Inside Man
حمستني للفلم أن شاء الله قريباً جداً
And because Hollywood rarely honors non-English roles, Cotillard probably won't get her Oscar.
La Vie En Rose
10/10
انشالله بشتريه قريبا , كنت استنى نسخة البلوراي لاكن شكلها مابتنزل
للأسف ماشفت Amadeus عشان أقدر أحكم.سوبر .. هل الفلم فيه من اماديوس ؟
La Vie En Rose , فلم سنة 2007 .. يتكلم عن حياة المغنية الفرنسية الشهيرة Edith Piaf اللي شهرتها في فرنسا مثل شهرة أم كلثوم في مصر ..
الفلم يسرد حياتها منذ مرحلة الطفولة الى آخر أيام حياتها , قامت الفنانة Marion Cotillard بأداء دور المغنية Edith Piaf في الفلم , وكان أداء مميز للغاية حيث انها اكتسبت أوسكار كأفضل ممثلة في دور رئيسي في سنة 2008 .
طبعاً فلم كهذا الفلم اللي يتكلم عن حياة واحدة من أشهر وأفضل المغنيين يحتاج له مخرج قدير بإمكانه اظهار حقيقة حياة Edith Piaf بالشكل المطلوب والصورة المناسبة للمشاهد وكان هو المخرج الرائع Olivier Dahan .. طبعاً إخراج ماعليه كلام بالمرة طريقة عرض الأحداث مميز جداً ومايخليك تحس بالملل بالمرة , الحركة الحلوة اللي حبيتها في الأخراج انه يحط لك مشهد للمغنية يوم كانت صغيرة وبعدين ينقلك لمشهد ثاني وهي كبيرة في السن .. شيء آخر انه صوّر لك كيف كانت معاناة البنت Edith Piaf منذ ضغرها وكيف كانت نشأتها الصعبة المشاكل اللي تعرضت لها كل ماتكبر .. من المشاهد الرهيبة اللي خلتني اندهش واتأثر بنفس الوقت هيطبعاً أحييّ المخرج على الشغل المحترم اللي قام فيه لإنجاح هذا الفلم وإظهاره كما ينبغي.يوم كانت Edith Piaf نايمة وتنتظر حبيبها Marcel انه يجيها .. قعدت اليوم الثانية وشفته جاء .. وبعدين لما راحت تجيب له الهدية وماحصلتها وخبروها انه مارسيل حبيبها صار له حادث في الطيارة ومات .. وراحت الغرفة وماحصلته .. وبعدين انتقل المشهد على طول وهي تمشي الى داخل المسرح عشان تغني .. واو !! مشهد من أروع المشاهد.
واحد من أهم العناصر اللي كانت موجودة بالفلم هو التمثيل , كما ذكرت الممثل الساحرة Marion Cotillard اللي كأنك وانت تشوفها بالفلم تحسبها هي المغنية Edith Piaf الحقيقية بالفعل ! من شدةّ اتقان الدور وتقمص الشخصية بالشكل المطلوب ومعايشة الدور المقدم لها .. طبعاً هناك العديد من الممثلين الآخرين في الفلم بس مابتركز عليهم قد مابياخذ بالك دور الممثلة ماريون , ممكن أذكر منهم الممثل Jean-Pierre Martins اللي مثّل دور حبيب المغنية Edith Piaf والممثلة الاخرى Sylvie Testud بدور أخت المغنية وكان أدائها ممتاز ودعّم مسار الأحداث بشكل جميل.
بلا شك الساوندتراك هو أغلبه من أغاني المغنية Edith Piaf , وبعض الأغاني كانت بصوت Marion Cotillard .. استخدام الموسيقى كان ممتاز بحيث انه يتناسق مع المشاهد بالصورة المطلوبة .. المشكلة اللي واجهتها ان الأغاني الموجودة بالفلم ماكانت مترجمة بالإنجليزي للأسف -_- .. بس بدون شك انك بتستمتع بواحد من أفضل الأصوات المؤثرة اللي مستحيل تتكرر في مجال الغناء على مر التاريخ.
بشكل عام , الفلم ممتاز من جميع النواحي وقدم لك قصة وحياة المغنية Edith Piaf بشكل قصير ومختصر خلال الـ ساعتين و20 دقيقة واتضمن فيها أهم مراحل حياة المغنية والتطورات اللي في حياتها وصوّر لك الفلم بطريقة مميزة واستخدم الـFlashbacks بشكل ممتاز جداً .. ودعّم نجاح هالفلم أداء الممثلة ماريون اللي أدت دور صادق ومؤمن وموثر ومحزن وحيوي في آن واحد ويعتبر واحد من أفضل الأدوار النسائية اللي شفتها في عالم السينما .. بكل بساطة استحقت الاوسكار بكل جدارة وتميّز .
عجبتني هالجملة اللي حصلتها في مراجعة واحد من الأشخاص اللي كتب مراجعة عن الفلم يقول:
لكن الممثلة خذت الجائزة رغماً عن الكل .. وتستاهلها بكل تميز !
10/10
Perfume: The Story of a Murderer
فلم يتكلم عن شخص يولد ومعه ميزه خارقه .. حاسة الشمـ الخيالية الي يملكها والتي تأهله لشم اي شئ وتحديد مكانه وكل شئ .. هالشخص بالاخير يعجب بمهنة العطار الي وبفضل حاسته يقدر يكتشف مكونات اي عطر ويدمج من المواد عشان يكون عطر افضل ,, لكنه يلهم زياده عن اللزوم بهذه المهنة او بالروائح الزكية ويشغف مما يؤدي به ذلك لأشياء لاتوافق العقل البشري ولا الطبيعة البشرية .. ( كل هذي الاحداث بتعرفها بأول 10 دقايق من الفلم ) ..
اداء الممثلين رائع مع ان اغلبهم مو معروف الا ان اداءهم كان ممتاز .. احداث القصة مدهشه .. للفلم عيوب وهي الي نزلت تقييمي له الاول هو بشاعة الفلم فـ الفلم يصور الحياة بفرنسا بالقرن الثامن عشر بصورة بشعة و أصلا الفلم فيه احداث ايضا تشقعر البدن ( مدري ممكن لاني شفت الفلم وانا اتغدى فـ اعتبروني ابالغ بهالنقطه ) .. شي الثاني .. هو التعري المبالغ فيه طبعا ما اقصد مبالغ فيه ان ماله دخل بالقصة .. قصدي انهم كانو يقدرون يصورونه بطريقة افضل من الي عرض !
النهاية ماكانت مفهومة بالنسبة لي .. لكن مع كل هالعيوب يبقى اني استمتعت بقصة الفلم ... ماقدر انصح فيه لان هو من النوع الي يا أنه يعجبك او تكرههـ .. فـ حاول تفهم نوعية الفلم قبل مشاهدته .
8.5\10
The Pianist يفرم Schindler's List فرم ..
Schindler's List قصته ممطوطة و فيها ملل ... أما The Pianist فكفيلم يشدك من أول لحظة لآخر لحظة ...
^
يوووهـ هالفلم شفته مليون مره عالـ mbc 2 .. الفلم حلو لكن اغلب احداثه متوقعه .. بس كان رهيب ومع اني اكون شايفة كم مره بس اذا شفته على التلفزيون انجبر اني اشوفه .
/quote]
اذا عجبك بلودسبورت .... انصحك تشوف كيك بوكسر
الفلم قريب من فكره بلود سبورت .... رهيب