Pineapple
True Gamer
الفريق مستواه عادي يذكرني بريال مدريد 2006-2009 ، اسماء اغلبها شابة و لاعبين اسبان و لاعبين خبرة على نهاية مسيرتهم مثل كنافارو ، اخذ الدوري مرتين لكن بمستوى سيء جداً خصوصاً على مستوى الدفاع و كان يطلع من الشامبيونز من دور الـ 16 ، راح تكون معجزة اذا قدر يعدي تشلسي و لو اني استبعد ، اعتقد تشلسي راح ياكل ريال مدريد ، اعتقد الخطوة المنطقية التالية للفريق هو انهم يبنونه من جديد.مباريات التشامبيونزليق ما تتأثر باداء الفرق في الدوري او خارج البطولة بشكل عام
هناك فرق فازت باللقب واداءها في الدوري مش ولا بد لذلك هي مش معيار للحكم ..
في اسماء في الوقت الحالي جيدة لكن ما تكفي ، الحارس ممتاز و المشكلة ان ماله بديل لكن الدفاع ضعيف خصوصاً الأظهرة ، مارسيلو انتهى خلاص و ميندي لوحده ما يكفي و الابا الظهير الأيسر يلعب قلب دفاع دليل على ان في نقص كبير في مركز قلب الدفاع ، كارفخال كذلك ما يكفي و لازم يتواجد ظهير منافس له ، حكيمي ما كنت مقتنع فيه و لا زلت ، الوسط محتاج غربلة لأنه كبير في السن ، مودريتش ممكن يعطيك سنة و بعدها؟ نفس الكلام عن توني كروس المعتزل دولياً ، فالفيردي هو النقطة المضيئة لكن لوحده ما راح يجيب لك بطولات ، كاسيميرو الحقيقة هبط مستواه بشكل كبير ، سابقاً كان شايل خط الوسط لكن الآن مو قادر يشيل نفسه.
الهجوم كذلك محتاج دماء جديدة ، مبابي بداية طيبة لكن مبابي يلعب على الاطراف اكثر ، الفريق يحتاج الى مهاجم قناص و خبرة بديل لبنزيما ، مسألة الجالاكتيكوس هذي انتهت ، برايي ما في بالوقت الحالي لاعب تقدر تقول عنه جالاكتيكوس يعطيك خمس سنوات قدام ، غالبيتهم على حافة الاعتزال ، رونالدو و ميسي و غيرهم ، شخصياً ما اعتقد راح نشوف لاعبين سوبر ستار نفسهم الا بعد 10 الى 20 سنة حتى مبابي ماني شايف فيه ذاك اللاعب الخارق للعادة اللي يشيل لك فريق نفس رونالدو و ميسي.