hits counter

اخيراَ بعد عناء دام لفترات ,, الـXbox 360

Khalid-S

Executive Member
السلام عليكم ,,

فتره طويلة عانيت بالبحث عن الجهاز ,, وضاع الامل , بيت الكومبيوتر - مركز النسر .. الخ كلهم ما يعرفون متى الجهاز يوصل لان في امريكا مافي ولا جهاز للبيع فكيف بيجيبونه عندنا ؟؟

بعد اتصلات مع روبسو جزاه الله الف خير كان بيوفر لي الجهاز وقت اطلاقته في الكويت لكن تم تأجيل الجهاز وواضح السبب لانه مو موجود في امريكا .

اتصلت على زينو ,, ما رد علي لول , لمن صحيت حصلت منه مسج ان كان الجوال على السايلنت , قلت اكيد موموجود عندهم الجهاز فبصراحه ما اتصلت مره ثانيه وما حبيت ازعجه.

قلت الحل الاخير هو ذا ويند ,, كلمته وقال ان صديقه طلب واحد ومو محصل له -_- ..

طبعا المعانات زادت , وطبعا الي كان معاني مثلي واكثر مني بمراحل هو سليمان ( سلومي ) نتصل على الاماكن ونقعد ساعات بالتيلفون ونفكر في مداهمه بيت الكومبيوتر ونسرق السامبل الي حاطينه وهو من حماسه راح للبطحاء يدور على الله يمكن يحصل واحد ,, وللاسف المحاولات دامت بالفشل ..

طبعا في البداية سليمان اتصل على شخص يدعى فارس / فراس ما نعرف اسمه للآن ,, يقول بجيبه بكره 100% وطلع ما عنده اي سالفه , ما يرد على الجولات الين ما صدناه يوم وقال احتمال ما اجيبه , واكثر من محاوله لكن كلها باتت بالفشل الذريع .

اليوم وانا رايح لمحل ( آسف ما اقدر اقول اسمه ) عشان اشتري ماريو اند لويجي ,, الا الرجال الي بالمحل قالي خالد في حبه اكس بوكس 360 وحيده عند شخص وبييعها بسعر فوق الطبيعي ,, قلت له طيب مو مشكلة جيبه اكيد باخذه , قال طيب بعد ساعتين اوفرلك اياه ,, انا طلعت من عنده ومو مصدق بصراحه ,, اخيرا بعد العناء هذا كله بشتري الجهاز !! , لكن جتني صدمه كبيره ,, صديقي الصدوق الوفي سلومي وش اقوله !! مافي الا حبه وحده مين بياخذها !! اتصلت على راعي المحل قلت له قول لخويك يدبر حبه ثانيه لازم , قال المشكلة ما عنده مرررره ,, لكن احتمال بعد يومين او ثلاث توصل اذا وصلت انا بعطيك خبر , بصراحه جاني وسواس غير طبيعي , قلت طيب يمكن الجهاز كور مو بريميوم,, يمكن الجهاز اوروبي مو امريكي !! اتصلت على سليمان وقلت له اني حصلت الجهاز ووالخ ,, لوووول هو ما صدق !! لكن حسيت ان جاله احباط شديد بعد ما قلت له ان مافي الا جهاز واحد ,, قلت له انتظر يومين والرجال قال احتمال يجي ,, لووول بعد ما رحت اخذت الجهاز اتصلت على سليمان وقلت له " صـــــــــــــــــــادووووووه " لووووول ابي العب باعصابه شوي , طبعا ما بقى سبه الا سبني اياها ( لول امزح ) ,, الحين يا سليمان اقولك اياها آآآآآآآسسسسسسسسففف اني لعبت باعصابك ,, لكن وش اسوي ,, اشتريت الجهاز :(

DSC00605.JPG


لووووول اقسم بالله الجهاز عملاق لدرجه ما تتخيلونها ,, وثقييييييييييل !! ما ادري لكن انا تصورته غير بشكل كبير ,, الانطباعات بعدين شباب

هذي صوره من PGR3

pgr3.jpg


الصوره بالحجم الطبيعي كيف شغاله على الجراند فيجا 50 بوصه
http://myweb.saudi.net.sa/khalid-s/Other/Xbox360/DSC00607.JPG
حجم الصوره 2 ميجا :)

باذن الله تحصلون على الجهاز في اقرب وقت.
 

