ؟

الحين بمرحلة 14 .. بنص المرحلة تقريباً ..

عديت النص الأول "تشيير" والمشكلة رجع لي نفس اللغز بالنص الثاني وتوهقت :yuck:

مو متحمس لهاف لايف 2 ابدا، ممكن بعد فترة العبها ..
لعبتها قبل على الاكس بوكس القديم ووصلت أكثر من النص لكن وقفت، وقتها ماكان لي خلق العب شي -.-
 

Nyx

True Gamer
حمد 11 , إستخدم أي شي حوليك (عجل سيارة ,كرتون, برميل ) إرميه على ألنستهم حتى تسحبهم وتنشغل فيهم وبعدين مر من تحتها
 

hamad 11

True Gamer
خلاص انحلت المشكلة, مشكورين شباب

بما ان الموضوع انرفع، بورتال كم مرحلة ؟

اعتقد 19 مرحلة
 

Isaac

Executive Member
كنت مخطط أبدأ هاف لايف 2 في أيام الدراسة, لكن ما قدرت أقاوم.

شباب أحس إني ضايع شوي بالقصة لعبت ساعة ونصف عندي بعض الأسئلة خايف أبحث عن إجاباتها وتطلع لي سبويلرات بالجملة.

1- أبي خلفية بسيطة عن قوردون فريمان. (وش هدفه بالحياة؟!)
2- الشخصية اللي كانت تتكلم بالشاشات أول ما دخلت City 17 وش اسمها ووش مهبب بالجزء الأول؟! لأن لما صارت مشكلة بالتيليبورت وفريمان طلع عنده بالمكتب لوهلة كل المدينة صارت في حالة استنفار ؟! وانا ماني عارف وش الطبخة !! لهالدرجة فريمان مطلع ريحته ؟!
3- وش هي City 16 ؟!

الأسئلة هذه لو بألقى لها إجابات أثناء اللعب, فلا تجاوبوني عليها. أما لو هي مرتبطة بالجزء الأول عطوني لمحة بسيطة عن قصة الأول والـGoodguys الـBadguys فيه.
 

Xeno

True Gamer
لا مابتلقى شي في اللعبة.

روح ويكيبيديا. Half Life Story
 

Isaac

Executive Member
شيكت ويكبديا قبل ما أحط ردي, بس ياخي خايف أسوي سكرول لول

http://en.wikipedia.org/wiki/Half-Life

بالله زينو سو سكان سريع عالبلوت والستوري لاين, وقولي إذا فيه سبويلرز. تعرف ويكبديا الكل يقدر يحرر فيه ويا خوفي يكون واحد حاط معلومة عن حدث مستقبلي صار بـ2.
 

Xeno

True Gamer
حازم أحسك ماخذ اللعبة بجدية زيادة, القصة عادية مثل أغلب الألعاب, وزيادة على كذا مافيها شرح ولا شي طول اللعبة, يعني فهاف لايف 2 مافي شي, لين آخر شي محادثة blah blah blah وانتهت اللعبة.

عموما شيكت الوصلة مافيها سبويلرز عن هاف 2.
 

hamad 11

True Gamer
حازم اتوقع إذا ما لعبت الجزء الأول ما رح تفهم شي

انا لعبت الجزء الأول وخلصته من زمان ونسيت القصة.. الحين قاعد العب HF2 وانا متنح, فقدت الأمل في فهم القصة.. الشي الى مخليني اكملها للحين هو الجيم بلاي, وما اتوقع رح اكملها للنهاية


وفي صعيد آخر, قبل شوي خلصت Portal :cooool: التيست الأخير كان صعب جداً جداً, من امس وانا افكر كيف اخلصه.. استغرقت أكثر من 3 ساعات اختم التيست الأخير بس

بس أغنية الكريدتس في نهاية اللعبة مرة رايقة وحلوة :laugh:
EDIT: شباب احد يقدر يعطيني رابط لها؟
 
التعديل الأخير:

Nyx

True Gamer
وفي صعيد آخر, قبل شوي خلصت Portal :cooool: التيست الأخير كان صعب جداً جداً, من امس وانا افكر كيف اخلصه.. استغرقت أكثر من 3 ساعات اختم التيست الأخير بس
أنا مخلصها كلها في ساعتين ونص .....أخيرا تأكدت إن تفكيري خارق O:
بالنسبة لهالف لايف , وين وصلت ؟
 

hamad 11

True Gamer
أنا مخلصها كلها في ساعتين ونص .....أخيرا تأكدت إن تفكيري خارق O:
بالنسبة لهالف لايف , وين وصلت ؟

انا الى خلاني اخذ وقت كبير في Portal هو اني ما عرفت بعض الأساسيات الا في وقت متأخر من اللعبة , ما عرفت انه كل ما تكون قفزتك كبير تكون قوة اندفاعك اكبر إلا لما وصلت التيست 15 لول.

بالنسبة لهاف لايف ما ادري وين بالضبط لكن انا الحين في أنفاق, 5 ساعات من اللعب.
 

Nyx

True Gamer
كمل كمل ,إنت لسى ماشفت شي أصلا !
يمكن تحسبني أبالغ , بس إنت على وشك إنك تلعب أفضل لعبة FPS بحياتك (لو لعبتها على وقتها بس)
 

s3rorh

True Gamer
س: هل كل الألعاب موجوده بقرص واحد أم كل لعبه موجوده بقرص مختلف (( لكلا النسختين )) !!؟
 

Isaac

Executive Member
أنا مخلصها كلها في ساعتين ونص .....أخيرا تأكدت إن تفكيري خارق O:
بالنسبة لهالف لايف , وين وصلت ؟

لول أنا موصل 19 والوقت تقريبا ساعة و 38 دقيقة :yuck:

س: هل كل الألعاب موجوده بقرص واحد أم كل لعبه موجوده بقرص مختلف (( لكلا النسختين )) !!؟

كلها بديسك واحد.
 

s3rorh

True Gamer
شباب متردد بأني أخذ اللعبه على الPS3 ... والأسباب : سمعت/قريت بانه أكو مشاكل بنسخ البلاي3 بس نسيت شنو هم بالضبط ....+ ما عندي DSL
وعندي جم سؤال :
HL2 .. هل تحسنت رسومها عن نسخه الXbox و تحس بأنك تلعب لعبه نكست جين ... ولاا الرسوم عاديه ؟ وما في لإضافات بهالاصدار ؟
الحلقة الأولى والثانيه لـHL2 .. ممكن معلومات شوي عنهم ... لأني شفت الفيديو الأول ... وكأنه اللعبه منظور ثالث !! ... وشنو فايده هالحلقتين وشنو محتواهم ؟ و بس ينلعبون سبنغل بلير ولا ملتي ولا عالايف ولا شنو بالضبط ؟ وهل يعتبرون جزء كامل ؟ وجم عدد الساعات لعب علشان اختمهم ؟
TF2 ..... اللعبه بس حرب ومافيها قصه ؟ ... وتنفع/أقدر ألعابها ملتي بلير Offline ؟؟ ولاا ما تصلح ؟

واذا عندكم معلومات زياده حابين تضيفونها .. خير وبركة
واسف على الرفعة الأليمة P:
 

Yaser

Hardcore Gamer
بالنسبه للجرافيكس...نيكست جن بدون نقاش ومافي اي وجه مقارنه بينه وبين نسخة ال xbox

الايبيسودز الاضافيه تكمله للقصه الرئيسيه وطبعا FPS ...جدا رائعه بالمناسبه....:smile:
 
Mars، دام عندك بلاي ستيشن 3 و ما تقدر تلعبها على البي سي، اشترها ليش لأ.
 

Solay

Double Jumper
أنا مااعرف عن مشاكل اللعبه على البلاي3

بس اللعبه رووووعه وحرام تفوتك...
 
أعلى