منتديات تروجيمنج

لا، فأنا أملك XOne ^^"

بداية لازم تشوف لك فيديوين للبيجنرز عاليوتيوب أهم شي، بيشرح لك بعض الأشياء اللي ممكن ما تنتبه لها.

الكومبات سيستم باللعبة يعتمد على أن الأعداء لهم حضور حقيقي ومثل ما ضربتك قوية ضربتهم هم بعد قوية وممكن ثلاث ضربات من عدو تنهيك، فالسيستم يعتمد على المراوغة وقتال تكتيكي أكثر فأبدا لا تفكر تقلبها أكشن مثل دمك وبايونيتا وغيرهم وتدخل على كم عدو وتضرب بشكل عشوائي لأن هالطريقة ما راح تنفع..

حاول تستدرج الأعداء واحد واحد وتنهيهم، وصدقني بس تفهم القتال بتحس بشعور ادماني عظيم والقتال بباقي ألعاب الأكشن بتحسه بدون هيت ريآكشن

واترك عنك اللي يقولون اللعبة صعبة وتعجيزية وما أدري ايش، أنا كانت أول سولز لي وما أشوف ابدا تعجيزية بس أنها مختلفة عن باقي الألعاب وعادلة أكثر، وحتى البوسس واللي هم المفروض أصعب شي باللعبة ممكن تنهي أغلبهم من ثاني وثالث مرة لأن كل اللي تحتاجه هو أنك تعرف تحركاتهم وتحاول تتفاداها.

اللعبة طبعا معروف فيها واللي أكثر شي يخافون منه الناس هو بأنه اذا مت راح تفقد السولز حقتك، السولز هاذي تجمعها اذا قتلت الأعداء وتقدر تقول هي عملة اللعبة، تلفل فيها وتشتري فيها أسلحة... إلخ. قل مثلا صرفت كل اللي عندك على التلفيل وبعدين قتلت كم عدو أخذت منهم ١٠٠٠ مثلا ومت، هاذي الـ ١٠٠٠ سولز راح تطيح بنفس المكان اللي مت فيه وتقدر ترجع تاخذها الا لو مت قبل هالشي بيطيرون عليك.

تقدر ترجع تجمعهم اذا قتلت نفس الأعداء بدون مشاكل، فعادي تقبل أنك ممكن تفقد السولز كم مرة وبيجي الآف غيرهم فلا تركز جدا وتتحطم من هالناحية، وحاول دايم اذا جمعت عدد مناسب أنك تصرفه علاطول ولا تحتفظ بكمية كبيرة عشان ما تندم عليها.

طبعا اذا مت ترجع للبونفاير واللي هي زي التشيك بوينت ترجع له كل ما مت، كل مسافة بيجيك وحدة واذا رجعت لها الهيلث والبوشنز حقت الهيلث بتتعبى من جديد.

مناطق اللعبة واسعة وموب خطية بحته، ما أتوقع أنك بتضيع لأن مهما ضعت الهدف واضح بس حاول دايم تستكشف كل المكان ولا تخلي زاوية ما رحت لها، بتلقى أشياء كثير تفيدك من أسلحة وملابس وأشياء كثير غيرهم، الإستكشاف باللعبة عظيييم جدا.

وإذا ضعت أو فيه شي ما عرفت له أبدا لا تتردد أنك تسأل عن هالشي بالموضوع الرسمي، وحاول أنك تكون صبور بالبداية لأن فيه أشياء كثيرة مختلفة عن باقي الألعاب فحاول تقرأ فوائد الأدوات وتفهم الأساسيات.

معليش كاني أبثرتك بس لأني ما أبي أحد يفوت تجربة أسطورية مثل هاذي بسبب أن بدايتها مختلفة وما تعلمك كل شي مرة وحدة وبتحس أنك ضايع شوي بالبداية.

هالكلام طالع من شخص شرا ديمونز سولز ودارك سولز ١ وبلودبورن على وقتهم ولعبهم نص ساعة وباعهم، وتوني الحين أتندم وأرجع ألعبهم من جديد.