hits counter

الموضوع الرسمي لـ Devil May Cry HD Collection

Solay

Double Jumper
Devil-May-Cry-HD-Collection_2011_10-17-11_019-e1324408423867.jpg


السلام عليكم ورحمة الله وبركاتة

هذا الموضوع الرسمي لكولكيشن ديفل ماي كراي واللي يحوي الثلاث اجزاء محسنه للإتش دي,وراح أتكلم عن كل شي بالتفصيل:

بلا بلا بلا بلا بلا بلا بلا بلا بلا بلا بلا بلا..

وهنا راح تكون كل الإنطباعات عن اللعبه,وأتمنى اني مااكون طولت عليكم,وعذرا لو فيه أحد حاجز الموضوع.
 
التعديل الأخير بواسطة المشرف:

Solay

Double Jumper
توني مجربها قبل شوي,والجرافيكس رائع ومضبوط بس للأسف ماتعبوا أنفسهم أبدا بتعديل القوائم وبعض الكتسينز اذا موب كلها..

تخيل انك تلعب لعبة اتش دي واذا ضغطت ستارت تنقلب اللعبه SD غباء الصراحه,بس يبقى عيب تقني ممكن تتغاضى عنه.
 

BlackBird

True Gamer
واااااااو موضوع متعوب عليه صراحة كمية المعلومات الي فيه أثرتني

وليش ما تخلي كلمة الموضوع الرسمي بالأحمر العريض فاسم الموضوع؟؟

من جد تعبان عالموضوع زي مالشركة تعبت فاللعبة :p :p :p :p
 

Good Hunter

True Gamer
لاعبي اليوم واللي فاتتهم ديفل ماي كراي اتمنى ياخذوا اللعبة ويلعبوا الجزء الاول خصوصاً حتى يعرفوا الهاك اند سلاش على اصوله
 

Solay

Double Jumper
واااااااو موضوع متعوب عليه صراحة كمية المعلومات الي فيه أثرتني

وليش ما تخلي كلمة الموضوع الرسمي بالأحمر العريض فاسم الموضوع؟؟

من جد تعبان عالموضوع زي مالشركة تعبت فاللعبة :p :p :p :p

من يوم اعلنوا عن اللعبه وانا اشتغل عليه؟!

أحمر عريض؟! ابجرب اسويها ان عرفت.

تعديل:هاها سويتها.
 
التعديل الأخير:

Xeon-Q8

True Gamer
لو مالك خلق تسوي موضوع مرتب ، لاتشوه المنتدى بكذا مواضيع

مثل ما انتقدنا ناس كانت مسويه مواضيع مو بمستوى تروجيمينج لازم ننتقد كل الاعضاء اللي ينزل مواضيع تعبانه نفس هذي
ولا راح يكون الامر شخصي وكلامنا عن مستوى المنتدى خرابيط

يعني فوق الكلام الفاضي اللي كاتبه بأول الموضوع ، تعتذر اذا كان احد حاجز الموضوع قبلك !! من صجك!!

شوف وتعلم مواضيع كولكشن المفروض يكون هالموضوع افضل منهم
http://www.true-gaming.net/boards/showthread.php?t=25391
http://www.true-gaming.net/boards/showthread.php?t=24204
http://www.true-gaming.net/boards/showthread.php?t=21707
 

Five

True Gamer
موضوع رهيب جداً اخ Solay، يمتلك جميع المواضيع الرسمية الأخرى *ما أجامل ابداً *، أصلاً الـHD Collections حقين كابكوم شغل مشي حالك من بعد ماجربت الريفايفل سيليكشن أيقنت هالأمر
لدرجة ان مودات نسخ الـPC الي من الفانز أفضل منها بسنين ضوئية على الأقل مايكون فيه "اسلحة اساسية" مايصير لها Retexture او ملابس الشخصيات نفسها!!!
بس DMC تستاهل عشانها تستاهل. nuff' said

ملاحظة: الأخ سولاي من الأعضاء القدماء من تي جي ... فشيء أكيد انه يدرك تماماً ان الموضوع المفروض مايكون مثل كذا، فيمكن انه قاعد يعدل على الموضوع بشكل خفي :tongue:
 
التعديل الأخير:

H2O

True Gamer
rPyPx.jpg


الكولكشن أخذته بـ 160 .. ودمك 4 بـ 85. :) .. فرصة إني اجرب السلسلة.
 