Xavi

True Gamer
مبرووك خلوود لعب العوافي ان شاء الله :p
 

rubso

Banned
مبروووووووووووووووووووووووووووووووووك ألف مبروووك خالد..
غيرك ينطر مو قادر يحصل الجهاز :( .. الله المستعان اهم شي "PDZ - Condemned"
PARTY HARD !
 

Nintendo

TG editor-in-chief
الف مبروك خالد ( وانا اقول ليش متكبر علينا اليوم ;) ) ..

يمكن اخذ الجهاز ولكن يوم تتوفر العاب اكثر تناسب ذوقي ويوم يصير سعره منطقي شوي ( يعني بعد كم شهر ) عشان ودي اجرب تلفزيوني الجديد :)
 

McDragon

Banned
ههههه خوش قصه, المهم مبروك عليك يا خالد معه اني مو مصدقك بأنه الجهاز كبير احسه بيبي خاصة انه الهارد درايف ممكن ينشال من الجهاز ويعطيه خفه اكثر.
ملاحظه: دربالك لاني ممكن اطب ببيتكم لوووووووووول
 

Uchiha Basem

True Gamer
ما قلت لنا أديش طلع السعر من دون ألعاب؟
 

king zell

Network Director
Administrator
مبروك خالد و يعطيك خيره و يكفيك شره

أهم شي نبي إنطباعات بيرفكت دارك و كيميو بعد ما تعطيهم وقت لعب ممتاز

و عقبال البقية ان شاء الله :)
 

Mukuro

True Gamer
مبروك عليك الجهاز, خلودي. أهم شي إنك تنبسط وتستانس مع الجهاز. وعاد لا تنسانا بالانطباعات عن الجهاز وألعابه.عقبال بقية الشباب لأني أنا حاليا حاذف فكرة شراء الجهاز من راسي.
 

TOM

Hardcore Gamer
مبروووك

ألف مبرووووك ياخالد على الجهاز وأحمد ربك انك حصلت الجهاز لأنه صار نادر جدا وصار ينباع في السوق السوده كمان :confused:وبأسعار مخيفه تصل ل3000$ :exclamati
 

m7tram

True Gamer
مبرووك خويلد يتربى بعزك :)
قولي انطباعاتك عن كاميو وبيرفكت دارك بالتفصيل الممل .. بانتظارك
 

Koshiro

True Gamer
lool الف مبروك خالد ههههههههههههههههههههههههه سليمان والله اني عارف ظروفه زين مسيكين فقد الامل بشكل غير طبيعععععععععععععي المهم فيه واحد راجع من امريكا توه جايب معه 6 اكس 360 هدايا لاقاربه:) وانا اعرفه شخصيا عموما الله يهنيهم ويهنيك خلود ويوفق الباقين لشراءه:)
واخيرا حجت النملة لا بعد وبالريوس ههههههههههههههههههههههه;)
 
التعديل الأخير:

ASWD

True Gamer
يعطيك خيره ويكفيك شره ان شاء الله..ومبروك عليك الجهاز خالد:)

اكثر شي عجبني بالصورة هو التلفزيون>.>

ان شاء الله تتعدل الميزانية قريب واشتري التلفزيون اللي ببالي:)
 

mario0o

True Gamer
مبروك عليك الجهاز والالعاب يا خالد

فعلا معاناة استوتلكم

انا اليوم دخلت على محل GAME عننا هنيه وتميت اشوف كرتون الاكس بوكس واتاملها الين ما خلاص ما قدرت استحمل وآخذها هي (البريميوم) مع اربع العاب برفكت وكاميو وبروجكت 3 . وكنت محتار بين ديد 4 -مادري اذا اصلا نازله بس شفت الغلاف- او لعبة سيجا .. لكن في النهاية مسكت نفسي وطلعت قلت ما عليه لاحج على الجهاز :razz:



ومبروك مرره ثانية ونتريا الانطباعات :)
 

Khalid-S

Executive Member
الله يبارك فيكم شباب , عقبالكم

الانطباعات جايه باذن الله بالتفصيل الممل لكل الالعاب والجهاز والكونترولر ووالخ ,, بس عطوني وقت

كم كلمه للالعاب الي لعبتها

كودنيمند ,, آخ بس ,, اقسم بالله من الخوف حاس ان جسمي يرتعش , انا من النوع الي يخاف بسرعه ومع اللعبة هذي مستحيل اكمل ,, شباب تفاصيل الغريبين ذول تخوف , مع الظلمه وبس المصباح بيدك ويطلعون لك فجأه ويهجمون عليك أخخ بس , وصوت السكوت مع الرياح , وفجأه تسمع صوت شي حديد طاح , لووول اسمع صوت قلبي والله

كاميو ,, لووووول بصراحه روح شركة رير حاسه موجود في اللعبة الى الآن , الموسيقى الحلوه , الإضائه الجميله , الجيم بلاي الممتع ,, هذي هي كاميو , طبعا لا ننظر للقصه لانها هممم مو مره وبصراحه ما تهمني كثير لانها شبه تافهه , لكن الجيم بلاي هو الي يشدك اكثر شي والموسيقى الي تشبه لحد كبير افلام هيري بوتر وتدخل عالم هيري بوتر عن طريق اللعبة هذي , وفي شي شد انتباهي ,, هو الطيران والهبوط في اللعبة ,, كاميو طبعا تقدر تطير عن الارض بمسافه قصيره وتتحكم فيها وهي فوق الارض , رحت عند منطقة مثل البحيره وقاعد المس الماء بجسمها ,, بصراحه انذهلت اني اشوف السهوله هذي في الحركه الفيزيائيه لها , كانك تشوف فيلم " بيتر بان " لمن يطير ويهبط جسمه على الماء , ما اعرف اوصف لكم , بحاول اصور فيديو واحطه.

بيرفكت دارك ,, خلصت اول ميشن , كان سهل طبعا ويعلمونك كيف تتحكم ,, الجرافيكس جيد وتقدر تقارنه بهالف لايف 2 تقريباَ ,, الموسيقى جنااااان , الافتتاحيه ضخمه ,, المشكلة هي تصميم الشخصيات , جوانا شكلها غبي ,, مو مركزين في تعابير الوجه ابدا , والمشكلة الاكبر هي التحكم , ما ادري يمكن لاني من فتره ما لعبت FPS على كونسول ,بس حاس الـAim بطئ لدرجه غير طبيعيه , مو قادر اصوت بسرعه واعطي Head Shot لول ,, احرك ببطئ شديد وياخذ 5 - 10 ثواني الى ان اركز في راسه

بقر 3 ,, بصراحه شغلتها فقط عشان اشوف قدرات الجهاز , اللعبة لسه ما لعبتها بس شفت المينو والخرابيط هذي

الانطباعات المفصله والكامله قريبا باذن الله , بس عطوني وقت لان ما ابي احكم على الالعاب بسرعه .

