منتديات تروجيمنج

ويجزاك خير.. ولا شكر على واجب عزيزي..

وان شاء الله شروة مباركة وتوصل بالسلامة ..

على فكرة فهد طلع أصعب جزء في تحرير الفيديوهات هو دمج الأصوات
خيارات الـsound mixing وحدها في أدوبي جداً معقدة

مممممم
طيب جرب تستخدم برامج تحرير الصوت مستقلة وجهز ملفك هناك ، و بعدين اسحبها للبريمير ( ذا مجرد اقتراح لأني ما ادري كيف تبي تسوي الدمج و لا على اي اساس بتدمج ولا اعرف كيف هي نظرتك للمقطع )

صار شي معاك ؟
وماقلت لي رايك بالدفعة اللي اقترحتها لك في موضوع الأغاني ؟ جازت لك ولا لا ؟

إلا بديعة اللستة وخترت لي كم
بس لازلت أحاول في موضوع الـsound mixing
يفترض لما يبدأ التعليق ينخفض صوت الموسيقى الخلفية
هالحركة ماضبطت معي فجأة الصوت ينخفض والتأثير يبين مزعج ..
فهد انت قد سويت editing من قبل ؟ أنا توي أقول بسم الله

editing للفيديو سويتها زماااااان بالبريمير ممتعة الشغلة، و حاليا لي تجارب حلوة في editing بسيط في الصوت مع شباب لهم بودكاست ،
اذا ماخاب ظني كل برامج ال editing الصوتية و الفيديو فيها خط مستقيم خاص بالصوت للملف، يمديك ترفع هالخط و بالتالي يزيد مستوى الصوت أو تنزل الخط و ينزل معاه مستوى الصوت
فأتوقع اللي تبي تسويه ماله علاقة بخيارات ال mixing مجرد توقع)، انت اعرف الخط اللي قصدي عليه و بتضبط معاك

طيب مع انها طريقة فيها لفة و مالها داعي احيانا و يهمك تخلص المونتاج حقك بسرعة
فاذا تحب ممكن اضبط لك صوت الموسيقى بحيث ينخفض تدريجيا لين يختفي ، انت حدد لي رابط الموسقى عشان احمله و حدد لي الوقت اللي تبي يبدأ يتلاشى تدريجيا لين يختفي

لاااا يارجال أنا كيف طحت عليك بس !!
بس بأكد معك نقطة -
الحين فيه موسيقى شغالة بعدين شخص يدخل يعلق .. الموسيقى ضروري تتخفض تدريجياً بحيث صوت الشخص يبرز
أنا عالق في هالجزئية الانتقال من علو صوت الموسيقى إلى انخفاضها مع دخول صوت الشخص ماهو مريح الانسياب
يعني كفيل بأنه يخلي أي واحد يسمع الفيديو يشهق من العفن

لا تيأس مني علمني الصيد ولا تعطني السمك
ولو عجزت أصيد مرة أكلت سمكك خلاص

فاهم عليك بالضبط بطلبك البسيط جدا لأنها شغلة اساسية في التحرير
لكن لأني من زمااان عن البريمير فما اقدر افيدك بصراحة بالطريقة
لأنه النسخة اللي اشتغلت عليها مرة قديمة ب 2002 xD

طيب شوف هذه الشرح بالإنجليزي يمكن تصطاد شي
https://www.youtube.com/watch?v=zI5wJnnlM3I

https://www.youtube.com/watch?v=EFqgts5Soxo

https://www.youtube.com/results?search_query=how+to+fade+out+the+volume+in+specific+scene+in+adobe+premiere

هل يحتاج اطمن اذا حليت المشكلة ولا توك؟

قاعد اجتهد - ياخي لازم نفتح لنا موضوع حرام خبراتك تضيع سدى وماتدون للي يحتاج

لا خبرات ولا شي
عاد تصدق اللي يحمسني ويخليني اتابع و انط عليك كل شوي اسألك هو حماسك و اجتهادك الشخصي في الشغلة اللي تحطها براسك
+ تحرير الفيديو و الصوت اعشقهم ولو اني ما افهم فيهم

طيب انا لي يومين قاعد احمل نسخة بريمير على جهازي ، واكتشفت انه النسخة الأخيرة ما تركب الا على ويندوز 10 بس ! تبا 100 مرة
لذلك قاعد اعيد تحميل نسخة متوافقة مع ويندوز 7 ، فمن هنا ليومين اصبر علي xD

+ ياليت تصور لي شاشة الواجهة عندك عشان اقدر اشوفها ، لعل و عسى اقدر افيدك على السريع

شفتك اونلاين وقلت أسألك هل نجحت تثبت بريمير؟
ماقصدي استعجلك بس خذ راحتك

حياك ، توني انتبهت لرسالتك
للأسف الويندوز عندي جاه شلل و ثقل غير طبيعي بعد حملت برنامجين لأدوبي، فاضطريت ورجعت نسخة محفوظة من الويندوز ، ثم ظهرت مشكلة ثانية ان النظام عندي غير اصلي و اضطريت ابحث عن المشكلة و حليتها (يارب ماترجع )
المهم خلصت تحميل نسخة من البريمير لكن ما جربته عشان العثرات اللي راحت ، اتوقع بإذن الله في الليل راح أثبته و اجربه

طيب ما قلت لي وش صار معك ؟

مرحبا أخ سيفروس
هذه رسالة من فهد @الـفـهـد الـعـربـي بخصوص مشكلة الصوت في البريمير ، ما ادري اذا انت حليتها او لا لكن بوصل لك رسالته بالنيابة :

شوف الفيديو بالأول قبل ما تقرا الشرح عشان تستوعب انه هذا طلبك
https://youtu.be/gZlTJYuBKXE

ما أعرف إيش أقول الصراحة !! الحل طلع بسيط بس مدري مني ولا من الشرح السابق تنحت
لكن هذا الفيديو من مرة وحدة فهمته ! شوف إنك تسوي لي فيديو عشان تشرح لي
ويكون بهالطريقة الواضحة والله ماعندي كلمات خجلان من نفسي والله
شكراً مشاري وشكراً لفهد أرسلك لي
يجري عالبريمير !!!!!!!!!!!!!!!

خلاص صلحتها ! كيف أقدر أصور فيديو للشاشة ؟

مشكور مشاري @msh1ri على الفزعة

سيد سيفروس ،،
تصوير الشاشة لها برامج كثيرة ، يمكن ترتاح لبرنامج معين انا ما ارتاح له او العكس
لكن جرب هذا :
https://cutt.us/LLuvA
(ما ادري اذا نشر الروابط في الملف شخصي مسموح او لا )

(( و رمضان مبارك ع الجميع ))