الي كاتب القصة واحد سكران :laugh:: . عجزت افهم شي.
الي كاتب القصة واحد سكران :laugh:: . عجزت افهم شي.
المشكلة الوحيدة تكمن بأسماء الأشخاص في اللعبة واللي غالبا تكون طويلة وصعب أنك تتذكرها خلال اللعب.
اكتب الاسماء وحاول ترسم الشخصيات بجنب كل اسم
بديت ألعبها على الطور الإحترافي
ممتعة اللعبة و الخلفيات و الموسيقى مرة رايقة
بديت ألعب بالبنت.. أصلا ما كنت فاهم شي يوم قالوا لي اختار
عموما في فرق كبير بين الشخصيتين؟
5 ساعات. أوكي انا زهقت. اللعبة ماهي لي ابداً. اللعبة فيها تكرار يزهّق. الأعداء قليلين. والمناطق تتكرر. والمشاوير الي تقطعها تزهق. والموسيقى ماهي بالرهابة الي كنت متأمل منها. بس للأمانة القتال رهيب. يعني كان فيه امكانية ان اللعبة تكون أفضل من كذا بكثير.
أول شي عدد الأعداء مرررررة محدود. وفوق هذا, اللعبة ماخذة ميكانيكية العالم المفتوح. يعني تطلع لأقصى الشرق, تذبح الزعيم, تاخذ سيف يفتح لك المنطقة الي في اقصى الغرب. فلازم ترجع المشوار كله من اقصى الشرق الى اقصى الغرب. بعدين تاخذ السيف الي يفتح لك منطقة ثانية بأقصى الشرق. وترجع تعيد المشوار مرة ثانية من اقصى الغرب الى اقصى الشرق. والأماكن هي نفسها, والأعداء هم نفسهم, واسلوب القتال هو نفسه. أنا متأكد لو انهم بسطوا ديزاين اللعبة, بحيث يخلونها مرحلة1->زعيم -> مرحلة2-> زعيم من دون المشاوير الي موجودة, وكل مرحلة يكون لها تصميم وموسيقى وأعداء خاصة فيها, كان اللعبة صارت ممتعة أكثر وأكثر ريفريشينج.
لكن اللعبة لها محاسن كثير لازم تُحسب لها. أول شي مظهر اللعبة ابداع. على الرغم من ان نص اللعبة غابة بنفس التصميم, الا ان فيها مناطق مُتقنة ورسمها رايق. سبرايتس الشخصيات والأعداء كلها top notch. بعض المؤثرات البصرية العبقرية برضو تعطي لمظهر اللعبة عُمق رهيب. برضو الآرت طبعاً ما يحتاج. مضبوط وراكب على اللعبة وأجواءها. برضو من الأشياء الممتازة هو نظام القتال. صحيح اني مليت منه, لكن مو لأنه سيء. بل لأن ما فيه تنويع في الأعداء. أول ما تعرف كيف تستخدم السيوف الطويلة والسيوف العادية, وتعرف متى تبدل, ومتى تسوي الضربة الخاصة, وكيف تسوي كومبوّات هوائية, راح تحس انك ساموراي فلة.
من النقاط الي احبطتني موسيقى اللعبة. كنت مأمل كثييير عليها. ويمكن هنا كان خطئي. صحيح فيه منطقة أو ثنتين كانت موسيقاتهم رهيبة ورايقة, لكن أغلب اللعبة ماشية على لحن ياباني جينيريك باستخدام الادوات الموسيقيى اليابانية الي تتوقع تسمعها في لعبة مثل هذي. بالنسبة للتمثيل الصوتي وتناسقها مع الترجمة, فما اقول الا لول. أوكي خلوني أوضح, التمثيل الصوتي في اللعبة بالياباني, والترجمة طبعاً بالانجليزي. الي صاير في اللعبة, هو ان لما يبدأ الواحد يتكلم, تلقاه ياخذ 30 ثانية, بينما انت بتطلع لك الترجمة وبتقراها كاملة في 5 ثواني :laugh:: . ممكن هذا مو عيب, لكن لو تلعب بنفسك راح تحس انه شي مُزعج.