هذي صور اخذتها لكاميو , لول المنطقة هذي عجيبه جداَ ,,

kameo.JPG

kameo%20(1).JPG

kameo%20(2).JPG


لول صدقوني الصور هذي تعيسه قدام قرافيكس اللعبة ( من الكاميرا ) يبيلي اضبط اعداداتها والمشكلة البطاريه فضت علي -_-
 

Humam

True Gamer
لول ماشاء الله تبارك الله.. ألف مبروك خالد الله يعطيك خيره ويكفيك شره, باين عليك متحمس للجهاز جدا علشان كذة مسوي علينا ثقيل هذي اليومين ;)

خالد عيب عليك وين انطباعات كول اوف ديوتي 2 على بالي هذي هي اللعبة الي خلتك تشتري الجهاز :p

أهم شي خالد لمن تكون متحمس تستمر عليه, الله يرحم يوم اشتريت الPSP .. هي هي طاير به السماء كان خالد الآن الPSP أحسه مضطهد عنده :p
 

Ginko

Banned
لووووووووووووووووووول

الف الف الف مبروك ابو الخلود:)

لا تنسى تعدل التلفزيون علىp720 لانه افضل من ال1080i بكثير...ولا تنسى تدخل اللايف في بيفكت دارك..والله روعه..

العب فيه احرقه حررررررق لان انتظارك طلع بنتيجه ;)
 

BioMario

مصمم
مبروك حبيبي و تتهنى فيه ان شاء الله ..
انا رح اشترية بعد امتحانات نهاية الفصل الأول تاريخ 1-1-2006
و صاحب المحل قالي رح يكون سعرة من الـ 2500 و تحت ^_^..
 

Mario2

True Gamer
مبروك خالد على الجهاز .. الحمدالله على الاقل ما ظهر من الاجهزه المعطوبه مثل ما شفناها بكذا واحد اخذ الجهاز .. اليوم حلمت اشتريه مع بيرفكت دارك .. الا واقومك من النوم معصب ..>>.. اكيد بيكون بالمجان اخذته ..
سعر الجهاز صعب تاخذه بهاي الفتره اللي اعرفه وصل عندنا 3200 .. خصوصا وان اخذته ماراح تلاقي جهاز موجود كلهم محجوزين .. ان شالله اول مالقى الفرصه المناسبه والسعر المناسب وقتها راح اشتريه .. +_+ الا وش صار على سلومي اكيد لقى طريقه ياخذ فيها الجهاز ..
 

Golden_Sun

True Gamer
عالبررررررررررررركة خالد ^^ .. ماشاء الله!! .. والله يعين سلومي XD !! ..
 

SNYMA

Banned
مبروووك عليك الجهاز خالد
ننتظر إنطباعاتك الشاملة عن الألعاب
 
ألف ألف ألف ألف ألف ألف ألف ألف ألف ألف ألف ألف
مبرووووووووووووووووووووووووووك

تستاهل والله يا خـــــــالـــــــد
وننتظر باقي انطباعاتك عن الجهاز والألعاب
ايه اتهنى من قدك عندك Xbox360 :)

بالمناسبة ترى ما عندي مانع أجي أجرب الجهاز عندك << أنواع المصلحجيه :p

مبرووك مره ثانية خالد على الجهاز..
 

Aizmov

Banned
مبرووووووووووووووووووووك عليك الجهاز
عقبالنا نشتريه :wink:
بس ما ادري بستنى لين اول لعبه RPG تنزل >.>
 

Ash

إداري سابق
ألف مبروك خالد !

تتهنى فيه و الحمد الله الانتظار طلع بنتيجه , انا بصراحه منتظر لوست اودوسي شبتسوي .
 

ICO

Gamer
أقول خالد..أحلى ما في الموضوع..صورة التلفزيون ;)

شو نوعيته هذا LG?
 

Naif

Executive Member
مبروك خالد ^^

و عقبالنا ..

شو انطباعاتك عن يد التحكم؟ وايد حمستني انطباعات المواقع لها ..
 

ZiZ

True Gamer
ألف ألف ألف مبرووووووووووووك!!!

وعقبال سليمان ان شاء الله...
 
ألف ألف ألف مبرووووووك يا خالد .. تتهنى فيه ان شاءالله ^^

و بالتوفيق لسلومي ;)
 
أعلى