طبعًا ما في رابط بين ردي وردك وكلام عام سابق لي عن الجنرا ما له علاقة بنقطة النقاش هنا (امم، متعود يعني ^^).ماظنش إنك محتاج سبب محدد عشان تبتعد عن العمل و اتمنى إنك ماتفهمنيش غلط
بالنسبة لى أحد اسباب متابعة الأنمى بصفة عامة هى ال escapism و ده مش مرتبط بالجنرا دى تحديدا و إنما بأى عمل بيقدم عالم مختلف عن اللى بتعيش فيه (حتى لو واقعى) بس الفكرة هنا إن الشئ اللى إنت عاوز تتجه ليه للخروج من الضغوط (أو فكرتك عن عالم أحسن ) بتختلف بشكل كبير من شخص للتانى
على سبيل المثال إنت ممكن تتابع عمل عن شخص بيترك حياة المدينة عشان يعيش فى الريف كنوع من ال Escapism بهدف نسيان ضغوط الحياة فى المدينة بس بالنسبة لى مثلا ماعنديش تقبل لفكرة اتجاه شخص للحياة فى الريف (و ده اتكلمت عنه قبل كده فى انطباعى عن Only yesterday ) و للسبب ده أيا كانت جودة الكتابة أو مستوى العمل هايبقى عنده صعوبة فى تقبله أو الإعجاب بيه ، الأعمال دى بتقدم نوع مختلف من ال Escapism عن اللى انا عاوزه
أظن إن نفس الوضع معاك هنا ، سواء كانت مشكلتك مع فكرة الإنتقال لعالم آخر أو طريقة بناء العالم فى النوعية دى من الأعمال أو غيرها ، أظن إن الجنرا بتقدم عالم مختلف عن اللى إنت بتفضله و للسبب ده و بالرغم من من متابعتك لأكثر من عمل من الجنرا بمستويات و أفكار مختلفة إلا إن انطباعك عنها ثابت لأن من البداية مشكلتك مش مع مستوى العمل و إنما فى الأساس اللى جنرا مبنية عليه و أظن إن حتى لو قابلت عمل ممتاز بأفكار مختلفة من نفس الجنرا (و ده موجود فعلا) فانطباعك مش هايتغير
عشان أكون واضح ده مش انتقاد ليك و إنما مجرد استنتاج و للعلم بالنسبة لردك عن العمل و بالرغم من إنى ماشفتش غير الموسم الأول إلا إنى متفق معاك بالنسبة لنقطة الأنيميشن
ديجمون إيسكاي وحبيته، يعني ما عندي مشكلة مع الأيسكاي كفكرة، انتهى النقاش ^__^.