Cinnamon
Blade of Miquella
Crash Bandicoot 4
من الألعاب اللي رجعت لها بعد فترة طويلة ، اللعبة جميلة جدًا مظهريًا ومن البداية تحسها أفضل جزء بالسلسلة ، مع تنويع بالمراحل والشخصيات (3 شخصيات لها مراحل خاصة) وبالإضافة للكاسيتات اللي تمثل تحدي جانبي ممتع
لكن ، العالم الأخير يترك طعم مرير جدًا وببالغ وأقول يخرب عليك التجربة كلها خصوصًا إذا كنت تلعب بمود Retro ... حرفيا أجبرني أغير لمود ال Modern ، وأنا ما أشوف نفسي من الناس اللي يستسلموا بسهولة & لكن العالم الأخير أزعجني
عدد الألعاب المنتهية : 4/26
بعد كراش أنهيت DKC Returns .. كنت ناوي اكتب لها رد هنا على السريع وحسيت أن الرد طال وقلبته موضوع ، تقرؤوه بالضغط هنا لو حبيتوا..
Uncharted 4 : A Thief's End
ماعندي تجارب سابقة لأنشارتد .. مجرد لعبت الرابع ووقفت برضو فترة 2019 ، ثم لعبت أنشارتد 3 وكنت على وشك إنهاؤه بس ما أنهيته
السنة هذي رجعت وقلت خليني أشوف نهاية اللص ، المشكلة لحد ماتوصل للنهاية تفقد إهتمامك باللص وكل شي يتعلق فيه ، هو وقصته الممطوطة ..
اللعبة ممتازة في اول نصف على فكرة .. تاخذك في كل مكان ، باناما وسكوتلندا وإيطاليا ومدغشقر .. تعرض عليك تنوع في البيئات واللعبة فعلاً مظهريا جذابة .. أكثر لحظة ماتنسى هي لما تدخل ليبرتاريا ، جزيرة القراصنة المفقودة
شيء فخم في التقديم ويخليك تقول بس ، وصلت القمة والآن بتنتهي اللعبة !
وتلقم بعدها تقريبا 7 أو 8 شباتر زيادة وأنت تدور فيها وفي جزيرة ثانية ، ليش ؟ ماعرفوا ينهوا اللعبة و مبدأ ال pacing أتوقع رموه في الزبالة و هم يسووا أنشارتد 4 .. وبرضو الألغاز لك عليهم ..
وايه فوقهم بتلقم إيبلوق ماتعرف وش يبي (&)
تجربة متوسطة بالمجمل..
عكس الرهيبة هذي :
Uncharted: The Lost Legacy
سوت كل شي صح ماقدرت 4 تسويه ، استكشاف أفضل ، ألغاز أفضل ، ما مطوها بشكل زايد ، pacing كويس ، و عرفوا متى ينهوا اللعبة مع أن ال endgame بتحسه طويل شوي .. وأهم شي الشابتر 4 ، اللي لعب اللعبة بيفهم كلامي
حرق طريقة الشابتر : شابتر 4 يرميك في منطقة مفتوحة شوي ومعاك خريطة ويقولك يالله استكشف ..وتلقى فيها مخيمات أعداء ، دناجن تحلها عشان تتقدم .. وكويست جانبي تجمع فيه 8 عملات كتحدي جانبي وهذا أكثر شيء مميز .. ال 8 هذول ألغازهم مختلفة ولازم تدور عنهم في المنطقة هذي حتى تلقى مكان يدلك على أماكنهم كلهم ، وهذي تعتبر مكافأة لاستكشافك ! أنت حللت كل مكان في الخريطة الكبيرة ؟ خذ تسهيل لك هذي أماكن العملات عشان تلقاهم وتخلص
الجائزة كانت نص ونص .. عبارة عن أسوارة تكشف لك إذا فيه كنز قريب منك ، لكن طريقة حصولك عليها هي الممتعة . وجمعت أغلب الكنوز في هذي اللعبة بمساعدتها
اللعبتين نفس المحرك فبتحس أنك تلعب نفس اللعبة لو جربت نهاية لص .. لكن لوست ليقاسي عندها فلسفة تصميم مختلفة تتبلور في الشابتر الرابع ، وصنعت من لوست ليقاسي تجربة مغامرة ممتازة وتستاهل وقتك
إذا بتلعب جزء جديد من انشارتد نط 4 والعب لوست ليقاسي.
عدد الألعاب المنتهية : 7/26