G7Ga7
True Gamer
السلام عليكم
وش هو تويتر؟
تويتر هي خدمة سوشال نيتووركينج ضخمة تعتمد على متابعة - أو ملاحقة- أعضاء الخدمة سواءاً كانوا أصدقائك او مواقعك المفضلة, أو اشخاص تهتم فيهم بشكل او بآخر, أو غيره. وبنفس الوقت تخلي غيرك يتابعونك ويشوفون جديدك.
كيف يشتغل؟
هدف تويتر الأساسي هو انك تخلي الناس تعرف وش قاعد يصير في حياتك الآن. لكن تطورت الخدمة الآن, وتويتر للكثيرين صار مصدر لقاء أصدقاءه في الانترنت, ومصدر لمتابعة ونشر ومناقشة أخبار, مقالات, أحداث أو غيرها. ومن خلال تويتر ممكن تتابع آخر تحديثات المواقع والشركات وغيرها من الجهات الي تهتم فيها. برضو من خلال تويتر تقدر تتابع بعض الأشخاص الي ودك تعرف عنهم أكثر, سواءاً كانوا مصممين ألعاب, أصحاب مواقع أو شركات, لهم آراء ممتازة..الخ. باختصار تويتر يجيب الانترنت من كل مكان ويحطه لك بشكل بسيط وسهل وممتع.
أفضل طريقة لاستخدامه؟
إنسى تستخدم تويتر من الموقع. واجهة الموقع الجديدة أصبحت معقدة كثير لمستخدمين الخدمة لأول مرة. والآن موجود مليون برنامج وآد أون للويندوز والماك والجوالات الذكية وحتى المتصفحات. للمبتدئين أنصح بـEchofon. البرنامج جداً بسيط في طريقة التقديم والاستخدام
ملاحظة: التويت أو التويته هي الرسالة الي يكتبها الشخص من خلال تويتر.
أوكي, الآن نمشي خطوة خطوة عشان نخليك مستعد تستخدم تويتر بسهولة وبسرعة.
1) انشئ حسابك:
من خلال هالصفحة: https://twitter.com/signup اليوزر نيم هو الإسم الي بيُستخدم في التويتات. حاول تختار واحد سهل الحفظ والكتابة عشان كل مرة واحد يبغى يكلمك, ما يحتاج يضيع وقت يبحث عن السبيلينج.
2) عدل البروفايل حقك (اختياري):
من القائمة الي فوق اختر على Profile بعدين Edit your profile وعب المعلومات الي تبغاها, مثل الصورة حقتك والـBio وغيرها.
3) جاء وقت ملاحقة الخلق:
قائمة أعضاء تي جي وغيرهم الكثير من هنا. الي تسويه انك تضغط على الشخص الي تبي تتابع تويتاته, وتضغط على زر Follow.
4) شغّل برنامج إيكوفون (أو أي تويتر آب):
بما اني استخدم نسخة الفايرفوكس, فراح أشرح عليها. عموماً أغلب البرامج لها نفس الطريقة.
- أول شيء رايت كليك على أيقونة ايكوفون, بعدين اختار preferences.
- اضغط Add account, وادخل اليوزر نيم والباسوورد.
- اختار الثيم وحجم الخط, وضبط الاعدادات الثانية على راحتك. واختر اوكي.
الآن راح اشرح مكونات البرنامج:
1- تويتات الناس الي تلحقهم كلهم.
2- إذا احد جاب طاريك, سواءاً رد على احد تويتاتك, أو حط اسمك داخل التويت لأي سبب كان, راح يطلع هنا. إلي ما لاحقتهم وردوا عليك أو جابوا طاريك, بتحصل تويتاتهم هنا.
3- تويتر يدعم الرسائل في حال عندك شيء خاص تبي تقوله لأحد معين, او فيه سالفة طويله بينك وبين شخص آخر ومحد مهتم في سواليفكم وفيها نقاش طويل, يفضل تكون بالرسائل.
4- من هنا تكتب التويت حقك (140 character)
5- عدد التويتات الجديدة الي ما شيكت عليها إلى الآن.
6- مكان التويتات طبعاً.