Old Snake

True Gamer
^
من الآن عشان توزن حماسك لول.
الاول ممتاز جداً والثاني مقبول والثالث جيد جداً والرابع سيء وكارثي وتعريف كيف تحطم سلسلة محبوبة إلى فتات...>_>
 

H2O

True Gamer
لول غريبة ياحمدي .. انا سمعت كمية كره غير طبيعية في الثاني.. جاني فضول اجرب الجزء هذا بالتحديد >.>.
 

DEMON

True Gamer
الثالث جيد جدا >.> ، أنا أشوفه أفضل جزء .
 

Sky Walker

True Gamer
الاول ممتاز جداً والثاني مقبول والثالث جيد جداً والرابع سيء وكارثي وتعريف كيف تحطم سلسلة محبوبة إلى فتات...>_>

الاول مش ممتاز جدا وبس .. اسطوري !!!
 

Old Snake

True Gamer
ياحول, قلت جيد قلتوا كيف جيد المفروض ممتاز, قلت ممتاز جداً تقول كيف ممتاز جداً المفروض أسطوري, بكره بقول أسطوري بتخش تقول كيف أسطوري المفروض ميجاتوني...>_>
 

MAX9009

True Gamer
لول انا اخالفكم .. ما انكر انه الاول رهيب فعلاً وكان بداية السلسله لكن من ناحية جيم بلاي فاهو مايسوى بصله قدام عمق جيم بلاي الجزء الثالث ..

ابراهيم مبروك حبي .. الاول رهيب الثاني تعيس وما قدرت اكمله الثالث ممتاز جداً الرابع جيد
 

DEMON

True Gamer
^^^
لووول . خلك من رد علي الكلام الفاضي >.>
كنت أقصد :
الاول ممتاز جداً والثاني مقبول والثالث جيد جداً والرابع سيء وكارثي وتعريف كيف تحطم سلسلة محبوبة إلى فتات...>_>
وكأن الأول أفضل من الثاني وهم أصلا كلها ممتازة ومستواها نفسه تقريبا .

_____________________________________________________________

المهم ، شريت اللعبة أمس بالليل لكن لسا ما جربتها .


ApV9_JCCMAA_Qyx.jpg:large
 
التعديل الأخير:

Old Snake

True Gamer
هممم, بالنسبة لي حسيت الاول أكثر تكامل من ناحية عناصر أخرى, لكن بالفعل الثالث أستمتعت فيه جداً أيضاً بدرجة مقاربة.
 

T u R k I

True Gamer
حتى انا الثالث عندي افضل جزء

انا ناوي اجيب الكولكشن ولو اني مااثق بشغل كابكوم .. كيف مستوى التحسين افضل من كولكشن رزدنت ايفل؟
 

Al Pacino

True Gamer
ياحول, قلت جيد قلتوا كيف جيد المفروض ممتاز, قلت ممتاز جداً تقول كيف ممتاز جداً المفروض أسطوري, بكره بقول أسطوري بتخش تقول كيف أسطوري المفروض ميجاتوني...>_>

زي بعض الناس بالأفلام اذا عطيت الفلم 8 قالو لك لا كيف 8 المفروض 8.8!! إذا قلت 8.5 قالو لك لا كيف المفروض 9.


طبعا حمدي تعرف من أقصد ومايحتاج تكرار أسمه لأنه موجود الريدي في هذا السطر. :D!!
 

