تـضـارب الأراء حول أهمية اللغة العربية في الـبلايستيشن 3

nbnt قال:

في ارسال الرسائل والمتصفح ..



الامر مب بالسهوله هذي .. اللغه العربيه تُكتب من اليمين الى اليسار, أغلب لُغات العالم من اليسار الى اليمين ..

أنقر للتوسيع...

هذا الكلام حاطئ الحين جميع الاجهزة الاكترونية اللي في السوق معربة

التعريب سهل ومايباله سالفة مثل ماأنت فاهم

معظم اللغات متوافرة في البليستيشن ....

كلام nbnt عين الصواب لو جينا نتكلم عن تعريب كامل .. اتجاه اللغة العربية راح يخلي وضع اللغة العربية اصعب من غيرها ..

ناهيك عن عدد المستخدمين العرب للجهاز .

nbnt قال:

في ارسال الرسائل والمتصفح ..



الامر مب بالسهوله هذي .. اللغه العربيه تُكتب من اليمين الى اليسار, أغلب لُغات العالم من اليسار الى اليمين ..

أنقر للتوسيع...

يعني تتوقع ما فيه لغة عبرية باسرائيل والا هندية بالهند؟ لأن هذي اللغات تكتب مثل لغتنا من اليمين لليسار.
بعدين كاميراتهم وأجهزتهم كثير منها معرب. وش المشكلة لو عربوا جهاز يبيع أكثر منها على الأغلب؟ أنا أشوف أن عدم تعريب الأجهزة اللي تباع رسمياً هنا من سنوات شي سخيف.

بعدين كاميراتهم وأجهزتهم كثير منها معرب. وش المشكلة لو عربوا جهاز يبيع أكثر منها على الأغلب؟ أنا أشوف أن عدم تعريب الأجهزة اللي تباع رسمياً هنا من سنوات شي سخيف.

أنقر للتوسيع...

كنت جاي اقول هاذي النقطه .. كل منتجات سوني فيها تعريب ومع مبيعات البلايستيشن3 الجيده عندنا بالمنطقة اشوف انه تقصير من الشركة اننا مانشوف تعريب للجهاز الى الان ,..

احين تعريب كاميرا او تلفزيون بخيارات محدودة مثل تعريب منصة العاب ؟

انا مو جاي ادفاع عن سوني بس موضوع التعريب ماراح يكون بهالسهولة .

بعدين هل في لغة عبرية في الـ ps3 :what: .. لان ماعندي اي ادنى فكرة .

سوق الكاميرات و التلفزيونات يختلف عن سوق البلاي ستيشن .. لذا مو شرط تتعرب الكاميرات و التلفزيونات لازم تتعرب البلاي ستيشن. الكاميرا ممكن يشتريها شخص مايعرف للغة الانجليزية، فلما يكون في تعريب بس يستخدم القوائم العربية و يسجل افلامه .. اما البلاي ستيشن، حتى لو كان الجهاز عربي، بالنهاية انت راح تلعب العاب انجليزية.

انا ماعرف كثير في اللغات .. لكن مسالة اضافة لغات غير مهمة .. اعتقد لانها من نفس العائلة اللغوية للغة الانجليزية او الفرنسية مثلا .. فلما تنضاف العربية، راح تنضاف الفارسية لان اضافة الفارسية في ظل وجود العربية راح يكون سهل .. و هكذا.

احين تعريب كاميرا او تلفزيون بخيارات محدودة مثل تعريب منصة العاب ؟

أنقر للتوسيع...

اللي يعرب كاميرة وتلفزيون سهل جدا جدا يعرب منصة العاب .. ترى الشغله كلها كم خيار فقط ..

التعريب مسألة مو صعبة, والمفروض تصير من زمان.

عمر يعني برايك ان تعريب منصة العاب اسهل من تعريب كاميرا او تلفزيون .. ؟

لا تنسا ان التعريب راح يكون شامل للستور والاشياء الباقية .. يعني مو شغلة سوي وانسا .

محمد انا قاعد اقول اللي يعرب كاميرة راح تبيع كم حبه مقارنة بالبلايستيشن3 سهل جدا جدا جدا جدا عليه يعرب منصة العاب راح تبيع مئات الاف .. الستور يتحدث كم مره بالاسبوع ؟؟ يعني موظف واحد فقط يقدر يسوي الشغله وبدون تعب ..

