بيني و بينك ما دام نسخة الفيتا عندك العبها، ما فيه شعور احسن من صباح انت فاضي فيه و ما عندك الا التسداح في الصالة حاط راسك على المسند الي جايبه من ديرتك تاخذ لك كم ساعة تلعب على شاشة الفيتا الرائعة.^^
مثل ما قلت لك الأختلافات مش جوهرية مجرد مادة زيادة هي الأيبيلوج الي تقدر تشوفه يوتيوب، فصل الجواب هو الي بإذن الله ناوي عليه في وقت ما مستقبلاً.
حبيبي بندول && .. لا ترا ماعندي نسخة الفيتا ولا طبعاً لعبتها انا لسا ماشريت اي جزء (حالياً تراني بدانقا 2 بدأت قبل يومين وخلصت القضية الاولى &&) , اللي حمسني على نسخة البس3 اكثر هو سعرها بالفيتا عندي تنباع بـ30 دولار (ستوري سعودي ومدري هل اقدر اسوي حساب ثاني واشتريها من هناك والعبها بالسعودي ؟!) بينما في البس3 الستور الامريكي بعشرة دولار فقط
طيب ليش ما تشتريها مستخدمة؟، رخيصة كثير عالبس٣ مثل ما قلت ولا ادري ليه خلوها غالية عالفيتا. نسخة البس٣ بالأضافات و الكت-سينز و التجوال بثلث سعر نسخة الفيتا. انا اقول توكل على الله و اخذها عالبس٣.
تصدق على تسوقي للألعاب المستخدمة في الفترة الأخيرة حطيت بيرسونا ثري منها، من الآخر اللعبة طويلة و يبي لها سعة بال و قرأت ردك في موضوع دانجان. نوب بيرسونا تحتوي رسومات انمي لكن اشوفها بعيدة عن دانجان. كيف اقول لك دانجان تويستات في بطن تويستات يرمونها عليك في مدة لعب قصييرة و مخك يجيه انهيار عصبي على ما تخلص القصة من اجابتك الغلط و الأحداث الصادمة.
بيرسونا على النقيض آربيجي عمر البلاي ثرو الواحد الي ماخذ راحتك فيه و استنفدت لب اللعبة به ما يقل عن ثمانين ساعة متوسط. و نظام سنة كاملة عندك يا اللاعب تخوض اغلب ايامها بالطريقة و الشكل الي انت تبيه. توجد تويستات و لحظات رائعة ما بين كيمستري شخصيات اللعبة و اكمال القصة و خوض كل دنجن و رفع لفلاتك و الأستمتاع بنشاطاتك و تنمية علاقاتك مع الآخريين.
ههههههههههه لا ابد والنعم فيك .. اووه يب يب حبيبي تسلم على كلامك بس ترا انا قصدت على بيرسونا انها متشابهة مع دانقان من ناحية التوجه الفني الستايلشي && .. هذا وجه الشبه الوحيد اللي قصدت, انا على يقين تماماً انه مختلفة بكل شئ ثاني عن دانقان واكييييييد طبعاً مانتظر منها اللي بيكون موجود بفيجوال نوفل
بس بما انك جبتها, هوا انا اللي خايف منه في بيرسونا طولها .. ماخذ ترم صيفي (الترم هنا بخمسة اسابيع) الاسبوع الدراسي الواحد يعادل 3 اسابيع ترم عادي, ولا كمان عندي عمل جانبي .. فغير ضغط الوقت تخاف تفقد حماسك ان ماكان فيه دافع يشدك تكمل خصوصاً اني اكيد بقطع لعبي بأنشارتد 4 وممكن بلودبورن بعد شهر باذن الله &&