فيصل شرحك ممتاز وعجيب، يوم خلص الفلم نسيت إنه معاه ميكنج اوف وأشياء إضافية لذلك قعدت أطالعهم، مادري ما عندي شي اقوله -_- الفلم تم عمله بالكامل من دون أي تقنية على الإطلاق (كلها مهارات تصويرية من دون CG) وأحد الممثلين قال "ما كانت عندنا كمبيوترات اصلا حتى نسوي التأثيرات هذي!"، حتى عملية تركيب الفلم كانت يدوية ومو بإستخدام الكمبيوتر (اعتقد هذا كان شي لكل الأفلام القديمة.. ماقدر اتخيل). الشي المثير للإستعجاب إنه فلم من 68 يتفوق على كل الأفلام حتى هذي اللحظة visually، شي ما عمري فكرت فيه. يس طبيعي لو يكون فلم قديم أفضل من افلام جديدة من ناحية التمثيل او الإخراج او او او، لكن من الناحية البصرية؟ ومع تقنيات الأيام هذي؟ اقسم بالله جنون. فيصل تتذكر اللقطات اللي قريبة من النهاية؟. آي سالوت يو، كوبريك.لما تكون الشاشة سودا وتشوف "إنشطار" للون أحمر وينتشر على الشاشة شوي شوي، ولقطة أخرى تشوف شوشرة صفرا منثورة مع لون أزرق خفيف، وهذي اللقطات؟ بالفيديو يعرض طريقة تصميمها: كوبريك كان يقعد لساعات طويلة داخل مختبر ويمزج سوائل حتى قدر يوصل لهذا التأثير، كان يزيد ويخفف من التأثير لأحد المواد ويرجع يضيف مادة ويشيل مادة من التركيبة حتى وصل للي نشوفه. كان يمزجهم داخل إناء أسود مملوء بالماء لذلك اللي ينعكس على العدسة هو التأثيرات (الطبيعية!!) مع شاشة سودا
أحد لقطاتي المفضلة: أحد لقطات البداية لما النمر ينقض على القرد \ بثانية وحدة يصير flash forward مدته 4 ملايين سنة! \ لحظات الإنشطار اللي تكلمت عنها فوق (إبداع فني بالألوان! ) \ لما Dave يفك ذاكرة HAL \ لقطة النهاية. من دون مبالغة كل لقطة من الفلم تقدر تسوي لها capture وتتكلم عنها.
أقدر أستمر للأبد أتكلم عن الفلم... أسطورة أبدية. فلمي المفضل الحين، بعد 10 سنين، بعد 100 سنة.
الوصف في كلمة اسطوري مو في تمثيله .. بل في اداءه لشخصية الجوكر .. احسن من جاك نيكلسون !
أذكر مسئلة الألوان و خلطها شفتها على قناة العربية من فترة بس كانت بشكل مختصر ( الإضافات الي قلتها أفضّل الصمت و لا أعلق عليها ) , كان لها قسم خاص لحالها في برنامج كامل يتحدث عن صناعة السينما , يستحق.
, صراحة لو حذفت أي فكرة من النص بيصير سفيه و مجنون ( نظرية الشعرة بين العبقرية و الجنون مطبقة بحذافيرها ) .بالنسبة للمشاهد الي قلتها بضيف عليها مشهد إستخدام أول سلاح , الإعتداء كان لحظة تطور كبيرة جدا فالسيناريو , أيضا مشاهد المونليث عظيمة و خصوصا الموسيقى المصاحبة - مرعبة - , و فكرة شروق الشمس بظهور المونليث عبقرية بحيث إنها تدل على إنها المعرفة و العلم , شمس المعرفة تشرق كل ما شهد الإنسان هذا المونلث المجهول
كم هو مؤثر المشهد =) .و مشهد موت HAL كان مذهل , حتى كيوبريك إعتبره طفل و جعل عمره 9 سنوات علشان يتأثر المشاهد أكثر و خصوصا ..
Daisy, Daisy, give me your answer do. I'm half crazy
ياناس بالله اذا قررتوا انكم تمدحون شي لا تشطحووون كثييير !! كذا راح تجيبون العيد :w00t:
قاد فاذر انمسح في اسمه البلاااط .. وجاك نيكلسون صار يتقارن بـ "بزران" !!
انا ما شفت الفلم الى الان .. بس لاتنخلط الامور في بعض .. فلم باتمان فلم سوبر هيرو رهيب مره مره وانا متأكد من هالمعلومه من قبل ما اشوف الفلم .. واذا كان الجوكر مره رهيب لهالدرجة .. فـ "كاركتر" الجوكر دايما يسحر ويمتلك المشاهدين بغض النظر عن الممثل والمؤدي .. واذا جا ممثل كويس وتقمص الشخصية وساعده السيناريو راح يكون شخصية قويه .. بس مايحتاج نهين ممثلين ممثلين كباااار تاريخهم من تاريخ هوليود وافلام عظيمة تركت بصمة في التاريخ عشان هيث !