الشغلة بالتدريج ما نقول كل شي بنفس اليوم يتعرب. الستور ممكن يصبر. يعني تعريب بلايستيشن أصعب من تعريب خدمات جوجل؟!

وبرضو الألعاب مادري ليش ماتتعرب (سبتايتل والقوائم) , مدام فيه شركات توزيع رسميه متعاقده مع شركات الألعاب , وللشرق الأوسط له خط إصدار معين فالشغله ما يبغالها إلا الترجمه , زي ما الألعاب الأوروبيه لها خيارات لغه كثيره ليش مايندرج من ظمنها اللغه العربيه؟ , ما أعتقد أرقام مبيعات الألعاب في إيطاليا تباعد أرقام منطقتنا إذا مو أقل .

الالعاب محمد هاذي مسؤلية الشركات الناشره وعندك شركات كثيره بعضها ماله اي تواجد بالسوق عندنا فصعب جدا انك تعرب العاب معينه فقط .. وايضا بوضع الشركات الحالي ماعتقد احد بيوظف موظفين جدد ويقعدوا يعربوا الالعاب عشان تبيع كم نسخه في ظل تسريح معظم الشركات للموظفين ..

حاليا الوضع مايشجع ..

محمد انا قاعد اقول اللي يعرب كاميرة راح تبيع كم حبه مقارنة بالبلايستيشن3 سهل جدا جدا جدا جدا عليه يعرب منصة العاب راح تبيع مئات الاف .. الستور يتحدث كم مره بالاسبوع ؟؟ يعني موظف واحد فقط يقدر يسوي الشغله وبدون تعب ..

أنقر للتوسيع...

كلامك عين الصواب يا نيتيندو ..
تعريب البلايستشن بالنسبة لسوني شي بسيط جداً .. بالنسبة لموظفينها .. !
انتوا تعتقدوا كم موظف في سوني .. أتوقع يوصلوا فوق الالف ببساطة !
والبلايستشن و ألعابه مبيعاته كثيرة جداً في الشرق الاوسط .. !
المفروض هذا الشي صار ! من زمان !
والمفروض سوني تتحرك لأن هذا الشي بيزيد من مبيعاتها ..
والاشرطة كلام ثاني ... الاشرطة على رأي الشركة ..
مع ان أتوقعها بسيطة .. كل نص بيصير في الشريط يدبلجوه .. بس أحس بتصير اللعبة مو حلوة بدون انجليزي .. لول

عمر, ما أعتقد إن الشركات تقوم بعمليات الترجمه بنفسها , بل عن طريق شركات الترجمه (واللي مليان منها في دبي) خصوصا إللي سبتايتل فقط , الفرق الوحيد إن الدول هذيك طالبت بخيار لغتها , بعكسنا .
ما أعتقد في أمل كبير , وخصوصا إن الطبقة إللي تشتري الأصلي في مجتمعنا (لسبب مادي أو لآخر) لغتها الإنجليزية غالبا ممتازه , هذا وفيه ناس تعتبر الألعاب طريقه لتحسين اللغه الإنجليزيه .
و عندك الأفلام تجينا بترجمه عربيه ... ما أعتقد مبيعات الأفلام الأصليه عندنا ممتازه ولا؟.
من واجب هالشركات إنها تقدم خيار اللغه للمنطقه اللي تشكل سوق لها , حتى لو ماكان بذاك الحجم.

بل عن طريق شركات الترجمه (واللي مليان منها في دبي) خصوصا إللي سبتايتل فقط

أنقر للتوسيع...

ومين اللي يدفع التكاليف محمد!! انا ماتكلم عن عدم قدرة الشركات على توفير ترجمة ولكن من منظور تجاري بحت (ليش) اترجم الالعاب للعربية واتكبد مصاريف زياده حاليا خصوصا في ظل عدم ظهور اصوات اعلامية تطالب بذا الشئ ..

الافلام غير الالعاب .. الافلام مافيها (خيارات) تتغير بوسط الفيلم, الافلام مش محتاجه (مبرمج) عشان يدخل اكواد اللغه العربية .. الافلام الشغله بسيطه جدا واعتقد السالفه كلها ملف نوت باد وانتهت المسألة ... اتفق معك انه فعلا من واجب هاذي الشركات انها تحاول بقدر الامكان توفير كل شئ ولكن من خلال تجربة سابقه مع العاب تم ترجمتها بشكل سئ جدا اعتقد اللغه الانجليزية خيار افضل حاليا والشركات معذوره حاليا ..

