امممم، تابعته من فترة طويلة ووقفت تقريبا بالأرك إلي يتعاملو فيه مع تنين وبنت صغيرة ترعاه اذا ما خانتني الذاكرة طبعا، اوه، واتذكر اني تابعت ارك كان في الثلج اتوقع هذا كان اخر حاجة..
مشكلة لانمي باختصار ان الحبكة مش قوية, والسرد عادي , الرسم تحسه كاريكاتيري والرسام مو ماخذ الموضوع على محمل الجد @@ برضو الشذوذ الي وصلت لاسوء مما وصلت له احرف اعمال الايتشي..
طبعا لا ننسى فكرة ان لوفي هو البطل الاقوى الي ما حد هزمه ( عالاقل الين ما تابعت ) . ما شدني فيه شي بصراحة
ضيعتني مع الافاتار، لو اني اذكره وللحين عندي حطيته عشانك.
واووووه عرفت المكان اللي تقصده، التنين فلر فانا كمتابع للمانجا ما شفت جزئيته. ويا رجل حرام عليك انت توك ببداية العمل والمستوى للحين ما وضح.
الاركات اللي قدام هي اللي تبدأ منها عظمة العمل، وممكن يب بالبدايه الحبكه والسرد موب مميزين بس مع تقدم العمل الحبكه والقصه وترابط الأحداث بيصير شي ما تشوفه بأي عمل ثاني.
الرسم انت توك بالرسم القديم، بعد ما تتقدم بيتحسن الرسم كثير ويصير بجودة عاليه. زي الفرق بين ناروتو العادي وشيبودن.
زينة ون بيس انه حتى مع دور لوفي الأساسي وقوته بس لوفي يعتبر نقطة ببحر قصة ون بيس وعالمها، تصدق انه شخصية لوفي مع اني اشوفها ممتازة بس مااحطها حتى بأفضل 15 شخصية بون بيس.
هو بصراحة معك حق يمكن ما اعطيت العمل حقه بمتابعة بضعة اركس فقط, لأني دائما أزعل من الناس الي تقول ناروتو سيء وهم ما تابعو الا الاول, ولكن المشكلة ان العمل طويل فهل بيكون عندي حيل اتابعه كله ؟
صدقني رؤوف انت مفوت عليك عمل عظيم جدا، وكنت زيك يوما ما وشفت كم حلقة وسحبت عليه. فحاول يوما ما تعطيه جزء من وقتك ولو انت راعي مانجا فالمانجا افضل من الأنمي من نواحي كثيرة.
واهم شي لا تجلس تقارنه بناروتو او بليتش او غيرهم، قفل المقارنه براسك كليا عشان تستمتع بالعمل مثل ما هو. شخصيا اشوف ون بيس موب افضل انمي/مانجا، انا اشوف ون بيس افضل قصة على الإطلاق.
اي ارك بدأ يصير يسوى؟ أنا برأيي ارك البرمائيين اللي انت مريت عليك كان اول ارك ممتاز، بس البدايه الحقيقيه بتكون بآرك Alabasta قريب جدا منك، انت الريدي دخلت للساجا اللي فيها نفس الآرك. بعدها بيجي ارك سكايبيا ممل شويتين، ثم بعده بيجي ارك هو اللي خلا العمل يوصل لسمعته الأسطورية ارك اسمه ووتر 7. عظيم قليله بحقه.