تقدر تسوي ريتويت (الشرح تحت) من خلال رايت كليك, وبعدين تسوي ريتويت من دون كوممينت, أو ريتويت بتعليق. وتقدر ترد على تويت معين من خلال ضغط زر السهم الي يطلع على التويت.
من خلال النافذة الصغيرة هذي والي ما راح تاخذ إلا جزء بسيط من المتصفح راح تكون واجهتك لتويتر.
5) مفردات تويتر:
علامة الـ@ : تحطها قبل أي اسم يوزر عشان نتعرف عليه. مثلا: شريت اللعبة الجديدة أنا و @Hazimov و @CONAN1, إذا بغيت ترد على تويت معين, حط الماوس عليه, وبيطلع لك علامة سهم. اضغط على السهم وتويتر اوتاميتيكيا بيحط اسم الي تبغاه مع الـ@.
ٌRT: أو ريتويت. اذا شفت تويت عجبك وودك تشاركه مع الثانين. تقدر تسوي له ريتويت. إذا كنت تستخدم إيكوفون, الشرح موجود فوق. مثال: من حساب تويتر ثامر لقيت: RT: @G7Ga7 Hello world. هذا يعني انه ثامر سوى ريتويت لتويتي.
Favorite: اذا اعجبك تويت معين وبغيت تحطه في قائمة المفضلة (تقدر تشيك عليها من موقع تويتر) تضغط على فيفوريت أو على النجمة.
6) انت جاهز:
أوكي, حسابك موجود, البرنامج موجود, لاحقت الي تبغى تلاحقه. مبروك, انت الآن بتعيش تجربة تويتر البدائية. الي تحتاجه الآن انك تحط يوزرك في هذا الموضوع على اساس تخلي الي يبغى يتابعون تحديثاتك يلحقونك.
إذا فيه اقتراحات عن البرامج الممتازة, حطوها في الموضوع, وراح اضيفها ان شاء الله.
+ أكيد أي سؤال او استفسار او اضافة ياليت تقولون لي عنها.
***********
معلومات عامة
***********
معلومات عامة
***********
تويتر هي خدمة سوشال نيتووركينج ضخمة تعتمد على متابعة - أو ملاحقة- أعضاء الخدمة سواءاً كانوا أصدقائك او مواقعك المفضلة, أو اشخاص تهتم فيهم بشكل او بآخر, أو غيره. وبنفس الوقت تخلي غيرك يتابعونك ويشوفون جديدك.
كيف يشتغل؟
هدف تويتر الأساسي هو انك تخلي الناس تعرف وش قاعد يصير في حياتك الآن. لكن تطورت الخدمة الآن, وتويتر للكثيرين صار مصدر لقاء أصدقاءه في الانترنت, ومصدر لمتابعة ونشر ومناقشة أخبار, مقالات, أحداث أو غيرها. ومن خلال تويتر ممكن تتابع آخر تحديثات المواقع والشركات وغيرها من الجهات الي تهتم فيها. برضو من خلال تويتر تقدر تتابع بعض الأشخاص الي ودك تعرف عنهم أكثر, سواءاً كانوا مصممين ألعاب, أصحاب مواقع أو شركات, لهم آراء ممتازة..الخ. باختصار تويتر يجيب الانترنت من كل مكان ويحطه لك بشكل بسيط وسهل وممتع.
أفضل طريقة لاستخدامه؟
إنسى تستخدم تويتر من الموقع. واجهة الموقع الجديدة أصبحت معقدة كثير لمستخدمين الخدمة لأول مرة. والآن موجود مليون برنامج وآد أون للويندوز والماك والجوالات الذكية وحتى المتصفحات. للمبتدئين أنصح بـEchofon. البرنامج جداً بسيط في طريقة التقديم والاستخدام
- إذا كان عندك ويندوز: حمل فاير فوكس, واستخدم الـAdd on الموجود في الصفحة.
- إذا عندك ماك: حمل نسخة الماك.
- آيفون: حمل الآب المجاني.
ملاحظة: التويت أو التويته هي الرسالة الي يكتبها الشخص من خلال تويتر.