مدري بس أختلف معك بنقطة الصعوبة أو التكلفة , أعتقد إنها أبسط مما تتوقع ,وأرخص... هي المشكله ما فيه دافع لذي الشركات.

تعريب الجهاز نفسه ما يحتاج وقت و لا بيكلف كثير..

تعريب الألعاب من ناحية أخرى.. إلا إذا كانت اللعبة مطورة هنا في المنطقة أو من مطورين عرب أو إن مضمون تبيع نسخ كثيييير جداً في منطقتنا، فهو خيار سيء جداً

لأن بعكس ترجمة الأفلام اللي كلها ملف txt بعدين يتحول ببرنامج لصور bmp.. لما تضيف لغة للعبة فاحتمال كبير تضيف معاها كمية هائلة من الbugs، فالترجمة + الاختبارات و تعديل أكواد أبداً ما تسوى

خل يدعمون العربي في المتصفح على الاقل

xX Wolf Shooter Xx قال:

انا مع اللغة العربية
هي لغتي ولغة اهل الجنة
كفانا لغه انجليزيه بس طفرنا , في الكتب في المواقع في الالعاب في التلفزونات
انا مع التعريب لكن مب في الالعاب لانه اللالعاب من حضارات الغرب و من افكارهم فأفضل لما تكون بلغتهم

أنقر للتوسيع...

لوول
طيب يعربوا الألعاب اليابانية بما إنها من الشرق >.>

شباب احد جرب يغير اللغة في البي اس 3 ؟؟

انا اغير بين الانجليزي و الاسباني من وقت للثاني , مو فقط لغة الجهاز تتغير حتى الالعاب تتغير لغتها بشكل تلقائي كمان التروفيز

اعتقد عدم تعريب الجهاز يجي من النقطة هاذي, يعني لو عربو لازم بضمنوا ان المطورين تكون العابهم فيها لغة عربية

مع توجية هذه الكلام لكل الشركات.
من لا يرى ان السوق العربية سوق حقيقية، و تستحق كل الاهتمام، ولها الحق بالتعريب و بالاسعار المناسبة و احترام عادات و متطلابات اهلها... فهو لا يستحق ان يحترم. و عليه ان يتذكر ان المستهلك ليس بالغبي و يعرف كيف يرد بطريقته.

^

أتفق مع هذا الرجل ..

يعني ممكن التعريب الكلي يجي في وقت لاحق من التعريب الجزئي واللي يعتمد على قراءة اللغة العربية بشكل صحيح ..

أرجوا أن نجوف ردودكم هذي على موقع سوني

ومشكورين على التفاعل المنتاز في الموضوع

كل الردود تشير ألى خطئ سوني في عدم التعريب

النقاش مفتوح في موقع سوني لا تبخلوا عليهم بردودكم

تمت المشاركة بموقع سوني الرسمي بأسم H2_UAE

وبنتظار وجهاة نظركم في موقع سوني

شي مميز ان تضاف اللغة العربية الى اللغات الاخرى

اشوف اللغه العربيه في الجهاز ما لها لزمه , خليه انقلش علشان تتعلم لك شوية مفردات و تبدأ تتعود شوي على الانقلش

J O N A S قال:

اشوف اللغه العربيه في الجهاز ما لها لزمه , خليه انقلش علشان تتعلم لك شوية مفردات و تبدأ تتعود شوي على الانقلش

أنقر للتوسيع...

عمرة ماكان جهاز القيم جهاز التعليم بنسبة لي

جهاز تسلية 100%
بسكم تقليل من شأن لغتكم

كل الناس يلعبون ويتكلمون ويفضلون لغتهم
ألا نحن العرب

والله حرام
في بلدان وايد يتكلمون اللغة الانجليزية أكثر منا بس يفضلون لغتهم على كل شي حياتهم اليومية

PS قال:

عمرة ماكان جهاز القيم جهاز التعليم بنسبة لي

جهاز تسلية 100%
بسكم تقليل من شأن لغتكم

كل الناس يلعبون ويتكلمون ويفضلون لغتهم
ألا نحن العرب

والله حرام

أنقر للتوسيع...

..............