منتديات تروجيمنج

بالمناسبة حابب أعرف إنطباعك عن "The Promised Neverland" و الأحداث الأخيرة @@
أشوف العمل مناسب أكثر في إطار الأنمي و لو أن المانقا ممتازة كرسم و .. إلى آخره بس مدري أحسه كأنمي بيطلع حاجة فيها كمية جنان مش طبيعية (&)
خصوصًا أن سير الأحداث فيه منطقي بشكل فضيييييع و هذا شيء قلة ما نشوفه فالأعمال الجديدة بصراحة.

اختلاف الرأى طبيعى و فاهم وجهة نظرك بس يمكن تقبلت الموضوع لسببين ، الأول هو إن عندى مشكلة مع الجوروسى من بداية العمل
على عكسك ماحسيتش إن الجوروسى تم البناء ليهم بالشكل المناسب ، إحنا عارفين إنهم قادة العالم بس على عكس التنانين السماوية إحنا مانعرفش حاجة حقيقية عن شخصياتهم أو وضعهم (باستثناء مشهد حوارهم مع كلوفر من أوهارا )
و هل هم أشرار زى التنانين أو مجرد بينفذوا الأوامر بمبدأ العدالة المطلقة زى أكاينو

حتى موقعهم فى الحكومة بالنسبة للتنانين السماوية ماتمش توضيحه غير من فترة قصيرة و ده بينقلنا للسبب التانى و هو إن موقع الجوروسى الغامض فى الحكم خلانى أرجح فى البداية إنهم مجرد لجنة شكلتها التنانين السماوية للحكم خصوصا من طريقة تصرفاتهم و كون إنهم القادة كانت مفاجأة خلتنى أتساءل عن حقيقتهم و سبب اختلافهم عن التنانين

للسبب ده كون إن الجوروسى ليهم رئيس سرى فده و إن كان مفاجاة إلا إنه فى نفس الوقت ماخالفش تصورى عنهم بشكل كبير لأن من البداية ماكانش عندى تصور كامل لدورهم و ماحسيتش إنهم القادة فعلا

بالنسبة لمانجا The Promised Neverland فأنا متفق معاك فعلا و شايف إنها رائعة فعلا ، الأرك الأول تحديدا كان ممتاز بصراحة و هو فعلا ممكن يبقى أفضل فى الأنمى و من أحسن الأعمال اللى نزلت فى الفترة الأخيرة بس ده هايعتمد بشكل كبير على طريقة التقديم و الإخراج و بصراحة توقعاتى من الناحية دى مش عالية للأسف و اتمنى أكون غلطان

الأحداث الأخيرة رهيبة بس ماقدرش أقول إن عندى نفس الحماس تجاهها لسبيين ، الأول غياب عدد من الشخصيات المميزة فى العمل و اللى رفعت من مستواه بالنسبة لى و هما نورمان و إيزابيلا و التانى هو إحساسى إن نتيجة تقديم المانجا فى شونين جمب مش هايبقى فى خطر حقيقى و مافيش شخصية هاتموت و دى مش مشكلة من المانجا نفسها قد ماهى من ضغط المجلة للأسف

ده مش معناه إن الأحداث الأخيرة سيئة بأى شكل و العمل مازال ممتاز و منطقى بس عاوز نورمان يرجع للقصة فى أقرب وقت