*******
يالله نبدأ:
*******
يالله نبدأ:
*******
1) انشئ حسابك:
من خلال هالصفحة: https://twitter.com/signup اليوزر نيم هو الإسم الي بيُستخدم في التويتات. حاول تختار واحد سهل الحفظ والكتابة عشان كل مرة واحد يبغى يكلمك, ما يحتاج يضيع وقت يبحث عن السبيلينج.
2) عدل البروفايل حقك (اختياري):
من القائمة الي فوق اختر على Profile بعدين Edit your profile وعب المعلومات الي تبغاها, مثل الصورة حقتك والـBio وغيرها.
3) جاء وقت ملاحقة الخلق:
قائمة أعضاء تي جي وغيرهم الكثير من هنا. الي تسويه انك تضغط على الشخص الي تبي تتابع تويتاته, وتضغط على زر Follow.
4) شغّل برنامج إيكوفون (أو أي تويتر آب):
بما اني استخدم نسخة الفايرفوكس, فراح أشرح عليها. عموماً أغلب البرامج لها نفس الطريقة.
- أول شيء رايت كليك على أيقونة ايكوفون, بعدين اختار preferences.
- اضغط Add account, وادخل اليوزر نيم والباسوورد.
- اختار الثيم وحجم الخط, وضبط الاعدادات الثانية على راحتك. واختر اوكي.
الآن راح اشرح مكونات البرنامج:
1- تويتات الناس الي تلحقهم كلهم.
2- إذا احد جاب طاريك, سواءاً رد على احد تويتاتك, أو حط اسمك داخل التويت لأي سبب كان, راح يطلع هنا. إلي ما لاحقتهم وردوا عليك أو جابوا طاريك, بتحصل تويتاتهم هنا.
3- تويتر يدعم الرسائل في حال عندك شيء خاص تبي تقوله لأحد معين, او فيه سالفة طويله بينك وبين شخص آخر ومحد مهتم في سواليفكم وفيها نقاش طويل, يفضل تكون بالرسائل.
4- من هنا تكتب التويت حقك (140 character)
5- عدد التويتات الجديدة الي ما شيكت عليها إلى الآن.
6- مكان التويتات طبعاً.
تقدر تسوي ريتويت (الشرح تحت) من خلال رايت كليك, وبعدين تسوي ريتويت من دون كوممينت, أو ريتويت بتعليق. وتقدر ترد على تويت معين من خلال ضغط زر السهم الي يطلع على التويت.
من خلال النافذة الصغيرة هذي والي ما راح تاخذ إلا جزء بسيط من المتصفح راح تكون واجهتك لتويتر.
5) مفردات تويتر:
علامة الـ@ : تحطها قبل أي اسم يوزر عشان نتعرف عليه. مثلا: شريت اللعبة الجديدة أنا و @Hazimov و @CONAN1, إذا بغيت ترد على تويت معين, حط الماوس عليه, وبيطلع لك علامة سهم. اضغط على السهم وتويتر اوتاميتيكيا بيحط اسم الي تبغاه مع الـ@.
ٌRT: أو ريتويت. اذا شفت تويت عجبك وودك تشاركه مع الثانين. تقدر تسوي له ريتويت. إذا كنت تستخدم إيكوفون, الشرح موجود فوق. مثال: من حساب تويتر ثامر لقيت: RT: @G7Ga7 Hello world. هذا يعني انه ثامر سوى ريتويت لتويتي.
Favorite: اذا اعجبك تويت معين وبغيت تحطه في قائمة المفضلة (تقدر تشيك عليها من موقع تويتر) تضغط على فيفوريت أو على النجمة.
6) انت جاهز:
أوكي, حسابك موجود, البرنامج موجود, لاحقت الي تبغى تلاحقه. مبروك, انت الآن بتعيش تجربة تويتر البدائية. الي تحتاجه الآن انك تحط يوزرك في هذا الموضوع على اساس تخلي الي يبغى يتابعون تحديثاتك يلحقونك.
**************
أفضل برامج تويتر:
**************
أفضل برامج تويتر:
**************
إذا فيه اقتراحات عن البرامج الممتازة, حطوها في الموضوع, وراح اضيفها ان شاء الله.
+ أكيد أي سؤال او استفسار او اضافة ياليت تقولون لي عنها.
التعديل الأخير:
