Blue Blood
Banned
أفلام الرعب صارت في الاونة الاخيرة تستخدم نظام لبس الشياطين للبشر و تكرر في قصتها بشكل مثير للقرف. في الشهر الواحد تحصل فلمين على الاقل ينزلون بنفس الفكرة. بنت يلبسها شيطان و يجي قسيس (على اساس انه exorcist) يرش عليها ماي مقدس و يطلع الجني اللي داخلها. طبعا بعض المخرجين يقالك يسوون تويست مختلف بنهاية الفلم و يخلون الملبوسة تنتصر في جلسة إستخراج الشيطان.
افلام الرعب كانت بالسابق تخلوا من الرعب الا ما ندر مثل Evil Dead و exorcism. الثاني كانت فكرته ارعب و اثر علي نفسيتي شخصيا لدرجة اني قمت احلم في البنت اللي بالصورة اللي فوق بشكل شبه يومي و تجيني لصار لي شلل النوم الى وقت قريب حتى العام الماضي.
على العموم مافي ولا فلم رعب حديث حاول يطلع فكرة جديدة بعالم الرعب الا قليل و منهم بالنسبة لي The Gallows اللي اعتمد على فكرة المفاجئة و هو من نفس منتجين سلسلة بارانورمال.
في هذا الموضوع انا حبيت اتطرق لافلام الرعب اللي تصيبك بالخوف من مجرد التفكير فيها بكل لحظة و ثانية، ما اقصد افلام رعب تثير حماسك عشان تشوف مشهد قتل او لحظة مصيرية زي فاينال ديستينيشن، ساو و افلام الرعب العادية.
ايش رايكم؟