DEMON

True Gamer
على ما أسمع انه أفضل ، لكن مش لدرجة كولكشن مجس مثلا ، على كلام ign انه كل التحسين كان على موديلز الشخصيات والأعداء والكستشرز بالمناطق شوي مضروبة ، واللقوائم مو SD لول .
عموما ألعبها اليوم ان شاء الله وأتأكد .
 

Good Hunter

True Gamer
انا في نظري الاول كان ثوري ..
الثاني كان عدة خطوات للخلف صراحةً .. بسبب القصة وسهولة الجيم بلاي وسطحية اللعبة مقارنة بالجزء الاول .
الثالث نجح في استعادة مكانة اللعبة بجيم بلاي عميق وقصة لن تنسى واوست خرافي يجعل منه تجربة هاك اند سلاش خالدة .
الرابع مرة اخرى خطوة للخلف بسبب التكرار اللي فيه بنظري .
 

Solay

Double Jumper
لو مالك خلق تسوي موضوع مرتب ، لاتشوه المنتدى بكذا مواضيع

مثل ما انتقدنا ناس كانت مسويه مواضيع مو بمستوى تروجيمينج لازم ننتقد كل الاعضاء اللي ينزل مواضيع تعبانه نفس هذي
ولا راح يكون الامر شخصي وكلامنا عن مستوى المنتدى خرابيط

يعني فوق الكلام الفاضي اللي كاتبه بأول الموضوع ، تعتذر اذا كان احد حاجز الموضوع قبلك !! من صجك!!

شوف وتعلم مواضيع كولكشن المفروض يكون هالموضوع افضل منهم
http://www.true-gaming.net/boards/showthread.php?t=25391
http://www.true-gaming.net/boards/showthread.php?t=24204
http://www.true-gaming.net/boards/showthread.php?t=21707

للمعلوميه انا مالي أبدا بالمواضيع الرسميه ومااحب التكلف أبدا بس الموضوع سويته عشان يصير فيه مكان نسولف فيه عن اللعبه,لأنه مافيه اي موضوع يقدر يخدمنا بهالشي..

وشكرا على النصيحه,وآسف كاني اوجعت عيونك بهالموضوع المشوه.

ملاحظة: الأخ سولاي من الأعضاء القدماء من تي جي ... فشيء أكيد انه يدرك تماماً ان الموضوع المفروض مايكون مثل كذا، فيمكن انه قاعد يعدل على الموضوع بشكل خفي

هههههههه لا ابشرك من الحين مافيه اي تعديلات,والسبب الكلام اللي قلته فوق..

بس اذا فيه عضو متحمس يرسل لي معلومات او اي شي وأحدث الموضوع بمعلوماته.

وياشباب ترا هو كوليكشن يعني حتى لو قلنا لازم موضوع رسمي وحركات ترا اللعبه قديمه وغنيه جدا عن التعريف.
 

Solay

Double Jumper
عموما جالس ألعب الأول الحين ومستمتع فيه,وحسيت اني جالس العب ريزدنت ايفل نسخة مأكشنه خاصة مع مشية الأعداء..

وبالنسبه لترتيب السلسله مااقدر أحكم حاليا,بس دمك 3 أشوفها أفضل لعبة أكشن وبالراحه والرابع كان عار على السلسله مع ان كان فيه جزئيات ممتعه مثل الزعيم ابو نار.
 

Sea.roOock

TG News Editor
معليش الي معصب على الموضوع هذا سبب تافه، الأعضاء هم من نفسهم رفعوا ستاندرد المواضيع و ضبطها، إذا البقية موب مهتمين بهذي الأشياء هذي مافيها لا تشويه ولا شي.

الموضوع نسويه عشان نتناقش عن اللعبة موب عشان نمتع نظرنا بالتصاميم و الفلسفة في الرد الأول.
 