أخيراً, اللعبة للأسف ماخذة نفسها بجدية زيادة عن اللزوم. يعني مسوين قصة سخيفة مليانة شخصيات واسماء الله يعلم ان ثلاثة ارباعها مال امه داعي ولا راح يفيدك, والربع الباقي مستحيل تحفظه. واسلوب الستوري تيللينج في اللعبة سيء. كل مرة تدخل باب زعيم, راح تقابل 4 أو 5 شخصيات واقفة قدامك ما تسوي شي. انت لازم تروح عند كل واحد فيهم وتكلمه وبيقعط يرطن عليك كلام فاضي. بعدين لما تكلم كل الشخصيات لازم تضغط a عشان تكمل اللعبة وتروح للزعيم. ممكن ما عرفت اشرحها مضبوط, لكن لو تلعبوها راح تشوفون انها غريبة واسلوب غير عملي ابداً. ومن الاشياء الي خلتني اقول ان اللعبة ماخذه نفسها بجدية زيادة عن اللزوم, هو ان فيها مليون حاجة تجمعها. فيه آيتمز, وفيه اشياء للطبخ, وفيه اشياء تقويك, وفيه اشياء تخليك تقوي سيوفك, وفيه اشياء تعطيك ليفيل اب وفيه اشياء ما ادري وش فايدتها. يعني شباب بالله اسمعوا, الحين مو أغلب الألعاب يكون فيها آيتم ولا اثنين, بل ممكن حتى ثلاثة يزودون طاقتك؟ يعني مثلاً واحد يزود شوي, والثاني وسط والثالث يعبيه. اللعبة هذي فيها أكثر من 6 أو 7 آيتمز هدفها انها تزود طاقتك بس :laugh:: . وكل واحد تقدر تشتري منه 9 (الحد الأعلى) وتستخدمه متى ما بغيت. لا, وفوق هذا تقدر انك تطبخ اكل يزود طاقتك, أو تروح لمطعم وتشتري اكل وتزود طاقتك. لهذي الدرجة نظام الـcollectables في اللعبة مُعقد ويقرفك. بس مرة أخرى, أنا واحد داخل على اللعبة كنت ابي تجربة اكشنية متنوعة خفيفة. لكن طلعت اللعبة مُعقدة جداً لدرجة ان كان لها تأثير عكسي بالنسبة لي.
امممم, في النهاية اقول اذا انت واحد تبي لعبة آكشن مظهرها حلو واسلوب قتالها ممتاز, ولا تخالف الجدية الي مالها لزمة, والتكرار في الأعداء. أكيد موروماسا لعبة مناسبة لك.
ترى أنا ما ابيها, الي يبي يشتريها مني يرسلي رسالة خاصة.
تعديل: للناس الي ما يبون يقرون, أنا ما خلصت اللعبة, لكن من تجربتي لها اتوقع مستواها في النهاية بالنسبة لي +C.
جحجاح لازم تكتب مراجعة عن اللعبة. بصراحة أوافقك على أغلب كلامك.
موكورو خلص اللعبة بـ9 ساعات اظن. أنا كملت 5 ساعات وحاس اني بوسط اللعبة.سؤال سريع .. إذا بخلص اللعبة بس وبشخصية وحدة تكون سهلة كم ساعة تحتاج تقريبا ؟
ما احب الباك تراكنج وقلة الاعداء لكن نشوف إذا قصيرة ليش لأ @_@
هذي هي ........... ما تتصور قد أيش كنت متأكد ان اللعبة حتطلع مملة عشان كده كنت متحفظ اني ما اشتريها عشان مظهرها فقط ...
انا ملاحظ ان اغلب العاب ال2D لما بيشتغلوا فيها بشكل مو طبيعي على الجانب الرسومي تطلع بالنهاية لعبة مجوفة كمحتوى
لول قريت كلامك جحجاح عالسريع واتفق معاك بقوة, انا لعبت ساعة وقفلت اللعبة وماشغلتها ثاني, حسيت بملل شديد وللقصة الغبية دور كبير بذا الشئ غير انه القتال ضغط ضغط ضغط وانتهى الموضوع..
اللعبة شكل فقط (مذهل) غير كذا ماعجبتني ابدا..
الباك تراكينج سيء لأي درجة ؟ بعدين الشخصيات ما يجروا بسرعة ؟ انتهينا لول.للأمانة لو تتعلم أكثر على القتال راح تقدره اكثر من كذا. هو مقارنة لألعاب الـ2D آكشن الي نشوفها اليومين, أعمق. لكن في النهاية هذا اقل مشاكل اللعبة.