لا بس لازم نكون عادلين 250 على قرابة سنة ونصف
يعني تقريباً 13 دولار في الشهر شي طيب صراحة
كلامك و كلام بعض الشباب خلاني أعيد النظر في الموضوع، إذا واحد يلعب لعبة بمقدار وقت يعادل عدة ألعاب ف يمكن الشيء مو بذاك السوء أن يصرف نفس إلي يصرفه لما يشتري عدة ألعاب
250$ = 5 ألعاب = 250+ ساعة لعب (لو لعب كل واحدة منها حوالي 50 ساعة)
لو صرف نفس المبلغ لكن على لعبة واحدة و لعبها نفس العدد من الساعات ف يمكن ما يعتبر خسارة، لأن في النهاية ممكن هاللعبة يلعبها مئات الساعات و ما يلعب غيرها إلا نادراً، و فوق هذا طوال المدة هذي هو مستمتع فيها و يمكن أكثر من متعته في ألعاب ثانية، فلوسه هذي راح تساهم في زيادة متعته و إضافة محتويات تطيل من ساعات لعبه، في نفس الوقت فلوسه تروح لمطور و ناشر اللعبة عشان يضيفون المزيد من المحتويات للعبة إلي مدمن عليها
إحصائيات ساعات لعب بعض اللاعبين في ألعاب بليزارد مرعبة! بعضهم لعب فيهم ما يعادل أكثر من سنة بالوقت الحقيقي! 250$ بالنسبة للكم المهول من ساعات لعبهم تعتبر قليلة، خاصة أنهم يحصلون محتويات جديدة بشكل مستمر
المايكروترانزكشن هو جشع من الشركات و أفسد كثير من الألعاب، بس ما نقدر ننكر أن له جوانب إيجابية أيضاً