Nintendo

TG editor-in-chief
^^^^^^^^^

بالضبط

اذا لعبة صدرت ومحد مسوي لها موضوع رسمي ولكن فيه ناس كثار ودهم يتناقشوا فيها اي موضوع رسمي يفي بالغرض شباب، بالنهاية هو رد واحد والنقاش بالموضوع هو المهم
 
التعديل الأخير:

Sultan/X

Banned
ياخي حرااااام عليييييك وش ذا -_- مابي اكون دراما كوين لكن ماحد جبرك وقال يالله حط موضوع كلام فاضي والاشياء ذي ماتلايم موقع اعضائه محترفين وناس لهم درايه بعالم القيمز هاذي المواضيع لول حتى ليه نسميه موضوع ماتنحط بأسخف المنتديات في النت , اعذرني اخي لكن صراحه هاذي قله احترام للاعضاء واهمها اهانه للعبه صراحه من اهم الالعاب يعني تستاهل مووضع محترم واذا مو قادر او منت فاضي اسال غيرك يمكن تلاقي واحد يبي يسوي موضوع وتراه هاذا شي يشوه صوره الموقع لن زواره كثار , زي مره للي عضو سوا موضع عن سول كالبور وماحد تكلم عليه واغلبيه الاعضاء بلمنتديات الثانيه
اخذوها مصخره يقولو ترو قيمنق وشوف كيف مواضيعهم ,الله يا ايام كانت المواضيع صفحات صفحات من الابداع والشغف انا ادري ان اللعبه الكل عارفها ومايحتاج تكتب عنها بس مو لدرجه ذي عاد , انا ادر يانك بتزعل وتجلس تكتب رد لي لكن والله كل هذا حب للمنتدي ومابيه يطلع بصوره هاذي خصوصا علي صعيد المواضيع لنها تعكس مدي حب الاعضاء للعبه والمجال اتمني من قلبي ماعاد نشوف مثل هالاشياء ذي
ومانعطي المنتديات الثانيه شي يضحكو به علينا
 
التعديل الأخير:

Solay

Double Jumper
^
ليه الجديه الزايدة؟! تروجيمينج منتدى غني عن التعريف وبالنسبه للي يصير بالمنتديات الثانيه هاذي حركات مبزرة والكل عارف هالشي..

حنا جايين هنا ننبسط ونتناقش مالنا دخل بالخرابيط الثانيه,واستغرب من اللي للحين متمسك بحركات المنتديات القديمه,وتبجيل المنتديات..

وردود الشباب فوقك كافيه,ولا تحسب أني زعلت بس وجهة نظر أطرحها ومن زمان وانا ودي أقول هالكلام للمبجلين.
 

Al Pacino

True Gamer
^

فيه فرق بين موضوع رسمي وموضوع إنقاذ، إذا مثل هالموضوع انفتح قبل صدور اللعبة بـكم أسبوع أكيد محد بيرضى فيه لأن فيه وقت لإظهار موضوع آخر بمستوى أفضل.
بس اللعبة خلاص نزلت والشباب يبغون يجتمعون بموضوع واحد، مو شرط ننتظر أحد الفانز يسرد لنا تاريخ السلسلة بالموضوع الرسمي عشان نقدر نتناقش.
 

Nintendo

TG editor-in-chief
وبعدين الشباب اللي نتقدوا، طالما مهتمين باللعبة ومتحمسين لها ليش محد طلب موضوع رسمي لها؟ اتمنى شباب نقفل السالفة وتتناقشوا عن اللعبة افضل
 

Primal

( ̄ー ̄)
شباب الي ما لعب الاول والثاني ومخطط يلعبهم بالكولكشن نصيحة لا ياخذ الكولكشن
فقط ياخذ الثالث من الستور وخلاص اذا بينزل
الجزء الاول محد بيقدر يلعبه او يتقبله الا الفانز الي لعبوا الجزء الاول على وقته ونفس الكلام على الثاني
الثالث ممتاز جدا جدا ويكفي الي ما جربوا السلسلة من قبل
 

Ze Truth

Banned
مهما كان, ما يصير تسوي موضوع رسمي بدون بانر سليمان!

Devil-May-Cry-HD-Collection_2011_10-17-11_019-e1324408423867.jpg


الحين الامور تمام.
 
أعلى