توي شفت الفلم للمرة الثانية لكن هالمرة مع الـcommentary المرفق (التعليق من الممثلين الرئيسيين \ Keir Dullea وGary Lockwood). هذا الفلم الوحيد اللي فكرت وبكل حماس اشوف الـcommentary ماله..اشياء كثيرة (خفيفة) عرفتها من خلال كلامهم، من مثل مقطع البداية بالكامل (اللي بأفريقيا)، المقطع بالكامل تصوّر من دون وجود كوبريك لأنه ما كان يركب طائرات، تخيل شلون صور المقاطع بالكامل: وهو على التلفون، يكون بيده ورقة (مثل ورقة دفتر المربعات) القسم الأعلى يكون مرقّم (1 \ 2 \ 3 .. الخ) بينما القسم الأيسر يحتوي على أحرف (A \ B \ C .. etc)، وكان يقول للمصور المسؤول "أبيك تخلي الجبل عند G7" على سبيل المثال. تخيل إنه صور المشهد بالكامل بهذا الشكل! وبتلاحظ بعض المشاهد مجرد صور ثابتة still images، هذي هي اللي تحكم فيها كوبريك عن طريق التلفون، بينما الباقي من خلال إرشاداته العامة. أيضا لقطة السلاح لما يطير بالهوا وفجأة نقفز 4 ملايين عام، Lockwood قال "اللي تشوفونه ماهو ستالايت بل هو سلاح نووي"، الـtransition الحين عجبني أكثر! ما فهمتها بهذي الطريقة ومن هذا المنظور طالعة وحشية بشكل لا يوصف! وفي لقطات عجيبة من مثل اللقطة اللي Keir يفجر نفسه داخل فتحة السفينة، المقطع هذا كان: Keir يطيح من فوق لتحت (بالضبط مثل ما نشوفها) لكن قبل لا يرتطم وجهه بالكاميرا يسحبه شخص (عن طريق حبل) ومهمة Keir إنه يتمسك بالحافة ويصك الباب بشكل عادي، ولأنه وجهه ظاهر بشكل طبيعي لنا ما كان بالإمكان يسويها أحد غيره. قال بنفسه "اللقطة صورناها مرة وحدة ومستحيل أسويها لشخص ثاني غير كوبريك". والله المقاطع كثيرة، كل شي تكلموا عنه، تكلموا كيف أول عرضين للفلم ما كانوا ناجحين بسبب إنه "the film was introduced to the wrong audience"، وأحد المجلات إنتقدت الفلم وبعد فترة بسيطة إعتذرت واعادت تقييم الفلم. "How often do you see that?". المشاهدة الثانية as good as المشاهدة الأولى وتعلمت منها وايد
The Butterfly Effect
:O
قاد فاذر انمسح في اسمه البلاااط
في ناس تعتبر TDK أفضل فلم بالتاريخ لذلك (لو راح نمشي على هالمنطق >_>) هو احسن من غاد فاذر عندهم.مافهمت؟
منو يقارن قودفاذر مع باتمان؟
على اي اساس؟..الفلمين مختلفين نهائيا
فعلا.John Williams composed the score for Schindler's List. The composer was amazed by the film, and felt it would be too challenging. He said to Spielberg, "You need a better composer than I am for this film." Spielberg replied, "I know. But they're all dead!"
الناس أذواق
الفلم على ما اذكره أنه مافيه ولا لقطه وحده مخله.شباب إلي شافو
شباب ناوي أشوفة أنا و الأهل بكرة إن شاء الله
بس شباب ياليت أي واحد شافة أتمنى أنه يقولي لو في اي لقطة مخلة للأدب حتى لو كانت اللقطة بسيطة جداً
ياليت تقولون لي شو اللقطات او كم لقطة أكون لكم شاكر علشان أخذة وأنا متطمن XD
شباب إلي شافو
شباب ناوي أشوفة أنا و الأهل بكرة إن شاء الله
بس شباب ياليت أي واحد شافة أتمنى أنه يقولي لو في اي لقطة مخلة للأدب حتى لو كانت اللقطة بسيطة جداً
ياليت تقولون لي شو اللقطات او كم لقطة أكون لكم شاكر علشان أخذة وأنا متطمن XD
على ما اذكرزوجة ويل سميث بالفيلم تظهر في لقطة حوارية جدية (خناقة) و هي لابسه ملابسها الداخلية فقط ...
4 من 10 وبكل جدارة :rockon: .. <<< وواجد عليه
انا اتكلم انه في شي اسمه مسلمات ! .. يعني كونه مايعجبني او يختلف مع ذوقي في اشياء ما اقدر اسبها او اتكلم فيها !! اشياء اكبر من اني أقدر أتكلم عليها !